ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 24ى نيسانا 2019ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 100 دولارێ ئهمريكى | 120.200 دينار |
| 100 يۆرۆيێ ئهورۆپى | 135.500 دينار |
| 100 ليرێ توركى | 21.000 دينار |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئەڤرۆ نیوز، نەوزاد ھلۆری:
ب مەرەما ناساندنا چیا و رێنما و قانونێن چیایی و چەوانیا سەرکەفتن و ھاتنەخوار یا چیایی ب رەنگەکێ زانستی و وەرزشی، ل گەل چەندین پێزانینێن دی، بو ئێکەمجار ل کوردستانێ پرتووكهكا تایبەت ھاتە چێکرن و تێدا ھەموو ھوکاری ب وێنەڤە ھاتینە بەحسکرن.
ئەنوەر دولەمەری، نڤیسەرێ پرتووکێ و سەرۆکێ سەنتەرێ بارزان بۆ ژینگەپارێزی و چیاڤانی بۆ ئەڤرۆ نیوز گۆت: (ل کوردستانێ ھژمارەکا زور ژ چیایێن جوان و مەزن ھەنە، ھەکە گرنگی پێ بھێتەدان ژ روویێ گەشتوگۆزار دێ باشترین خزمەت بو خەلکێ کوردستانێ کەن، دیسان دڤێت بیرنەکەین ژی کو د بەرێ دا ب تایبەتی لسەردەمێ شورەشێ چیا باشترین پشت بوون، بۆ پاراستنا سەر و مالێ خەلکێ کوردستانێ و شورەشڤانان).
زێدەتر گۆت: (پشتی کو ل کوردستانێ چەند گرۆپەکێن چیاڤانی ھاتینە دامەزراندن و چونا خەلکی بو دەڤەرێن چیایی بویە نەریت من ب فەردیت کو ئەز پرتووکەکا تایبەت لسەر رێنمایی قانون و چەوانیا ب سەرکەفتن و ھاتنەخوار یا چیایی ب رێکێن زانستی و وەرزشی دروست بکەم، ژبەرکو ھەر سەرکەفتن و ھاتنەخوارەکا چیایی نابیتە چون بۆ سەر چیایی، بەلکو چونا زانستی یا چیایی ئەوە کو ژ روویێ وەرزشی ڤە مروڤ مفای ژێوەربگریت ئانکو ب سەرکەڤیت و بھێتەخوارێ، بێ کو زیانێ بگەھینیت خوە و ژینگەھێ ژی).
ناڤبری دیارکر ژی کو پەرتووک پێکدھێت ژ پێزانین و وێنە داکو ب رەنگەکێ رونتر خواندەڤان بزانیت و زێدەتر گۆت: (ئەڤ پەرتووکە ب ھەرسێ زمانێن کوردی، ئینگلیزی و فارسی ھاتیە چاپکرن و بەلاڤکرن و نێزیکێ 100 لاپەران بخوڤە دگریت و ب رەنگەکێ جوان و سەردەمیانە و ب لاپەرێن رەنگاورەنگ ھاتیە بەلاڤکرن و ئومێدەوارین ھەموو چیاڤان بشێن دەستخوڤە بینن).
ئهڤرۆ نيوز:
نهخۆشخانا هاوارهاتنێ يا پێشمهرگهى ژ لايێ وهلاتێ ئهلمانياڤه هاتيه ئاڤاكرن و يا تايبهته ب چارهكرنا بريندارێن پێشمهرگهى، د رێورهسمهكى دا ئهڤرۆ 24ى نيسانا 2019ێ هاته ڤهكرن.
سهربهست لهزگين د رێورهسمێ ڤهكرنا نهخۆشخانێ دا، سۆپاسيا گهل و حوكمهتا ئهلمانيا كر د هاريكاريكرنا هێزێن پێشمهرگهى و خهلكێ كوردستانێ دا.
بهرێ بنياتێ نهخۆشخانێ ل ههيڤا تهباخا 2018ێ هاتبوو دانان، بوودجێ وێ ژى تايبهت ژ لايێ وهلاتێ ئهلمانيا ڤه هاتيه دابينكرن و ب تنێ دێ بۆ پێشمهرگهى بيت.
