ئه‌ڤرۆ نيوز:
په‌رله‌مانێ كوردستانێ راگه‌هاند، ژبه‌ر گرنگيا پرۆژێ قانوونا چاكسازيێ و بۆ ئاگاهداربوون ژ ناڤه‌رۆكا وى پرۆژه‌ى، ده‌قێ ره‌شنڤيسێ پرۆژێ قانوونا چاكسازيێ د خانه‌نشينيێ و مووچه و ده‌رماله و به‌خشين و ئيمتيازاتێن دى ل هه‌رێما كوردستانێ كو ژ لايێ جڤاتا وه‌زيرێن هه‌رێمێ هاتيه په‌سه‌ندكرن و ئه‌ڤرۆ پێنجشه‌مبى ب مه‌ره‌ما گفتوگۆ و په‌سه‌ندكرنێ هاتيه هنارتن بۆ په‌رله‌مانێ كوردستانێ، به‌لاڤ دكه‌ين.
برياره رۆژا دوشه‌مبيا داهاتى 16/12/2019 په‌رله‌مانێ كوردستانێ خواندنا ئێكێ بۆ پرۆژێ قانوونا چاكسازيێ بكه‌ت.
بۆ ديتنا ده‌قێ ره‌شنڤيسێ قانوونا چاكسازيێ ڤى لينكى كليك بكه:
https://www.parliament.krd/media/4738/%D8%AC%D8%A7%D9%83%D8%B3%D8%A7%D8%B2%D9%8A.pdf
ئه‌ڤرۆ نيوز:
سامر غه‌زبان، وه‌زيرێ په‌ترۆلا عيراقێ د داخۆيانيه‌كا رۆژنامه‌ڤانى بۆ رۆژناما (الصباح) يا عيراقى ئاشكراكر كو حوكمه‌تا ناڤه‌ندى هيچ گۆمانه‌ك ل سه‌ر هژمار و داتايێن په‌ترۆلا هه‌رێما كوردستانێ نينه و ئاماژه دكه‌ت كو رێككه‌فتنا به‌غدا و هه‌ولێرێ ل ده‌ستپێٍكا سالا داهاتى (2020) دێ چيته د وارێ بجهئينانێ دا.
وه‌زيرێ په‌ترۆلا عيراقى راگه‌هاند ژى” ل دووماهى سه‌ره‌دانا شاندێ هه‌رێما كوردستانێ بۆ به‌غدا دانوستاندن ل سه‌ر پرۆژێ بودجا گشتى يا عيراقێ بۆ سالا 2020 بوو و هه‌روه‌سا چاوانيا دابينكرنا پشكا هه‌رێما كوردستانێ د بودجێ دا”.
خوياكر ژى كو به‌غدا و هه‌ولێر د رژدن ل سه‌ر بجهئينانا رێككه‌فتنا د ناڤبه‌را وان دا و چاره‌سه‌ركرنا كێشێن گرێداى ب په‌ترۆلێ ڤه.
هه‌روه‌سا گۆت” ل شوونا وى بودجێ بۆ هه‌رێما كوردستانێ هاتيه دياركرن، 250 به‌رميلێن په‌ترۆلا هه‌رێمێ ب رێيا به‌غدا دێ هێته فرۆتن و ئه‌ڤ رێككه‌فتنه ل ده‌ستپێكا سالا داهاتى هێته بجهئينان.
ئەڤر نیوز، زنار تۆڤی:
دەمێ زەلام حەز ژنەکێ دکەن، پەیڤ و ده‌ربرینێن جۆدا بۆ هه‌ستێن وان ب كار دئینن، به‌لێ هەڤشێوێ خانمان زەلام ژی حەز دكهن ئه‌ڤان ده‌ربرینان ژ خانمان ب بهیزن. .
تۆ كه‌سەکێ ب هێزی و ئەز دشێم پشتا خوە ب تە گرێ بدەم: هەموو زەلام حەز دكهن و بۆ وان خۆشه ره‌گه‌زێ به‌رامبه‌ر وه‌سفا وان بكەت، ب‌تایبه‌ت هەکە خۆشتڤیا وی یان هەڤژینا وی بیت و ب ڤێ ده‌ربرینێ دێ هه‌ست ب زەلامینیا خوە کەت. .
