NO IORG
نووترين نووچه
Facebook

ئه‌ڤرۆ نيوز:

په‌يڤدارێ حوكمه‌تا هه‌رێما كوردستانێ، سه‌فين دزه‌يى ئه‌ڤرۆ دوشه‌مبى 27/5/2019 رۆژێن بهێنڤه‌دانا جه‌ژنا ره‌مه‌زانێ ب فه‌رمى راگه‌هاند.

سه‌فين دزه‌يى گۆت” بهێنڤه‌دانا فه‌رمى يا جه‌ژنا ره‌مه‌زانى دێ  ژ رۆژا ئێكشه‌مبيێ 2/6/2019 ده‌ستپێكه‌ت و ل رۆژا ئێكشه‌مبى 9/6/2019 ده‌واما فه‌رمى يه‌”.

گۆت ژى” بريارا بهێنڤه‌دانێ بۆ هه‌موو داموده‌زگه‌هێن حكومى يه‌، ژبلى هه‌ردو وه‌زاره‌تێن په‌روه‌ردێ وخواندنا بلند، ژبه‌ر كارناما خوه‌ وئه‌زموونان، به‌رنامێ خوه‌ دێ دارێژن”.

ئه‌ڤرۆ نیوز:

ب تۆمه‌تا گه‌نده‌لیێ وهه‌ده‌ردانا سامانێ گشتى، حوكمێ زیندانكرنێ ب حه‌فت سالان بۆ وه‌زیرێ به‌رێ یێ ره‌وشنبیرى ل عیراقێ هاته‌ ده‌ركرن.

وه‌زیرێ به‌رى یێ ره‌وشه‌نبیرى ل عیراقێ، ئه‌سعه‌د هاشمى، سه‌ر ب حزبا ئیسلامى ڤه‌ ژ لایێ ده‌سته‌یا ده‌ستپاكیێ هاتبوو تۆمه‌تباركرن وسزایێ زیندانكرنێ ب حه‌فت سالان ل سه‌ر هاته‌ سه‌پاندن.

فه‌رمانگه‌ها ڤه‌كۆلینان یا سه‌ر ب ده‌سته‌یا ده‌ستپاكیێ ل عیراقێ راگه‌هاند” ئه‌و سزایه‌ ل سه‌ر هاشمى هاته‌ سه‌پاندن ژبه‌ر ئه‌نجامدانا وى بۆ تاوانا ب هه‌ده‌ردانا سامانێ گشتى وزیان گه‌هاندن ب به‌رژه‌وه‌ندیا گشتى”.

دیاركر ژى” دادگه‌ها تاوانان ل ده‌ڤه‌را كه‌رخ ل به‌غدا ئه‌و سزایه‌ ب شێوێ غیابى بۆ وى وه‌زیرێ به‌رێ ده‌ركریه‌ ژ به‌ر به‌لاڤكرنا چه‌كێن جۆراوجۆر بێ ئه‌گه‌ره‌كێ ره‌وا”.

ده‌سته‌یا ده‌ستپاكیێ به‌لاڤكر” بریارا دادگه‌هێ ل رۆژا 8/6/2019 دێ پلا دووماهیێ وه‌رگریت، ل دووڤ مادێ 340 ژ قانوونا سزایان ل عیراقێ، كو ژ بلێ فه‌رمانا ده‌سته‌سه‌ركرنێ بۆ تۆمه‌تبارێ ره‌ڤى، دێ ده‌ست ب سه‌ر مال ومولكێ وى یێ ڤه‌گوهاستى ونه‌ڤه‌گوهاستى هێته‌ گرتن”.

ئه‌ڤرۆ نیوز:

ئه‌ڤرۆ ئه‌زموونێن دووماهیێ یێن رێزا 12 ئاماده‌یى ل سه‌رانسه‌رى هه‌رێما كوردستانێ ده‌ستپێكر و ئێكه‌م وانا پشكا زانستى، وانا زینده‌وه‌رزانى بوو.

