ئه‌ڤرۆ نیوز:
ستێرا هێلا هێرشبه‌ریا یانا به‌رشه‌لۆنا لویس سوارێز شیا ده‌ستكه‌فتیه‌كا نوو ل گه‌ل یانا به‌رشه‌لۆنا توماربكه‌ت ده‌مێ شیاى گولا پێنچێ بوو یانا خوه‌ ل یاریا شه‌ڤا بورى به‌رامبه‌ر یانا ڤاله‌دل وه‌لید توماربكه‌ت دوێ یاریێ دا ئه‌وا به‌رشه‌لۆنا شیاى سه‌ركه‌فتنێ توماربكه‌ت ب ئه‌نجامێ (5-1) ژ چارچوڤێ یاریێن گه‌را 11 ژ خولێ.
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ دیاركر لویس سوارێز ب گولا خوه‌ یا شه‌ڤا بورى ل سه‌ر ڤاله‌دل وه‌لید شیا هژمارا گولێن خوه‌ ب گه‌هینته‌ 137 گولان دخۆلا لالیگا ئیسپانیا دا و هه‌ردیسان گول سه‌ر ئه‌وان هه‌موو یانان توماركریه‌ ئه‌وێن یارى به‌رامبه‌ر كرى ب درێسێ یانا به‌رشه‌لۆنا .
هه‌ژى گوتنێ یه‌ سوارێز هه‌ر ژ سالا 2014 وه‌ره‌ یارى ل یانا به‌رشه‌لۆنا دكه‌ت ل گه‌ل ڤێ یانێ شیایه‌ چه‌ندین ده‌ستكه‌فتیان ب ده‌ستخوڤه‌ بینت و د وى ماوى دا 258 یارى ل گه‌ل وێ یانێ ئه‌نجامداینه‌ و شیایه‌ 185 گولان توماربكه‌ت و ل گه‌ل 97 ئه‌سیست

ئه‌ڤرۆ نیوز:
ستێرا شیلى و یاریزانێ یانا به‌رشه‌لۆنا ئه‌رتورو ڤیدال د داخویانیه‌كێ دا دیاركر ئه‌و نه‌ یێ كه‌یفخوشحاله‌ ل یانا به‌رشه‌لۆنا.
زێده‌تر ڤیدال د دیداره‌كێ دا بوو رۆژناما میركوریو دیاركریه‌ ئه‌و نه‌ یێ كه‌یفخوشحاله‌ نوكه‌ ل گه‌ل یانا به‌رشه‌لۆنا ژبه‌ركو ئه‌و وه‌كو یاریزانه‌كێ سه‌ره‌كى یارى ناكه‌ت لێ ئه‌و دێ بزاڤێ كه‌ت  ب ئاستێ خوه‌ یێ باش خوه‌ بكه‌ته‌ یاریزانه‌كێ سه‌ره‌كى و راهێنه‌رێ یانێ پشت به‌ستنێ ل سه‌ر ئه‌وى بكه‌ت وه‌كو یاریزانه‌كێ سه‌ره‌كى .
ناڤبرى ئاماژه‌ ب وێ چه‌ندێ ژى كر ل هه‌ر یانه‌كا ئه‌وى به‌رى نوكه‌ یارى لێ كرى ئه‌و شیایه‌ وه‌كو یاریزانه‌كێ سه‌ره‌كى بكه‌ت راسته‌ نوكه‌ ئه‌و نه‌ یێ كه‌یفخوشحاله‌ ل گه‌ل به‌رشه‌لۆنا لێ ئه‌ڤه‌ وێ چه‌ندێ ناگه‌هینت ئه‌و دێ پێكهاتیێ وێ یانێ ب جه هێلت به‌روڤاژى ئه‌و دێ بزاڤێ كه‌ت بشێـت جهێ خوه‌ وه‌كو یاریزانه‌كێ سه‌ره‌كى بكه‌ت ل ناڤا پێكهاتیێ وێ یانێ.
ڤیدال ئه‌وێ ل شه‌ڤا بورى شیاى گوله‌كێ بوو یانا خوه‌ ل یاریا به‌رامبه‌ر ڤه‌لدل وه‌لید توماربكه‌ت ژ چارچوڤێ یاریێن گه‌را 11 دوێ یاریێ ئه‌وا یانا ئه‌وى شیاى ب سه‌ركه‌فیت ب پێنچ گولان به‌رامبه‌ر گوله‌كێ سه‌باره‌ت ئه‌وان ده‌نگوباسێن هاتینه‌ به‌لاڤه‌كرن كو دێ په‌یوه‌ندى ب یانا ئه‌نتر میلان كه‌ت ناڤبرى دیاركر جهێ دلخوشحالیا وى یه‌ ئه‌و یارى ل بن سه‌رپه‌رشتیا راهێنه‌رێ خوه‌ یێ به‌رى نوكه‌ كونتى بكه‌ت ل هه‌ر یانه‌كا ئه‌و راهێنه‌رێ وێ یانێ بیت ژبه‌ركو ئه‌وى بیرهاتنێن خوش ل گه‌ل وى راهێنه‌رى هه‌نه‌ ل ده‌مێ یوڤانتوس و ئه‌و راهێنه‌ر ببو ئه‌گه‌رێ پشكه‌فتنه‌كا مه‌زن بوو ئه‌وى لێ نوكه‌ ئه‌و یاریزانێ یانا به‌رشه‌لۆنا یه‌ و گرێداى هه‌ڤبه‌ستا خوه‌ یه‌ ل گه‌ل ڤێ یانێ .

