ئه‌ڤرۆ نیوز:

سه‌رۆكێ كۆمسیۆنا بلند یا هه‌لبژارتن وراپرسیێ ل هه‌رێما كوردستانێ، هندرین محه‌مه‌د، ژڤانێ به‌لاڤكرنا پارێ كارمه‌ندێن سندووقێن ده‌نگدانێ بۆ هه‌لبژارتنێن په‌رله‌مانێ كوردستانێ ئاشكراكر وراگه‌هاند، ل هه‌موو باژێر وباژێركان مه‌ هژمارا بانكى یا ڤه‌كرى.

هندرین محه‌مه‌د گۆت ژى”  كۆمسیۆنێ هه‌موو به‌رهه‌ڤیێن ئیدارى ودارایى ل هه‌رسێ پارێزگه‌هێن هه‌ولێر وسلێمانیێ ودهۆكێ یێن ب دووماهى ئیناین ومه‌ 53 هژمارێن بانكى یێن ڤه‌كرین”.

گۆت ژى” چاڤه‌رێ دهێته‌ كرن ل ڤێ حه‌فتیێ یان ژى ل حه‌فتیا بهێت پاره‌ ل سه‌ر كارمه‌ندێن سندووقێن ده‌نگدانێ بهێته‌ به‌لاڤكرن”.

دیاركر” رێڤه‌به‌رێ بانكێن گشتى سۆز یا داى كو ل ده‌مێ حه‌فتیه‌كێ دشێن هه‌موو پارێ كارمه‌ندێن سندووقێن ده‌نگدانێ به‌لاڤ بكه‌ن”.

ئه‌ڤرۆ نیوز:

ده‌سته‌یا كه‌شناسیا بریتانیا به‌لاڤكر كو پێشبینى دهێته‌ كرن ئه‌ڤ ساله‌ ل عیراقێ وه‌رزێ هاڤینێ ب شێوه‌كى بیت كو ئاكنجیێن وێ پێدڤى ب ئامیرێن ساركرنا باى نه‌بیت وباران بارین هه‌تا دووماهیا هه‌یڤا ته‌مووز دێ به‌رده‌وام بیت.

ده‌سته‌یا كه‌شناسیا بریتانى ب رێیا كه‌نالێ (بى بى سى) راگه‌هاند كو هاڤینا ئه‌ڤ ساله‌ دێ هاڤینه‌كا سار بیت ژئه‌گه‌رێ پیچه‌ك ده‌ركه‌فتنا هه‌سارا ئه‌ردى ژ رێره‌وێ خوه‌ وگوهۆرین ل چینێن سه‌قاى كو دێ كاریگه‌ریه‌كا به‌رچاڤ ل سه‌ر عیراقێ هه‌بیت.

دیاركر ژى كو پلێن گه‌رمێ یێن هاڤینا ئه‌ڤ ساله‌ دێ نزمتر بن ژ سالێن بۆرى كو ب شێوه‌كى ل هه‌یڤا هه‌شت دێ پلا گه‌رمێ 38 بیت.

ئەڤرۆ نیوز:

شیرەتکارێ جڤاتا ئاسایشا هەرێما کوردستانێ مەسرور بارزانی د پەیامەکێ دا هێرشا ئەڤرۆ یا تیرۆرستی ل وەلاتێ سریلانکا شەرمزار کر و راگەهاند کو هێرشا تیرۆرستی یا ل باژێرێ کۆلۆمبۆی کو تێدا گەلەک وەلاتیێن سڤیل بووینە قوربانی جهێ داخێ یە و ڤێ هێرشێ ب توندی شەرمزار دکەم.

مەسرور بارزانی هەروەسا راگەهاند کو شەرێ تیرۆرێ و تیرۆرستان ئەركێ جڤاکێ نێڤدوەلەتی یە و پێدڤیە ل هەموو جهەکێ ل ڤێ جیهانێ بۆ  ئارامی و ئاشتیێ و هەروەسا بۆ پاراستنا وەلاتیێن سڤیل شەرێ تیرۆرێ و تیرۆرستان بهێتە کرن.