ئهڤرۆ نيوز، شههلا رێكانى:
ئهڤرۆ 23ى نيسانێ رۆژا جيهانى يا پرتووكێ يه، د ڤێ ئينفۆگرافيكێ دا تيشك خستيه سهر وان رێكاران يێن مرۆڤ ب پرتووكێ ڤه دهێته گێردان و حهز ژ پرتووكێ دكهت.
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
وهزارهتا ناڤخوه بریارهكا نوو دهردكهت
ئهڤرۆ نیوز:
د نڤیسارهكێ دا وهزارهتا ناڤخوه ل ههرێما كوردستانێ بریار دا كو قهدهغهیه ئهفسهر وكارمهند وفهرمانبهرێن میلاكێن فهرمانگههێن وێ سهرهدانا وهزارهتێ بكهن.
نڤیسارا وهزارهتا ناڤخوه كو ئاراستهى پارێزگههان وئیدارێن سهربخوه یێن ههرێمێ وهێزێن ئاسایشا ناڤخوه وفهرماندا زێرهڤانى وبهرگرى وفریاكهوتن وناڤهندا ههڤپشكا ههماههنگیا قهیرانان هاتیه كرن، ئاماژێ ب وێ دكهت كو نابیت چو فهرمانبهر وكارمهند سهرهدانا بارهگایێ وهزارهتا ناڤخوه بكهن.
وهزارهتا ناڤخوه دیاركر ژى كو تنێ رێ ب پلهیا عهمید ود سهردا دێ هێته دان كو سهرهدانا وهزارهتا ناڤخوه بكهن، ئانكو ژ پلهیا پۆلیسێ پهیاده ههتاكو پلهیا عهقید رێ ب سهرهدانا وان بۆ وهزارهتا ناڤخوه ناهێته دان.
ئاماژه كریه ژى كو ههر ئهفسهر وكارمهند وفهرمانبهرهكێ سكالا ههبیت دشێت ب رێیا مالپهرێ فهرمى یێ وهزارهتێ سكالایا خوه بگههینیت، هوشدارى ژى دایه ههر ئهفسهر وكارمهند وفهرمانبهرهكێ سهرپێچیا ڤێ بریارێ بكهت، دێ پێرابوونێن توند دگهلدا هێنه ئهنجامدان.
مەسرور بارزانی و جێگری هنارتیێ تایبهتی سهرۆكی ئهمریكا كۆمبوون
ئهڤرۆ نیوز:
شیرهتكارێ جڤاتا ئاسایشا ههرێما كوردستانێ، مهسرور بارزانى ئهڤرۆ سێشهمبى 23/4/2019 پێشوازى ل ولیام روبۆك جێگرێ هنارتیێ تایبهتێ سهرۆكێ ئهمریكا بۆ ههڤپهیمانیا جیهانى یا دژى داعشێ وشاندێ دگهلدا كۆمبوو.
د كۆمبوونهكێ دا دووماهى پێشهاتێن عیراقێ وههرێما كوردستانێ ودهڤهرێ وروو ب رووبوونا تیرۆرێ دانوستاندن ل سهر هاته كرن.
مهسرور بارزانى بۆچوونا خوه ل دۆر لڤینێن بهردهوامێن داعشێ ل هندهك دهڤهرێن عیراقێ رۆهنكر ودووپاتى ل گرنگیا چارهكرنا رهوشا دهڤهرێن دهرڤهى ئیدارا ههرێما كوردستانێ كر وراگههاند، پێدڤیه ب لهز دهلیڤا گونجاى بۆ ئاسایى كرنا رهوشا وان دهڤهران بهێته پهیداكرن.
ههروهسا بهحسێ هاتنا سهقایهكێ ئهرێنى د پهیوهندیا د ناڤبهرا ههولێرێ وبهغدا كر ورۆهنكر ئهڤ سهقایه دێ هاریكار بیت بۆ هاڤێتنا گاڤێن پێدڤى ب ئاراستهیا چارهكرنا ههموو پرسێن ههلاویستى كو كاریگهرى ل سهر سهقامگیریێ دێ ههبیت.
د بهرامبهر جێگرێ هنارتیێ تایبهتێ سهرۆكێ ئهمریكا پشتهڤانیا وهلاتێ خوه بۆ هێزا پێشمهرگهى وههماههنگیا د ناڤبهرا هێزێن پهیوهندیدار وهێزێن ههڤپهیمانان دووباره كر وراگههاند، پێشڤهبرنا وێ ههماههنگیێ ب پێدڤى دزانیت بۆ رێگرتنێ ل لڤینێن تیرۆرستان ل عیراقێ.
