ئه‌ڤرۆ نیوز:
رێڤەبەرێ نەخۆشخانا دھۆک یا چاڤا ل پارێزگەھا دھۆکێ دیارکرکو ئامیرێ لیزەرێ بۆ رەشکا چاڤا گەھشتە پارێزگەھا دھۆکێ و دێ خزمەتا وان وەلاتیان ھێتەکرن یێن تووشی نەخۆشیێن رەشکا چاڤا دبن و ب رێیا ڤی ئامیری ئێدی رەشکا چاڤا زێدە نابی.
د. ئەفراسیاب موسا، رێڤەبەرێ نەخۆشخانا دھۆک یا چاڤا راگەھاند کو ئەو مزگینیەکێ ددەنە خەلکی ب تایبەتی ژی یێن نەخۆشیێن چاڤان ھەین، نەخۆشخانا چاڤا دگەل رێڤەبەر یا گشتی یا ساخلەمیا دھۆکێ شیان ئامیرەکێ زۆر پێشکەفتی ئەوژی ئامیرێ راوەستاندنا رەشرەشکا چاڤی یە بگەھیت کو ئەڤی ئامیرەی شیانێن نەھێلانا خرابتربوونا رەشکا چاڤی دپاشەرۆژێ دا ھەنە ل دەڤ وان کەسێن تووشی نەخۆشیا رەشکا چاڤا دبن و گۆت: ھەردەم ھەولدان مە کرینە کو خزمەتێن تەندروستی بھێنە دابینکرن داکو بارسڤکی بۆ وەلاتیان دروست بیت ژ لایێ ئابووری ڤە.
ئەوژی دیارکر کو ئارمانجا حکومەتا ھەرێما کوردستانێ دگەل وەزارەتا ساخلەمیێ و رێڤەبەریا گشتی یا ساخلەمیێ ئەوە ب باشترین کوالێتی خزمەتێن تەندروستی بۆ وەلاتیان بھێنە پێشکێشکرن و گۆت: ئەڤە ئێکەمین ئامیرەیە ل سەرانسەری ھەرێما کوردستانێ ھەتا ل عێراقی ژی ل دھۆکێ ھاتە دانان.
د. ھەڤال مستەفا، تایبەتمەندێ نەخۆشیێن چاڤا دیارکر کو ئەڤ ئامیرێ لیزەرێ دھێتە بکارئینان بۆ ھندەک نەخۆشێن چاڤا یێن رەشکا چاڤی کو یا بەربەلاڤە دناڤ خەلکی دا و گۆت: چاڤ دگەل ژیێ مرۆڤی لاواز دبیت و ئەڤ ئامیرێ نوکە گەھشتیە دھۆکێ ریگریێ ل لاوازبوونا چاڤی دگریت وناھێلیت خراپتر بیت، چونکو ھەکە رەشکا چاڤی خراپتر ببیت پێدڤیە نشتەرگەیەکا مەزن بۆ کەسێ نەخۆش بھێتە کرن، بەَلێ ئەڤ ئامیری نھا ھاتیە دھۆکێ ناھێلن نەخۆشیا چاڤی بگەھتە وێ ئاستی نشتەگەریەکا مەزن بۆ بھێتە ئەنجامدان، ئەڤەژی تشتەکێ زۆر باشە دی َشێین ب شێوەیەکێ باشتر خزمەتا خەلکێ خوە بکەین و خزمەتیێن رێَیا ڤی ئامیرەی بێ بەرامبەر بۆ وەلاتیان دھێنە پێشکێشکرن.
