ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو د ماوێ 24 دهمژمێرێن بۆرى دا رێژێن جودا يێن باران بارينێ هاتينه تۆماركرن و ل دووڤ ڤى خشتێ ل خوارێ دياركرى:
رێژا باران بارينا 24 دهمژمێرێن بۆرى
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
لژنا قانوونى: ئهڤرۆ خواندنا دويێ دێ بۆ پرۆژێ سهرۆكاتيا ههرێمێ هێته كرن
ئەڤرۆ نیوز، نيوار محهمهد سهليم:
ل دووڤ راگەھاندنەکا سەرۆکاتیا پەرلەمانێ کوردستانێ تێدا بڕياره ئهڤرۆ رۆژا سێشهمبى 2ى نيسانا 2019ێ پەرلەمانێ کوردستانێ روونشتنا خوه ئهنجام بدهت و تێدا خواندنا دويێ بۆ پرۆژێ سهرۆكاتيا ههرێمێ بهێته كرن.
بژار حهبيب كۆچبهر، سهرۆكێ فراكسيۆنا قانوونى ل پهرلهمانێ كوردستانێ بۆ ئهڤرۆ نيوز گۆت: “ل دووڤ بانگێشتا پهرلهمانێ كوردستانێ ئهڤرۆ كۆمبوونا پهرلهمانێ كوردستانێ دێ هێته ئهنجام دان و تێدا خواندنا دويێ بۆ پرۆژێ سهرۆكاتيا ههرێمێ هێته كرن”.
ههر چهنده ئهڤرۆ جێگرێ سهرۆكێ ههرێمێ ب گۆرهى رێكهفتنێ بۆ ئێكهتى نشتيمانى كوردستانه، بهلێ ئهوان بڕيارا خوه دايه و ژ بهر رێكنهكهفتنا ل گهل پارتى ديموكراتى كوردستان ئهو پشكداريێ د ڤێ روونشتنێ دا ناكهن.
سهرۆكێ لژنا قانوونى خۆيا ژى كر كو ههتا نها وهكو ئێكهتيێ دياركرى، پشكدارى كۆمبوونا پهرلهمانێ كوردستانێ نابيت، بهلێ پشكداريكرن و نهكرنا وێ چو ژ كارێ پهرلهمانێ كوردستانێ ناگوهۆڕيت، “دێ دانوستاندن ل سهر پرۆژێ سهرۆكاتيا ههرێمێ هێنه كرن و پهرلهمانتار دێ تێبينى و سهرنجێن خوه دهنه دياركرن و پاشان د روونشتنا سيێ دا دێ پرۆژه هێته پهسهندكرن ههكه هات و پهرلهمانتار رێكهفتن”.
ئهڤ كۆمبوونه د دهمهكى دايه كو هێشتا پارتى ديموكراتى كوردستان و ئێكهتى نشتيمانى كوردستان ل سهر پارڤهكرنا پۆستان و حوكمهتا نوو يا ههرێما كوردستانێ نهگههشتينه چو رێكهفتنان.
دهربارهى ئهگهرێن پشكدارينهكرنا ئێكهتيێ ژى بژار حهبيب كۆچهر نهڤهشارت ژى كو داخوازيێن ئێكهتيێ گهلهك ژ قهبارێ وێ يێ رێژا دهنگدانێ مهزنترن و ئهو داخوازيێن ئهو دكهت يێن پارتيهكێ نه كو رێژا كورسيێن وێ د سهر 51 كورسيان دابن.
گۆتژى: “ئهو دخوازيت ژى د ڤى كارێ پهرلهمانى دا يا پشكدار نهبيت، دا ههكه ل دووماهيێ خهلكهكى هندهك گازنده كرن، بێژيت ل گهل ڤێ چهندێ نهبووين و مه دخواست سهرۆكێ ههرێمێ ژ لايێ وهلاتيان ڤه بهێته ههلبژارتن و پێگههێ خوه يێ جهماوهرى ب هێز بكهت”.
