ئەڤرۆ نیوز، عەلی حاجی :
ژبەر ھاتنا بارانەکا زور د ئەڤ سالە دا ل ھەرێما کوردستانێ و ب تایبەتی ژی ل پارێزگەھا دھوکێ، ڤێ چەندێ وەکری یە بەرھەمێن بھاری زێدەتر بن و ھاولاتی ژی مفایی ژ وان بەرھەمان وەربگرن و ھاولاتیەکێ دەڤەرا ئامێدیێ مەزنترین کڤارک دئەڤ سالە دا ل چیایێ گارە دئینیت.
روژھات دێرەشی بۆ ئەڤرۆ نیوز دیارکر سالانە ئەم قەستا چیایێ گارە دکەین دا کو بەرھەمێن بھاری ژ چیایی بینن و دناڤ بازاری داب فروشین ، ژ نشکەکێ ڤە دەما من قەستا چیایێ گارە کری، دلێگەریانا من دا بو کڤارکان من مەزنترین کڤارک دئەڤ سالە دا دیت، ھەر چەندە سەنگا وێ کێلویەکە لێ من ھەتا نوکە کڤارکێن ب ڤی رەنگی ژ روویێ قەبارێ وێ ڤە نەدیتینە ، ھەر چەندە سالا بوری ھەر ھاولاتیەکێ ل سنورێ مە کڤارکەکا دوو کێلو نیڤ دیت بوو لێ نەب ڤی رەنگی مەزن ، ھەر دئەڤ سالە ژی دا ھەڤالەکێ من شیا بو کڤارکەکا کێلو نیڤ بینیت و ھەر دیسان ئەو ژی ژ روویێ قەبارەیی ڤە وەکو ڤێ کڤارکێ یا مەزن نەبو.
ئەفرۆ نیوز:
به‌هزاد عەلى ئاده‌م جێگرێ پارێزگه‌رێ دهوكێ ئەڤرۆ سه‌رپه‌رشتیا كومبونا لیژنا هه‌وا دورینێ و وه‌رگرتنا به‌رهه‌مێ جوتیاران ژ گه‌نم وجه‌هى كر.
دكومبونێدا ب ئاماده‌بونا قایمقامێن قه‌زایێن سێمێلێ وشێخان وزاخو به‌حسێ هاتنا وه‌رزێ دورینا گه‌نم وجه‌هێ جوتیاران وبریارا وه‌رگرتنا وى به‌رهه‌مى ژلایێ سایلوێن فه‌یدیێ وشێخان وزاخو ودانانا پلانه‌كا رێكخستى بو ئه‌نجامدانا هه‌وا دورینێ ۆ وه‌رگرتنا به‌رهه‌مێ جوتیارا هاته كرن.
گرنكترین بابه‌تێن دكومبونێدا هاتینه گه‌نگه‌شه‌كرن وبریار ل سه‌ر هاتینه دان ئه‌ڤ خالێن ل خارێ بوون:
(دابینكرنا كاره‌با به‌رده‌وام بو هه‌رسێ سایلویێن زاخو وشێخان وفه‌یدیێ ودانانا تیمێن ئاگر ڤه‌مراندنێ ل جهێن تایبه‌ت یێن هه‌ر سال بو كونترولكرنا رودانێن ئاگرى دانانا میكانزمه‌كا رێك وپێك بو سرا ترومبێلێن بارهلگر ل نێزیك سایلویان كو پروسا وه‌رگرتنێ بله‌ز بهێته ئه‌نجامدان ده‌سته‌سه‌ركرنا گه‌نمێ هاورده ئه‌گه‌ر هه‌بیت ، به‌رهه‌ڤكرنا هه‌رسێ سایلوێن پارێزگه‌هێ وپاقژكرنا گورپانێن نافخو ل سالویان ، قه‌ده‌غه‌كرنا ئینانا گه‌نمى ژده‌رڤه‌ى سنورێن پارێزگه‌هێ ودانانا مه‌فره‌زێن پولیسان ل ده‌رگه‌هێن سایلویان ژبو پاراستنا پروسا وه‌رگرتنا گه‌نمى وپاراستنا ئێمناهیێ وبه‌رده‌وامیا دانا گه‌نمى بو ئاشێن ئارى دماوێ وه‌رگرتنا گه‌نمێ جوتیاران دا وگه‌له‌ك خالێن دى هاتنه په‌سه‌ندكرن بو وێ یه‌كێ پروسه برێك وپێكێ بهێته ئه‌نجامدان).
