ئهڤرۆ نيوز:
وهزيرێ پهروهردێ يێ ئيرانى، محهمهد بتحائى، راگههاند، ههكه شهر دژى ئيرانێ روودا، 14 مليۆن قوتابيێن ئيرانى د بهرههڤن بۆ شهركرنێ,
رێكخراوا پاراستنا مافێن زارۆيان ل ئيرانێ د بهرپهرێ خوه دا ل سهر تۆرا ئهنتستگرامى رهخنهيێن توند ل داخۆيانيا وهزيرێ ئيرانى گرتن وبهلاڤكر” باشتره ئهوه چاڤێ وهزيرى ل دياردهيا ب كارئينانا مادێن بێهۆشكهر د ناڤ قوتابيان دا ههبيت”.
ئهڤرۆ نيوز:
- پێنجشهمبى 16/5/2019 وهزارهتا ناڤخوه، جڤاتا ئاسايشێ، دهزگههێ ئاسايش، زێرهڤانى، بهرگرى فرياكهوتن، رهگهزناما ههرێمێ.
- ئێكشهمبى 19/5/2019 وهزارهتێن (باژێرڤانيان، كارهب، ڤهگوهاستن وگههاندن، پلاندانان، چاندن) و ديوانا چاڤدێريا دارايى، دهستهيا مافێن مرۆڤى، دهستهيا وهبهرئينانێ، دهستهيا دهستپاكيێ، دهستهيا ژينگههێ، دهڤهرێن دهرڤهى ئيدارا ههرێمێ، دهزگههێ گشتى مين، كۆمسيۆنا بلند يا ههلبژارتن وراپرسيێ ل ههرێمێ.
- دوشهمبى 20/5/2019 وهزارهتێن (بازرگانى، رهوشهنبيرى ولاوان، ئاڤهدانكرن) و سهرۆكاتيا ههرێما كوردستانێ، جڤاتا وهزيران، پهرلهمانێ كوردستانێ.
- سێشهمبى 21/5/2019 خانهنشينێن پێشمهرگه.
- چارشهمبى 22/5/2019 و پێنجشهمبى 23/5/2019 خانهنشينێن مهدهنى.
ئەڤرۆ نیوز، عەلی حاجی:
د داخویانیەکێ دا بەرپرسێ راگەھاندنا ھاتنوچوونا پارێزگەھا دھۆکێ بۆ ئەڤرۆ نیوز ئاشکرا کر ١٨ روودانێن ھاتوچوونێ ل ئیبراھیم خەلیل ھەتا دووریانا گوندێ گرشینێ روویدانە و زیانێن ماددی ژی بەر ب ترومبێلان کەڤتیە.
مقەدەم ئازاد تەھا زێدەتر گوت: (ل گورەی وێ ئامارا سەر ب رێڤەبەریا مە ڤە ھاتینە تومار کرن ھەر ژ رێککەفتی ١/١/٢٠١٩ ھەتا ١٣/٥ ل سنورێ ئیبراھیم خەلیل ھەتا گوندێ پێ بزنێ ١١ روویدان دروست بووینە و ژ وان روویدانا ژی ٨ وەرگەریان بوون و ٢ روودان ژی لێدان بوو و ١ روودان ژی لێدان دناڤبەرا دو ترومبێلان دا و د وان روودانا ژی دا کەسەکێ گیانێ خوە ژدەست دایە و کەسەک ژی بریندار بوویە).
ئەڤرۆ نیوز، عەلی حاجی:
دداخویانیەکێ دا سەروکێ باژێرڤانیا زاخۆ بۆ ئەڤرۆ نیوز دیار کر نێزیکی ٢٧ ھزار مەترێن دووجا دڤی ماوەیی دا تاخێن ناڤ باژێرێ زاخۆ دا ھاتینە قیرکرن و زێدەباری وێ چەندێ ٩ کولان ل تاخێن جودا جودا ھاتینە کونکرێت کرن .
بژار مونیبی زێدەتر گوت : ئەم نوکە دا کار ل سەر جاددا سەرەکیا نێزیک دادگەھا کەڤن ل زاخۆ ھەتا نێزیک دووریانا جاددا تاخێن نەسارا و ئوڤەرپاسا زاخۆ کو ئەو جاددەیە بھێتە نزم کرن دا کو بگەھیتە ئاراستەیێ جاددەیا ئوڤەر پاسا زاخۆ ، زێدەباری وێ چەندێ ژی ئەو جادەیا نەھاتیە دروست کرن ل ئوڤەرپاسێ ددەمەکێ نێزیک دا کار کرن ل سەر وێ جاددەیێ دێ ب دوماھی ھێت و کەڤیتە دخزمەتا ھاولاتیان دا ، ئەگەر دشیان دا بیت ئەو شوستەیێ نیڤا جاددا نێزیک دادگەھا کەڤن دیمەنەکێ نەجوان دایە وێ جاددەیێ ئو شوستەیە دێ ھێتە راکرن و ب شێوەیەکێ جوانتر دێ ھێتە دانان .
