ئەڤرۆ نیوز، نەوزاد هلوری:
ب مەرەما زێدەتر ناساندنا قارەمانێن شورشا ئیلونێ بو نفشێ نو، د رێورسمەکێ شکودا مونومێنتا (وەفایەک ژ ئیلوونێ) هاتە ڤەکرن کو پێکهاتبوو ژ پەیکەرێ بارزانیێ نەمر و وێنێن هژمارەکا شەهیدێن شورشا ئیلوونێ.
مونومێنت ژلایێ (رێکخراوا نفشێن ئیلوونێ) هاتبویە دروستکرن و ل دەڤەرا بالەکایەتی ب بەرهەڤبوونا هژمارەکا زور ژ دام و دەزگەهێن حکومی و حزبی و کەسوکارێن شەهیدان و پێشمەرکێن ئیلوونێ هاتەدانان.
ئەڤرۆ نیوز، مەحمود نهێلی
ب مەرەما دووڤچوونا بھا و کولێتا دەرمانان و سەرەدەریکرنا نوژدار و کارمەندێن ساخلەمیێ ل گەل ھاوولاتیان، لژنەیەک ب سەرۆکاتیا ئیسماعیل موستەفا قایممقامێ قەزا ئامێدیێ و ب ئەندامەتیا رێڤەبەرێ ساخلەمیا ئامێدیێ و نوینەرێن ئاسایش و رێڤەبەرێ پولیسێن ئامێدیێ و بەرپرسێ چاڤدێریا بازرگانی ل ئامێدیێ و دگەل د . دیار سەرەدانا دەرمانخانە و بنگەھێن ساخلەمیێ یێن سەنتەرێ باژێرێ ئامێدیێ و ناحیێن دێرەلوک و شێلادزێ کرن .
ئیسماعیل مستەفا قایمقامێ قەزا ئامێدیێ بۆ ئەڤرۆ نیوز دیار کر، کو پشتی لێگەریانێ و روینشتن دگەل نوژدار و کارمەندێن ساخلەمیێ وان تەکەزی ل سەر کێمکرنا بھایێن دەرمانان و ئینانا دەرمانێن کوالێتیا وان باش بو دەڤەرێ و ھەروەسا سەرەدەریکرنا نوژدار و کارمەندێن ساخلەمیێ ب رەنگەکێ باش دگەل ھاوولاتیان کر.
و دیارکر، کو سەرەدەریکرنا باش دگەل ھاوولاتیان ژلایێ نوژدار و کارمەندێن ساخلەمیێ ڤە نیڤیا چارەسەریێ یە بو نەخوەشان و ئەرکە ل سەر ملێن ھەموویان کو زێدەتر خزمەتا خەلک و دەڤەرا خوە بکەن .
ئەڤرۆنیوز، رەزوان رۆژبەیانی:
ئەندازیار محەمەد سەعید رێڤەبەرێ سەخبێری و پاراستنا رێک و پرا ل قەزا ئاکرێ بۆ ئەڤرۆنیوز دیار کر رێکا بەردەرەش بۆ ناحیە دارەتوو ب دو قۆناغ دھێتە بجھئینان قۆناغەک ل سەنتەرێ قەزا بەردەرەش ھەتا گوندێ زەنگەنانە ئەو قۆناغ نە گرێدای مەیە و ژ بەر قەیرانا دارایی ژی نوکە کار ل سەر ناھێتە کرن.
گوت ژی بەلێ قۆناغا دی ل ناحیە دارەتوو ھەتا گوندێ زەنگەنان کو ب درێژھیا حەفت کیلۆمیترایە و ب کوژمێ ٥٨٠ ملیۆن دینار لسەر بودجا پارێزگەھا دھۆکێ یێن سالا ٢٠١٨ ل ژێر چاڤدێریا سەخبێری و پاراستنا رێک و پرا ل قەزا ئاکری دھێتە ئەنجام دان.
