ئەڤرۆ نیوز:
دەزگەهێن راگەهاندنا تورکیا دیار دکەن کو ئێکەتیا ئورۆپا دڤێت هاریکاریێن خوە بۆ تورکیا ب رێژا ٧٥% کێم بکەت. بەرپرسێن ئێکەتیا ئورۆپا ل سەر وێ باوەریێ نە کو ئێدی تورکیا وەکو جاران نەمایە و خوە ژ ئورۆپا دوور کریە و سیاسەتا نها یا حوکمەتا ئاکپارتیێ ژی مەترسی بۆ بەرژەوەندیێن ئورۆپا دروست کرینە، ژ بەر هندێ ژی وەلاتێن ئێکەتیا ئورۆپا دخوازن هاریکاریێن خوە بۆ تورکیا ب رێژا ٧٥% کێم بکەن.
ئەڤرۆ نیوز:
ژ بەر برێڤەنەچوونا کاروبارێن وان ژ ئالیێ سنورێ ئیرانێ ڤە ئەڤرۆکە هژمارەکا زێدە ژ شوفیرێن بارهەلگران ل دەرگەهێ سنوری یێ پەرویزخان رێیا سەرەکی یا دەرگەهی داخستن و کاروبارێن بازرگانی ژ بەر هندێ هاتنە راگرتن.
شوفیرێن بارهەلگران دیار دکەن کو ل ئالیێ ئیرانێ کارێن وان برێڤە ناچن و ئەو یەک ژی ئاریشان بۆ وان دروست دکەت، وەکو نەرازیبوون ژی مانگرتن راگەهاندینە و دەرگەهێ سەرەکی هاتیە داخستن.
ئەڤرۆ نیوز:
هژمارەک پارت و ئالیێن سیاسی ل باکورێ کوردستانێ کو وەکو ئالیێن سیاسی یێن نێزیکی پەکەکێ دهێنە نیاسین و هەدەپە سەرکێشیا وان دکەت ئەڤرۆ ل باژێرێ ئامەدێ کۆمبوون و داخوازا ئێکەتیا هەموو پارت و ئالیێن سیاسی یێن کوردستانی کرن.
د داخۆیانیا وان پارتان دا هاتیە دیار کرن کو رۆژهەلاتا ناڤین بەر ب گوهۆرینێن مەزن ڤە دچیت و پێدڤیە هەموو پارت و رێکخستنێن کوردی خوە بۆ هەر گوهۆرینەکێ بەرهەڤ بکەن و ژ بۆ هندێ ژی نها پتر ژ هەر دەمەکێ دڤێت پارتێن کوردستانێ پێکڤە کار بکەن و ئێکەتیا خوە دروست بکەن.
ئه‌ڤرۆ نیوز:
سه‌قا ناسیا هه‌رێمێ راگه‌هاند: باران بارین دێ به‌رده‌وام بیت ل ده‌ڤه‌رێن چیایی ژی ئه‌گه‌رێ به‌فر بارینێ ژی هه‌یه و زۆر ترین رێژا باران بارینێ ل ناحیا بجێل بوویه.
رێڤه‌به‌ریا گشتی یا سه‌قا ناسیێ و بیڤه‌له‌رزان ل هه‌رێما كوردستانێ پێشبینێن دو رۆژێن بهێت به‌لاڤكر، لگۆری پێشبینیان باران بارین دێ به‌رده‌وام بیت و ل ده‌ڤه‌رێن چیایی به‌فر باریت.
رێڤه‌به‌ریا گشتی یا سه‌قا ناسیێ دیاركر ژی ل ده‌مێ 24 ده‌مژمێرێن بوری ل دڤه‌رێن جودا جودایێن هه‌رێمێ باران باریه و زۆرترین رێژا باران بارینێ ل ناحیا بجێل باریه كۆ 11.3 ملیم بوویه.
ئەڤرۆ نیوز ، زنار تۆڤی:
د دەمێ 24 دەمژمێرێن بوری دا، پێلەکا دیتر یا بەفرێ پرانیا دەڤەرێن چیایی یێن سنۆرێ پارێزگەها دهۆکێ ڤەگرتینە و د ئەنجامدا رێژەکا باش یا بەفرێ ل ناحیا کانی ماسێ و دەروازێ نێڤدەولەتی یێ سەرزێری باریە، هەروەسا رێکێن هاتنووچوونێ ژی هاتینە ڤەکرن.