دهێته چاڤه‌رێكرن پشتى جه‌ژنا ره‌مه‌زانێ ده‌ست ب هه‌وا دورینێ و وه‌رگرتنا به‌رهه‌مێ جوتیارێن پارێزگه‌هێ بهێته كرن.
هه‌ژى گوتنێ یه حكومه‌تا ئیراقا فیدرال بریار دایه كو (340،000) سێ سه‌د وچل هزار ته‌نێن گه‌نمێ جوتیارێن كوردستانێ بهێته وه‌رگرتن وبه‌هرا پارێزگه‌ها دهوكێ ژڤێ رێژێ( 112،000)سه‌د ودازده هزار ته‌نن وبهایێ گه‌نمێ پله ئێك ب (560) هزار دینارا وپله دوو ب (480) هزار دینارا وپله سێ ب (420) هزار دیناران دێ هێته وه‌رگرتن.
ئەڤرۆ نیوز:
پەیڤدارێ وەزارەتا کارەبا حوکمەتا ھەرێما کوردستانێ ئاشکرا کر ھەتا نوکە رەوشا کارەبێ ل ئەڤ سالە باشتر بیت ژ سالێن بوری.
زێدەتر محەمەد ھەورامی دیارکر ھەتا نوکە چو زانیاریێن دروست یێن نوو نینن ل سەر قەبارەیا بەرھەم ئینانا کارەبێ ل ھەرێما کوردستانێ تایبەت ل وەرزێ ھاڤینێ لێ نزیکترین دەم دێ کومبوونەکا تایبەت ل دۆر ڤێ رەوشێ ھێتە کرن و دێ ب فەرمی راگەھینن ل دۆر شیانێن بەرھەم ئینانا کارەبا ھەرێمێ.
ناڤھاتی ئەو چەندە ژی دیارکر کو کارەبا ئەڤ سالە دێ باشتر بیت ژ سالێن بوری و دێ دەمژمێرێن زێدەتر دەنە وەلاتیان ژ بەرکو نوکە ژێدەرێن کارەبا بەنداڤا دووکان و دەربەندیخان و یێن گازێ ژی زێدەبووینە.
ئەڤرۆ نیوز، عەلی حاجی :
دەزگایێ خێرخوازیێ بارزانیێ نەمر د پروژەیێ ئازیزانی کوردستان دا ل سنورێ دەڤەرا زاخۆ ھاریکاریێن ماددی ل سەر ٩٩ زارویێن بێ سەمیان بەلاڤ کر و دھێتە چاڤەرێکرن د پروژەیێ ئازیزان دا یا وەلاتێ ئیماراتێ ھاریکاری ل سەر ٥٠٠ زارویێن دیتر ژی بھێتە بەلاڤ کرن.
محەمەد مەھدی بەرپرسێ نڤیسینگەھا دەزگایێ بارزانیێ نەمر ل زاخۆ بۆ ئەڤرۆ نیوز ئاشکەرا کر مە دوو پروژە ھەنە ل دەزگایێ بارزانیێ نەرمر، پروژەیەک بناڤێ ئازیزانی ئیمارات، کو سەرمایەدارێن ئیماراتی کوژمەکێ پارەیی ھەر ٦ ھەیڤان جارەکێ رەوانە دکەن و ئەم وی موچەیی ل سەر زارووێن بێ سەمیان ل زاخۆ بەلاڤ دکەین ، پروژێ دووێ ژی ئازیزانی کوردستان کو ئەم کوژمێ پارەیی ژلایێ خێرخواز و سەرمایەدارێن کوردستانێ دھێتە رەوانە کرن بۆ ھەمان مەبەست.
ئەڤرۆ نیوز، عەلی حاجی :
د ماوێ روژەکێ دا دو روودانێن ترفیکی ل باژێرێ زاخۆ روویدانە و بیە ئەگەرێ وێ چەندێ کەسەک بریندار ببین و زیانێن مەزن ژی بەر ب ترومبێلان بکەڤن.
کومیسەر بەشیر یوسف ژ راگەھاندنا ھاتن و چوونا قەزا زاخۆ بۆ ئەڤرۆ نیوز دیار کر روودانا ئێکێ ل روژا پێنچ شەمبێ رێکەڤتی ٢٣/٦/٢٠١٩ بو ل دەمژمێر ٥ی سپێدێ، دناڤبەرا ترومبێلەکا ژ جورێ جێب تایبەت و ترومبێلەکا بارھەلگر، ئەڤ رووژدانە ژی ل تاخێ سەرێ گوندکی بو دناڤ سەنتەرێ باژێرێ زاخۆ، چەندین زیانێن مەزن بەر ب ترومبێان بکەڤن و بەلێ خوەش بەختانە گیان ب سلامەت بون.
