ئه‌ڤرۆ نیوز:
یانا پاریس سانجێرمان داخوازیت به‌ری ب دووماهیی هاتنا ڤه‌گوهاستنێن هاڤینی ‌ ستێرا خوه‌ یا به‌رازیلی بفروشته‌ یانه‌کا دی.

روژناما سپورت دیارکریه‌ یانا پاریس سانجێرمان ب فه‌رمی ستێرا خوه‌ نیمار پێشکێشی یانا مانچێسته‌ر یوناید کر بوو هه‌ردیسان بوو وێ یانا ئنگلیزی دیارکر هه‌که‌ ئه‌وان حه‌زا ئیمزاکرنا هه‌ڤبه‌ستێ ل گه‌ل وی یاریزانی هه‌بیت ئه‌و د به‌رهه‌ڤن دانوستاندنان ل گه‌ل بکه‌ن لێ مانچێسته‌ر یوناید ئه‌و داخوازیا پاریس ره‌تکر .

هه‌ردیسان وێ روژنامێ دیارکریه‌ ژی مانچێسته‌ر هه‌ڤبه‌ستا نیماری ئیمزا نه‌کر ژبه‌رکو مه‌زاختیێن ڤه‌گوهاستنا وی دا ب گرانی ل سه‌ر وێ یانێ راوستن کو ئه‌و ئێک ژ ئه‌گه‌رێن سه‌ره‌کی بوو.

هه‌ژی گوتنێ یه‌ پاریس به‌ری نوکه‌ هه‌مان داخوازی ژ یانا ریال مه‌درید ژی کربوو لێ وێ یانێ ژێ ره‌تکر بو هه‌ڤبه‌ستێ ل گه‌ل وی یاریزانی به‌رازیلی ئیمزا بکه‌ن.

ئه‌ڤرۆ نیوز:
گولچیێ یانا لیڤه‌رپول سیمون مینیوله‌ پێکهاتیێ یانا خوه‌ بجهێلا و به‌ر ب خۆلا به‌لجیکا ڤه‌ چوو پشتی کرنا یاریێ ل وێ یانێ بوو ماوێ شه‌ش سالان.
مینیوله‌ ب فه‌رمی په‌یوندی ب یانا کلوپ بروچ یا به‌لجیکی کر پشتی گه‌هشتی یه‌ رێککه‌فتنێ ل گه‌ل وێ یانا به‌لجیکی ب کوژمێ حه‌فت ملیون یورویا بۆ  پێنچ سالان.
روژناما ئه‌ندپندنت یا برێتانی دیارکریه‌ دخوازیت ل جهێ مینیوله‌ هه‌ڤبه‌ستێ ل گه‌ل گولچیێ یانا وست هام یوتاید ئه‌ریان یان مێگل ئیمزا بکه‌ت ئه‌وێ پێکهاتیێ یانا خوه‌ ل هاڤینا ئه‌ڤ ساله‌ بجهلا پشتی هه‌ڤبه‌ستا ئه‌وی ل گه‌ل وێ یانێ ب دووماهیێ هاتی.
هه‌ژی گوتنێ یه‌ سیمون مینیوله‌ ل وه‌رزێ بوری بتنێ دو یاری ل گه‌ل یانا لیڤه‌رپول کربوون کو وه‌کو گولچیێ یه‌ده‌گ بوو ل گه‌ل وێ یانا ئنگلیزی .

ئه‌ڤرو نیوز:
هه‌ردو یانێن یوڤانتوس و مانچێسته‌ر سیتی گه‌هشتنه‌ رێککه‌فتنێ بوو ڤه‌گوهاستنا ستێره‌کا وێ یانا ئیتالی بوو ڤه‌گوهاستنێن هاڤینا نوکه‌.
مالپه‌رێ سکای سپورتس دیارکریه‌ به‌ره‌ڤانێ لایێ راستێ یێ پوروتوگالی و یانا یوڤانتوس جواو کانسیلو نێزیکی ئیمزاکرنا هه‌ڤبه‌ستا یانا مان سیتی بوویه‌ پشتی ئه‌و یانا ئنگلیزی گه‌هشتی یه‌ رێککه‌فتنێ ل گه‌ل یوڤانتوس.
هه‌ردیسان هاتیه‌ دیارکرن ژی چاڤه‌رێ دهێته‌کرن ل چه‌ند ده‌مژمێرێن دی هه‌ڤبه‌ستا کانسیلو ب فه‌رمی ل گه‌ل مانچێسته‌ر سیتی بهێته‌ راگه‌هاندن.
وی مالپه‌ری ئاشکراکریه‌ ژی مانچێسته‌ر سیتی دێ به‌ره‌ڤانێ خوه‌ دانێلوی ده‌ته‌ یوڤانتوس ل گه‌ل ٣٠ ملیون یورویا ژی.