ئه‌ڤرۆ نيوز:
ل دووڤ راپۆرتا كه‌شناسيا هه‌رێما كوردستانێ، د 12 ده‌مژمێرێن بوورى دا، ل دهۆكێ نێزيكى 5 ملم بارانێ بارينه
نێزيكى 5 ملم بارانێ ل دهۆكێ بارينه
نووترين نووچه
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
- هیڤیدارم رۆژا لاڤە یا نیشتمانی پێكڤەژیانێ د ناڤبەرا پێكهاتەیێن كوردستانێدا ب هێزتر بكەت
- هیڤیدارین رۆژا لاڤە یا نیشتمانی ببیتە دەنگێ ئەوێن باوەری ب ئاشتیێ هەی
- مەسرور بارزانی: كوردستان ب درێژییا دیرۆكێ لاندكا پێكڤەژیانێ و فرەئایینیێ بوو
- میر حازم تەحسین بەگ: هەرێما كوردستانێ جهێ پێكڤەژیانێ و پەیڕەوكارێن هەموو ئایینانە
- ب پەیامەكێ ژ سەرۆك بارزانی، زانكۆیا ییل كۆنگرەیەك ل دۆر جینۆسایدا دژی كوردان سازكر
- مەسرور بارزانی و شاندەكێ ئەمریكی دوپاتی ل هنارتنا پەترۆلا هەرێما كوردستانێ كر
سه‌ره‌كى Facebook
ب وێنە ..حه‌فته‌مين پێشانگه‌ها دهۆك یا په‌رتوكێ هاته ڤه‌كرن
ئەڤرۆ نیوز، نەوزاد هلۆری:
ب مه‌ره‌ما زێده‌تر خزمه‌تكرنا خوانده‌ڤانان و ب پارێزگارێ دهۆك و ب به‌رهه‌ڤبوونا هژماره‌كا خوانده‌ڤان و قوتابیان، حه‌فته‌مين پێشانگه‌ها دهۆك یا په‌رتوكێ ل ناڤه‌ندا قوتابیان ل زانكۆیا دهۆكێ هاته ڤه‌كرن، رێڤه‌به‌رێ راگه‌هاندن و چاپ و به‌لاڤكرنێ ژى بۆ ئه‌ڤرۆ نیوز دیاركر، پێشانگەهـ دێ بۆ دەما شەش رۆژان یا بەردەوام بیت.
ئدریس غازى، رێڤه‌به‌رێ رێڤه‌به‌ریا چاپ و به‌لاڤكرنێ ل دهۆكێ بۆ ئه‌ڤرۆ نیوز گۆت: ( ب چاڤدێریا پارێزگارێ دهۆكێ و ب به‌رهه‌ڤبوونا هژماره‌كا زۆرا خوانده‌ڤان و قوتابیان، ئەڤرۆ گه‌را حه‌فت یا پێشانگه‌ها په‌رتوكێ ل دهۆكێ ل ناڤه‌ندا قوتابیان ل زانكۆیا دهۆكێ ده‌ست پێ كرد و دێ بۆ ده‌ما شه‌ش رۆژان یا به‌رده‌وام بیت).
زێده‌تر گۆت: (ئارمانج ژ ڤه‌كرنا پێشانگه‌هێ ئه‌وه كو خواندڤان و په‌رتوكێ زێده‌تر ل هه‌ڤدو نێزیك بكه‌ین و ره‌وشه‌نبیریه‌كا زێده‌تر په‌یدا بكه‌ین، 12 ده‌زگه‌ه پشكدارن و ئێك ژ وان ل هه‌ولێرێ یه، د پێشانگه‌هێ دا پترى شه‌ش هزار ناڤونیشانێن په‌رتوكان ب چه‌ند زمانان هاتنه نیشاندان).
دهێتە زانین پێشانگەهـ رۆژانە دێ ل دەمژمێر 9:00ێ سپێدێ هەتا 6:00 ئێڤاری یا ڤەکری بیت.
..
