ئەڤرۆ نیوز:
ئەڤرۆ نێچیرڤان بارزانی سەرۆکێ هەرێما کوردستانێ د چارچۆڤێ کۆمبوونا گرۆپێ سەرەکی یێ ئاسایشا میونخ ل وەلاتێ قەتەر ل گەل عەبدوللا بن ناسر خەلیفە ئال سانی سەرۆک وەزیرێن قەتەر کۆمبوو و د کۆمبوونێ دا بەحسێ رەوشا دەڤەرێ و گوهۆرینێن سیاسی هاتنە کرن.
ل گۆر راگەهاندنەکا سەرۆکاتیا هەرێما کوردستانێ د کۆمبوونێ دا بەحسێ پەیوەندیێن هەولێرێ و بەغدایێ و هەروەسا پەیوەندیێن قەتەر ل گەل عیراقێ و هەرێما کوردستانێ و دەلیڤا وەربەرهێنانێ ژ ئالیێ قەتەر ل هەرێما کوردستانێ هاتە کرن.
ئەڤرۆ نیوز:
هێزێن تورکیا ب تۆپان هێرشی سەربازێن روسیا ل دربێسیێ ل نێزیکی قامشلۆ کرن کو د ئەنجام دا شەش وەلاتیێن سڤیل و سەربازەکێ روسیا بریندار بووینە.
ل گۆر زانیاریێن دەزگەهێن راگەهاندنێ ئەڤرۆ پشتی نیڤرۆیێ هێزێن تورکیا ب تۆپان هێرشی سەربازێن روسیا کرینە کو ل سەر سنورێ تورکیا و رۆژئاڤایێ کوردستانێ بجه بووینە و د ئەنجام دا سەربازەکێ روسیا ل گەل شەش کەسێن سڤیل بریندار بووینە.
هێرشا تورکیا د دەمەکێ دایە کو بریارە دەمژمێر شەشێ ئێڤارێ ئاگربەستا تورکیا و روسیا کو دەمێ وێ ١٥٠ دەمژمێر بوون ب دووماهی بهێت.
ئه‌ڤرۆ نيوز:
ده‌سته‌يا ده‌ستپاكيێ ل هه‌رێما كوردستانێ راگه‌هاند كو 10 وه‌زيرێن حوكمه‌تا هه‌رێما كوردستانێ فورما ئاشكه‌راكرنا سه‌روسامانێ خوه بۆ ئه‌وان ڤه‌گه‌رانديه.
د راگه‌هاندنه‌كێ ده‌سته‌يا ده‌ستپاكيێ ل هه‌رێما كوردستانێ راگه‌هاند: “پشتى هنارتنا فۆرما ئاشكه‌راكرنا سه‌روسامانى بۆ به‌رپرسێن كابينا نوو يا حوكمه‌تا هه‌رێما كوردستانێ ب مه‌ره‌ما پڕكرن و ئاشكه‌راكرنا سه‌روسامان و هنارتنا فۆرمێ بۆ ده‌سته‌يێ، هه‌تا نها ئه‌ڤان 10 وه‌زيران فۆرمه ڤه‌گه‌رانديه:
ئه‌ڤرۆ نيوز:
سەعد حەدیسی، ئاخفتنكه‌رێ ب ناڤێ حوكمه‌تا عيراقێ راگه‌هاند كو په‌رله‌مان يێ هه‌يى و ب گۆره‌ى دستوورى نابيت هه‌لبژارتنێن پێشوه‌خت بهێنه ئه‌نجام دان، هه‌لبژارتنێن پێشوه‌خت د ده‌مه‌كى دا دهێنه كرن كو په‌رله‌مان خوه ب هه‌لوه‌شينيت، “ئه‌ڤه ژى ده‌سته‌لاتا په‌رله‌مانى يه نه‌كو سه‌رۆك وه‌زيران”.
حه‌ديسى گۆتژى: “ده‌رباره‌ى راستڤه‌كرنا قانوونا هه‌لبژارتنان و پێكئينانا كۆمسيۆنه‌كا نوو يا هه‌لبژارتنان، حوكمه‌تێ پێشتر بڕيار ل سه‌ر دايه”.
