ئەڤرۆ نیوز،رەمەزان هەرنی:
ل هەیڤا رەمەزانێ‌ ل سنورێ‌ قەزا ئاكرێ‌ شەڤانە لێژنەیێن دووڤچونا بازارێ‌ سەرەدانا جهێن گشتی و كافیا دكەن پێخەمەت چاڤدێریكرنا وان و د ڤێ‌ هەیڤێ‌ دا هژمارەكا جهێن گشتی هاتینە گرتن.
فەلاح حەسەن نوینەرێ‌ قایمقامێ‌ ئاكرێ‌ ل لژنەیا دووڤچونا كافی و گازینویا بۆ ئەڤرۆ نیوز گۆت : ل قەزا ئاكرێ‌ نێزیكی 70 كافی و گازینویا هەنە هەموویا مولەت و رێنمایێن لێژنەیا بجهنەكرینە و هژمارەكا وان هاتینە گرتن.
گوتژی : ئەگەرێ‌ گرتنا وان كافیا و جهێن گشتی ژبەر كەسێن ژیێ‌ وان كیمتر ل 18 سالیێ‌ بۆ دناڤ كافیێ‌ دا ول گەل نەبوونا مولەتا ساخلەمیێ‌ ل هندەك كافیا ، زێدەباری هندەك یاریێن ئەلیكترونی یێن قەدەغەكری وە ك كینو و توبی نێت و ب هەموو جورا قەدەغەنە بهێنە كرن ئەو جێ‌ دهێتە گرتن.
تەكەزكر : هندەك ژی ژبەر بجهنەكرنا رێنمایێن لێژنەیێ‌ هاتنە گرتن ژبەركو كامیرەیێن چاڤدێریێ‌ نەگرێدابۆن ل جهێ‌ خوەیێ‌ گشتی ، 22 كافی ل هەیڤا رەمەزانێدا پیرابۆنێن قانوونی ل گەل هاتینە كرن و گرتن و پشتی رەمەزانێ ژی ئەڤ لێژنە بەردەوام دێ‌ لسەر جهێن گشتی گەرێن.

ئه‌ڤرۆ نیوز، نه‌وزاد هلۆرى:

ده‌مه‌كى كێم به‌رى نوكه‌ هژماره‌كا ته‌قینان ل پارێزگه‌ها كه‌ركوكێ روویدان و د ئه‌نجام دا پترى 25 كه‌س هاتینه‌ شه‌هیدكرن و برینداركرن.

ئاكام سه‌مه‌د، شایه‌تحالێ روودانێ و رونشتڤانێ كه‌ركوكێ بو ئه‌ڤرۆ نیوز گۆت: (ئه‌ڤه‌ شه‌مه‌ ل چه‌ند ده‌م و جهێن ئێكجودا هژماره‌كا ته‌قینان ل سه‌نته‌رێ باژێرێ كه‌ركوكێ روویدان و د ئه‌نجام دا هژماره‌كا وه‌لاتیان شه‌هید و برینداربوون).

زێده‌تر گۆت: (ژ ئه‌نجامێ وان ته‌قینان كو لسه‌ر جاددا قودس بو رێیا كه‌ركوك بو به‌غدا رویدانه‌ و نێزیكێ پێنج كه‌س شه‌هیدبوینه‌، و نێزیكێ 21 كه‌س ژى برنیداربوینه‌، ئه‌و ته‌قین ژى ترومبێل و بومبێن چاندى بوون، نوكه‌ بریندارێن ته‌قینێ ره‌وانه‌یێ نه‌خوشخانا ته‌نگاڤیان ل كه‌ركوكێ هاتینه‌كرن).

ناڤبرى دیاركر ژى كو ره‌وشا كه‌ركوكێ رۆژ بو روژێ ئالوزه‌ و خه‌لك د ترسن ب تایبه‌تى نوكه‌ كو ره‌مه‌زانه‌ و نێزیكێ جه‌ژنێ دبین و قه‌ره‌بالغ دروست دبیت.