ئه‌ڤرۆ نیوز:
ل دووڤ نڤیساره‌كا وه‌زاره‌تا دارایى وئابوورى ل هه‌رێما كوردستانێ، تێدا رۆهنكرنه‌ك ل دۆر خانه‌نشینكرنا خودان پلێن بلند به‌رچاڤكر.
د وێ نڤیسارا وه‌زاره‌تا دارایى دا كو هاتیه ئاراسته‌كرن بۆ هه‌موو رێڤه‌به‌ریێن گشتى یێن ب سه‌ر وه‌زاره‌تان ڤه، تێدا ئاماژه ب وێ چه‌ندێ هاتیه كرن كو ده‌قێ دویێ ژ قانوونا خانه‌نشینا خودان پلێن بلند یا هژمار 36 ل سالا 2004، گه‌له‌ك یا رۆهن وئاشكرایه وپێدڤى ب چو شرۆڤه‌كرنان ناكه‌ت وپێدڤیه وه‌كو خوه بهێته بجهئینان، ئانكو هه‌كه فه‌رمانبه‌رێ پله بلند ژیێ وى 64 سال بیت، دێ هێته خانه‌نشین كرن.
ل دووڤ گشتاندنه‌كا سه‌رۆكاتیا جڤاتا وه‌زیران كو ب نڤیسارا هژمار 4302 ل 4/10/2017 ده‌رچووى وهاتیه ئاراسته‌كرن بۆ هه‌موو وه‌زاره‌تان وتێدا ئاماژه كریه كو فه‌رمانبه‌رێ پله بلند به‌رى ژیێ وى بگه‌هیته 65 سالیێ، كارێن خانه‌نشینبوونێ بۆ بهێنه ئه‌نجامدان، به‌رۆڤاژى وێ چه‌ندێ لایه‌نێ كارگێرى یێ په‌یوه‌ندیدار دێ به‌رپرسیار بیت.
خانه‌نشینكرنا خودان پلێن بلند هه‌ر ئێك ژ بریكارێ وه‌زاره‌ت، پارێزگار، راوێژكار، رێڤه‌به‌رێ گشتى، شاره‌زا، سه‌رۆك وئه‌ندامێن ئه‌كادیمیا كوردى، سه‌رۆكێ زانكۆ.
ئه‌ڤرۆ نیوز:
رۆژناما (سپۆرت) یا ئیسپانى به‌لاڤكر كو یانا به‌رشه‌لونا دخوازیت یاریكه‌رێ خوه یا به‌رازیلى كوتینیۆ د ڤێ هاڤینێ دا بفروشت.
وێ یانێ دیاركر كو دئه‌ڤ ساله‌د ا ئاستێ كوتینیۆ گه‌له‌ك یێ هاتیه خوار، له‌وما به‌رشه‌لونا دێ ده‌ستبه‌ردارى وى بیت.
ئاماژه كر ژى كو به‌رشه‌لونا بهایێ كوتینیۆى ب 130 ملیۆن دۆلاران خه‌ملاندیه، به‌لێ پتریا یانان ناخوازن بكرن ژ به‌ر بهایێ وى یێ مه‌زن زێده‌بارى مووچێ وى یێ هه‌فتانه یێ بلند.
دیاركر ژى كو تنێ یانا شیلسى یا ئینگلیزى گرنگى دایه ئینانا كوتینیۆى بۆ ناڤ رێزێن خوه.
دهێته زانین به‌رشله‌ونا ب بهایێ 180 ملیۆن دۆلاران كۆتینیۆ ژ یانا لێڤه‌رپۆل یا ئینگلیزى ل وه‌رزێ بۆرى كرى بوو.
ئه‌ڤرۆ نيوز:
سه‌رۆك وه‌زيرێن عيراقێ عادل عه‌بدولمه‌هدى ئه‌ڤرۆ سێشه‌مبى 14/5/2019 راگه‌هاند، ئيران وئه‌مريكا شه‌رێ هه‌ڤدو ناكه‌ن.
عه‌بدولمه‌هدى گۆت ژى” ئه‌مريكا وئيران ناخوازن شه‌ر روو بده‌ت وعيراق ژى دبزاڤان دايه بۆ لێكگه‌هه‌شتنا وان هه‌ردو وه‌لاتان”.