ئه‌ڤرۆ نيوز:
کچەکا 25 سالی دلێ خو بو ئەڤرو ڤەدکەت و دبێژیت: ئەز و گەنجەک حەز ژ ئێکدو دکەین، بەلێ ئاریشا من ئەوە بەردەوام ئەڤیندارێ من دبێژیتە من تو یا جوان نینی و کچکێن ژ تە جوانتر یێن ھەین، بو زانین ئەز ژ وی جوانترم و ئەو نە ل وی ئاستێ جوانیێ یە حەتا کو بێژیتە من تو یا جوان نینی، ھەرچەندە ئەم گەلەک حەز ژ ئێکدو دکەین، لێ ئەڤ کێماسیە لدەف وی ھەیە و ئەڤ ئاخفتنا وی ھەستێن من بریندار دکەت و من دئێشینیت، ئەز نزانم وی دڤێت ب ڤی رەنگی ھێزا خوە نیشا من بدەت و خوە ل سەر من زال بکەت یان ژی یاریەکا دەروونیە ئەڤجا ھیڤیدارم ھوون چ دبێژن و ئەز چ بکەم؟
خانما ھێژا:
مافێ تەیە ئاجز ببی، ژبەرکو ھەکە ئەو حەز ژ تە بکەت نابیت ئاخفتنێن وەسا بێژیتە تە کو تو پێ ب ئێشی بەروڤاژی ھەر چ ئاخفتنەکا خوشە و یا کو دێ کەیفا تە خوش کەت دڤێت وێ بێژیتە تە، ھەرچەندە بریار یا تەیە، بەس ھەکە بھێلی باشترە، ژبەرکو ئەوێ نوکە ڤان ئاخفتنا بێژیتە تە کو ھێشتا تو یا گەنج و جوان و ب جوانیا تە نە یێ رازی ھەکە تو شوو پێ بکەی و ببیە خودان زارۆ پا دێ چ بێژیتە تە بێگومان دێ ئاخفتنێن نەخوشتر بێژیت و رەنگە چاڤێ خو ل ئێکا دیتر بگێریت، ئەڤجا ب دیتنا من دەمێ خوە ل گەل ڤی گەنجی نەبورینە، چونکی ئەز باوەر ناکەم ڤیانا وی یا ژ دل بیت بو تە، چونکی ھەکە زەلامەک حەز ژ ژنەکێ بکەت و ئەو ژنە چەند یا کرێت بیت دێ ھەر بینیت جوانترین ژن ل پێش چاڤێن خوە و ئەڤە حەزژێکرنا راستەقینەیە، نەک ھەر دەمێ کچەکا جوان دیت بێژیت یێن ژ تە جوانتر یێن ھەین ھەکە وەسا بیت بێگومان زەلام ژی ھەنە ژ وی جوانتر و سەرکەفتیتر و زەنگینتر…لەوما ب دیتنا من ئەڤ زەلامە بکێر تە ناھێت و بکێر ناھێت ببیتە بابێ زارویێن تە و تو بەختەوەر نابی ل گەل ئەڤجا باشتر ھزرا خوە بکە.
ئەڤرۆ نیۆز، ئەمیر ئەترووشی:
ب ھەلکەفتا سالیادا ریفراندومی، ب رێيا دو قووناغان، باژێرڤانیا شێلادزێ ناڤبرێن جاددەیان ل شێلادزێ ژ بۆ جوانکرنا باژێری په‌رژانكرن.
ئەندازیار سەربەست حسێن، سەرۆکێ باژێرڤانیا شێلادزێ دیار کر، ب ھەلکەفتا سالیادا ریفراندومێ وان دەست ب دانانا په‌رژانى کریە ل دەوروبەری ناڤبرێن جاددەیان ل ناڤ سەنتەرێ شێلادزێ دا بۆ ھندێ ب شێوەیەکێ جوانتر بھێتە دیتن و ئەڤە ژی دێ ب دو قووناغان ھێتە کرن،
قۆناغا ئێکێ ل 25ى ئيلۆنا 2019ێ دەستپێکریە و رەنگە د ماوێ ھەیڤەکێ دا ب دووماھی بھێت و پشتی ھینگی دێ دەست ب قووناغا دویێ ھێتە کرن.
ئەندازیار سەربەست حسێن ئاشکرا ژی کر کو دانانا محەجەرێ ھەردو قووناغان دێ ب درێژیا دو کیلۆمەتر و 200 مەتران ھێتە دانان.
ئه‌ڤرۆ نیوز:
یانا مانچێسته‌ر یوناید یا ئنگلیزى دخوازیت بوو ڤه‌گوهاستنێن زڤستانا بهێت هه‌ڤبه‌ستێ ل گه‌ل ستێرا هێلا ناڤینا فره‌نسى و یانا به‌رشه‌لۆنا عوسمان دێمبلى ئیمزا بكه‌ت بوو ب هێز ئێخستنا پێكهاتیێ خوه .
رۆژناما زه‌سه‌ن دیاركریه یانا مانچێسته‌ر یوناید كوژمه‌كێ مه‌زن یێ پاره‌ى بوو ده‌ستڤه ئینانا ئه‌وى یاریزانێ فره‌نسى كو وێ رۆژنامێ ئاشكراكریه ژى یانا به‌رشه‌لۆنا دبیت ل سه‌ر داخوازیا یانا مانچێسته‌ر یوناید رازى بیت هه‌كه ئه‌و یانا ئنگلیزى كوژمێ 100 ملیون جینێ ئیسترلینى پێشكێشى وێ یانا كه‌ته‌لونى بكه‌ت.
