ئەڤرۆ نیوز:
مایک پۆمپیۆ وەزیرێ دەرڤە یێ ئەمریکا راگەهاند کو هەکە تورکیا سیستەمێ مۆشەکی یێ (س٤٠٠) ژ تورکیا بکڕیت وی دەمی دێ ئەندامەتیا تورکیا د ناڤ رێزێن ناتۆیێ دا کەڤیتە مەترسیێ، چونکو تورکیا هەتا نها وەلاتەکی ئەندامێ ناتۆیە و دڤێت ل گۆر ئەندامەتیا ناتۆ بزاڤان بکەت.
ناڤهاتی ئەو یەک ژی دیار کر هەکە تورکیا ل سەر کڕینا سیستەمێ مۆشەکی یێ روسیا د رژد بیت دێ ب توندی تورکیا سزا دەین.
ئەڤرۆ نیوز:
سیاسەتمەدارێ رۆژئاڤایێ کوردستانێ شاهین ئەحمەد دیار کر کو ناکۆکیێن ئەمریکا ل گەل تورکیا رۆژ ب رۆژێ بەرفرەهتر لێ دهێن و ل ئالیێ دی نها ئەمریکا خوە بۆ شەرەکێ ل دژی ئیرانێ ژی بەرهەڤ دکەت، ژ بەر هندێ ئەمریکا دێ هەرێما دژەفڕین ل رۆژهەلاتێ فراتێ راگەهینیت.
ناڤهاتی راگەهاند کو ئەمریکا ناهێلیت هێزێن سەر ب ئیرانێ بکەڤنە رۆژهەلاتێ فراتێ و بێگومان دێ رێگری ل ئۆپەراسیۆنەکا سەربازی یا تورکیا ژی هێتە کرن.
ئەڤرۆ نیوز، بارزان مزووری:
غەزوان ئیلیاس رێکخەرێ پرۆژی وەلاتێ ئەمریکا بۆ پێکھاتێن دەشتا نەینەوا بۆ ئەڤرۆ نیوز دیار کر ل دووڤ پلانا ھاتیە دارێتن بۆ گەھاندنا پرۆژێن خزمەتگوزاری و ھاریکاریێ ب رێکا بەرنامێ ھاریکاریێن راستەوخوە یێن وەلاتێ ئەمریکا بۆ پێکھاتێن عێراقێ دژین شەش موالیدێن ژ جورێ مەزن گەھاندە گوندێن دەشتا مووسل چار ژ وان موالیدا بۆ گوندێن مەسیحیان و دو ژ وان بۆ گوندێن ئێزدیان بۆ وان گوندێن لبن دەستھەلاتداریا ھێزێن پێشمەرگەی دا.
ناڤھاتی ئەو یەک ژی دیار کر ئێک ژ پرۆژێن خزمەتگوزاری د قوناغا ئێکێ دا دێ گوندێ خەتارێ کو ئاکنجیێن وێ کوردێن ئێزدی نە ئەو گوند دھێتە نووژەنکرن دگەل دابینکرنا پێدڤیێن ژیانێ بۆ وەلاتیێن گوندی.
ناڤھاتی دیار ژی کر ئارمانج ژ ڤی پرۆژەی ئەوە کو پرۆژێن خزمەتگوزاری بۆ ھەموو وان پێکھاتێن دژین یێن دەشتا نەینەوا بگەھینین بێی جوداھی.
ئەڤرۆ نیوز، بارزان مزووری:
لوقمان سلێمان بەرپرسێ نڤیسینگەھا پەرستگەھا لالش بۆ ئەڤرۆ نیوز گوت دیار کر ئەو زەیتون ل ھەیڤا ١٢ یا سالا بوری ھاتبوون چنین و ھاتبوونە ھەلگرتن ل پەرستگەھا لالش دناڤ کوگەھەکا تایبەت دا دناڤ گینیان دا دھێنە پاراستن. خزمەتکار ل ھەموو دەڤەرێن ئێزدیان دھێن ئەوان زەیتون پاقژ دکەن ب ئاڤا گەرم ل دووڤ دا جھەک ھاتیە دروست کرن ئەو زەیتون تێدا دھێنە کومکرن، بۆ ماوێ ١٠ رۆژا دێ رێوروسمێن دروستکرنا زەیتی بەردەوام بن نێزیک ٢٥٠ ژن و زەلاما بەشدار بن، دڤێ رێورەسمێ دا چێنابیت چ ئامیر بھێنە بکارئینان بۆ درۆست کرنا زەیتی بتنێ ب شێوەیەکێ کەڤنار ئەڤ زەیتە دھێت دروست کرن.
ناڤھاتی خویاکر کو بتنێ زەیتونێن پەرستگەھێ دھێنە دروست کرن ئەڤسال رێژا بەرھەمێ زەیتونا زێدەتری سالا بوری یە ژ بەر کو سالا بوری رێژا زەیتونا یا کێم بوو ژبەر کێمیا بارانێ گەلەک دارێن وان ھشک ببوون.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 135.500 دينار |
| 100 ليرێ توركى | 21.800 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، نەوزاد ھلۆری:
لژێر چاڤدێریا پارێزگارێ دھۆکێ و ب ھەلکەفتا رۆژا جیھانیا ژینگەھێ، ئەڤرۆ فەرمانگەھا ژینگەھا دھۆک رابوو ب خەلاتکرنا 30 کرێکارێن کو بەردەوام ژینگەھا پارێزگەھا دھۆک دپارێزن، رێڤەبەرێ فەرمانگەھا ژینگەھا ناڤبری دیارکر کو رۆژانێن بھێت دێ کەرنەڤالەکا پایسکسواری ل زانکۆیا دھۆک ھێتەکرن.