نهخۆشخانا پێشمهرگهى ب كۆژمێ پێنج مليۆن دۆلاران ب ههموو پێدڤياتى ڤه هاتيه دروستكرن، بڕياره ل نێزيك وێ نهخۆشخانێ، نهخۆشخانهكا مهزنتر و پێشكهفتيتر بهێته ئاڤاكرن بۆ دهمێن تهنگاڤيان جهێ هاتنه خوارا كۆپتهران ژى بهێته دروستكرن.
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشهمبى رێکەفتی 25ى نيسانا 2019ێ دهێته پێشبينكرن ئهسمان ساهى و ئهورێن كێم بيت، پاشان دێ بيته ئهور و ئهگهرێ بارانا بارينهكا كێم و هوور ل دهڤهرێن چياى ههيه.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهسمان ساهى و ئهورێن كێم بيت، پاشان دێ بيته ئهور و ئهگهرێ بارانا بارينهكا كێم و هوور ل دهڤهرێن چياى ههيه.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 8 بۆ 20 پلان دا بن.
ئهڤرۆ نيوز:
ئهڤرۆ رۆژا چارشهمبى 24ى نيسانا 2019ێ روونشتنهكا دى بۆ دادگههكرنا سهلاحهدين دهميرتاش، ههڤسهرۆكێ ههدهپێ دێ ب رێڤه چيت.
ب گۆرهى ميديا توركيا بڕياره ئهڤرۆ دادگهها سنجا ل ئهنقهره، روونشتنهكا دى بۆ دادگههكرنا ههڤسهرۆكێ بهرێ يێ ههدهپێ ئهنجام بدهت و سهلاحهدين دهميرتاش دێ د رێيا ڤيديۆيێ دا پشكداريێ كهت و بهرهڤانيێ ژ خوه كهت.
ههر ب گۆرهى وان نووچهيان، ژمارهكا بهرپرس و پهرلهمانتارێن ههدهپێ ژى دێ ئامادهى ڤێ روونشتنا دادگههێ بن.
سهلاحهدين دهميرتاش ل رۆژا 4ى چريا دويێ 2016 هاتيه دهستهسهركرن و زێدهتر ژ 90 دوسيان ل سهر هاتينه ڤهكرن.
ئهڤرۆ نیوز، نهوزاد هلۆرى:
رێڤهبهریا كاروبارێن شههید و ئهنفالكریێن بارزان پێشانگهههكا شێوهكارى یا تایبهت ب وێنێن شههیدێن شهرێ داعشێ كو ب دارى هاتبونه چێكرن بۆ هونهرمهندێ شێوهكار ئێحسان سهلیم ڤهكر.
رێبوار رهمهزان، رێڤهبهرێ كاروبارێن شههید و ئهنفالكریێن بارزان بۆ ئهڤرۆ نیوز گۆت: ب بهرههڤبوونا خهلات بارزانى نوونهرێ سهروك بارزانى و كهسوكارێن شههید و ئهنفالكریان، پێشانگهیهكا تایبهت ب وێنێن شههیدێن شهرێ داعشێ هاته ڤهكرن بۆ هونهرمهندێ شێوهكار ئێحسان سهلیم كو ههموو ب دارى هاتبونه چێكرن و نهخشاندن).
زێدهتر گۆت: (د پێشانگههێ دا وێنێن 18 پێشمهگهركێن شههید هاتنه نیشاندان كو گیانێ خوه كریه قوربانى پاراستنا ئاخا كوردستانێ، ههموو ئهو وێنه بهرههمێ پرۆژێ من یێ پهرتوكهكێ بوون بناڤێ شههیدێن رێیا نیشتمانى، پشتى داوى هاتنا پێشانگههێ ههموو ئهو وێنه ب دیارى دانه كهسوكارێن شههیدان).