سەربەست سەبری ئاکرەیی رێڤەبەرێ ناحیا کانی ماسێ، تایبەت بۆ ئەڤرۆ نیوز دیار کر: ل شەڤا بوری رێژەکا باش یا بەفرێ ل سنورێ ناحیا کانی ماسێ باریە و د ئەنجامدا 30 سەنتیمێن بەفرێ ل کۆمەلگەها دەروازێ نێڤدەولەتی یێ سەرزێری بارینە و ل سەنتەرێ ناحیا کانی ماسێ ژی 10 سم بەفرێ بارینە.
ناڤهاتی گۆت ژی: ل سپێدەهیا ئەڤرۆ تیمێن رامالینا بەفرێ شیاینە رێیا سەرزێری ژ بەفرێ رابمالن و نوکە هاتنوچوونا رێڤنگان د ڤی دەرگەهی را یا ئاسایی یە، هەردەم تیمێن رامالینا بەفرێ د بەرهەڤن و ب زووترین دەم رێیا هاتنوچوونێ ژ بەفرێ پاقژ بکەن، هەروەسا هەتا نوکە ل سنۆرێ ناحیا کانی ماسێ 316 ملیمێن بارانێ ل گەل بەفرێ بارینە.
ئه‌ڤرۆ نیوز:
په‌رله‌مانتاره‌كێ كورد دیار دكه‌ت كو لایه‌نێن سیاسی ناگه‌هنه چ رێكه‌تنان و ره‌وشا عیراقێ چه‌ند ویڤه‌تره خراپ تر دبیت .
ته‌ها حه‌مه ئه‌مین ئه‌ندامێ جڤاتا نوونه‌رین عیراقێ راگه‌هاند: عیراق ریب ری ژ دیركه‌تنا ئیك بووینه ب ئه‌گه‌رێ پرسا پیك نه ئینانا حوكمه‌ته‌كا نوو، هه‌ڤ ده‌م پێشنیاره‌ك هه‌یه بۆ دوباره دانانا عادل عه‌بدل مه‌هدی ئه‌ڤ چه‌نده ژی ئالوزیێن نێڤ دوله‌تی و ناڤخویی دروست كه‌ت.
ته‌ها حه‌مه ئه‌و چه‌نده دیاركر و گۆت: عادل عبدل مه‌هدی د بزاڤا بجهكرنا ده‌رخستنا هیزێن بیانی یه و بجهكرنا رێكه‌تنا ئابووری یا ل گه‌ل وه‌لاتێ چینێ ئیمزاكری ل نێزیكترین ده‌م دا، ب ئه‌گه‌رێ جادیا عیراقی بوویه دو پشك هه‌تا نوكه ل سه‌ر چ كاندیدی بۆ سه‌رۆك وه‌زیرێ عیراقێ نه‌هاتیه ده‌ست نیشانكرن و فراكسیونێن عیراق ی ژی ل سه‌ر كاندیده‌كێ هه‌ڤبه‌ش نه رێكه‌تینه.
ئه‌ڤرۆ نیوز:
فرانس فیلیپ شامپانی وه‌زیرێ ده‌رڤه‌یێ كه‌نه‌دا ل گه‌ل محه‌مه جه‌واد زه‌ریف وه‌زیرێ درڤه‌یێ ئیرانێ ل عومانا پایته‌ختێ ئوردنێ كۆمبوون.
د وێ كۆمبوونا دناڤبه‌را وه‌زیرێ ده‌رڤه‌یێن هه‌ردو وه‌لاتان ل سه‌ر ئێخستنا باله‌فرا ئوكرانی ل تارانێ بوو كۆ ب بو ئه‌گه‌رێ كوشتنا 57 كه‌سێن كه‌نه‌دی.
وه‌زیرێ ده‌رڤه‌یێ كه‌نه‌دا ل گه‌ل وه‌زیرێن ده‌رڤه‌یێن پێنج وه‌لاتێن په‌یوه‌ندیدار ل ب ئێخستنا باله‌فرا ئوكرانی كۆمبوو و هه‌ر پێنج وه‌لات ئه‌و ژی كه‌نه‌دا و ئوكرانیا و سوێد و بریتانیا و ئه‌فغانستان و داخاز ژ ئیرانێ كر قه‌ره‌بوویا بنه‌مالێن قوربانیێن وێ كاره‌ساتێ بكه‌ن.
سه‌رۆك وه‌زیرێ كه‌نه‌دا دیار كربوو كو ئه‌و دێ هه‌ر بنه‌ماله‌كا قوربانیێن وێ كاره‌ساتێ 25 هه‌زار دۆلارێن كه‌نه‌دی ده‌ینێ.