پشتى ب دووماهى هاتنا ئه‌زموونا ئێكێ، وه‌زاره‌تا په‌روه‌ردێ د په‌یچێ خوه‌ دا ل تۆرا جڤاكى یا فه‌یسبووكى، به‌رسڤا راست وپرسیارێن ئه‌زموونێ به‌لاڤكرن.

هژمارا پرسیاران 50 پرسیار بوون وهه‌موو هه‌لبژاردنن، ئه‌ڤه‌ ل خوارێ به‌رسڤێن راست یێن وان پرسیارانه‌ كو وه‌زاره‌تا په‌روه‌ردێ به‌لاڤكرین:

Walam-w-Prsyar

ئه‌ڤرۆ نيوز:

وه‌زاره‌تا پێشمه‌رگه‌ راگه‌هاند رازیبوون هاتیه‌ كرن ل سه‌ر پله‌ بلندكرنا هێزێن پێشمه‌رگه‌ى.

سه‌نته‌رێ راگه‌هاندنا وه‌زاره‌تا پێشمه‌رگه‌ د رۆهنكرنه‌كێ دا ئاماژه‌ ب هاتنا رازیبوونێ بۆ پله‌ بلندكرنا پێشمه‌رگه‌ى دكه‌ت.

پشتى ده‌مه‌كى ژ چاڤه‌رێبوونێ وهه‌بوونا گرفتان د رێنمایێن پله‌ بلندكرنێ ژ ئه‌گه‌رێ قه‌یرانا ئابوورى وشه‌رێ سه‌پاندیێ داعشێ، ل دووماهیێ پله‌ بلندكرن ده‌ستپێكر، د ئێكه‌م بریار ژى دالیستا پله‌ بلندكرنا نه‌ورۆز وئه‌یلۆلا 2016  هاته‌ وه‌زاره‌تا پێشمه‌رگه‌. ئه‌و لیسته‌ وه‌كو خوه‌ رازیبوون ل سه‌ر هاتیه‌ كرن وچاڤه‌رێ دهێته‌ كرن ب زووترین ده‌م دا ده‌ست پێ بهێته‌ كرن.

ئەڤرۆ نیوز، بارزان مزووری:

سەرۆکێ جڤاتا پارێزگەھا نەینەوا بۆ ئەڤرۆ نیوز ئاشکرا کر، جڤاتا پارێزگەھا نەینەوا ب ھەڤکاری دگەل دەزگەھێ خێرخوازیێ بارزانی و وەزارەتا کۆچ و کۆچبەران یا عیراقێ ئەڤرۆ ٢٦/٥/٢٠١٩ ھاریکاریێن مادی ل سەر ١١٦ کەسوکارێن وان کەسێن ل ٢١ی نیسانا ٢٠١٩ یەختا وان ل جزیرا گەشتیاری د ناڤ سەنتەرێ مووسلێ دا وەرگەڕیای و د ئاڤێ دا خەندقین؛ بەلاڤکرن.

سەیدۆ چەتۆ، سەرۆکێ جڤاتا پارێزگەھا نەینەوا خویا ژی کر، ژ لایێ وەزارەتا کۆچ کۆچبەران ڤە ئاھێن خوارنێ دگەل پێدڤیێن ناڤ مالێ بۆ وان ھاتنە دابینکرن و گۆت: “دەزگەھێ خێرخوازیێ بارزانی ب ھەماھەنگی ل گەل جڤاتا پارێزگەھا نەینەوا ژی ھاریکاریێن مادی ل سەر کەسوکارێن وان بەلاڤکرن”.

گۆتژی: “ھەر خێزانەکێ ٢٠٠ ھزار دینار بۆ ھاتە دان”.