ژبه‌ر تێكچوونا ره‌وشا عیراقێ، ئه‌مریكا داخوازیه‌كێ ژ وه‌لاتیێن خوه دكه‌ت
بەرهەڤە ل گەل ئەمریکا دانوستاندنان بکەت
ئەڤرۆ نیوز:
سەرۆک کۆمارێ ئیرانێ حەسەن رۆحانی راگەهاند کو ئەو بەرهەڤن ل گەل ئەمریکا دەست ب دانوستاندنان بکەن و ئاریشێن هەی چارەسەر بکەن لێ دڤێت ئارمانجا ئەمریکا ژ دانوستاندنان یا زەلال بیت و ئەمریکا بۆ مەبەستا پیلانگێریان دانوستاندنان نەکەت.
ئەو یەک د دەمەکێ دایە کو بەری نها رێبەرێ ئیرانێ عەلی خامنەیی دیار کربوو چو بەرپرسێن ئیرانێ ئەو مافە نینە ل گەل ئەمریکا دانوستاندنان بکەت.
پەرلەمان دێ ل دۆر ئاریشا کارەبێ کۆم بیت
ئەڤرۆ نیوز:
عەلی حەمە سالح ئەندامێ پەرلەمانێ کوردستانێ راگەهاند کو ل سەر داخوازا پرانیا ئەندامێن پەرلەمانێ کوردستانی دێ سپێدێ پەرلەمان ل دۆر ئاریشا کارەبێ ل هەرێما کوردستانێ کۆم بیت.
ئەو یەک د دەمەکێ دایە کو نها ل هەرێما کوردستانێ ب تایبەتی ژی ل وەرزێ زڤستانێ بابەتێ کێمبوونا کارەبێ د رۆژەڤا وەلاتیێن هەرێما کوردستانێ دایە.
هێزێن روسیا چوونە رەققە
ئەڤرۆ نیوز:
بۆ جارا ئێکێ هێزێن سەربازی یێن روسیا چوونە پارێزگەها رەققە و ل چەند ناڤەندێن سەربازی یێن کو بەری نها هێزێن ئەمریکا لێ بوون، بجه بوون و فەرماندارەکێ هەسەدێ ژی دیار دکەت کو هاتنا هێزێن روسیا بۆ ئارامیا رەققە گرنگە و ئەو یەک د چارچۆڤێ رێککەفتنەکێ دا بوویە.
رەققە سالا ٢٠١٣ ژ ئالیێ داعشێ ڤە هاتە داگیرکرن و وەکو پایتەختێ داعشێ دهاتە نیاسین و سالا ٢٠١٧ ب هاریکاریا ئەمریکا و هێزێن هەڤپەیمانان ژ ئالیێ هێزێن سووریا دیموکرات ڤە ژ دەستێ داعشێ هاتە دەرخستن.
سوبه‌هى ل عيراقێ بهێنڤه‌دانه
ئه‌ڤرۆ نيوز، نيوار محه‌مه‌د سه‌ليم:
سه‌رۆك وه‌زيرێن كاربرێكه‌رێ عيراقێ، عادل عه‌بدولمه‌هدى راگه‌هاند كو ب هه‌لكه‌فتا بۆرينا دو سالان ل سه‌ر تێكشكاندنا داعش و كونترۆلكرنا باژێرێ مووسل ناڤه‌ندا پارێزگه‌ها نه‌ينه‌وا سوبه‌هى رۆژا سێشه‌مبى رێكه‌فتى 10ى كانوونا ئێكێ بهێنڤه‌دانا فه‌رمى يه ل سه‌رانسه‌رى عيراقێ.
ئه‌ڤه د ده‌مه‌كى دايه كو حوكمه‌تا هه‌رێما كوردستانێ راگه‌هانديه سوبه‌هى رۆژا سێشه‌مبى 10ى كانوونا ئێكێ 2019 ل هه‌رێما كوردستانێ ده‌واما فه‌رمى يه.
بۆ سه‌رۆك وه‌زير
ئه‌ڤرۆ نيوز، نيوار محه‌مه‌د سه‌ليم:
سانا مارينى، وه‌زيرا ڤه‌گوهاستنێ وه‌كو گه‌نجترين سه‌رۆك وه‌زيران ل فنله‌ندا ژ لايێ پارتيا ده‌سته‌لاتدار كو رابه‌راتيا حوكمه‌ته‌كا هه‌ڤپشك دكه‌ت هاته هه‌لبژارتن.