ئه‌ڤرۆ نیوز:
پشتى یانا به‌رشه‌لۆنا شیاى ل شه‌ڤا بورى سه‌ركه‌فتنه‌كا مه‌زن ل سه‌ر یانا ڤه‌له‌دل وه‌لید توماربكه‌ت ب ئه‌نجامێ پێنچ گولان به‌رامبه‌ر گوله‌كێ ژ چارچوڤێ یاریێن گه‌را 11 ژ خولا لالیگا و ستێرا وێ لیونێل میسى گولا سێ ب لێدانا ئێكسه‌ر توماركر كو ب وێ گولێ شیا ژماره‌كا باش د مێژویا خوه‌ دا وه‌كو یاریزان توماربكه‌ت.
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ به‌لاڤه‌كریه‌ پشتى میسى شیاى گولا سێ بوو یانا به‌رشه‌لۆنا ب لێدانه‌كا ئێكسه‌ر ل سه‌ر یانا ڤه‌له‌دل وه‌لید توماربكه‌ت ب وێ گولێ ئه‌و ستێرا ئه‌رژه‌نتینى شیا هژمارا گولێن خوه‌ ب لێدانێن ئێكسه‌ر د ژیانا خوه‌ دا ب گه‌هینته‌ 50 گولان كو 44 ژ ئه‌وان ل گه‌ل یانا به‌رشه‌لۆنا بوون و شه‌ش ل گه‌ل هه‌لبژارتیێ ئه‌رژه‌نتین.

ئه‌ڤرۆ نیوز:
چاڤه‌رێ دهێته‌كرن شه‌ڤه‌كا دى یانا ریال مه‌درید یاریا خوه‌ یا گه‌را 11 ژ خۆلا لالیگا ئیسپانیا به‌رامبه‌ر یانا لیگانێس بكه‌ت ل ناڤ ئه‌رد و جه‌ماوه‌رێ خوه‌ دا.
بوو ڤێ یاریێ راهێنه‌رێ یانا ریال مه‌درید د كونگرێ رۆژنامه‌ڤانى یێ به‌رى ڤێ یاریێ بوو ده‌زگه‌هێن راگه‌هاندنێ دیاركر ئه‌و د ئاماده‌نه‌ بوو كرنا یاریێ و ئه‌وان گه‌له‌ك پێدڤى ب سێ خالێن ڤێ یاریێ هه‌یه‌ و ده‌ستڤه‌ ئینانا سێ خالان دڤێ یاریێ دا دێ بیته‌ پالده‌ره‌كێ گرنگ بوو ئه‌وان ل یاریێن بهێت ژى.
زێدان ئه‌و چه‌نده‌ ژى دیاركر ئه‌و باش زانیت ئه‌و نوكه‌ ل كیڤه‌ یه‌ و هه‌ر راهێنه‌ره‌كێ پوستێ ڤێ یانێ وه‌ربگریت ل سه‌ر وى پێدڤى یه‌ ناڤێ ڤێ یانێ بلند رابگریت له‌ورا یا گرنگ ئه‌وه‌ نوكه‌ هه‌موو بزاڤا بكه‌ین بوو ده‌ستڤه‌ ئینانا ئه‌نجامێن باشتر ژ یێن یاریێن بورى.
زێده‌تر سه‌باره‌ت په‌یوه‌ندیێن وى ل گه‌ل ستێرا وێلزى گارس بێل ناڤبرى دیاركر په‌یوه‌ندیێن وى ل گه‌ل بێل د باشن و ئه‌وى چ ئاریشه‌ ل گه‌ل ئه‌وى نینه‌ و ئه‌و بوو ڤێ یاریێ ئاماده‌نابیت ژبه‌ر كاره‌كێ وى یێ تایبه‌ت مه‌درید ب جهێلایه‌ و ل سه‌ر رازه‌مه‌ندیا كارگێریا یانێ ئه‌وى ده‌ستیرى وه‌رگرتى یه‌ ، ئه‌وى به‌رى نوكه‌ ژى به‌حس ل چوونا ئه‌وى نه‌كریه‌ و ئه‌وى یاریزانى ژى به‌حس ل سه‌ر چوونا خوه‌ نه‌كریه‌ و هه‌ر ده‌مێ ئه‌و رازیبوو یانێ ب حه بهێلت ئه‌و دێ بریارا وى بیت لێ مانا وى د به‌رژوه‌ندیا ئه‌وان دایه‌ ژبه‌ركو ئه‌و یاریزانه‌كێ گرنگه‌ بوو پێكهاتیێ یانێ.
ناڤبرى ل دووماهیێ سه‌باره‌ت ره‌ئول گونزالیس بوو وه‌رگرتنا پوستێ راهێنه‌ریا تیما ئێكێ ل ریال مه‌درید دیاركر ته‌كید ئه‌و راهێنه‌ره‌كێ خودان شیانه‌ و ل ده‌مێ ئه‌وان یارى پێكه‌ڤه‌ كرى ئه‌وى گه‌له‌ك كارێن سه‌ركه‌فتى ل ده‌ڤ وى یاریزانى دیتن و دبینت دێ راهێنه‌ره‌كێ سه‌ركه‌فتى بیت و شیانێن وى دا هه‌یه‌ رۆژه‌كێ ژ رۆژا پوستێ راهێنه‌ریا یانا ریال مه‌درید وه‌ربگریت و بشێت ئه‌نجامێن باش بوو ڤێ یانێ توماربكه‌ت .