ئەڤرۆ نیوز، عەلی حاجی:

بریکارێ سەرۆکێ باژێرڤانیا زاخۆ دیار کر، نوکە کار کرن ل سەر چەند پرۆژەکان ل قەزا زاخۆ بەردەوامە و چەند پرۆژەک ب دووماھی ھاتینە و کەفتینە د خزمەتا وەلاتیان دا و دبێژیت: بڕیارە د دەمەکێ نێزیک دا پشکەکا دی یا پرۆژان ژ لایێ باژێرڤانیا زاخۆ ڤە ب دووماھی بھێن و دو پارک ژی بھێنە دروستکرن.

ئەندازیار دیندار سالم، بریکارێ سەرۆکێ باژێرڤانیا زاخۆ بۆ ئەڤرۆ نیوز دیار کر، کار کرن ل سەر جاددەیا ئوڤەرپاسا زاخۆ ب دووماھی ھاتیە و ئەو جاددەیا ل بەرامبەر ئامادەیا زاخۆ ھەتا دەستپێکا جاددەیا ئوڤەرپاسا زاخۆ ژی ب دووماھی ھاتیە و گۆت: “نوکە کارکرن ل سەر ئوڤەرپاسا زاخۆ ب دووماھی ھاتیە و دێ کەڤیتە د خزمەتا وەلاتیان دا”.

ئەندازیار دینداری گۆتژی: “د نوکە دا ئەم یێ کار ل سەر دروستکرنا دو پارکان ل ھەر ئێک ژ تاخێن شقا و بێدارێ ل سەنتەرێ قەزا زاخۆ دکەین و ئەو پرۆژە ژی د قووناغێن دەستپێکێ یێن کارکرنێ دانە، ئەڤ پرۆژە ھەموو ل سەر پێشینەیا ھەیڤانە یا باژێرڤانیا زاخۆ دھێنە ئەنجامدان و راستەوخۆ ژی ژ لایێ تیمێن مە ڤە ل باژێرڤانیا زاخۆ دھێنە ب رێڤەبرن”.

ھەولێر، قائید میرۆ:

بەرپرسەکێ وەزارەتا ئاڤاکرنێ ئاشکرا کر، پڕۆژێ رێیا بلەز یا ھەولێر بۆ ئیبراھیم خەلیل ھێشتا مایە و حوکمەت یا رژدە ل سەر ب جھئینانا وێ و دبێژیت: رێیا کەڤن دێ ھەر مینیت و رێیا بلەز دێ ھێتە چێکرن مینا وەلاتێن پێشکەفتی.

زانا عوزێری، رێڤەبەرێ گشتیێ پلاندانانێ ل وەزارەتا ئاڤاکرنێ بۆ ئەڤرۆ نیوز دیار کر، چەندین پڕۆژەیێن گرنگ د پلانا وەزارەتا ئاڤاکرن و ئاکنجیکرنێ دا ھەنە، بەلێ د دەمێ نوکە دا وەزارەت مژوولی ڤێ چەندێ یە د دەمەکێ زوودا رێیا سەرەکیا ھەولێر دھۆک بھێتە ب جھئینان و پڕۆژە ب باشترین شێوە ب دووماھی بھێت کو بەری چەند رۆژان ل سەنتەرێ ھەولێرێ ژی دەست پێ ھاتیەکرن بۆ سەر پرا گوپالەی، بڕیارە لەزێ بھێتەکرن بۆ تەمامکرنا جووتسایدێ ھەولێر دھۆک.

زانا عوزێری ئاماژە ب وێ چەندێ ژی کر، رێیا سەرەکیا ھەولێر ئیبراھیم خەلیل ژی دیزاین بۆ ھاتیە کرن بەری قەیرانا دارایی کو ب درێژاھیا ١٨٢ کیلۆمەترانە و رێیا تایبەتە کو ل پتریا وەلاتێن ئورۆپا ئەڤ جۆرێن رێکێن بلەز ھەنە و گۆت: “مە پێدڤی ب وەبەرھێنەرەکی ھەیە بۆ ب جھئینانا پڕۆژەی، چونکو پڕۆژە دێ بیتە یێ تایبەت و رێیا زۆرا بلەز و سەلامەت ل سەنتەرێ ھەولێرێ ھەتا دگەھیتە ئیبراھیم خەلیل، جھێن بازرگانی یێن دکەڤنە سەر پڕۆژە ژی دێ دەینە وەبەرھێنەری و ھاتنوچوون ژی دێ ب پارەکێ کێم بیت، بەلێ رێکێن دی دێ ھەر وەکی خوە مینن”.