ناڤهاتی ئەو یەک ژی دیار کر نوکە کار سەر سەخبێریا رێکا گوندێ گربدەو قەرەناز و گربدەو ناحیە دارەتوو دکەین سەبارەت رێکا بەردەرەش بۆ ناحیە کەلەک ژی رێکا بەردەرەش بۆ ناحیە گەلەک نوکە کار ل سەر نووژەنکرنا وێ دھێتە کرن بەلێ ل ژێر چاڤدێریا رێڤەبەرێ رێک و پرا ل پارێزگەھا دھۆکێ یە و سەر ب مە نینە.
ئەڤرۆ نیوز، مەحمود نھێلی:
ل ژێر چاڤدێریا بەرپرسێ لقا ھەژدە یا پارتی دیموکراتی کوردستان و ب ئامادبوونا قایمقامێ ئامێدیێ و ھژمارەکا زۆرا بەرپرسێن حزبی و حکومی ئەڤرۆ ٣٠/٤/٢٠١٩ پێشانگەھەکا وێنێن شەھیدێن شەرێ داعش ل پەیمانگەھا تەکنیکی یا ئامێدیێ ھاتە ڤەکرن.
عەلی رێکانی ژ نڤیسینگەھا راگەھاندنا لقێ ھەژدە یێ پارتی بۆ ئەڤرۆ نیوز دیارکر، کو ئەڤ پێشانگەھە ل ژێر چاڤدێریا عومەر ئورەی بەرپرسێ لقێ ھاتیە ڤەکرن و گۆت: (دڤێ پێشانگەھێ دا وێنە وێنێن ٤٤ شەھیدێن دەڤەرا ئامێدیێ یێن کو د شەرێ داعش دا شەهید بووینە، ھاتنە نمایش کرن).
ئه‌ڤرۆ نيوز:
هه‌ردو وه‌زاره‌تێن دارايى وناڤخوه ل هه‌رێما كوردستانێ برياره‌كا هه‌ڤپشك ل دۆر ترومبێلێن حكومى ده‌ركر.
ل دووڤ نڤيساره‌كا هه‌ڤپشك يا هه‌ردو وه‌زاره‌تان بريار هاتيه دان ب راگرتنا هه‌موو مه‌زاختيێن سوته‌مه‌نيێ وچێكرنا وان ترومبێلێن كو ژ لايێ لژنا بلند بريارا فروشتنا وان ل 1/4/2019 هاتيه په‌سه‌ندكرن.
ل سالا بۆرى حوكمه‌تا هه‌رێمێ بريار دا ترومبێلێن حكومى يێن فه‌رمانگه‌هان ژبلى ترومبێلێن خزمه‌تگوزارى بفروشيته وان فه‌رمانبه‌رێن كو چه‌ندين ساله ئه‌و ترومبێل ل ده‌ف وان وفروتنا وان ترومبێلان ژى ب فه‌رمانبه‌ران ب قستێ 10 سالى يه كو دبيته 120 قست، دانا قستى ژى هه‌يڤانه نينه، به‌لكو ل گه‌ل وه‌رگرتنا مووچه‌يه.
ئه‌ڤرۆ نيوز:
وه‌زيرێ په‌روه‌ردێ ل هه‌رێما كوردستانێ پشتيوان سادق راگه‌هاند، دامه‌زراندنا مامۆستايێن وانه‌بێژ دێ ل دووڤ به‌رنامێ كابينا نوو يا حوكمه‌تا هه‌رێمێ بيت و بگۆره‌ى پێدڤيێ وبسپۆريێ ل قوتابخانان دێ هێنه دامه‌زراندن.
پشتيوان سادق ئه‌ڤرۆ دوشه‌مبى دكۆنگره‌كێ رۆژنامه‌ڤانى، ل دۆر مامۆستايێن گرێبه‌ست گۆت” ل سالێن بۆرى ژبه‌ركو حوكمه‌تا هه‌رێما كوردستانێ د قه‌يرانێ دا بوو وبودجا پێدڤى نه‌بوو، له‌وما دشيان دا نه‌بوو ببنه مامۆستايێن به‌رده‌وام”.
