ئەڤرۆ نیوز:
شیار کۆبانی ژ رۆژئاڤایێ کوردستانێ بۆ ئەڤرۆ نیوز دیار کر کو هێزێن سووریا دیموکرات و یەپەگە خوە بۆ شەرێ عەفرینێ بەرهەڤ دکەن و دخوازن عەفرینێ ژ دەستێ هێزێن سەر ب تورکیا رزگار بکەن.
ناڤهاتی راگەهاند ژی کو فەرماندارێ گشتی یێ هێزێن سووریا دیموکرات بەری دەمەکێ ل کۆبانێ دیار کربوو کو ئەم نها بەرهەڤیان بۆ ئازادکرنا عەفرینێ دکەین.
ئەڤرۆ نیوز:
ل گۆر راپۆرتەکا نێرینا ئازاد سەرۆکێ فرەنسا پشتی هەڤدیتنا ل گەل شاندەکێ رێڤەبەریا خوەسەر یا رۆژئاڤا نها فرەنسا پتر گرنگیێ ددەتە رۆژئاڤایێ کوردستانێ، چونکو ئەمریکا داخواز ژ چەندین وەلاتان کریە کو هێزێن زێدەتر رەوانەی رۆژئاڤایێ کوردستانێ بکەن دا هێزێن سووریا دیموکرات و یەپەگە بشێن دەڤەرێن ژ دەستێ داعشێ رزگار کری بپارێزن.
سەرۆکێ فرەنسا ژی نها دخوازیت پشتی ئەمریکا وەکو هێزا دویێ هاریکاریا کوردان بکەت و ل رۆژئاڤایێ کوردستانێ خوە بجه بکەت کو ئەو یەک بوویە جهێ دلخوەشیا کوردێن رۆژئاڤایێ کوردستانێ.
ئەڤرۆ نیوز، بارزان مزووری:
نەجمەدین عەبدوللا ئەندازیارێ چاندنێ ل رێڤەبەریا چاندنا شێخان بۆ ئەڤرۆ نیوز دیار کر ژلایێ جوتیاران ڤە ھاتینە ئاگەھدارکرن کو گەنمێن وان تووشی “سنکی” بووینە ئێکسەر رێڤەبەریا مە لیژنەک پێکئینا حەفت تیم دامەزراندن بۆ چاڤدێری کرنا بەرھەمێن جوتیارا رۆژانە ل رۆژا ئێکشەمبی هەتا پێنج شەمبیێ دناڤ بەرھەمێ جوتیارا دا دگەن ژ بۆ کونترول کرنا وی “سینکی” دا بەربەلاڤ نەبیت.
ناڤھاتی خویا ژی کر کو حوکمەتا ھەرێما کوردستانێ دەرمان دابینکریە بۆ جوتیارێن قەزا شێخان داخواز ل جوتیارا دکەین سەرەدانا ھوبێن چاندنێ بکەن ھەر ئێک ل سنورێ ناحیا لێ دژیت بۆ وەرگرتنا دەرمانێ سنکی.
ناڤھاتی گوت ژی پێدڤیە جوتیار بلەز ئەڤی دەرمانی بکار بینیت بۆ ژناڤبرنا وی سنکی ژبەر نە زێدەبوونا وێ دناڤ بەرھەمێ وان دا چونکو مەترسیەک مەزنە ل سەر ئابوورێ قەزا شێخان.
ئەڤرۆنیوز، سەباح زوھێر:
ئەڤرۆ رێککەفتی ٤/۲٥ کولیژ و پەیمانگەھا تەکنیکی یا ئاکرێ ب سەرپەرشتیا (پ،د.عەدنان محسن) سەرۆکێ زانکۆیا پولیتەکنیکی یا دھۆک ل درووشمێ (زانست و کەتور پێکڤە ھەمبێزا ئاکرێ دکەن) گەرا سیێ یا فیستەڤالا خوە گێرا، کو تێدا چەند پرۆژێن قوتابیێن کولیژ و پەیمانگەھێ ھاتنە نیشادان و چەندین دام و دەزگەھێن میری کەل و پەل و کارێ خوە د فیستەڤالێ دا نیشا دا.
پروفیسور د. عەدنان محسن سەرۆکێ زانکۆیا پولیتەکنیکی یا دھۆک دا دیارکرن کو ئەڤ فیستەڤالە ب چەندین چالاکیێن جورا و جور ھەر سال دھێتە پێشکێشکرن و گەلەک پرۆژێن پێشکەفتی ژلایێ قوتابیانڤە ھاتینە پێشکێشکرن، ھیڤیا وێ چەندێ ئەڤ قوتابیە ل داھاتی بشێن خزمەتا گەل و وەلاتێ خوە بکەن ژلایێ ئەکادیمی ڤە و بسەلمینن کو رۆلێ قوتابیێن مە ژ رۆلێ قوتابیێن زانکویێن پێشکەفتی کێمتر نینە، زانکۆیا پولیتەکنیکیا دھۆک گەلەک بزاف کرینە و دێ یا بەردەوام بیت ژ بۆ پەیرەوکرنا سیستەمەکێ سەردەمیانە و پێنگاڤێن باش ھاڤێتی نە د بیاڤێ ئاڤاکرن و ئامیرێن سەردەم و راستڤەکرنا پرۆگرامێن خواندنێ و دروستکرنا ڤەکولینا و ئەم ژی دێ بەردەوام دپشتەڤانیا ھەمی ماموستا و قوتابی و فەرمانبەرا کەین د ھەر بیاڤەکێ دا.
