ئەڤرۆ نیوز:
ب ئەگەرێ پێكدادانێ دناڤبەرا خوەپیشاندەران و هێزێن ئەمنی 150 خوەپیشاندەر بریندار بوون.
ل ئێڤاریا ئەڤرۆ 18-1-2020، گرژی و ئالۆزی كەفتە دناڤبەرا خوەپیشاندەران و هێزێن ئەمنی، ئەڤە ژی ب ئەگەرێ هندێ کو خوەپیشاندەران دڤیا دەستبگرن ب سەر ئاڤاهیێ پەرلەمانێ لبنانێ، خاچا سۆر یا لبنانی ئاشكرا كریە، کو هەتا نوکە 150 خوەپیشاندەر بریندار بووینە.
میشێل عەون، سەرۆك کۆمارێ لبنانێ، د پەیامەكێدا داخواز ژ هێزێن ئەمنی دکەت، کو ئێمناهیێ ڤەگەرینن بۆ ناڤەراستا لبنانا پایتەخت.
ئەڤرۆ نیوز:
زانایێن زانگویا بیرگهام یانگی یا ئەمریکا دیار کریە، کو ڤەخوارنا شیرێ چێلا یێ کێم چەوری دەرکەفتنا نیشانێن پیریێ ب رەنگەکێ بایۆلۆجی د لەشی دا کێم دکەت.
وان زانایان ڤەکۆلینا خوە ل گۆڤارا Oxidative Medicine and Cellular Longevity بەلاڤکریە، لاری تاکیر، بەرپرسێ ڤەکۆلینێ ئاشکرا کریە، کو وانا داتایا پێنج هزار و ٨٣٤ کەسێن ئەمریکی وەرگرتیە و ڤەکۆلین ل سەر کریە، د ناڤا ئەوێن شیرێ کێم چەوری کو رێژا وێ ژ %١ دا ل گەل شیرێ چەوری کو رێژا وێ ژ %٢ بۆ ٣.٢٥ ڤەدخۆن، ئەڤە د دەمەکێ دایە، ژ %١٣ پشکداربوویێن ڤەکولینێ شیری ناڤەخۆن.
ڤەکۆلینێ پەیوەندیا دناڤبەرا درێژیا تیلۆمیترات داویا کرۆمۆسۆمانە، کو ئێکە ژ ئاماژێن هەرە سەرەکیێن تەمەنێ مرۆڤی، ل گەل ڕێژا چەوریا وی شیری کو ڤەدخۆن دەرخستیە.
د ئەنجامێ ڤەکۆلینێ دا ئاشکرا بوویە، ئەوێن شیرێ کێم چەوری ڤەدخۆن، دەرکەفتنا نیشانێن پیریێ ب رەنگەکێ بایۆلۆجی لەشی خاڤدکەت، واتە دێ گەنجتر ژ تەمەنێ خوە دەردکەڤن.
ئەڤرۆ نیوز:
هەموو خانم بزاڤێ دکەن کو پیستێ وان یێ جوان و رەونەقدار بیت، بەلێ هندەک جاران چەند نەریتێن خەلەت ئەنجام د دەن کو زیان بگەهیتە پیستێ وان و 10 سالان پیر دکەت، وەک:
. گەلەک ژ خانمان گرنگیێ ب شووشتنا رۆخسارێ خوە بەری خەوێ نادەن و ژێڤەکرنا میکیاژی پشتگوه دئێخن، چونکی پشتگوهخستنا ڤێ پێنگاڤێ زیانێ دگەهینیتە پیستی، لەوما رۆخسارێ خوە بشۆ و کرێمەکا شل و گونجای بکاربینە.
. بکارئینانا چەند بەرهەمێن خەلەت کو ل گەل جۆرێ پیستیدا ناگونجیت.
. بکارنەئینانا کریما دژی تاڤێ بۆ پاراستنا پیستی ژ قورمچینا ب لەز.
. ئەنجامنەدانا وەرزشی، پێدڤیە بزانین وەرزش زڤرینا خوینێ چالاک دکەت و پیستی جوان دکەت.
. ژێڤەکرنا پرکێن هشک، ئەڤە ژی دەمێ چاکبوونێ درێژتر دکەت و نیشانێن نەشرین ل سەر پیستی دهێلیت.
. نەنڤستن و خوارنا بلەز و پشتگوهخستنا کەسکاتی و فێقی و جەرەزاتان، زیانێ دگەهینیتە پیستی.
ئەڤرۆ نیوز:
جۆناسان راس هۆفمان، هاریکارێ وەزیرێ بەرگریا ئەمریکا بۆ رۆژنامەڤانان راگەهاند: یا روون و ئاسکرایه کو رێککەفتنا گشتی ل عیراقێ ئەوە، کو هێزێن ئەمریکا ب نیەتەکا باش ل عیراقێ نە.
هەروەسا گۆتیە، هەبوونا ئەمریکا ل عیراقێ، د قازانجا عێراقێ دایە و دی ئەمن و ئاسایشا زێدەتر بۆ گەلێ عێراقێ دەست بەرکەت.
پەرلەمانێ عێراقێ ب زۆرینا دەنگێن پەرلەمانتارێن شیعی، دەنگ ل سەر پرۆژە بریارەکیێ بۆ ڤەکێشانا هێزێن بیانی دایە.
ئه‌ڤرۆ نیوز:
ئه‌ڤرۆ ب سه‌رۆكایه‌تیا سه‌رۆك مه‌سعود بارزانى، ئه‌نجوومه‌نێ سه‌ركردایه‌تیا پارتى دیموكراتى كوردستان كۆم بوون و بڕیار دا ل سالا 2020 كۆنگره‌ى ئه‌نجام بده‌ن.