محەمەد تاھیر بریفکانی، رێڤەبەرێ فەرمانگەھا ژینگەھا دھۆک بۆ ئەڤرۆ نیوز گۆت: (ئەڤرۆ نیڤرۆ ب ھەلکەفتا رۆژا جیھانیا ژینگەھێ و لژێر چاڤدێریا پارێزگارێ دھۆکێ، 30 کرێکار ژلایێ فەرمانگەھا ژینگەھا دھۆک ھاتنە خەلاتکرن کو بەردەوام گرنگیێ ب پاراستنا ژینگەھا کوردستان و دھۆکێ ددەن).
زێدەتر گۆت: (دچارچوڤێ خەلاتکرنا وان دا پتری 100 کوتر ل پارکا نەورۆز ھاتنە ئازادکرن وەکو ئاماژەیەک بو ئاشتەوایا جڤاکی و پاراستنا ژینگەھێ).
ناڤبری دیارکر ژی کو رۆژا دووشەمبی یا بھێت دێ دناڤا زانکویا دھۆک ب بەرھەڤبوونا یانا دھۆک و ھژمارەکا زور یا ماموستایێن زانکویێ و قوتابی و چالاکڤان و ژینگەپارێزان کەرنەڤالەکا تایبەت ب پایسکلسواری ھێتە ئەنجامدان و تێدا پتری 100 پایسکلسوار پشکداربن و زێدەتر گۆت: (رۆژا سێشەمبی ھەر ب ھەلکەفتا رۆژا جیھانیا ژینگەھێ، دێ پێشانگەھەکا بەروڤاژی ھێتە ڤەکرن ئانکو کەسەک گرنگیێ ب ژینگەھێ بدەت و دھەمان دەم دا کەسەکێ دن گرنگیێ ب ژینگەھێ نەدەن ھێتە ڤەکرن و پاشان 38 چالاکڤانێن ژینگەھی ھێتە خەلاتکرن).
ئه‌ڤرۆ نيوز:
سه‌ره‌راى گه‌فێن توركيا ل رۆژهه‌لاتا فورات، به‌لێ فه‌رماندێن هێزێن سوريا ديموكرات دووپات كر كو ئه‌و د ئاماده‌باشيێ دانه، هه‌ڤده‌م ئاماده‌نه دانوستاندنێ ل گه‌ل توركيا بكه‌ن.
د ڤێ ده‌ربارێ دا، سالح موسلم، به‌رپرسێ په‌يوه‌نديێن ديبلۆماسى يێن پارتيا ئێكه‌تيا ديموكرات (په‌يه‌ده) گۆت: “هه‌كه توركيا هزرا خوه نه‌گوهۆڕيت، چو گوهۆڕينه‌ك ل ده‌ڤه‌رێ روو ناده‌ت”.
گۆتژى: “توركيا وه‌لاته‌كێ داگيركه‌ره و بوويه گه‌ف ل سه‌ر سوريا، به‌لێ هه‌سه‌ده و هێزێن كوردى ب تيرۆرست ب ناڤ دبه‌ت، هه‌تا هزرا خوه نه‌گوهۆڕى ده‌رفه‌ت بۆ دانوستاندنێ ناهێته پێش”.
ئه‌ڤرۆ نيوز:
بڕياره شانده‌كێ پارتى ديموكراتى كوردستان سه‌ره‌دانا سلێمانيێ بكه‌ت و ل گه‌ل بزاڤا گۆڕان ده‌رباره‌ى زێده‌كرنا جێگره‌كێ دى بۆ سه‌رۆكێ هه‌رێما كوردستانێ كۆم ببيت.
هێمن شێخانى، ئه‌ندامێ جڤاتا نشتيمانى يا بزاڤا گۆڕان بۆ رووداو گۆت: “بڕياره ئه‌ڤرۆ رۆژا پێنجشه‌مبى 11ى نيسانا 2019 شانده‌كێ پارتى سه‌ره‌دانا گۆڕان بكات، بۆ دانوستاندنێ ده‌رباره‌ى دانانا جێگره‌كێ دى بۆ سه‌رۆكێ هه‌رێما كوردستانێ”.
ئه‌وى ئه‌ندامێ جڤاتا نشتيمانى يا گۆڕان گۆت: “سه‌ره‌دانا پارتى بۆ مه يا چاڤه‌رێنه‌كرى يه، چونكو مه رێكه‌فتن ل گه‌ل پارتى ئيمزا كريه و هه‌موو تشت د وێ رێكه‌فتنێ دا به‌حس كرينه، هه‌ردولا ژى د پابه‌ند بووين ب رێكه‌فتنا هاتيه راگه‌هاندن”.
زێده‌تر گۆت: “ئه‌م ل گه‌ل وێ چه‌ندێ نينن، ببينه رێگر ل هه‌مبه‌ر گيرۆبوونا كابينا نوو يا حوكمه‌تێ، به‌لێ پاشخستنا كۆمبوونا په‌رله‌مانى و سه‌ره‌دانا پارتى بۆ لايێ گۆڕان يا چاڤه‌رێنه‌كرى يه”.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 11ى نيسانا 2019ێ ئەسمان دێ د ناڤبه‌ر ئه‌ور و ساهياتيێ دا بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان دێ د ناڤبه‌را ئه‌ور و ساهياتيێ دا بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 11 بۆ 22 پلان دا بن.
نيشاندان