ئه‌ڤرۆ نیوز:
به‌هزاد علی ئاده‌م جێگرێ پارێزگه‌رێ دهوكێ ئه‌ڤرۆ كۆمبونه‌ك دگه‌ل قایمقامێن قه‌زایێن دهوك وسێمێل وچه‌ند فه‌رمانگه‌هێن په‌یوه‌ندیدار یێن هه‌ردوو قه‌زا ئه‌نجامدا.
د كۆمبوونێ دا جێگرێ پارێزگه‌رێ دهوكێ دیاركر كو هنده‌ك ئاریشێن تایبه‌ت ل سه‌ر سنورێن كارگێری هه‌ردوو قه‌زایان هه‌نه نه‌خاسمه ل ده‌ردورێن چایێن زاوا و ماسیكێ وكێڤلا وهنده‌ك سنور نه دیار وئاشكرانه وئاریشه بو وه‌لاتیان وخودانكرنا ته‌رش وكه‌والی وگه‌هاندنا خزمه‌تكاریا وپروژێن وه‌به‌رهێنانێ دهێنه پێش وژبه‌رهه‌ڤبویێن كومبونێ خواست سنورێن كارگێری ل وان ده‌ڤه‌را بهێنه دیاركرن بو وێ یه‌كێ هه‌ر ئاریشه‌كا بهێته پێش بهێته چاره‌سه‌ركرن.
پاش به‌رهه‌ڤبویێن كومبونێ گه‌نگه‌شێن تێر وته‌سه‌ل ل سه‌ر ناڤه‌روكا بابه‌تی كرن وبریار هاته دان كو لیژنه‌كا هه‌ڤپشك ژچه‌ند فه‌رمانگه‌هێن هه‌ردوو قه‌زایان بهێته پێك ئینان و هه‌موو سنورێن كارگێری دناڤبه‌را هه‌ردوو قه‌زایان ب رێكا نه‌خشه‌یه‌كێ نوو بهێنه دیاركرن ولدویف نه‌خشێ نووی سه‌ره‌ده‌ری دگه‌ل هه‌ر ئاریشه‌كێ بهێته كرن وهه‌موو لایه‌نان به‌رهه‌ڤیا خو دیاركر بو هه‌ڤكاریكرنێ دگه‌ل وێ لیژنێ كو بزوترین ده‌م ده‌ست ب كارێن خوبكه‌ت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 25ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 135.500 دينار |
| 100 ليرێ توركى | 21.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 26ى نيسانا 2019ێ دهێته پێشبينكرن ئه‌سمان ساهى و ئه‌ورێن كێم بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى و ئه‌ورێن كێم بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 10 بۆ 22 پلان دا بن.
ئەڤرۆ نیوز، نەوزاد ھلۆری:
ئێک ژ کومپانیێن ب وارێ یاریێن ئەلیکترونی ل سالا 2006 بناڤێ (فیلکس کیربیرج) چەنالەکێ یوتیوب دانا و تێدا ریکلام بو یاریێن ئەلیکترونی ب شێوەیەکێ زور بەلاڤ و ب رێیا کورتە ڤیدیویان دکر، بەلێ ژ ئەگەرێ ژبیرکرنا پاسوردێ خوە ئەو چەنال نەما، بەلێ چەنالێ Pew Diepie جھێ وێ گرت، نوکە ب رەنگەکێ جوان و زور ریکلاما یاریێن ئەلیکترونی دکەت، نوکە داھاتێ وێ 15 ملیون دولارە و 93 ملیون بینەر ھەنە.
مایکل کسنسکی و مارکین لوینسکی ژ وان دوو کەسانە کو ل سالێن نوتان ھەتا نوکە کار د وارێ یاریێن ئەلیکترونی دکەن، بەلێ ل سالا 2002 کومپانیەکا تایبەت دوارێ یاریێن ئەلیکترونی دانا کو ئەو ژی کومپانیا CD Projekt Red و جھێ وێ ژی ل پایتەخێ پولەندابوو، ئەڤ کومپانیە ھەتا داویا سالا 2017 شیا 33 ملیون دانەیان ژ یاریێن ئەلیکترونی بفروشیت پێشڤەچونێن مەزن دوارێ یاریێن ئەیکترونی بکەت و داھاتەکێ باش ژی دەستخوڤە بینیت، پشتی چەندەکێ ھەمان کومپانی شیا بەرھەمەکێ دن یێ نوو بینیتە د گورەپانا یاریێن ئەلیکترونی دا و شەش ملیون دولاران مفایی بکەت، ئەو ژی ب فروتنا 90 ملیون دانەیان ژ وان یاریان.