رێیا گەلیێ عەلی بەگ ھات داخستن وسێ خێزان ھاتن قورتالکرن
ئەڤرۆ نیوز،بارزان مزووری:
عەمیدێ ماف پەروەر عیماد رێکانی،رێڤەبەرێ بەرگریا شارستانی ل قەزا سوران بۆ ئەڤرۆ نیوز گوت:ئهڤ شهڤه ژ ئەگەرێ بارینا بارانەکا بھێز رێکا گەلیێ عەلی بەگ ھات داخستن ژبلی ھاتنا ئاڤا بارانێ هژمارەکا کەڤرێن مەزن ھەرفتینە د رێکێ دا سێ ترومبێل دناڤ دا مابون سێ خێزان ژ ١٥ کەسا پێک دھات دناڤ وان ترومبێلان دابون پشتی ماندی بونەکا درێژ دو ترومبێل ب خێزان ڤە ھاتنە رزگارکرن، بەلێ ترومبێلەک مایە و ئەو کەسێن تێدا یێن هاتینه قورتالكرن.
خویاکر کۆ:ئەم یێ بزاڤێ دکەین دگەل رێڤهبهریێن ھاتنوچوونێ و رێ و بانا کو ڤێ رێکێ ڤەکەین.
ئاماژه كر:ئەڤ رێکە یا سەرەکی یە بو ددهرگههێ حاجی ئومەران یێ سنورى دچیت وسەدان رێڤینگ ماینە ل جھێ رێک ھاتیە گرتن ژبلی وەلاتیێن باژێرێن سوران و چۆمان وچەندین کومەلگەە و گوندان.
جھەکێ فروتنا گوشتی ھاتە داخستن
ئەڤرۆ نیوز،بارزان مزووری:
ئەڤرۆ بەری نیڤرۆ رێکەفتی ١ی نیسانێ ٢٠١٩ی لژنا چاڤدێریا بازاری د بەردەوامیا ژناڤ برنا سەرپێچیا ل قەزا شێخان دناڤ سەنتەرێ باژێرێ گوشت فروشەک ھات داخستن بۆ ماوێ چەند رۆژا ژبەر نەپێگیری کرنا ساخلەمیێ.
سەردار یحیی عبدالعزیز،قائیمقامێ قەزا شێخان بۆ ئەڤرۆ نیوز گوت:ئەو جھێ ھاتیە داخستن دەمێ لژنا چاڤدێریێ سەرەدانا وی جھی کری خودانێ وێ گولک دناڤ جھێ فروتنا گوشتی سەر ژێکر لدوڤ رێنمایێن لژنا ساخلەمیێ ب چ رەنگا چێنابیت ھەموو جورێن مەرومالاتی دناڤ سەنتەری بھێن سەر ژێکرن .
ناڤھاتی خویاکر ک: ئەڤ جھە بو ماوەیەک درێژ دھێتە داخستن ژبەرکو دا چ کەسێن دی پەزی دناڤ جھێ فروتنا گوشتی دا سەر ژێ نەکەت.
ب ڤیدیۆ .. سهرهدانا گهشتیارێن عیراقى بۆ هاڤینگەهێن شێلادزێ
ئەڤرۆ نیوز، نەوزاد هلۆری:
ههر چهنده بارانه و ل چهند دهڤهران لههى دروست بوینه، بهلێ ل گهل ڤێ یهكێ ژى هژمارهكا مهزن یا گهشتیارێن ناڤهراست و باشوورێ عیراقێ سهرهدانا هاڤینگههێن شێلادزێ دكهن ب تایبهتى هاڤینگهها ڤین.
سهلمان عهمار، نوونهرێ ئێك ژ كومپانیێن گهشتیارى یه و شهش كوستهرێن گهشتیارى ئینابوون شێلادزێ بۆ ئهڤرۆ نیوز گۆت: (ب مهرهما گهریان و گهشتوگۆزار دناڤ سرۆشتێ كوردستانێ مه وهكو كومپانیێن گهشتیارى ههر ژ نوكه گهشتێن خوه بۆ ههرێما كوردستانێ دهست پێ كرن و ههتا دووماهیا هاڤینێ دێ د بهردهوام بن).
زێدهتر گۆت: (مه گهشتێن خوه ل هاڤینگهها ڤین ل شێلادزێ دهست پێ كرن كو ب راستى دیمهنێن سهرنجراكێش و جوان ههبوون، ئەڤرۆ مه شهش كوستهرێن گهشتیاران ل باژێرێن ناڤهراست و باشوورێ عیراقێ ئینابوون و دێ چهند روژان ل هایڤنگههێن دهۆك و ئامێدیێ مینین).