ئەڤرۆ نیوز:

لقێ ئێکێ پارتی دیموکراتی کوردستان ب ھەلکەفتا (٥٠) سالیا پارێزگەھبوونا دھۆکێ برۆسکەکا پیرۆزباھیێ بەلاڤ کر و تێدا ھاتیە: بناڤێ لقێ ئێکێ پارتی دیموکراتی کوردستان گەرمترین پیرۆزباھیان ئاراستەی تەڤایا خەلکێ پارێزگەھا دھۆکێ دکەین، پارێزگەھبوونا دھۆکێ وەکو سەنتەرەکێ گرنگێ دەڤەرا بەھدینان ب دەستکەفتەکێ نشتیمانی و نەتەوەیی یێ شۆڕەشا ئیلۆنێ ب سەرکێشیا بارزانیێ نەمر دھێتە ھژمارتن.

لقێ ئێکێ پارتی د وێ برۆسکا پیرۆزباھیێ دا خویا کریە کو پارێزگەھا دھۆکێ ناڤەندا ڤەژاندنا ھزرا کوردایەتیێ و نشتیمانپەروەری و پێکڤەژیانێ یە و رۆلەکێ گرنگ د ھەموو قووناغێن بزاڤا رزگاریخوازا کوردستانێ دا گێڕایە، دیسا پێشەنگ بوویە د قوربانیدانێ دا پێخەمەت ئازادی و سەرفەرازیا ئەڤرۆ و تێدا ھاتیە: “ئەڤرۆ ژی پارێزگەھا دھۆکێ بوویە پەناگەھەکا ئارام بۆ ئاوارە و لێ قەومایێن دەڤەرێن دەوروبەرێن دھۆکێ، خەلکێ وێ وەکو ئەرکەکێ مرۆڤایەتی و نشتیمانپەروەری د ھاریکار بووینە د گەل دەربەدەر و ئاواران”.

لقێ ئێک ئاماژە ب وێ چەندێ ژی کریە کو دھۆک دەڤەرەکا ھەژار و نەچاڤدایی و کاڤل کری بوویە، لێ پشتی سەرھلدانا ١٩٩١ ب پشتەڤانیا حوکمەتا ھەرێما کوردستانێ د وەرار و پشڤەچوونێن بەردەوام دایە ژ لایێ پەروەردەیی، زانستی، ئابووری، سیاسی و کەلتۆری ڤە، دوبارە رۆژا پارێزگەھبوونا دھۆکێ ل تەڤایا خەلکێ پارێزگەھا دھۆکێ پیرۆز دکەین.

254

ئەڤرو نیوز، ئێقبال عومەر:

 ب ھەلکەفتا بیرەوەریا ٤۳ سالیا شورەشا گولانا پێشکەفتنخواز، لیژنا ناوچا شێلادزێ یا سەر ب لقێ ١٨یێ پارتی دیموکراتی کوردستان وەک وەفاداری بۆ خەباتا وان و خوینا شەھیدان و رێبازا پیرۆزا بارزانیێ نەمر رابوون ب ساخکرنا بیروەریا شورەشا گولانێ و سوپاسی و رێزلێنان ل (۱٦٥) پێشمەرگەیێن ڤێ شورەشێ ل سنورێ ناحیا شێلادزێ کر و رولێ وان دڤێ شورەشێ دا بلند ھەلسەنگاند.