شینوارەک مێژوویا باژێرێ زاخۆ دیار دکەت
ئەڤرۆ نیوز ، عەلی حاجی:
د داخویانیەکێ رێڤەبەرێ شینواران ل زاخۆ بۆ ئەڤرۆ نیوز دیارکر د بەردەوامیا لێگەریانێت وان دا ل سەر کەل وپەلێن شینواری ل ناڤا سەنتەرێ باژێرێ زاخۆ دا شیاین پارچەیەکێ شینواری یێ دایکا ئوم ھاتە دیتن و پشتی چەندین ڤەکولینان ب رێیا وێ پارچەیێ شینواری مێژوویا راستەقینەیا باژێرێ زاخۆ دیار دکەت.
محەمەد ئەحمەدی زێدەتر گۆت: ل سالا ٢٠١٥ ل باژێرێ زاخۆ جھەک ھات بوو دەستنیشان کرن بۆ چێکرنا پروژەیەکی و پشتی مە دووڤچوون کری و چەندین جە ھەلکولاین پارچەیەکا شینواری یا گرنگ ھاتە دیتن کو دبێژنێ دایکا ئوم ( الیھە اوم ) کو ئەو پارچە شینوارە دیار دکەت کو مێژوویا دروست بوونا باژێرێ زاخۆ ڤەدگەریت پێنچ ھزار سالان ژ بەری زاینێ ئانکو چەرخێ پێش نڤیسینێ و ئەڤە دێ بیتە ژێدەرەکێ باش بو ھەمی ماموستا و زانکویان کو زێدەتر دووڤچوونێ ل سەر ڤی پارچە شینواری بکەن بۆ زانینا مێژوویا باژێرێ زاخۆ.
ناڤھاتی ئەو چەندە ژی گۆت: ئەو پارچە شینوارە تنێ ئێک پارچەیە لێ دگەل دا ژی مە چەندین جەرک و تشتێن دی ژی ھەر ل وی جھی دیتینە و ل ڤان نێزیکان ژی دێ ڤەکولینا خوە ل جھەکێ بەلاڤ کەم ژبەر کو ئەڤ چەندە بو سەرچاوەیەکێ گرنگ بو زانینا مێژوویا باژێرێ زاخۆ.
ئەمریکا بەرهەڤە هندەک داخوازیێن تورکیا قەبوول بکەت
ئەڤرۆ نیوز:
فەهیم تاشتەکین نڤیسەر و ڤەکۆلەرێ ناڤدارێ تورکیا دیار دکەت کو ئەمریکا بەرهەڤە ل هەمبەر نەکڕینا سیستەمێ مۆشەکی یێ روسیا ژ ئالیێ تورکیا ڤە هندەک داخوازێن تورکیا ل دۆر سووریێ و رۆژئاڤایێ کوردستانێ قەبوول بکەت.
ناڤهاتی دیار دکەت هەکە ئەمریکا تشتەکێ وەسا بکەت ئەو یەک دێ مەترسیەکا خوە یا مەزن ل سەر رۆژئاڤایێ کوردستانێ هەبیت، چونکو ئارمانجا سەرەکی یا تورکیا ئەڤە کو نەهێلیت کورد ل سووریێ بگەهنە مافێن خوە.
شەرێ ل لیبیا دژوارتر لێ دهێت
ئەڤرۆ نیوز:
رێکخراوا ساخلەمیا جیهانی ئەڤرۆ راپۆرتەک ل دۆر شەرێ ڤێ دووماهیێ ل لیبیا بەلاڤکر کو ل رۆژا ٤ نیسانێ دەستپێکریە و هەتا نها ژی بەردەوامە و ل گۆر راپۆرتا وێ رێکخراوێ هەتا نها ٢٦٤ کەسان جانێ خوە ژ دەست داینە و ژ بەر شەری ٣٢ هزار کەس ژی کۆچبەر بووینە.
رێکخراوا ساخلەمیا جیهانی ئاماژە ب هندێ ژی دکەت کو پرانیا کەسێن د شەرێ ڤێ دووماهیێ ل لیبیا دا جانێ خوە ژ دەست داینە کەسێن سڤیلن و دڤێت شەر بهێتە راگرتن.
داعشێ بەرپرسیاریا خوە ل هەمبەر پەقینێن سریلانکایێ راگەهاند
ئەڤرۆ نیوز:
ئاژانسا ئەعماق یا سەر ب رێکخراوا تیرۆرستی دا داعشێ ئەڤرۆکە راگەهاند کو پەقینێن ل سریلانکایێ ژ ئالیێ ئەندامێن وان ڤە هاتینە کرن.
ل ئالیێ دی وەزیرێ ناڤخوە یێ سریلانکایێ ژی راگەهاند کو هەتا نها ژی ڤەکۆلینێن مە ل دۆر پەقینان بەردەوامن و هژمارا کوشتیان ژی هەتا نها گەهشتیە ٣٢٧ کەسان و ب دەهان کەسێن دی ژی بریندارن.
