ئه‌ڤرۆ نیوز:

یانا ئه‌رسینال دخوازیت هێلا به‌ره‌ڤانیا خوه‌ ب هێزتر لێ بكه‌ت و ئێك ژ به‌رنیاسترین یاریزانێن هێلا ناڤین یێن خۆلا ئه‌لمانیا كریه‌ ئارمانجا خوه‌ .
رۆژناما زه‌سه‌ن یا برێتانى دیاركریه‌ یانا ئه‌رسینال كه‌ڤتى یه‌ د هه‌ڤركیا یانا میلان یا ئیتالى دا بوو ده‌ستڤه‌ ئینانا به‌ره‌فانێ فره‌نسى و یانا لایبزێگ یا ئه‌لمانى دایوت ئوبامیكانو .
هه‌ردیسان وێ رۆژنامێ دیاركریه‌ ژى یانا ئه‌رسینال یا به‌رهه‌ڤه‌ كوژمێ 50 ملیون یورۆیا بوو وى یاریزانێ 20 سالى یێ فره‌نسى پێشكێش بكه‌ت بوو ده‌ستڤه‌ ئینانا شیانێن ئه‌وى هه‌ر چه‌نده‌ هژماره‌كا یانێن دى ژى هه‌نه‌ هه‌ڤركیێ ل سه‌ر ده‌ستڤه‌ ئینانا ئه‌وى یاریزانى دكه‌ن لێ هه‌ردو یانێن ئه‌رسینال و میلان هه‌تا نوكه‌ ب فه‌رمى ده‌ست ب دانوستاندنان كرینه‌.
وێ رۆژنامێ ئاماژه‌ ب وێ چه‌ندێ ژى كریه‌ ئه‌و كوژمێ ئه‌رسینال ته‌رخانكرى بوو ده‌ستڤه‌ ئینانا وى یاریزانێ ناڤبرى د شیانێن یانا میلان دا نینه‌ پێشكێشى ئه‌وى یاریزانى بكه‌ت و رێژه‌یا هه‌ره‌ مه‌زن دبیت ل دووماهیا ڤى وه‌رزىئ ئه‌و یاریزان په‌یوه‌ندى ب یانا ئه‌رسینال بكه‌ت.

ئه‌ڤرۆ نیوز:
چاڤه‌رێ دهێته‌كرن سوباهى ل ده‌مژمێر 10:00 ب شه‌ڤ یانا ریال مه‌درید بیته‌ مێڤاندارا یانا ریال مایوركا ژ چارچوڤێ یاریێن گه‌را نه‌هێ ژ خۆلا لالیگا ئیسپانیا .
راهێنه‌رێ یانا ریال مه‌درید زێدان د گونگرێ رۆژنامه‌ڤانى یێ به‌رى ڤێ یاریێ دیاركر ده‌ستپێكێ به‌حس ل یاریا كلاسیكو كر دیاركر ئه‌و بوو یاریێ هه‌ر ده‌مه‌كێ هه‌بیت ئاماده‌نه‌ و هه‌كه‌ یارى ب فه‌رمى هاته‌ پاشێخستن ئه‌وان ژى ئاخفتنا خوه‌ هه‌یه‌ بوو گوهورینا ده‌مى ژبه‌ركو ئه‌وان ژى یاریێن گرنگ د رێیا ئه‌وان دانه‌ و ئه‌و دێ ل به‌رژوه‌ندیا یانێ گه‌رن.
سه‌باره‌ت یاریا به‌رامبه‌ر مایوركا ناڤبرى دیاركر بوو ڤێ یاریێ هژماره‌كا یاریزانان پشكدارى ل گه‌ل ئه‌وان ناكه‌ن ژبه‌ر هنگافتنێ لێ ئه‌وى باوه‌رى ب شیانێن هه‌موو یاریزانێن خوه‌ هه‌یه‌ و پێدڤى یه‌ پشت به‌ستنێ ل سه‌ر هه‌موو یاریزانێن خوه‌ بكه‌ین ژبه‌ركو خول یا درێژه‌ ئه‌و یاریزانێ درێسێ ڤێ یانێ ل به‌ر خوه‌ بكه‌ت چ جیاوازى دناڤبه‌را یه‌ده‌گ و یاریزانێ سه‌ره‌كى نینه‌.
ناڤبرى ئاماژه‌ ب وێ چه‌ندێ ژى كر بوو ڤێ یاریێ هه‌ر ئێك ژ مودرێچ و بێل ڤاسكێز و كروس پشكدارى ل گه‌ل ئه‌وان ناكه‌ن ژبه‌ر هنگافتنێ و ئه‌وى باوه‌ریه‌كا مه‌زن ب شیانێن یاریزانێن ل جهێ ئه‌وان دكه‌ن هه‌یه‌ .
سه‌باره‌ت ڤه‌گوهاستنێن زڤستانێ ناڤبرى دیاركر ئه‌وان ئاماده‌كارى بوو ڤه‌گوهاستنێن زڤستانێ ژى كریه‌ لێ یا گرنگ ئه‌وه‌ ئه‌و هزر ل یاریا سوباهى بكه‌ن و بۆ ده‌مێ ڤه‌گوهاستنا هێشتا مایه‌ .

ئه‌ڤرۆ نیوز:
یانا لیڤه‌رپول ب فه‌رمى راگه‌هاند ئه‌وان هه‌ڤبه‌ستا ستێرا خوه‌ یا هێلا به‌ره‌ڤانیێ یێ كامیرونى جویل ماتیب بوو ده‌مه‌كێ درێژ نوو كر.
ماتیب نوكه‌ دهێته‌ هژمارتن ئێك ژ یاریزانێن سه‌ره‌كى ل پێكهاتیێ وێ یانێ كو یورگن كلوپ پشت به‌ستنه‌كا مه‌زن ل سه‌ر شیانێن ئه‌وى و ڤان دایك ل هێلا به‌ره‌ڤانیا وێ یانێ دكه‌ت.
پشتى یانا لیڤه‌رپول گه‌هشتى یه‌ رێككه‌فتنێ ل گه‌ل وى یاریزانێ ناڤبرى د داخویانیه‌كێ دا بۆ مالپه‌رێ فه‌رمى یێ وێ یانێ ماتیب دیاركر ئه‌و شانازى ب خوه‌ دكه‌ت ئه‌و پشكه‌كه‌ ژ ڤێ یانێ و كرنا یاریێ ل یانه‌كا وه‌كو لیڤه‌رپول خه‌ونا هه‌ر یاریزانه‌كى یه‌ .
هه‌ردیسان ناڤبرى دیاركر ئه‌و گه‌له‌ك یێ كه‌یفخوشه‌ ئه‌وى هه‌ڤبه‌ستا خوه‌ ل گه‌ل ڤێ یانێ بوو ده‌مه‌كێ درێژ نووكر .
ماتیب یێ كامیرونى ل سالا 2016 ب هه‌ڤبه‌سته‌كا سه‌ربه‌ست هاتبوو دناڤ رێزێن یانا لیڤه‌رپول هه‌تا نوكه‌ ئه‌وى یاریزانێ ناڤبرى 107 یارى ل گه‌ل لیڤه‌رپول كرینه‌ و شیایه‌ 5 گولان ژى توماربكه‌ت.