دياركر ژى” هه‌ر ده‌مێ بودجه بهێته دانان، دێ كێشا وان مامۆستايان ب هاريكاريا جڤاتا وه‌زيران ووه‌زاره‌تا دارايى بودجه بۆ هێته دياركرن”.
ئەڤرۆ نیوز:
قاسم سلێمانی فەرماندارێ فەیلەقا قودس یا سەر ب سوپایێ پاسداران یێ ئیرانێ راگەهاند کو دانوستاندن ل گەل ئەمریکا شەرمزاریەکا مەزنە و ئەم ب چو رەنگەکێ رێ نادەین دانوستاندن ل گەل ئەمریکا بهێنە کرن.
قاسم سلێمانی ئەو یەک ژی دیار کر کو دانوستاندنێن بەری نها یێن د ناڤبەرا ئەمریکا و ئیرانێ دا بێ ئەنجام بووینە و نابیت جارەکا دی شاشیەکا وەسا بهێتە دوبارەکرن.
ئەڤرۆ نیوز، عەلی حاجی :
ب مەرەما پشتەڤانی کرن ل تەخا جوتیاران ، رێڤەبەریا چاندنێ ل زاخۆ رابو ب بەلاڤکرنا عەلەفێ ئاژەلی و چەندین پێدڤیێن دیتر ل سەر جوتیارێن دەڤەرا زاخۆ.
ئەحمەد سامی رێڤەبەرێ چاندنێ ل زاخۆ بۆ ئەڤرۆ نیوز گوت : ھاریکاریێن حکومەتا ھەرێما کوردستانێ بۆ سەر جوتیارێن دەڤەرا زاخۆ د بەردەوامن و ل دووڤ وێ پلانا ھاتیە دارێژتن و د بەردەوامیا بەلاڤکرنا ھاریکاریان ل سەر جووتیاران رێڤەبەریامە رابو ب بەلاڤکرنا ٦٠٠ تەنێن عەلەفێن ئاژەلی بو ٧٠٠ جوتیاران و زێدەتری ھزار سوندەیێن ئاڤێ ژی ھاتنە بەلاڤکرن و زێدەباری وێ چەندێ ژی زێدەتری تەنەکا بەرھەمێ قرکرنا تەڤن پیرکا دێ ل سەر جوتیاران بەلاڤ کەین.
ناڤھاتی ئەو چەندە ژی گۆت : ئەڤ ھاریکاری یە ھەمی ب نیڤ بھا ب سەر جوتیاران ھاتینە بەلاڤکرن و ل دووڤ وێ پلانا ھاتیە داریّتن و ل گوەری پێزانینێن ل بەر دەست ھەین دێ بەرھەمێ ئەڤ سالە زێدەتر بیت ژسالێن دەرباز بویی و ئەڤ چەندە دێ بیتە رێ خوەشکەرەک بازارێ ناڤخویی خورترلێ بھێت.
ئەڤرۆ نیوز:
ل گۆر میدیایێن نێزیک ژ رێڤەبەریا خوەسەر یا رۆژئاڤایێ کوردستانێ دوهی کاروانەکێ دی یێ چەکێن گران گەهشتینە دەستێ هەسەدێ و نها ل دێرازۆرێ هاتینە بجهکرن.
فەرماندارەکێ هەسەدێ ژی کو ناڤێ خوە ئاشکرا نەکریە دیار کریە کو چەکێن گران و مودێرن یێن ئەمریکی گەهشتینە دەستێ مە و ئەمریکا بەردەوام چەکێن گران بۆ مە دئینیت و ئەم بۆ هەر پێشهاتەکا نەخواستی ل رۆژئاڤایێ کوردستانێ و دەڤەرێن دی د ئامادەباشیێ داینە.
نيشاندان