ئەمریکا ل بەدیلەکێ نوو دگەریت
ئەڤرۆ نیوز:
ئاژانسا سپۆتینگ نیوز یا روسیا دیار دکەت کو نها پەیوەندیێن تورکیا و ئەمریکا گەلەکێ ئالۆز بووینە و ئەمریکا گەلەک چەکێن خوە ژ ئینجیرلیکێ بەر ب جهەکێ دی برینە، ئەمریکی ب جهێ ئینجیرلیکا تورکیا دخوازن ل یونان یان ژی وەلاتەکێ دی بنگەهەکێ نوو ئاڤا بکەن لێ هەتا نها بریارا دووماهیێ نەهاتیە دان.
ئاژانسا روسی دیار دکەت کو ئەمریکا بریار دایە بنگەهێ خوە ل ئینجیرلیکێ چۆل بکەت و وەلاتێ رومانیا ژی ئێکە ژ بەدیلێن دی بۆ ئەمریکا.
بارانێ زیانێن مەزن ل زاخۆ پەیداکرن
ئەڤرۆ نیوز، عەلی حاجی :
دوھی ل روژا دوشەمبی رێککەفتی ٢٢/٤/٢٠١٩ ژ ئەگەرێ بارینا بارانەکا زور ل باژێرێ زاخۆ بۆ ئەگەرێ ھەرفینا دو خانیان و ھەر دیسان ئاڤ چوو دچەندین مالان ڤە و زیانێن زور ژی بەر ب ھاولاتیان کەفتن.
ل دور ڤێ چەندێ رائید بێوار عەبدولعەزیز بەرپرسێ راگەھاندنا بەرەڤانیا باژێری ل دھۆکێ بۆ ئەڤرۆ نیوز گوت : دوھی روژا دوشەمبێ ژبەر ھاتنا بارینەکا زور بۆ ئەگەرێ وێ چەندێ ئاڤ ل ھندەک تاخان بلند ببیت و زیان بەر ب ھاولاتیان بکەڤیت ، ل دەمژمێری ٧ی سپێدێ ترومبێلەک ل تاخێ فرقێ مابو دناڤ دئاڤێ دا و خوەش بەختانە تیمێن مە ل بەرەڤانیا باژێری ل زاخۆ شیان وێ ترومبێلێ دەربخن و ھەر ل ھەمان روژ ژبەر رابونا ئاڤێ دناڤبەرا تاخێن پێشەسازی و عەباسیکێ ئاڤێ ب سەر دو مالێن ھاولاتیێن وی تاخی دا گرت و بۆ ئەگەر ٣ ھەتا ٤ ملیونان دیناران زیان بەر ب وان ھاولاتیان بکەڤیت.
ناڤھاتی ئەو چەندە ژی گۆت: ھەر ل ھەمان روژا ل تاخێ شقا بەرامبەر پەیمانگەھا تەکنیکی یا زاخۆ ژئەگەرێ بارینا بارانێ ئاڤەکێ زور ل وێرێ راوەستیا بۆ ئەگەرێ ھندێ ئێدی ھاتن و چوون ل وێ جاددەیێ بھێتە راوەستاندن و پشتی تیمێن مە گەھشتینە جھێ روودانێ پشتی بورینا نیڤ دەمژمێرێ جارەکادی شیان ھاتن و چوونێ ل وێ جاددەیێ ئاسایی بکەن.
سەرۆک بارزانی سوپاسیا نڤیسەرەکێ ناڤدارێ کورد دکەت
ئەڤرۆ نیوز:
ئەڤرۆ سەرۆک مەسعود بارزانی پێشوازی ل نڤیسەر و ڤەکۆلەرێ ناڤدارێ رۆژهەلاتێ کوردستانێ کەلیموللا تەوەحودی کر و ژ بەر کەدا وی یا بۆ پاراستنا کەلتور و پشکەک ژ دیرۆکا کوردستانێ سوپاسیا وی کر.
سەرۆک بارزانی سوپاسیا نڤیسەر و دیرۆکناسێ ناڤدارێ کورد کر کو شیایە ب کەد و ماندیبوونا خوە پشکەکا مەزن ژ دیرۆک و کەلتورێ کوردان ل خوراسانێ و رۆژهەلاتێ کوردستانێ بپارێزیت و چەندین پەرتووکێن ب بها پێشکێشی گەلێ کوردستانێ بکەت.
ژ ئالیێ خوە ڤە ماموستا کەلیموللا تەوەحودی ژی راگەهاند کو مەزنترین هێڤیا من د ژیانێ دا پێکهات و سوپاسیا هەلویستێ سەرۆک بارزانی و پشتەڤانیا وی کر.
نيشاندان
WP Facebook Auto Publish Powered By : XYZScripts.com