ل جیھانێ یاریێن ئەیکترونی ب شێوازێ فلم، دراما، موزیک، پەرتووک، گەلەک بەربەلاڤن و رۆژانە ملیونان دانە ژێ دھێنە فروتن، نوکە ل جیھانێ 12 ملیون کەس ئەنترنێتێ د ئێک چرکەدا بکاردئینن، ل سالا 2018 پتری 150 ملیون کەسان یاریەک یان بەشەک ژ یاریێن ئەلیکترونی ژ پێگەھێ Steam کریە و پتری چوار ملیون دیناران مفا گەھاندی کومپانیا ناڤبری کو دوارێ ئەلیکترونی ل جیھانێ کاردکەت.
ب گورەی پێزانینێن کومپانیا Bethesda یا ئەمریکی زاروک ژ ژیێ پێنج سالیێ یاریێن ئەلیکترونی بکاردئینن و ژ ئامیرێ سادەیێ ئەتاری دەست پێ دکەن، پاشان پلەی ستەیشن نوکە ڤێرژنان بکاردئینن، مفایێ وێ کومپانیێ 750 ملیون دولارن.
ل سالا 2018 قەبارێ پێشەسازی و دروستکرنا یاریێن ئەلیکترونی و فروتنا وان گەھشتیە 138 ملیار دولارێن ئەمریکی ل سەرانسەرێ جیھانێ، ل سالا 2019 دێ زێدەتر بیت، کو ئەڤ یەک پترە ژ بەرھەمێن سینەمای، چونکی ھەمی فلمێن سینەمای تنێ 38 ملیار دولار مفایێ وان بوو.
ب گورەی پێزانینێن پێگەھێ Statista نوکە دروستکرن و بکارئینانا یاریێن ئەلیکترونی بەرا ھەموو تشتەکێ دن دھێت و ب تایبەتی بەرھەمێن ھونەری و سینەما و وەرزشا تەپاپێ، بەلێ جیھانا بکارئینانا وان یا نھێنی و بێدەنگە و کەس ھەست پێ ناکەت.
ئەڤرۆ نیوز، عەلی حاجی :
ئەندامەکێ جڤاتا پارێزگەھا دھوکێ بۆ ئەڤرۆ نیوز دیار کر دنوکە دا کار بو ھندێ دکەین کومەلگەھا بێگوڤا ببیتە ناحیە و بو ڤێ چەندێ ژی مە چەندین پێنگاڤ ھاڤێژتینە و چاڤەرێ راپورتا لژنا یاسایی نە داکو ل کومبونا ئەنجومەنێ پارێزگەھێ دا بێخینە بەر دەنگدانێ .
ھشیار فەریق گوللی زێدەتر گوت : کومەلگەھا بێگوڤا یا کو دکەڤیتە سەر ب قەزا زاخۆ ڤە زێدەتری 30 گوندان سەر ب وێ کومەلگەھێ ڤەیە و وەکو ئەندامێ جڤاتا پارێزگەھا دھوکێ ژبەریا سالەکێ من کار ل سەر ڤێ چەندێ کری یە ئەڤ چەندە پشتی وێ یەکێ ھات خەلکێ دەڤەرێ و قایمقامیا زاخۆ و لقا 8 یا پارتی دیموکراتی کوردستان داخازا ناحی کرنا بێگوڤا کری و دسیستەمێ لامەرکەزی دا ھندی دەستھەلات بەرفرەھرت ببیت خزمەت زێدەتر دھێتە کرن ، دنوکە دا مە ھەمی رێکارێن گرتینە بەر و پشتی راپورتا یاسایی ب دوماھی بھێت دێ بو ئەنجومەنێ بلند کەین و ئەگەر رازیبون ل سەر ھاتە دان دێ بو جھێن پەیوەندیدار ل کوردستانێ بلند کەین .
ناڤھاتی ئەو چەندە ژی گوت : دحەفتیا دەرباز بوی دا ب رێیا نڤیسارەکێ مە داخاز ژ سەروکاتیا ئنجومەنی کر بو کو بێخیتە دبەرنامەیێ خوە دا و وان ژی داخاز ژوە کر رێکارێن یاسیی بگرینە بەر و ئەو کێماسیێن ھەیی ب رێیا یاسایێ تەمام بکەن ، دماوەیێ بوری دا مە سەرەدانا ناحیا باتیفا و قایمقامیا زاخۆ ژی کری یە و دنوکە ژی دا چاڤەرێ راپورتا لژنا یاسایی نە داکو کارێ مایی ئەنجام بدەین .
نيشاندان