ئهڤرۆ نیوز:
سكرتێرێ مهكتهبا سیاسى یا پارتى دیموكراتى كوردستان فازل میرانى ئهڤرۆ سێشهمبى 23/4/2019 راگههاند، د ڤێ حهفتیێ دا دێ ههموو پرسا ل گهل ئێكهتى نیشتمانى كوردستان ئێكلاكهین.
فازل میرانى د داخۆیانیهكا رۆژنامهڤانى دا گۆت” چو ژڤان بۆ پێكئینانا حوكمهتێ ناهێنه دیاركرن، چونكى دهم تنێ د ناڤبهرا قونتهرچى وحوكمهتان دهێته دیاركرن ونابیت د ههموو پرۆسان دا دهم بهێته دیاركرن”.
میرانى گۆت ژى” د ڤێ حهفتیێ دا دێ ل گهل ئێكهتیێ ههموو تشتهكێ ئێكلاكهین”.
سكرتێرێ مهكتهبا سیاسى یا پارتى ل دۆر گرێدانا كۆنگرێ پارتى پشتى پێكئینانا حوكمهتا نوو یا ههرێما كوردستانێ، گۆت” پارتى مهرجهعیهت یا ههى كو سهرۆك بارزانى یه وئهو چ بێژیت دێ هێته بجهئینان”.
ئهڤرۆ نیوز، نهوزاد هلۆرى:
ههر سال بازارێ فروتنا گیا و كهرستیێن چیایى ل شێلادزێ قهرهبالغترین بازاره ل سنوورێ قهزا ئامێدیێ و رۆژانه هژمارهكا زور یا خهلكى كرین و فروتن تێدا دكر، بهلێ ئهڤ ساله ژ ئهگهرێ بارانێن زور و بهردهوامبوونا بوردومانێن فروكێن توركیا و قهدهغهكرنا دهڤهرا نێروهورێكان و دوسكى، بازارێ گیایێن بهارى ل شێلادزێ لاوازبوویه.
بۆ ديتنا ڤيديۆيێ ڤى لينكى كليك بكه.
ئهڤرۆ نیوز:
بریاره سوبههى چارشهمبى 24/4/2019 نهخوهشخانا پێشمهرگه رادهستى وهزارهتا پێشمهرگه بهێته كرن.
رهفعهت مزورى، رێڤهبهرێ نهخوهشخانا پێشمهرگه راگههاند، بریاره سوباهى ب بهرههڤبوونا وهزیرێ پێشمهرگه وهژماركا بهرپرسێن بلند یێن لهشكرى ومهدهنى وفهرماندێ هێزێن ئهلمانیا ل ههرێما كوردستانێ وجێگرێ كونسۆلێ ئهلمانیا ل ههولێرێ وهژمارهكا بهرپرسێن لهشكرى یێن ئهلمانى ل عیراقێ وههرێما كوردستانێ، نهخوهشخانا پێشمهرگه ب شێوهكێ فهرمى رادهستى وهزارهتا پێشمهرگه بهێته كرن”.
ل دۆر ژڤانێ چارهكرنا پێشمهرگهى ل وێ نهخوهشخانێ، گۆت” د بهرنامهى دایه ل ههیڤا گولانا داهاتى چارهسهریا نهخوهش وبریندارێن پێشمهرگه بكهین، ب شێوهكى ئێدى پێشمهرگه بۆ چارهسهریێ پش بهستنێ ب نهخوهشخانێن تایبهت نهكهت یان نههێته هنارتن بۆ دهرڤهى وهلاتى ودێ بزاڤێ كهین ب رێیا نوشدارێن ناڤخوه وتیمێن نوشدارێن بسپۆر یێن ئهلمانى ب باشترین شێوه خزمهتێن ساخلهمى پێشكێشى نهخوهش وبریندارێن پێشمهرگه بكهین”.
دهێته زانین نهخوهشخانا پێشمهرگه ل سهر ئهركێ وهلاتێ ئهلمانیا ب گۆژمێ 5 ملیۆن دۆلاران ل سهر رووبهرێ هزار مهترێن دوجاركى بۆ وهزارتا پێشمهرگه هاتیه دروستكرن ل ههولێرێ.
نيشاندان