ئه‌ڤ داخۆيانيا ئاخفتنكه‌رێ ب ناڤێ حوكمه‌تێ پشتى وێ چه‌ندێ دهێت كو دوهى 28ى چريا ئێكێ 2019 موقته‌دا سه‌در سه‌ركردێ ته‌ڤگه‌را سه‌در، داخواز ژ سه‌رۆك وه‌زيران، عادل عه‌بدولمه‌هدى كر كو بچيته به‌ر سينگێ په‌رله‌مانى و داخوازا ئه‌نجامدانا هه‌لبژارتنێن پێشوه‌خت ل بن چاڤدێريا نه‌ته‌وێن ئێكگرتى و بێ پشكداريا لايه‌نێن سياسى يێن نها د ده‌سته‌لاتێ دا بكه‌ت.
ئه‌ڤرۆ نيوز:
حوكمه‌تا توركيا قه‌يوم بۆ باژێرڤانيا جزيرێ ل باكوورێ كوردستانێ ده‌ست نيشانكر كو پێشتر سه‌رۆكێ وێ باژێرڤانيێ ژ كارێ وى دوور خستبوو.
ب گۆره‌ى پێزانينان سپێده‌هيا ئه‌ڤرۆ پۆليسێن توركيا محه‌مه‌د زه‌رغ سه‌رۆكێ باژێرڤانيا جزيرێ ئاگه‌هدار كر و ل جهێ وى قه‌يومه‌ك دانا.
هه‌ر ب گۆره‌ى ئه‌و پێزانينێن ميديا توركى به‌لاڤ كرين، ل جهێ محه‌مه‌د زه‌رغ سه‌رۆكێ باژێرڤانيا جزيرێ داود سينگۆل وه‌كو قه‌يووم بۆ سه‌رۆكێ وێ باژێرڤانيێ ل باكوورێ كوردستانێ هاته دياركرن.
ئاماژه ب وێ چه‌ندێ ژى كر كو ئه‌ڤرۆ هێزێن پۆليسێن توركيا ل سه‌ر رێيا باژێرڤانيا جزيرێ هاتينه به‌لاڤكرن.
ئه‌ڤرۆ نيوز:
ئه‌ڤ شه‌ڤه ب رێيا سێ مووشه‌كان هێرش ل سه‌ر هێزه‌كا له‌شكرێ ئه‌مريكى ل سه‌ربازگه‌ها تاجى ل باكوورێ به‌غدا هاته كرن.
ده‌زگه‌هێن راگه‌هاندنێ يێن عيراقى به‌لاڤكر كو سێ مووشه‌كێن هاونان ئاراسته‌ى بنگه‌هێ له‌شكرى يێ ئه‌مريكى ل سه‌ربازگه‌ها تاجى هاتنه كرن.
هه‌تا نوكه ئه‌مريكا چو رۆهنكرن ل دۆر وێ هێرشێ نه‌داينه، هه‌رچه‌نده كه‌نالێ (سومه‌ريه نيوز) به‌لاڤكر كو چو زيانێن گيانى ژ ئه‌نجامێ وێ هێرشێ نه‌بوون.
ل دووڤ پێزانينێن كه‌نالێن عيراقى، دو مووشه‌ك كه‌فتينه دناڤ بنگه‌هێ له‌شكرى يێ ئه‌مريكى دا و موشه‌كه‌ك كه‌فتيه ده‌رڤه‌ى بنگه‌هى.
ئه‌ڤرۆ نيوز:
فه‌رماندێ ئۆپه‌راسيۆنێن به‌غدا ئه‌ڤرۆ دوشه‌مبى 28/10/2019 قه‌ده‌غه‌كرنا هه‌موو جۆرێن هاتنوچوونێ ژ ده‌م هژمێر 12 ئه‌ڤ شه‌ڤه هه‌تا ده‌م هژمێر شه‌شێ سوباهى سێشه‌مبى راگه‌هاند، ئه‌ڤه ژى د ده‌مه‌كى دايه كو ئه‌ڤرۆ پێنج خوه‌نيشانده‌ر ل به‌غدا ژ لايێ هێزێن ئه‌منى ڤه هاتنه كوشتن.