كومبوونا ئه‌ڤرۆ ب سه‌رپه‌رشتیا سه‌رۆك مه‌سعود بارزانى سه‌رۆكێ پارتى دیموكراتى كوردستان و ب به‌رهه‌ڤبوونا نێچیرڤان بارزانى جێگرێ سه‌رۆكێ پارتى و ئه‌ندامێن مه‌كته‌با سیاسى و جڤاتا سه‌ركردایه‌تى هاته ئه‌نجامدان و چه‌ندین بابه‌تێن سیاسى و رێكخستنا حزبى دانوستاندن ل سه‌ر هاتنه كرن.
جڤاتا سه‌ركردایه‌تیا پارتى سه‌باره‌ت گرێدانا كۆنگرێ بهێت یا حزبا خوه راگه‌هاند” ژبه‌ر پێدڤیبوون و خوه‌گونجاندنێ ل گه‌ل ره‌وشا نوكه یا كوردستانێ و عیراقێ و گوهۆرینێن زور و بله‌ز یێن ناڤخو و ده‌رڤه و زێده‌تر به‌خشینا هێزێ ب ئورگانان، هه‌روه‌سا ل گۆره‌ى په‌یره‌وێ ناڤخو، كومبوونا جڤاتا سه‌ركردایه‌تیا پارتى، بڕیاردا، ل سالا 2020 ێ كۆنگره‌ى ئه‌نجام بده‌ت و ده‌ستهه‌لاتێن تمام دانه مه‌كته‌با سیاسى كو پێنگاڤ و رێكارێن پێدڤى ده‌ستپێ بكه‌ت”.
كومبوونێ پشته‌ڤانیا خوه بۆ بزاڤێن حوكمه‌ت و سازیێن قانوونى ده‌ربرى، ل هه‌مبه‌ر چاكسازى و رێكخستنا كاروبار و خواستا وه‌لاتیێن كوردستانێ، هه‌روه‌كى د به‌رنامێ پارتى بۆ هه‌لبژارتنێن په‌رله‌مانێ كوردستانێ ئاماژه پێ هاتیه كرن.
ئەڤرۆ نیوز:
جەمال کۆچەر ئەندامێ پەرلەمانێ عیراقێ راگەهاند کو عادل عەبدولمەهدی دڤێت جارەکا دی خوە بۆ پۆستێ سەرۆک وەزیرێن عیراقێ کاندید بکەت و مەرەما سەرەکی یا وی ژ سەرەدانا بۆ هەرێما کوردستانێ ژی هەر بۆ هندێ بوویە، چونکو ئەو دزانیت پشتەڤانیا کوردان بۆ وی گرنگە.
ناڤهاتی راگەهاند کو ژ ئالیێ قانوونی ڤە چو ئاریشە بۆ هندێ نینن و ل چەندین وەلاتێن جیهانێ ژی نموونێن وەسا بەری نها روو داینە و عادل عەبدولمەهدی ژی دشێت جارەکا دی ببیتە سەرۆک وەزیرێن عیراقێ.
ئەڤرۆ نیوز:
رەجەب تەیب ئەردۆگانێ سەرۆک کۆمارێ تورکیا راگەهاند هەکە وەلاتێن ئورۆپا حوکمەتا فەیاز سیراج ل لیبیا ژناڤ ببەن وی دەمی دێ جارەکا دی داعش ل لیبیا و دەڤەرێن دی بهێز کەڤیت و دیار ژی کر هەکە وەلاتێن ئورۆپا پشتەڤانیێ ل پرۆژێ ئاشتیێ یێ تورکیا ل لیبیا نەکەن دێ ب ملیۆنان پەنابەر بەرێ خوە دەنە ئورۆپا.
ئەڤرۆ نیوز:
وەزیرێ بەرەڤانیێ یێ هۆلەندا راگەهاند کو حوکمەتا عیراقێ داخواز ژ وان نەکریە کو هێزێن خوە ژ عیراقێ ڤەکێشن و دیار کر هۆلەندا دڤێت جارەکا دی دەست ب راهێنانا هێزێن عیراقێ و پێشمەرگێ کوردستانێ کەتە ڤە.
ئانک بێیلێڤلد وەزیرێ بەرەڤانیێ یێ هۆلەندا ئەو یەک ژی دیار کریە کو هەتا نها ژی مەترسیا داعشێ ل عیراقێ یا هەی و ژ بەر هندێ هێزێن وان دێ بەردەوام راهێنانان ب هێزێن عیراقێ و پێشمەرگێ کوردستانێ کەن.
ئەڤرۆ نیوز:
دەزگەهێن راگەهاندنا تورکیا دیار دکەن کو ئێکەتیا ئورۆپا دڤێت هاریکاریێن خوە بۆ تورکیا ب رێژا ٧٥% کێم بکەت. بەرپرسێن ئێکەتیا ئورۆپا ل سەر وێ باوەریێ نە کو ئێدی تورکیا وەکو جاران نەمایە و خوە ژ ئورۆپا دوور کریە و سیاسەتا نها یا حوکمەتا ئاکپارتیێ ژی مەترسی بۆ بەرژەوەندیێن ئورۆپا دروست کرینە، ژ بەر هندێ ژی وەلاتێن ئێکەتیا ئورۆپا دخوازن هاریکاریێن خوە بۆ تورکیا ب رێژا ٧٥% کێم بکەن.
نيشاندان