تۆ گەلەکێ بەرێزی: ره‌نگه ل دەف ژنان وەسا بیت، کو ڤێ پەیڤێ چ گرنگیا خوە ل دەف زەلامان نینە، بەلێ د راستیدا ئه‌ڤه ئێكه ژ وان ده‌ربربنێن كو زەلام حەز ژێ دكهن، کو هەڤژینا وی بێژیتێ و ئەڤە بهایەکێ د دەتە زەلامی و بۆ وی گەلەک یا گرنگه. .
ئەز عاشقێ تەمە: هەکە تە بڤێت هەردەم حەز ژ تە بکەت به‌رده‌وام حەز ژێکرنا خوە بۆ وی دوپات بكه و بێژێ ئەز عاشقێ تەمە. .
نامێن پری هه‌ست و سۆز بۆ بهنێره: خانم ب هندێ دلخۆش دبن، دەمێ هەڤژینێ وێ نامه‌کا پری ئەڤینی بگەهیتنیە دەستێ وێ، تۆ ژی یا دلنیابه ئه‌و ژی ب هه‌مان شێوه حەز دکەت نامە و پەیڤێن پری ئەڤینی بۆ وی ڤرێکەی. .
ئه‌ڤه گەلەک یا تایبه‌ت بوو، سوپاسیا تە د‌كه‌م: دەمێ دیاریه‌كێ د دەتە تە یان كارەکێ بۆ تە دکەت، سوپاسیا خوە بۆ وی ده‌رببره، ئه‌ڤه دێ نرخ و بهایێ تە زێدە کەت و دێ حەز ژێکرنا تە د دلێ وی دا ب هێزتر لێ کەت.
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ پێنجشه‌مبى 12/12/2019 پێشوازى ل عومه‌ر ئه‌لكه‌نده‌رى كونسۆلێ گشتيێ كوێتێ ل هه‌ولێرێ كر.
د ديداره‌كێ دا كونسۆلێ كوێتێ ل هه‌ولێرێ سلاڤێن شێخ سه‌باح ئه‌حمه‌د ئه‌لسه‌باح ئه‌ميرێ ده‌وله‌تا كوێتێ گه‌هاندنه سه‌رۆك بارزانى و دووپاتى ل پێشڤه‌برنا په‌يوه‌نديێن دۆستانه د ناڤبه‌را هه‌رێما كوردستانێ و كوێتێ هاته كرن.
ئه‌ڤرۆ نيوز:
زانا مه‌لا خالد، ئه‌ندامێ په‌رله‌مانێ كوردستانێ ژ فراكسيۆنا پارتى ديموكراتى كوردستان راگه‌هاند، ئه‌وا د ناڤ پرۆژێ چاكسازيێ دا هاتى ب هيچ شێوه‌كى برينا ده‌رمالێن فه‌رمانبه‌رێن حوكمه‌تا هه‌رێما كوردستانێ نينه، به‌لكو رێكخستنا ده‌رمالايه و برينا وان ده‌رمالا يێن ب نه‌حه‌قى دهێنه وه‌رگرتن، له‌وما بلا فه‌رمانبه‌ر د پشت راست بن كو ده‌ستكارى د وان ده‌رمالان دا ناهێته كرن يێن ب قانوونێ هاتينه رێكخستن.
زانا مه‌لا خالد زێده‌تر گۆت” د هنده‌ك كه‌رتان دا ده‌رمالێن مه‌ترسيێ يێن هه‌ين، بۆ نموونه ل كه‌رتێ كاره‌بێ و ساخله‌ميێ، مخابن پشكه‌ك ژ فه‌رمانبه‌رێن هه‌ردو كه‌رتان ده‌رمالێن مه‌ترسيێ بۆ دهێنه مه‌زاختن و هيچ كاره‌كێ مه‌ترسيدار ژى ناكه‌ن”.
ناڤبرى زێده‌تر بۆ مالپه‌رێ فه‌رمى يێ پارتى ديموكراتى كوردستان گۆت” مه‌ره‌م ژ پرۆژێ قانوونا چاكسازيێ په‌يداكرنا يه‌كسانيێ و چه‌سپاندنا دادپه‌روه‌ريێ يه د ناڤ حوكمه‌تێ دا، ل به‌ر وێ چه‌ندێ ژى هه‌ر مووچه و ده‌رماله‌كێ قانوونى هه‌بيت، به‌لێ ده‌مێ گاڤ بۆ يه‌كسانيێ دهێته هاڤێتن، بێگومان هنده‌ك كه‌س دێ گازندێ كه‌ن”.
