ئەڤرۆ نیوز ، عەلی حاجی :
ل باژێرێ زاخو ٣٢ تاوانبار ل سەر تاوانێن دزی و قومار و خراب بکارئینانا تورێن کومەلایەتی و گەفکرنێ ژلایێ پولیسان ڤە ھاتنە دەستەسەرکرن.
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
پارێزگهرێ دهۆكێ پشتهڤانیا پارێزگههێ بۆ پێشخستنا پیشهیێ رۆژنامهڤانان نیشا دا
ئهڤرۆ نیوز:
فهرهاد ئهمین ئهترووشی پارێزگهرێ دهوكێ ئهڤرۆ پێشوازیا شاندهكێ لقێ دهوك یێ سهندیكا روژنامهنڤیسێن كوردستانێ ب سهروكاتیا ڤیان عهباس كر.
دههڤدیتنهكێدا ب ئامادهبونا خوشناڤ جمیل ئهندامێ ئهنجومهنێ سهندیكا روژنامهنڤیسێن كوردستانێ ل پارێزگهها دهوكێ بهحسێ 121سالیا روژنهماگهریا كوردی و21سالیا دامهزراندنا سهندیكا روژنامهنڤیسێن كوردستانێ وئهو كارو چالاكیێن بڤێ ههلكهفتێ هاتینه ئهنجامدان ورهوشا سهندیكا روژنامهنڤیسێن كوردستانێ لقێ دهوك وبهرنامێن وان بو ئهنجامدانا چهند چالاكیێن روژنامهڤانی ورهوشهنبیری ل روژێن بهێت هاته كرن.
پارێزگهرێ دهوكێ ب ناڤێ خو وكارگێریا پارێزگههێ 121سالیا روژنامهڤانیا كوردی و21سالیا دامهزراندنا سهندیكا روژنامهنڤیسێن كوردستانێ ل ههموو روژنامهڤان ومیدیاكاران پیروزكر وتهكهزی ل سهر رولێ گرنگ یێ راگههاندنێ ومیدیاكارا كر كو برهنگهكێ پیشهیی سهرهدهریێ دگهل ههموو پێشهات وبویهران بكهن وپهیاما خو یا راستهقینه یا روژنامهڤانی بگههینه جهێن بهرپرس ههروهسا بهردهوام خو پێشبێخن وسهركهفتن بو ههموو روژنامهڤان وسازیێن راگههاندنێ خواست وپشتهڤانیا پارێزگههێ نیشان دا بو ههر هاریكاریهكێ بو وێ یهكێ كار وپیشهیێ روژنامهڤانان بهێته پێشئێخستن.
ههژی گوتنێ یه ل 22نیسانا سالا 1898ئێكهم روژناما كوردی ب ناڤێ كوردستان ل پایتهختێ مسرێ قاهیره ژلایێ مقداد مدحت بدرخان هاتبو دهرئێخستن.
نێچیرڤان بارزانی و حهلبووسی بهحسێ رهوشا ئاوارێن عیراقێ ل كهمپێن ههرێمێ كر
ئهڤرۆ نیوز:
نێچیرڤان بارزانی سهرۆك وهزیرێن ههرێما كوردستانێ و محهمهد حهلبووسی سهرۆكێ پهرلهمانێ عیراقێ، رهوشا سیاسی یا عیراقێ ب گشتی و دووماهی پێشهاتێن پارێزگهها نهینهوا ب تایبهتی گهنگهشه كرن.
د كۆمبوونهكێ دا كو ئهڤرۆ ل ههولێرێ ب ئامادهبوونا د. ڤالا فهریدا سهرۆكا پهرلهمانێ كوردستانێ برێڤهچوو، بهحسێ رهوشا ئاوارێن عیراقێ ل كهمپێن ههرێما كوردستانێ كر و دوپاتی ل سهر گرنگیا هاریكاریكرنا وان ژ لایێ حوكمهتا عیراقێ و جڤاكێ نێڤدهولهتی كر و بۆ وێ چهندێ بشێن ڤهگهڕنه جهێن خوه و دهڤهرێن زیان گههشتینه بهێنه ئاڤاكرن.