ب بەرھەڤبوونا  بەرپرسێ لقێ ۱٨یێ پارتی دیموکراتی کور دستان  ھژمارەکا دی یا بەرپرسێن حزبی و میری و لەشکەری و پێشمەرگەیێن شورەشا گولانێ ل سنورێ ناحیا شێلادزێ و ریسپی و کەسایەتیێن دەڤەرێ رێورەسمێن ساخکرنا ڤێ بیرەوریێ ب خۆلەکەک رێزگرتن بو گیانێ پاکێ شەھیدان و سەرکاروانێ وان بارزانیێ نەمر و کاک ئدریسێ ھەردەم ساخ دەستپێکر.

 عومەر ئورەی بەرپرسێ لقێ ۱٨یێ پارتی دیموکراتی کوردستان بو ئەڤرو نیوز گوت:  (لقێ ۱٨ مەرەم ژ ڤان بیرەوەریێن شورەشا گولانا پێشکەفتنخواز، یا ئێکێ ساخکرنا بیرەوەریا شورەشا ٢٦ گولانێ و یا دویێ سوپاسی و رێزگرتن ل پێشمەرگەیێن ڤێ شورەشێ یێن ساخ و مری کو ھەردەم ئەو جھێ رێز و شانازیێنە و دەستکەفت و ئازادیا ئەم ئەڤرۆ دناڤ دا دژین بەرھەمێ شورەشا ئەیلول و گولان وسەرھلدانێنە وھەر ئێک ژوان تەمامکەرا یا دی یە و ھەروەسا سوز و پەیمان نوو دکەینەڤە کو ھەردەم بمینین مریدێن ریبازا پیرۆزا بارزانی و پێشمەرگە ژ بۆ بەرەڤانیکرن ژ کوردستانێ).

61535277_316993252560611_5728545328349577216_n 61114227_2037227586582669_907739478288760832_n 61049395_604632900029349_4563962296044355584_n

ئەڤرۆ نیوز:

سەرکردەیەکێ سیاسی یێ عیراقی دیارکر پێدڤیە عیراق ب مەرج ناڤبژیڤانیا ناڤبەرا کومارا ئیسلامی یا ئیرانێ و ئەمریکا بکەت.

زێدەتر میسال ئەلوسی سەرۆکێ حزبا ئومە یا عیراقی ئەڤرۆ رۆژا ئێکشەمبی ٢٦-٥-٢٠١٩ د داخویانیێن خوە یێن رۆژنامەڤانی دا گۆت: ئیران بەردەوام دەستێوەردانێ د کاروبارێن نافخویا عیراقێ دکەت و ھوسا دبینت ب بریارا قاسم سلێمانی فەرماندەیێ سوپایێ قودسا ئیرانی ھندەک ژ سیاسیێن عیراقێ ھاتینە دورخستن و ھندەکێن دی ژی پوسێن بلند ل سەر ئاستێ عیراقێ بۆ وان ھاتینە دان.

ئەلوسی ئەو چەندە ژی دیارکر پێدڤیە ناڤبژیڤانیا عیراقێ دناڤ ھەڤرکیا ئەمریکا و ئیرانێ دا ب کارەکێ باش دزانیت لێ پێدڤیە ھندەک مەرجان ل سەر ئیرانێ بسەپینت بۆ ئەنجامدانا ڤی کاری و ژوانا.

١. ئیران رێزێ ل سەروەریا عیراقێ بگریت.
٢. ئیران میلیشاتێن خوە ژ عیراقێ ڤەکێشیت.
٣. ئێدی ئیران رێگریێ ل ھنارتنا ماددەیێن ھوشبەر بکەت بۆ ناف ئاخا عیراقێ.
٤. ئێدی ئیران پشتەڤانیا سیاسەتمەدارێن عیراقێ یێن گەندەل نەکەت.

website security
WP Facebook Auto Publish Powered By : XYZScripts.com