ناڤھاتی زێدەتر گوت ژی : نێزیکی ٢٧ ھزار مەترێن دوو جارکی جاددەیا تاخێ قوتابخانا قەدریجان ھەتا دگەھیتە ناڤ بازارێ زاخۆ داە اتیە قیر کرن و ھەر دیسان ١٠,٥٠٠ مەترێن دوو جارکی ٩ کولانێن جودا جودا ل تاخێن نێزیک پێشەسازیا زاخۆ ژلایێ تیمێن مەڤە ھاتینە کونکرێت کرن و ئەڤ کارە ژی ژلایێ باژێرڤانیا زاخۆ ب شێوەیەکێ راستەوخو ھاتینە بجە ئینان.
ئەڤرۆ نیوز:
مەولود چاڤوش ئوگلۆ وەزیرێ دەرڤە یێ تورکیا راگەهاند کو رێكکەفتنا مە و روسیا ل دۆر کڕینا مۆشەکێن س٤٠٠ یێن روسیا ب دووماهی هاتیە و ئەم ب چو رەنگەکێ وێ رێککەفتنێ گیرو ناکەین و دێ مۆشەکان ژ روسیا کڕین.
ئەو یەک د دەمەکێ دایە کو بەری نها وەزیرێ دەرڤە یێ ئەمریکا دیار کربوو کو نە ئەمریکا و نە ژی ناتۆ قەبوول ناکەن وەلاتەکێ ئەندامێ ناتۆ مۆشەکێن روسی بکڕیت.
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ بریار دا کو مۆلەتا هاژۆتنا تەکسیێ بۆ فەرمانبەران هەتا مەها ئیلۆنێ یا ئەڤسالە بهێتە درێژکرن.
ئەو یەک د دەمەکێ دایە کو بەری نها ب فەرمانا وەزارەتا ناڤخوە بریار هاتبوو دان کو فەرمانبەرێن گەلەک وەزارەتان نابیت شوفێریا تەکسیان بکەن، لێ پشتی گەلەک شوفێران گازندێن خوە گەهاندینە پەرلەمانێ کوردستانێ و پەرلەمانی ژی دووڤچوونا بابەتی کری ئەڤرۆکە وەزارەتا ناڤخوە مۆلەتا هاژۆتنا تەکسیان بۆ فەرمانبەران هەتا مەها ئیلۆنێ یا ئەڤسالە درێژ کریە.
ئەڤرۆ نیوز:
جەبار یاوەر ئەمیندارێ گشتی یێ وەزارەتا پێشمەرگی راگەهاند کو ژ بەر رەوشا نوو یا ل دەڤەرێ هەر دو وەلاتێن ئەلمانیا و ئەمریکا مەشقدانا ب هێزێن پێشمەرگێن کوردستانێ و سەربازێن عیراقێ راگرتینە.
ناڤهاتی ئەو یەک ژی دیار کر کو ژ بەر ئالۆزیێن نوو یێن ل دەڤەرێ ئەو بریارە هاتیە دان لێ مامۆستایێن دی د ناڤ پێشمەرگەی دا هەنە کو نها ئەو ب وی ئەرکی رادبن و مەشقدانا پێشمەرگەی بەردەوامە.
ئەڤرۆ نیوز:
ئەڤرۆکە رێککەفتنێ ١٥/٥/٢٠١٩ سەرۆک مەسعود بارزانی پێشوازی ل جۆن ویلکس بالیۆزێ بریتانیا ل عیراقێ کر و د هەڤدیتنەکێ دا بەحسێ رەوشا سیاسی یا عیراقێ و گوهۆرینێن ل دەڤەرێ هاتە کرن و جەخت ل هندێ ژی هاتە کرن کو نابیت ژ بەر ئالۆزیێن نوو ل دەڤەرێ شەرێ ل دژی داعشێ لاواز بیت.