پهیوهندیێن ههولێر و بهغدا و بهردهوامیا دانوستاندنان بۆ چارهكرنا كێشان ب رێیا دیالۆگێ، گهنگهشهكرنا رهوشا دهڤهرێ و چهند پرسێن دی پشكهكا دی یا كۆمبوونێ بوون.
تهقه ل تیمێن ڤهكرنا گۆرێن ب كۆم ل گۆندى كوچۆ هاتیه كرن
ئەڤرۆ نیوز:
بریكارێ وهزارهتا شههید و ئهنفالكریان ل حكومهتا ههرێما كوردستانێ دیاركر ئهڤرۆ ژلایێ هندهك كهسێن نه ناسیار ڤه تهقه ل تیمێن راكرنا گۆرێن ب كۆم ل گۆندى كوچۆ قهزا شنگال هاتیه كرن و تیمێن ڤهكرنا گۆرێن ب كۆم ژ كوچۆ بهر ب شنگال چوون.
بهرهڤان حهمدى، بریكارێ وهزارهتا شههید و ئهنفالكریان ل حكومهتا ههرێما كوردستانێ بۆ (باسنیوز) دیاركر: ” رۆژا دووشەمبی دوو تیمێن ڤهكرنا گۆرێن ب كۆم ل گۆندى كوچۆ دو گۆرێن ب كۆم ڤهدكرن ئێك ژ وان گۆرین ب كۆم یێن كار تێدا دهاته كرن دهنگى تهقه هاتیه وان ئهو تهقه بۆ گرۆپى كاركرنێ هاتینه ئاراستهكرن لهورا تیمێن گۆرێن بكۆم كار بجه هێلاینه بۆ پاراستنا سلامهتیا خوه ل سهر ڤێ بابهتى و دهزگههێن ئهمنى یێن دهڤهرا شنگال هاتینه سهر خهتى بۆ دوڤچوونى ل سهر وى تهقه هاتیه كرن “.
خۆیا ژى كر: ” داكو ئاسایشا تێمین گۆرێن ب كۆم بهێته پاراستن ئهو تیم ژ گۆندى كوچۆ بهرهڤ شنگال چووینه چوو زهر وزیان نهبووینه بتنى دهنگى تهقێ هاتیه بهیستن پیشبینى هاتیه كرن تهقه ئاراستهى تیمێن گۆرێن بكۆم هاتیه كرن”.
سهرۆك بارزانى وحهلبووسى كۆمبوون
ئهڤرۆ نیوز:
سهرۆك مهسعود بارزانى ئهڤرۆ دوشهمبى 22/4/2019 پێشوازى ل محهمهد حهلبووسى سهرۆكێ پهرلهمانێ عیراقێ وشاندێ دگهلدا كر.
د كۆمبوونهكێ دا رهوشا سیاسى یا عیراقێ ودووماهى پێشهاتێن سیاسى وگاڤێن تمامكرنا پێكئینانا حوكمهتا نوو یا عیراقێ هاته بهحسكرن.
د پشكهكا دى یا كۆمبوونا سهرۆك بارزانى وحهلبووسى، بهحسێ پهیوهندیێن د ناڤبهرا ههرێما كوردستانێ وبهغدا هاته كرن ل گهل نرخاندنا وى سهقایێ ئهرێنى یێ هاتیه پێش بۆ چارهكرنا كێشێن د ناڤبهرا ههرێمێ وبهغدا پشتى ههلبژارتنێن عیراقێ، دووپاتى ژى ل وێ چهندێ هاته كرن كو پێدڤیه رێگرى ل وان دهنگان بهێته كرن كو ب نیازا تێكدانا وى سهقایێ ئهرێنى، چونكى باشبوونا پهیوهندیێن ههرێمێ وبهغدا دێ بیته ئهگهرێ سهقامگیریێ وڤهژاندنێ ل ههموو عیراقێ.