ئه‌ڤرۆ نيوز:
ب گۆره‌ى مالپه‌رێ هه‌نگاو يێ تايبه‌ت ب مافێن مرۆڤى، رۆژا چارشه‌مبى رێكه‌فتى 25ى ئيلۆنا 2019ێ حوكمه‌تا ئيرانێ سزايێ سێداره‌دانێ ب سه‌ر سێ گه‌نجێن خه‌لكێ دزێى مه‌رگه‌وه‌ر و ئورميێ دا سه‌پاندن ب تۆمه‌تا بكارئينانا ماددێ هۆشبه‌ر.
ب گۆره‌ى وى مالپه‌رى هه‌ر ئێك ژ ره‌ئۆف حاجى سه‌ديق ناسيار ب ئازاديخا يێ 39 سالى كو خه‌لكێ ده‌ڤه‌را دزێى مه‌رگه‌وه‌ر و ئيبراهيم محه‌مه‌دپۆر ناسيار ب شه‌مال و كورمه‌تێ ره‌ئۆف خه‌لكێ دزێى مێرگه‌وه‌ر و خۆجهێ مهاباد و شه‌هاباد ئه‌حمه‌دپۆر خه‌لكێ ئۆرميێ ئێڤاريا رۆژا چارشه‌مبى سێداره داينه.
ئه‌ڤرۆ نیوز:
پشتى ل شه‌ڤا بورى یانا ریال مه‌درید شیاى سه‌ركه‌فتنه‌كا گرنگ ل سه‌ر یانا ئوساسونا توماربكه‌ت ب دو گولان بێ به‌رامبه‌ر و پشتى وێ یاریێ راهێنه‌رێ یانا ریال مه‌درید زێدان بوو ده‌زگه‌هێن راگه‌هاندنێ دیاركر ئه‌وى باوه‌رى ب هه‌موو یاریزانێن خوه هه‌یه و ئه‌وان د یاریا به‌رامبه‌ر ئوساسونا چه‌ندین گوهورین د پێكهاتیێ یانێ دا كربوون لێ ئه‌وان یاریزانان ته‌كید ل وێ چه‌ندێ كر دناڤا پێكهاتیێ یانا ریال مه‌درید دا چ چیاوازى نینه دناڤبه‌را یاریزانێن یه‌ده‌گ و سه‌ره‌كى.
زێدان ئاماژه ب وێ چه‌ندێ ژى كر ئه‌وى 25 یاریزان هه‌نه و دێ پشت به‌ستنێ ل سه‌ر ئه‌وان هه‌موو یاریزانێن خوه كه‌ت .
سه‌باره‌ت هه‌ردو یاریزانێن به‌رازیلى ڤینیسیوس و رودرێگو ناڤبرى دیاركر ئه‌و گه‌له‌ك یێ كه‌یفخوشحاله ب ئاستێ ئه‌وان هه‌ردو یاریزانان و هه‌ردو یاریزانان پاشه‌رۆژه‌كا گه‌ش ل به‌ر سینگێ ئه‌وان هه‌یه و به‌رده‌وام ئه‌و بزاڤێ دكه‌ت ده‌لیڤه‌یێ ب شێوه‌كێ باشتر بده‌ته هه‌ردو یاریزانان داكو باوه‌ریه‌كا باشتر بوو ئه‌وان په‌یدابیت ل سه‌ر ئاستێ خولێن ئورۆپى.
ئه‌ڤرۆ نيوز:
سه‌فين دزه‌يى، به‌رپرسێ فه‌رمانگه‌ها په‌يوه‌نديێن ژده‌رڤه يا حوكمه‌تا هه‌رێما كوردستانێ كو ئه‌ندامێ شاندێ حوكمه‌تا عيراقێ يه د كۆمبوونا گشتى يا نه‌ته‌وێن ئێكگرتى دا ل نيويورك بۆ كوردستان 24 راگه‌هاند كو كۆمبوون گه‌له‌ك د ئه‌رێنى بوون و ل پتريا كۆمبوونان ژى سه‌رۆكێ وه‌لاتان دلته‌نگيا خوه ژ ئه‌گه‌رێ سه‌رهلدانا داعش نيشان دا.
ئاشكه‌را ژى كر كو د ناڤ كۆمبوونان دا به‌حس ل وێ چه‌ندێ هاتيه كرن كو نها ره‌وشه‌كا ئه‌رێنێ د ناڤبه‌را هه‌ولێر و به‌غدا دا بۆ چاره‌كرنا هه‌موو كێشێن هه‌لاويستى دروست بوويه و ئاماژه ب وێ چه‌ندێ ژى كر كو وه‌لاتان پێشوازى ل چاره‌كرنا كێشێن ناڤبه‌را هه‌ولێر و به‌غدا ب رێيا ديالۆگێ كرن.