قه‌يس محه‌مه‌داوى، فه‌رماندێ ئۆپه‌راسيۆنێن به‌غدا راگه‌هاند، ژ ده‌م هژمێر 12 ئه‌ڤ شه‌ڤه هه‌تا ده‌م هژمێر 6 سپێده‌يا سێشه‌مبى هه‌موو جۆرێن هاتنوچوونێ ل به‌غدا قه‌ده‌غه‌نه، ئه‌ڤه ژى بۆ وێ چه‌ندێ ڤه‌گه‌راند كو گيانێ وه‌لاتيێن بپارێزن و رێگريێ ل تێكه‌لبوونا كه‌سێن خرابكار ل گه‌ل
ئه‌ڤرۆ نیوز:
ئه‌ندامه‌كێ جڤاتا پارێزگه‌ها سلێمانیێ راگه‌هاند، ژ سه‌رجه‌مێ 7 پرۆژان كو سه‌رۆكێ حوكمه‌تا هه‌رێما كوردستانێ مه‌سرور بارزانى بریارا مه‌زاختنا پارێ وان ده‌ركریه، چار پرۆژه دكه‌ڤنه سنورێ پارێزگه‌ها سلێمانیێ.
زیاد كاكه رزا، سه‌رۆكێ فراكسیۆنا پارتى دیموكراتى كوردستان ل جڤاتا پارێزگه‌ها سلێمانیێ د داخۆیانیه‌كا رۆژنامه‌ڤانى دا گۆت” جڤاتا وه‌زیرێن هه‌رێما كوردستانێ بریارا بجهئینانا 7 پرۆژێن ستراتیژى یێن رێك و پران دایه”.
ل رۆژا 17/10/2019 مه‌سرور بارزانى، سه‌رۆكێ حوكمه‌تا هه‌رێما كوردستانێ، راگه‌هاند، دێ بریارا مه‌زاختنا 500 ملیار دیناران (420 ملیۆن دۆلار) بۆ چه‌ندین پرۆژێن گرنك وه‌كو رێك و پر، سایلۆ، هێلێن كاره‌بێ و تۆرێن به‌لاڤكرنا ئاڤێ هێته دان.
گۆت ژى” خه‌لكى ئومێد یا ب وان پرۆژان هه‌ى كو هه‌موو د به‌رژه‌وه‌ندیا وه‌لاتیان دانه”.
ئه‌ڤرۆ نیوز:
ئه‌ڤرۆ دوشه‌مبی 28/10/2019 په‌رله‌مانێ عیراقێ ده‌رماله و ئیمتیازاتێن هه‌رسێ سه‌رۆكایه‌تیێن عیراقێ و هه‌موو به‌رپرسێن حكومى یێن بلند هه‌لوه‌شاندن.
ل دووڤ وێ بریارا په‌رله‌مانێ عیراقێ، هه‌موو ئیمتیازات و ده‌رمالێن سێ سه‌رۆكایه‌تیان ( سه‌رۆكاتیا كۆمارێ، سه‌رۆكاتیا جڤاتا وه‌زیران، سه‌رۆكاتیا په‌رله‌مانى) و هه‌موو ئیمتیازات و ده‌رمالێن ئه‌ندامێن په‌رله‌مانى، به‌رپرسێن مه‌زن، راوێژكاران، بریكارێن وه‌زاره‌تان، رێڤه‌به‌رێن گشتى، ده‌سته‌یێن سه‌ربخوه، ده‌ستهه‌لاتا دادوه‌رى، پارێزگاران، هه‌لوه‌شاندن.
هه‌روه‌سا په‌رله‌مانێ عیراقێ ئه‌ڤرۆ بریارا هه‌لوه‌شاندنا جڤاتێن پارێزگه‌هێن عیراقێ ده‌ركر كو پارێزگه‌رێن پارێزگه‌هێن عیراقێ راسپاردن بۆ ب رێڤه‌برنا كاروبارێن دارایى و كارگێرى هه‌تا جڤاتێن نوو یێن پارێزگه‌هێن دهێنه هه‌لبژارتن.
په‌رله‌مانێ عیراقێ د راسپارده‌كێ دا داخوازا پێكئینانا لژنه‌كێ بۆ راستڤه‌كرنا دستوورێ عیراقێ د ده‌مێ چار هه‌یڤان دا به‌رچاڤكر.
نيشاندان