ئه‌ڤرۆ نیوز:
یانا ریال مه‌درید یا به‌رده‌وامه ل سه‌ر بزاڤێن ده‌ستڤه ئینانا ستێرا فره‌نسى و یانا مانچێسته‌ر یونایتد پول پوگباى كو نوكه ئه‌و یاریزان ئێك ژ ئارمانجێن سه‌ره‌كى یێن راهێنه‌رێ یانا ریال مه‌درید زێدانى نه .
رۆژناما دیلى میل یا برێتانى دیاركریه به‌رپرسێن یانا ریال مه‌درید به‌رهه‌ڤیا خوه دیاركریه دو ستێرێن خوه پێشكێشى یانا مانچێسته‌ر یونایتد بكه‌ت ل گه‌ل كوژمه‌كێ كێم یێ پاره‌ى به‌رامبه‌ر ده‌ستڤه ئینانا پوگپاى ل ڤه‌گوهاستنێن زڤستانا بهێت.
هه‌ردیسان وێ رۆژنامێ ئاشكراكریه ژێ چاڤه‌رێ دهێته‌كرن ل چه‌ند رۆژێن بهێت به‌رپرسێن یانا ریال مه‌درید وێ پێشبینیێ پێشكێشى یانا مان یونایتد بكه‌ن .
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو دێ پێله‌كا دى يا به‌فر و بارانێ هه‌رێما كوردستانێ ڤه‌گريت.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو پێشبينى دهێته كرن ئه‌ڤ شه‌ڤه پێله‌كا دى يا به‌فر و بارانێ كارتێكرنێ بكه‌ته سه‌ر ده‌ڤه‌رێ.
ئاشكه‌را ژى كر كو ئه‌ڤ پێله دێ زێده‌تر كارتێكرنێ ل ده‌ڤه‌رێن چيايى يێن پارێزگه‌ها هه‌ولێر و دهۆكێ كه‌ت و ئاستێ به‌فر و بارانێ ل وێرێ زێده‌تر بيت.
پشكا پێشبينيان ئاماژێ ب وێ چه‌ندێ ژى دكه‌ت كو ئه‌ڤ پێله دێ زێده‌تر كارتێكرنێ ل ده‌ڤه‌رێن حاجى ئومه‌ران و چۆمان و سيده‌كان و مێرگه‌سۆرو ده‌ڤه‌رێن چيايى يێن ده‌وروبه‌رى سوران و كانى ماسێ و ديسا هنده‌ك ژ ده‌ڤه‌رێن چيايى يێن پارێزگه‌ها سلێمانيێ ژى.
هه‌رديسا رێڤه‌به‌ريا كه‌شناسێ د نڤيسارا خوه دا ئاماژه ب وێ چه‌ندێ ژى كريه كو كارتێكرنا ڤێ پێلێ دێ ل سپێده‌هيا رۆژا شه‌مبى ل سه‌ر هه‌رێما كوردستانێ ب دووماهى هێت.
ئەڤرۆ نیوز:
ئه‌ڤرۆ رۆژا پێشنجبه‌مى 12ى كانوونا ئێكێ 2019 پرۆژێ قانوونا چاكسازيێ كو دوهى د كۆمبوونا جڤاتا وه‌زيرێن هه‌رێما كوردستانێ دا هاته په‌سه‌ندكرن، ئه‌ڤرۆ ئاراسته‌ى په‌رله‌مانێ كوردستانێ هاته كرن و ژ لايێ وه‌زيرێ هه‌رێمێ بۆ كاروبارێن په‌رله‌مانى گه‌هشته ده‌سته‌يا سه‌رۆكاتيا په‌رله‌مانێ كوردستانێ و بڕياره سه‌رۆكاتيا په‌رله‌مانێ ئه‌ندامان گازى بكه‌ت بۆ روونشتنا په‌رله‌مانى ب مه‌ره‌ما خواندنا ئێكێ.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ ئه‌ڤ ساله دا هه‌تا نها 137.2ملم بارانێ ل پارێزگه‌ها دهۆكێ بارينه و ل پارێزگه‌ها هه‌ولێر ژى 56ملم و سلێمانيێ كو پترترين رێژه‌يه 191.1ملم و ل هه‌له‌بچه ژى 134.4 و ل كه‌ركووك ژى 103.1ملمێن بارانێ بارينه.
نيشاندان