دياركر ژى” ئه‌مريكا وئيران نه‌يارێن هه‌ڤدو نينن، به‌لێ هه‌ر ئێك ب ئاراسته‌كى دا هه‌ڤپه‌يمانێن سه‌ره‌كى يێن عيراقێ نه، له‌وما به‌غدا دخوازيت رۆل هه‌بيت د كێمكرنا گرژى د ناڤبه‌را وان هه‌ردو وه‌لاتان دا”.
ئەڤرۆ نیوز:
چەندین رۆژنامێن تورکیا بەلاڤ کرینە کو ئارمانجا سەرەکی یا ئەردۆگانی ژ دوبارەکرنا هەلبژارتنێن ئستەنبولێ دەنگێن کوردانە، چونکو نێزیکی دو ملیۆن دەنگدەرێن کورد ل ئستەنبولێ هەنە و دشێن کارتێکرنەکا مەزن ل ئەنجامێن هەلبژارتنێن ئستەنبولێ بکەن و نها ئەردۆگانی دڤێت دەنگێن کوردان پارچە بکەت.
ئەو یەک د دەمەکێ دایە کو پارتیا دیموکراتی یا گەلان کو د هەلبژارتنێن بۆری دا پشتەڤانی ل بەربژارێ جەهەپێ کربوو دیار کریە دێ دیسان پشتەڤانیێ ل جەهەپێ کەن، لێ کوردێن ئستەنبولێ ژی دیار دکەن کو جەهەپێ چو بەرنامە بۆ کوردان نینە و نابیت کورد هەما وەسا دەنگێ خوە بدەنە ئەکرەم ئیمام ئوگلۆ بەربژارێ جەهەپێ.
ئەڤرۆ نیوز:
دەزگەهێن راگەهاندنا تورکیا دیار دکەن کو سەرۆک وەزیرێن بەرێ یێ تورکیا ئەحمەد داوود ئوگلۆ دەمەکە ل باژێرێن ئامەدێ و باتمانێ ل گەل بەرپرسێن بەرێ یێن ئاکپارتیێ و ئەندامێن پەرلەمانی و وەزیرێن بەرێ ل گەل وی کار کری بەرهەڤیان بۆ راگەهاندنا پارتەکا نوو دکەت.
ل گۆر میدیایێن تورکیا داوود ئوگلۆ دێ پارتیا خوە ل باژێرێ ئامەدێ راگەهینیت و هژمارەکا بەرچاڤ ژ ئەندامێن پەرلەمانی یێن ئاکپارتیێ و پارتێن دی ژی پشتەڤانیێ ل داوود ئوگلۆی دکەن.
ئەڤرۆ نیوز، مەحمود نھێلی:
سەرجون خوشابە سەرۆکێ باژێرڤانیا سەرسنکێ بۆ ئەڤرۆ نیوز دیارکر، کو ل نێزیک مزگەفتا تاخێ ئازادی چەندین جھێن سەرپێچی ھاتبوونە چێکرن وەک گەراجێن ترۆمبێلان و تەنیرکان و بیستان و سیمەکرنا چەند جھان و گۆت: ( ژبەر کو ئەڤ جھە دکەڤنە نێزیک مزگەفتێ و ھولا تازیا مە پێدڤی دزانی ڤان جھان راکەین و بکەینە گەراج بۆ وان ترۆمبێلان یێن دھێنە مزگەفتێ و تازیا).
ناڤهاتی ئاشکرا کر کو ل سەر رازیبوونا خودانێن وان جھان بێی فەرمانا دادگەھێ و بێی قەرەبووکرن ئەڤ جھێن زێدەگاڤی ھاتینە راکرن.
ئەڤرۆ، بارزان مزووری:
عەلی خەلیل بەرپرسێ لقا ١٤ مووسل یا پارتی دیموکراتی کوردستان بۆ ئەڤرۆ نیوز دیار کر ئەو شانەیێن رێکخراوا تیرۆرستی یێن داعش یێن نڤستی دناڤ سەنتەرێ باژێرێ مووسل و دەوروبەر ھێدی ھێدی یێن کریارێن تیرۆرستی ئەنجام ددەن، هەتا نھا ب دروستی ژمارا وان چەکدارێن داعشێ نزانین چەندن بەلێ ل دووڤ زانیاریێن رۆژانە دگەھنە مە کو داعش یێن ھێزێن خوە رێک دئێخیت بۆ ئەنجامدانا کریارێن تیرۆرستی ئێک ژ وان کریاران ژی بەری چەند رۆژان ل گوندەکێ دەوروبەرێ مووسل موختارێ گوندی دگەل ژمارەکا کەسا ژ خێزانا وی کوشتن.
نيشاندان