ناڤبری زێدەتر گوت : روودانا دوێ ل ھەمان روژ بو ل دەمژمێر ٩:٣٠ سپێدێ ل جادا گرشینێ نێزیک کەمپا باجد کەندالا ، تورمبێلەکا پیک ئاپ تویوتا یا باھەلگر بو ، ئەگەرێ وێ روودانێ ژی ئەو بو کو ترومبێل ژ بن کونترولا شوفێری دا دەرکەڤت و وەرگەریا و بو ئەگەرێ وێ چەندێ زیانێن مەزن ب بەر ب ترومبێلێ بکەڤن و شوفێر ژی بریندار ببیت ، جاددا گرشینێ ئێک ژ وان جاددەیایە ژبەر خرابیا وێ جاددەیێ و قەرەبالغا ل سەر وێ جاددەیێ سالانە رێژەیەکا زور یا روودانان ل وێ جاددەیێ دروست دبن.
سویسرا، ئازاد گولەیی:
وەکو ھەر قارەمانیەکا جیھانیا تەنسێ، کومپانیێن تایبەت ب دروستکرنا کەرەستێن وەرزشی جھەکێ تایبەت دروستدکەن ھەر بۆ ھندێ ریکلاما خو بکەن وبفروشن وھەم بۆ ھندێ ھاریکاریا یاریکەر وراھێنەر وپشکدارا بکەن برێیا دروستکرن وچارەسەرکرنا کەرەستێن ڤێ یاریێ و ژوانا رێکێتێن تەنسێ.
دڤێ ڤیدیویێ دا چەوانیا دروستکرنا رێکێتێن تەنسێ دھێتە رونکرن کو ژلایێ ئێک ژ کومپانیێن تایبەت ل نێزیک جھێ قارەمانیا جنێف یاڤەکری یا تەنسێ دھێتە چێکرن و ئەڤرۆ نیوز ل وی جھی ئامادەبوو پێخەمەت دیارکرنا رێیێن چێکرنا وێ.
ئه‌ڤرۆ نیۆز،ره‌مه‌زان هه‌رنی:
گروپێ خۆبه‌خشێ پێشمه‌رگه ل ئاكرێ ل هه‌یڤا ره‌مه‌زانێدا هاریكاری لسه‌ر خێزانێن شه‌هیدو مالێت هێتیم و سیویان دابشه‌كرن.
عه‌دنان عه‌بدولوه‌هان به‌رپرسێ گروپی پێشمه‌رگه ل ئاكری بۆ ئه‌ڤرۆ نیۆز راگه‌هاند : وه‌ك گروپێ خوبه‌خشێ پێشمه‌رگه ل ئاكرێ ل هه‌یڤا ره‌مه‌زانێدا هاریكاری و خوارن لسسه‌ر 100 خێزانێن شه‌هیدا دابه‌شكرن ل گه‌ل خێزانێن هێتیم و سێویان .
گۆتژی : ئه‌ڤ هاریكاریێن هاتیه دابه‌شكرن لسه‌ر وان سه‌د خێزانێن شه‌هیدو هێتیم و سێویان پێك دهاتن ژ خوارنا هشك و سالانه ل هه‌یڤا ره‌مه‌زانێدا گروپی پێشمه‌رگه وه‌ك پشته‌ڤانیه‌ك بۆ خێزانێن هه‌ژارو كێم ده‌رامه‌ت تایبه‌ت خێزانێن سه‌ربلندێن شه‌هیدا ب ئه‌ركێ خوه دزانین هاریكاریا وان بكه‌ین.
ئه‌ڤرۆ نيوز:
نه‌جمه‌دين كه‌ريم پارێزگارێ به‌رێ يێ كه‌ركووكێ ئه‌ڤرۆ چارشه‌مبى 22/5/2019 ل كه‌نالێ كوردستان 24 راگه‌هاند كو ئه‌و نوكه ب شێوه‌كێ ئازاد يێ ل به‌يرۆت پايته‌ختێ لوبنانێ ول نێزيك دێ ڤه‌گه‌رم بۆ كوردستانێ.
نه‌جمه‌دين كه‌ريم گۆت ژى” ئه‌و روودانا په‌يدابووى چو په‌يوه‌ندى ب پۆليسێن نێڤده‌وله‌تى( ئێنترپۆل) ڤه نينه، به‌لكو داخوازا حوكمه‌تا عه‌بادى بوو ژ وه‌لاتێن عه‌ره‌بى كو چ كاريگه‌ريا خوه نينه”.
نيشاندان