رهوشا پارێزگهها نهینهوا وبارێ ژیانا خهلكێ وێ پارێزگههێ وب رێڤهبرنا مووسلێ تهوهرهكێ دى یێ وێ ددیارێ بوو وههردولا دووپاتى ل سهر بلهزكرنا بزاڤان بۆ ڤهگهراندنا خزمهتگوزاریان وسهقامگیریێ بۆ وهلاتیێن پارێزگهها نهینهوا كر ودیاركرن كو پێدڤیه خهلك وپێكهاتێن پاریزگهها نهینهوا پشكداریێ د رێڤهبرنا وێ پارێزگههێ دا بكهن.
پارتى ژڤانێ پێكئینانا كابینا نوو یا حوكمهتێ ئاشكرا دكهت
ئهڤرۆ نیوز:
پهیڤدارێ پارتى دیموكراتى كوردستان راگههاند، بهرى جهژنا رهمهزانا پیرۆز، كابینا نوو یا حوكمهتا ههرێما كوردستانێ دێ هێته پێكئینان ول دو رۆژێن داهاتى دا دێ رێككهفتنێن ل دۆر وێ چهندێ ب دووماهى هێن.
مهحموود محهمهد، ئهندامێ مهكتهبا سیاسى وپهیڤدارێ فهرمى یێ پارتى دیموكراتى كوردستان دكۆنگرهكێ رۆژنامهڤانى دا گۆت” وهكو پارتى مه بزاڤهكا مهزن كر رێككهفتنێن ههرسێ لایهنان ببیته ئهگهرێ ب هێزبوونا حوكمهتا داهاتى ومه پێدڤى ب حوكمهتهكا ب هێزه ب تایبهتى د رهوشا نوكه دا ههى”.
دیاركر ژى” د نوكه دا بزاڤا گۆران وئێكهتى وپارتى د رهوشێ دگههن وپێدڤى و دووباره سهرهدانان بۆ لایێ ههڤدو ناكهت، بهلێ پێدڤى ب كۆمبوونێن ههڤپشك یا ههى، چونكى دڤێت د وان كۆمبوونان دا دانوستاندن ل سهر كارێن حوكمهتێ بهێته كرن”.
ئاماژه ب وێ چهندێ ژى كر كو ل دو رۆژێن داهاتى دێ دووماهى ب ههموو تشتان هێت.
سێ بهنداڤ ل قهزا مێرگهسوور دێ هێنه دروستكرن
ئهڤرۆ نیوز ، نهوزاد هلۆرى:
ب مهرهما بهرههمئینانا كارهبێ و مفا وهرگرتن ل ئاڤا رووباران بو چاندن و گهشتوگۆزار و خودانكرنا ماسیان، دێ سێ بهنداڤێن ئاڤێ ل سنوورێ قهزا مێرگهسوور دناڤبهرا ههرێما كوردستان و توركیا هێنه دروستكرن كو ئێك ژ وان دكهڤیته سهر رووبارێ ئاڤا شین.
غهفور ئهحمهد، قایمقامێ قهزا مێرگهسوور دیاركر كو سێ بهنداڤێن ئاڤێ دێ ل سنوورێ قهزا مێرگهسوور دناڤبهرا ههرێما كوردستان و توركیا هێنه دروستكرن و بۆ ئهڤرۆ نیوز گۆت: (ئهڤ بهنداڤه ب ههماههنگى یا توركیا و عیراقێ دێ ل سنوورێ ههردوو ناحیێن شێروان مهزن و پیران هێنه دروستكرن كو ئێك ژ وان دكهڤیته سهر رووبارێ ئاڤا شین ئهوێن دن ژى ل ماوان و ههزیره، كو جهێن وان گونجاینه).