ئه‌ڤرۆ نيوز، نيوار محه‌مه‌د سه‌ليم:
لیژنا دوڤچوونا بازاری ل قائیمقامیا قەزا دھۆکێ، سەرەدانا چەند خوارنگەھا ل سەنتەرێ باژێرێ دھۆکێ کرن.
یوسف محمەد حەسەن بەرپرسێ لیژنا دووڤچوونا بازاری راگەھاند ژ بەر پێگرینه‌كرنا وان ب رێنمایێن لیژنا دووڤچوونا بازاری خوارنگەھا باشوور و خوارنگەھا بەرخودان ھەر ئێک ب گوژمێ (٥۰۰) ھزار دیناران ھاتنە سزادان و گۆت: “ھوشداری ژی بۆ ھەر دو خوارنگەھا ھاتە دان كو د ماوێ حەفتیەکێ دا وان کێماسیێن ھەین چارەسەر بکەن”.
ئه‌ڤرۆ نیوز:
ئه‌ڤرۆ هژماره‌كا یاریان ل سه‌ر ئاستێ خولێن ئورۆپى هاتنه‌كرن .
خۆلا لالیگا ئیسپانى حه‌فتیا شه‌شێ
لیگانیس 1-1 ئه‌تله‌تیكو بلباو
مایوركا 0-2 ئه‌تله‌تیكو مه‌درید
خیتافى 3-3 ڤالنسیا
ریال مه‌درید 2-0 ئوساسونا
هه‌لویستێ خولێ یێ شه‌ش یانێن ده‌ستپێكێ
ریال مه‌درید 14 خال
ئه‌تله‌تیكو مه‌درید 13 خال
ئه‌تله‌تیكو بلباو 12 خال
گرناته 11 خال
به‌رشه‌لۆنا 10 خال
ریال سوسیداس 10 خال
خولا ئیتالیا گه‌را 5
روما 0-2 ئه‌تله‌نتا
فیورنتینا 2-1 سامبدوریا
ئه‌نترمیلان 1-0 لازیو
ناپولى 0-1 كالیارى
پارما 1-0 ساسولو
جه‌نه‌وا 0-0 پولونیا
سبال 1-3 لیتچى
هه‌لویستێ خولێ یێ شه‌ش یانێن ده‌ستپێكێ
ئه‌نتر میلان 15 خال
یوڤانتوس 13 خال
ئه‌تله‌نتا 10 خال
ناپولى 9 خال
كالیارى 9 خال
روما 8 خال
خولا فره‌نسا گه‌را 7
مونپلیێ1-0 نیم ئولومپیك
نانت 1-0 رێن
سانت ئیتیان 0-1 میتز
تولوز 0-2 ئه‌نجیه
ستاد بریست 2-2 لیون
لیل 2-0 ستراسبورگ
ئه‌میان 1-3 بوردو
پاریس سان جێرمان 0-2 ستاد ریمس
هه‌لویستێ خولێ یێ شه‌ش یانێن ده‌ستپێكێ
پاریس سانجێرمان 15 خال
ئه‌نجیه 15 خال
لیل 13 خال
نانت 13 خال
بوردو 12 خال
مارسیلیا 12 خال
كاسا ئێكه‌تیا ئنگلیزى
میلتون كینز 0-2 لێڤه‌رپول
بیرتن ئه‌لبیون 2-0 بورنموس
شیفلد یونایتد 1-0 سندرلاند
برایتون 1-3 ئه‌ستون ڤێلا
ئوكسفورد یونایتد 4-0 وێستهام
چێلسى 7-1 گرمبسى
مانچسته‌ر یونایتد ب لێدانێن په‌نه‌لتیا ب سه‌ركه‌فت ل سه‌ر یانا روشدیل پشتى ده‌مێ یاریێ ب وه‌كهه‌ڤیا هه‌ردو یانان ب گوله‌كێ ب دووماهیى هات و یانا وێلڤه‌رهامتون ژى ب هه‌مان شێوه ده‌ربازبوو پشتى ب سه‌ركه‌فتى ل سه‌ر یانا رێدینگ
ئایندهوڤن 3-1 گرونینگین
ئه‌یاكس ئه‌مستردام 5-0 فورتانا سیتارد
هه‌لویستێ هه‌ر چار یانێن ده‌ستپێكێ یێ خولا هوله‌ندا
یه‌یاكس ئه‌مستردام 17 خال
یایندهوڤن 117 خال
ڤیتیس 14 خال
ئه‌لكمار 12 خال
توێنتى 12 خال
نيشاندان