حه‌فتيا بۆرى ئانتى رينى، ده‌ست ژ پۆستێ سه‌رۆك وه‌زيريێ ل وى وه‌لاتى كێشا، پارتيا فه‌رمانره‌وا يا وى وه‌لاتى ژى سانا مارينى يا 34 سالى كو پێشتر وه‌زيرا ڤه‌گوهاستنێ بوو وه‌كو گه‌نجترين سه‌رۆك وه‌زير ل جهێ ئانتى رينى هه‌لبژارت.
ئه‌ڤه د ده‌مه‌كى دايه كو پارتيا ناڤه‌ند كو ئێكه ژ پارتيێن ناڤ حوكمه‌تێ راگه‌هاندنبوو كو باوه‌رى ب رێڤه‌به‌راتيا وێ نه‌مايه پشتى كو كارمه‌ندێن پۆست و گه‌هاندنێ نه‌رازيبوون ده‌ربڕى.
سانا مارينى وه‌كو سه‌رۆك وه‌زيرا نوو يا فنله‌ندا هاته هه‌لبژارتن ب جوداهيه‌كا كێم و بۆ رۆژنامه‌ڤانان راگه‌هاند كو وێ به‌رنامه‌كێ هه‌ڤپشك هه‌يه دا كو هه‌موو پارتيێن وه‌لاتى ئێك بگرن.
نێچيرڤان بارزانى په‌يامه‌ك به‌لاڤكر
ئه‌ڤرۆ نيوز، نيوار محه‌مه‌د سه‌ليم:
نێچيرڤان بارزانى، سه‌رۆكێ هه‌رێما كوردستانێ، په‌يامه‌ك د رۆژا جيهانى يا بيره‌وه‌رى و رێزگرتن ل قوربانيێن جينوسايدێ به‌لاڤكر.
د په‌ياما خوه دا، نێچيرڤان بارزانى دبێژيت: “ب رێز ڤه بيره‌وه‌ريا قوربانيێن جينوسايدێ ل كوردستانێ و جيهانێ دكه‌ين، سلاڤ بۆ گيانێ پاقژێ وان دهنێرين”.
سه‌رۆكێ هه‌رێما كوردستانێ د ڤێ رۆژێ دا، داخوازێ ژ كۆمه‌لگه‌ها نێڤده‌وله‌تى دكه‌ت كار بۆ دووباره‌نه‌بوونا جينوسايدان بكه‌ت و ئه‌نجامده‌ران ژى ئه‌نجامده‌ر ژى بگه‌هنه سزايێ خوه.
ل سالا 2015ێ نه‌ته‌وێن ئێكگرتى رۆژا 9ى كانوونا ئێكێ يا هه‌موو سالان وه‌كو بيره‌وه‌رى و رێزگرتن ل قوربانيێن جينوسايدێ و رێگريكرن ل وێ تاوانێ دانا، ئه‌ڤ رۆژه‌ژى يا هه‌ڤده‌مه ل گه‌ل قانوونا رێگريكرن و سزادانا ئه‌نجامده‌رێن جينوسايدێ ل سالا 1948ێ.
سوبه‌هى ئه‌ڤ وه‌زاره‌ته دێ مووچه‌ى وه‌رگريت
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشته‌كێ نوو يێ مووچه‌يى به‌لاڤكر.
ب گۆره‌يى خشته‌يێ وه‌زاره‌تا دارايى و ئابوورى يا حوكمه‌تا هه‌رێما كوردستانێ كو چه‌نده‌كێ به‌رى نها ژ لايێ ديواتا وه‌زاره‌تێ ڤه هاته به‌لاڤكرن، سوبه‌هى رۆژا سێشه‌مبى 10 كانوونا ئێكێ 2019، دێ مووچێ كارمه‌ند و مامۆستايێن وه‌زاره‌تا په‌روه‌ردێ ل حوكمه‌تا هه‌رێما كوردستانێ هێته به‌لاڤكرن.
نيشاندان
WP Facebook Auto Publish Powered By : XYZScripts.com