زێدهتر گۆت: (ئهڤ بهنداڤه دێ بو بهرههمئینانا كارهبێ و چاندن و گهشوگۆزارێ و خودانكرنا ماسیان ژى هێنه بكارئینان و مفایهكێ زور بو خهلكێ كوردستان و دهڤهرێ ههیه، ههمى كاروبارێن دروستكرنا وێ داوى هاتینه و بریار ژى لسهر هاتیه دان ژلایێ عیراقێ، بهلێ ههتا نوكه نهچویه دوارێ بجهكرنێ دا).
ناڤبرى دیاركر ژى كو قهیرانا دارایى ئهگهرێ گیروبوونا وایه و زێدهتر گۆت: (حوكمهتا ههرێما كوردستان و عیراقێ دێ كار لسهر بجهكرنا وێ كهن، ئهو ژى پشتى كو حوكمهتا عیراقێ بریارێ بجهدكهت، مفایێ دروستكرنا ڤان بهنداڤان بو ههردوو وهلاتێن توركیا و عیراقێ گرنگى یا خوه ههیه). ب گورهى پێزانینێن ئهڤرۆ نیوز، بهنداڤا لسهر رووبارێ ئاڤا شین بلنداهیا وێ دێ 180م بیت و 80 مێگاواتێن كارهبێ بهرههمئینیت، ههردوو بهنداڤێن دن ژى دێ ههر ئێك ب بلنداهیا 50م هێنه دروستكرن و 255 مێگاواتێن كارهبێ بهرههمئینن.
(ئاساییه پێكئینانا حوكمهتێ ژ پێخهمهت بهرژهوهندیا كوردستانێ گیرۆ ببیت)
ئهڤرۆ نيوز:
ب بهرههڤبوونا نێچیرڤان بارزانی سهرۆك وهزیرێن ههرێما كوردستانێ ئهڤرۆ رێورهسمێن رێزلێنانێ بۆ دیرۆكنڤیس و نڤیسهرێ ناڤدارێ كوردێ خوراسانێ كهلیموللای تهوهحودی نڤیسهرێ پهرتووكا ” كۆچی مێژوویی كورد بۆ خوراسان” هاتنه ئهنجامدان كو ژ ئالیێ ئهكادیمیا كوردی ڤه بۆ هاتبوو رێكخستن.
نێچیرڤان بارزانی د گۆتارهكێ دا راگههاند، دڤێت رهوشهنبیر و نڤیسهرێن كورد هایداری زمانێ كوردی بن و بزاڤێن تهوهحودی ژی پشكهك بووینه ژ وی ئهركی و شیایه دیرۆك و زمانێ پشكهكا كوردان ژناڤچوونێ بپارێزیت.
ل دۆر پێكئینانا كابینا نوو یا حوكمهتا ههرێما كوردستانێ، سهرۆك وهزیرێن ههرێمێ راگههاند، گیرۆبوونا پێكئینانا كابینا نوو یا حوكمهتێ تشتهكێ ئاسایی یه و ئهڤه ژ پێخهمهت سهقامگیریا ههرێما كوردستانێ یه و گۆت:( ئهڤه گیرۆبوونه ئاسایی یه و بهرژهوهندیا ههرێما كوردستانێ هوسا دخوازیت كو دهمێ تهمام بۆ دانوستاندنان بهێته دان و ههموو ئالیهكی پشتراست دكهم كو دڤێت ل دووماهی ئالیێن سیاسی بگههنه رێككهفتنێ).
وەرزێ رەوشنەبیریێ ل زانکویا زاخۆ دەستپێکر
ئەڤرۆ نیوز ، عەلی حاجی :
زانکویا زاخۆ وەرزێ رەوشەنبیری یێ دوێ دەستپێکر ئەوا بۆ ماوێ سێ روژان دێ بەردەوام بیت ، د روژا ئێکێ وەرزێ رەوشەنبیری دا چەندین کارێن زانستی یێ قوتابیان ھاتنە نمایشکرن و چەندین سمینار ل دور نەخوەشیێن دەروونی ھاتنە پێشکێش کرن.
