ئه‌ڤرۆ نيوز:
چبکەم دا ھەڤژینێ من حەز ژ من بکەت؟ ئەڤ پرسیارە د سەرێ گەلەک ژنان دزڤریت، ژبەرکو ھەموو دەمان حەز دکەن ھەڤژینێ وان عاشقێ وان بیت و چو ژنێن دی د مەژیێ وی دا نەبن و ب تنێ داخبارێ ھەڤژینا خوە بیت.
ل گۆرەی گۆتنا کەسانێن شارەزا، گەھشتن ب وێ ئارمانجێ بساناھیە و ژن دشێت ب رێیا چەند رەفتاران ببیتە تاکە ژن و دلدار ل نک ھەڤژینێ خوە.
گرنگیدان ب سەروسیما و جلک و جوانیا خوە، ژبەرکو زەلام ب سروشتێ خوە حەز ژ وێ ژنێ دکەن یا گرنگیێ ددەتە جلک و سەروسیمایێ خوە، بزاڤان بکە بەردەوام گوھۆرینان د خوەدا بکە و ستایلێ پرچ و جلکێن خوە ب شێوەیەکێ رێک بێخە.
رێزگرتن و ھاریکاریا ھەڤژینی د ھەموو دەمان دا، ژبەرکو دێ ھەست ب ھێزێ کەت و بزاڤان کەت پتر حەز ژ تە بکەت، دێ بینیت د ھەموو رەوشان دا کەسەک ل گەل ھەیە و بێی ھەبوونا چو بەرژەوەندیان.
سەرەدەریکرن د گەل ھەڤژینی ب شێوەیەکێ گونجای و دلۆڤان و ب دلینی، ھەستێن خوە بۆ دیار بکە، یان دەمێ یێ وەستیای بیت بزاڤان بکە وەستیانا وی نەھێلە و سەرەدەریەکا جوان د گەل دا بکە.
دەمێ ھەڤژینێ تە د قۆناغەکا نەخۆش دا دەرباز دبیت، بۆ نموونە شکەستنەک د کارێ خوە دا ئینابیت یان د کارەکێ دا خوسارەت ببیت و پارە ژ دەست دا بن، پشتەڤانیا تە باشترین ھیڤیە و دێ بیتە ئەگەرێ ژبیرکرنا خەما وی، ب وێ یەکێ دێ ھزر کەت کو تو ب تنێ قارەمانا خەونێن وی و حەز ژ چو ژنێن دی ناکەت.
نيشاندان