د پشکەکا دی یا هەڤدیتنێ دا بەحسێ پەیوەندیێن هەولێرێ و بەغدایێ هاتە کرن و بالیۆزێ بریتانیا پشتەڤانیا خوە بۆ باشبوونا پەیوەندیێن د ناڤبەرا هەولێرێ و بەغدایێ دا دیار کر و هەروەسا د ڤێ هەڤدیتنێ دا بەحسێ رەوشا ئاوارێن نەینەوا یێن ل هەرێما کوردستانێ ژی هاتە کرن.
ئەڤرۆ نیوز، نەوزاد ھلۆری:
چەند روژێن بوری ژ ئەگەرێ بارانان ستونەکا کارەبا نیشتمانی یا ھێلا سەرەکی یا گەھشتنا کارەبێ بۆ چەند گوندەکێن سنورێ ناحیا شێروان مەزن خوار بوویە، مەترسی ل سەر کارەبا وان دروستکریە.
جیھاد حەمید وەلاتیەکێ گوندێ لیرەی یا سەر ب ناحیا شێروان مەزن بۆ ئەڤرۆ نیوز گۆت: (ژ ئەگەرێ بارانێن زۆر ستونەکا کارەبا نیشتمانی ل سەر رێیا گشتی یا گەھشتنا چەند گوندان خوار بوویە و چ نەمایە بکەڤیت، کارەبا ھەر ئێک ژ گوندێن لیرە، گوندێ سێلکێ، مێرۆز، بەرکەلی، بارەگایێن ھێزێن پێشمەرگەی، ل گەل سێ گوندێن دی دکەڤیتە سەرێ).
زێدەتر گۆت: (خواربوونا ئەوێ ستوونێ کارتێکرن ل راکێشانا تورا کارەبێ کریە و رەنگە ستونێن تەنشت ژی خوار ببن ئەگەر زوو نەھێتە چێکرن، دخوازێ ژ جھێن شولەژێ دکەین ب زووترین دەم کار ل سەر راستکرنا وان بکەن ئەگەر دێ بیتە ئەگەرێ بڕینا کارەبا نیشتمانی ل وان گوندان).
ئەڤرۆ نیوز، مەحمود نھێلی:
پشتی کو فرۆکەکا سیخوری یا تورکیا ل ھنداڤا گوندێ بەرێ کەڕ ل دەڤەرا ئامێدیێ سپێدەھیا ئەڤرۆ ١٥/٥/٢٠١٩ دکەڤیتە خوارێ ئەو دەڤەر ب دژواری ژلایێ فرۆکەیێن لەشکەری یێن تورکیا ڤە ھاتە بوردومانکرن .
نەشوان حسنی رێڤەبەرێ ناحیا سەرنکی بۆ ئەڤرۆ نیوز دیارکر، کو سپێدەھا ئەڤرۆ فرۆکەکا سیخوری یا تورکیا کەفتیە ئاقارێ گوندێ بەرێ کەڕ یێ سەر ب ناحیا سەرسنکێ و گۆت: (چێدبیت ئەڤ فرۆکە ژلایێ پەکەکی ڤە ئێخسبیتە خوارێ چونکە گەریلایێن پەکەکی بزاڤ دکرن بچنە سەر جهێ فرۆکەیێ لێ ژلایێ فرۆکەیێن لەشکەرێ یێن تورکیا ڤە ھاتە بودورمانکرن بۆ وێ یەکێ پارچێن فرۆکەیێ نەکەڤنە دەستێ وان).
ناڤھاتی ئاشکرا کر، کو ئەڤ دەڤەرا فرۆکە کەفتیێ و ھاتیە بوردومانکرن کێمتر ژ کیلومەترەکی نێزیکێ گوندێ بەرێ کەڕ و جادا سەرەکی یا ئامێدیێ دھوک بوویە، ژ ژبەر وێ یەکێ ترس و دو دلیەکا زۆر ئێخستیە دلێ خەلکێ وێ دەڤەرێ و گۆت:( سوپاس بو خودێ کو چ زیانێن گیانێ ل پەی ڤێ بوردومانێ نەبوویە لێ زیان گەشیتە جام و دەرگەھێن ھند خانیان دناڤ گوندی دا).
ناڤھاتی داخواز ژ ئاکنجیێن دەڤەرێ ژی کر، کو دڤان چەند رۆژان خوە دوور بکەن ژ ئاقاری و دەرڤەی گوندان چونکو چێدبیت رەوش نە ھند یا ئارام بیت و نە کو بکەڤنە بەر بوردومانان و زیان بگەھنێ.
نيشاندان