ئه‌ڤرۆ نیوز:
چاڤه‌رێ دهێته‌كرن ئه‌ڤرۆ ل ده‌مژمێر 6:00 مه‌غرب یانا ریال مه‌درید ل یاریگه‌ها خوه مێڤانداریا یانا سیڤیلیا بكه‌ت ژ چارچوڤێ یاریێن گه‌را 20 ژ خۆلا لالیگا ئیسپانیا .
راهێنه‌رێ یانا ریال مه‌درید زێدان به‌رى ڤێ یاریێ دیاركربوو ئه‌و دێ یاریێ به‌رامبه‌ر ئێك ژ باشترین یانێن خولا ئیسپانیا كه‌ن و كرنا یاریێ به‌رامبه‌ر یانه‌كا وه‌كو سیڤیلیا یا ب سانه‌هى نینه هه‌ردیسان هه‌موو یاریزان بوو ڤێ یاریێ دێ د به‌رهه‌ڤبه‌ن .
سه‌باره‌ت راهێنه‌رێ یانا سیڤیلیا یێ نوكه لوپیتیگو كو به‌رى نوكه راهێنه‌رێ ریال مه‌درید بوو زێدان دیاركر لوپیتیگو راهێنه‌ره‌كێ باشه و خودان شیان و ئه‌وى تایبه‌تمه‌ندیا خوه هه‌یه و ئه‌و پێدڤى یه پێشوازیه‌كا باش ل ئه‌وى بكه‌ین.
ل دووماهیێ سه‌باره‌ت دورخستنا راهێنه‌رێ به‌رشه‌لۆنا ڤالڤێردى ناڤبرى دیاركر ئه‌و گه‌له‌ك یێ دلگرانه ب دورخستنا ئه‌وى ژبه‌ركو ئه‌و راهێنه‌ره‌كێ مه‌زن و خودان شیانه و ئه‌و ئاخفتنێ ل سه‌ر وێ بریارا یانێ ناكه‌ت ژبه‌ركو ئه‌و بریار یا تایبه‌ت ب كارگێریا وێ یانێ ڤه لێ كارێ راهێنه‌رى دبینت ئێك ژ كارێن هه‌ره ب زه‌حمه‌ت هه‌ر ده‌مێ ئه‌نجام لاواز بوون بتنێ راهێنه‌ر دبیته قوربان .
ئه‌ڤرۆ نیوز:
چاڤه‌رێ دهێته‌كرن ئه‌ڤرۆ ل ده‌مژمێر 6:00 مه‌غرب یانا سیڤیلیا بیته مێڤانا یانا ریال مه‌درید ل یاریگه‌ها سانتیاگو برنابیو ژ چارچوڤێ یاریێن گه‌را 20 ژ خۆلا لالیگا ئیسپانیا .
راهێنه‌رێ به‌رى نوكه یێ یانا ریال مه‌درید و نوكه یێ یانا سیڤیلیا لوپتیگو به‌رى ڤێ یاریێ دیاركر ئه‌و هزر ل وێ چه‌ندێ ناكه‌ت كو ل یاریگه‌ها برنابیو دێ پێشوازیا وى كه‌ن یان نه و هزر ل وێ چه‌ندێ ژى نه‌كریه كو ئه‌و دێ به‌ر ب یاریگه‌ها سانتیاگو برنابیو ڤه چیت و ئه‌و وێ یاریگه‌هێ وه‌كو هه‌ر یاریگه‌هه‌كا دى دبینت ژبه‌ركو ئه‌و د ناڤا یاریێن خولێ دا نه و ئه‌و به‌ر ب وێ یاریگه‌هێ ڤه چووینه بوو ده‌ستڤه ئینانا ئه‌نجامه‌كێ باش.
ناڤبرى ئاماژه ب وێ چه‌ندێ ژى كر ئه‌وى رێز گرتنه‌كا مه‌زن بوو یانا ریال مه‌درید هه‌یه لێ ئه‌و به‌ر ب مه‌درید ڤه چووینه بۆ ده‌ستڤه ئینانا ئه‌نجامه‌كێ باش.
ل دووماهیێ سه‌باره‌ت زێدان ناڤبرى دیاركر ئه‌و راهێنه‌ره‌كێ خودان شیانه و كاره‌كێ نمونه بوو یانا ریال مه‌درید كریه و تایبه‌ت ل ڤێ دووماهیێ ئاستێ وێ یانێ گه‌له‌ك به‌ر ب باشى ڤه چوویه.
نيشاندان