دکتور شێرزاد زەکریا سەروکێ فەکولتیا پەروەردێ بۆ ئەڤرۆ نیوز دیارکر سالانە زانکویا زاخۆ ب ھەمی پکشێن خوە ڤە رادبیت ب سازدانا وەرزێ رەوشەنبیری لەورا بۆ ئەڤ سالە وەرزێ رەوشەنبیری یێ دوێ مە دەستپێکر و ئەڤ وەرزە دێ بۆ ماوێ سێ روژان بەردەوام بیت و دروژا ئێکێ دا دێ بەرھەمێ ھەمی ماموستا و قوتابیان دپێشانگەھەکێ دا ھاتنە نمایشکرن و ھەر دیسان د ماوێ دو روژێن بھێت دا دێ چەندین وورکشوپ و سیمنار د بوارێ جڤاکی و دەروونی و کومەلایەتی و مێژووی و ماتماتیکێ ھێنە پێشکێش.
ناڤھاتی زێدەتر گوت : ئەڤ وەرزە یێ گرنگە بۆ قوتابی و ماموستایان ژبەر کو کەس ھەنە ژدەرڤەی زانکویێ پشکداریێ دڤان وەرزان دا دکەت و دڤێ چەندێ ژی دا قوتابی زێدەتر خوە دبینیت و بەرھەمێ وان دھێنە نیشان دان و تێدا رولێ قوتابی دیار دکەت.
سەنتەرێ نەخوەشیێن دەروونی ل زانکویا زاخۆ ھاتە ڤەکرن
ئەڤرۆ نیوز، عەلی حاجی :
بۆ ئێکەم جار زانکویا زاخۆ رابو ب ڤەکرنا سەنتەرێ شیرەتکار یێن نەخوەشیێن دەروونی ل ناڤا زانکویێ دا و ئەڤ پشکە دێ تایبەت ب چارەسەرکرنا توشبوێن نەخوەشیێن دەروونی.
زێدەتر دکتور ستار جەبار سەرۆکێ پشکا دەروونناسیا گشتی ل زانکویێ زاخۆ بۆ ئەڤرۆ نیوز گۆت: ئەڤرۆ ل روژا دوشەمبێ رێککەفتی ٢٢/٤/٢٠١٩ سەنتەرێ شیرەتکاریێ نەخوەشیێن دەروونی ل زانکویا زاخۆ ھاتە ڤە کرن و ئەڤ سەنتەرە بۆ ھەمی قوتابی و ماموستا و فەرمانبەرێن زانکویێ بێ بەرامبەر بیت ب مەرەما وەرگرتنا چارەسەرکرنا توشبویێن نەخوەشیێن دەروونی و ئەڤ سەنتەرە دێ ژلایێ ماموستاێن پشکا دەروونی ل زانکویا زاخۆ ھێتە ب رێڤەبرن.
ناڤبری گوت ژی : ئەگەر نەخوەشێن سەرەدانا سەنتەرێ مە بکەن و پێدڤی ب دەرمانان بوون ، ئەو نوشدارێن ل سەنتەری دا کاردکەن و باوەرناما وەزارەتا ساخلەمیێ ھەیە دێ رێک پێ ھێتە دان دەرمانان بدەتە نەخوەشان لێ ئەگەر ئەو ژی ھەماھەنگیەک دناڤبەرا زانکویا زاخۆ و رێڤەبەریا گشتی یا ساخلەمیا دھوکێ دا ھەبیت دەربارەی دابین کرنا دەرمانان .
نيشاندان
WP Facebook Auto Publish Powered By : XYZScripts.com