ناڤبرى دیاركر ژى كو گهشتیار حێبهتى دمینن ژ هاڤینگههێن دهڤهرێ، بهلێ گازندهیێ ژ كێمبوونا خزمهتگوزاریان دكهن و زێدهتر گۆت: (ئهمن و ئاسایش و سرۆشتێ جوانێ كوردستان و دهڤهرێ ئهگهرێ سهرهكى بوویه كو ئهم قهستا دهڤهرێ بكهین، دخوازین كو حوكمهت و جهێن شولهژێ زێدهتر گرنگیێ ب كهرتێ گهشتوگۆزارى بدهن).
ل سنوورێ ناحیا شێلادزێ پترى 15 جهێن گهشتوگۆزارى ههنه، بهلێ پرانیا وان خزمهتگوزارى نینه و ژ روویێ ئهمنى ڤه ژلایێ فروكهیێن توركیا كێشه بۆ دروست بوینه.
بۆ ديتنا ڤيديۆيێ ڤى لينكى كليك بكه.
قایمقامێ دهۆكێ:زیاندارێن لههیان دێ هێنه قهرهبووكرن
ئهڤرۆ نیوز:
قایمقامێ قهزا دهۆكێ، جهوههر عهلى، راگههاند، لژنهك ل پارێزگهها دهۆكێ یا هاتیه پێكئینان ب مهرهما تۆماركرنا ناڤێن وهلاتیێن زیانداربووى ژ ئهگهرێ لههیان وههر وهلاتیهكێ ژ ئهگهرێ لههیان زیاندار ببیت، دشێت سهرهدانا قایمقامیا قهزا دهۆكێ یان لژنا پهیوهندیدار بكهت بۆ تۆماركرنا ناڤێ خوه وههتا نوكه هژمارهكا وهلاتیان ناڤێن خوه یێن تۆماركرین.
قایمۆژنامهقامێ دهۆكێ د داخۆیانیهكا رۆژنامهڤانى دا گۆت ژى”ئهو قهرهبووكرنا چو پهیوهندى ب قهرهبووكرنا حوكمهتا عیراقێ ننیه كو پێشتر پهرلهمانێ عیراقی بریار ل سهر دابوو كو پاره بۆ بهێته مهزاختن”.
دیاركر ژى” پشتى تۆماركرنا ناڤێن زیاندارێن لههیان، دێ لژنا پهیوهندیدار سهرهدانا جهێن وان كهت ودێ بریارێ بۆ خهملاندنا زیانان ودیاركرنا گۆژمێ قهرهبووكرنێ دهت، ئهم ژى وهكو قایمقامى دێ بۆ پارێزگهها دهۆكێ وسهرۆكاتیا جڤاتا وهزیرێن ههرێما كوردستانێ بلند كهین.
میرانی: مه و ئێكهتیێ چو رێ ژ بلی رێككهفتنێ نینن
ئهڤرۆ نيوز:
سكرتێرێ مهكتهبا سیاسی یا پارتی دیمۆكراتی كوردستان راگههاند، پارتی و ئێكهتی یێ د رێ دا بهر ب رێككهفتنێ و بۆچوونا مه ئهوه كو كهس ژ مه چو بهدیل ژ بلی رێككهفتنێ نینن.
ل دۆر ههلبژارتنا سهرۆكێ ههرێمێ و كاراكرنا سهرۆكاتیا ههرێمێ، فازل میرانی بۆ دهنگێ ئهمریكا دیار كر، جوانتره برادهرێن ئێكهتیێ پشكداریێ بكهن، چونكو سهرۆكێ ههرێمێ ب تنێ سهرۆكێ پارتی و گۆران و توركمان و ئاشووریان نابیت، بهلكو دێ سهرۆكێ ههموو ههرێمێ بیت و ئهو ژی وهلاتیێن ڤێ ههرێمێ نه.
میرانی گۆت ژی:(مه گۆتیه ئێكهتیێ حهق نینه هوون د بابهتێ سهرۆكاتیا ههرێمێ دا پشكداریێ نهكهن، چونكو ئهڤه شهش ههیڤه ئهم یێن راوهستیاین).
دوپات ژی كر كو گهشبینن ئێكهتی پشكداریێ د پرۆسا كاراكرنا سهرۆكاتیا ههرێمێ و حوكمهتێ ژی دا بكهت، چونكو جوداهیهكا كێم یا د ناڤبهرا خواستێن ئێكهتیێ و مه دا ههی.
ل دۆر داخوازیێن ئێكهتیێ، فازل میرانی گۆت:(سهرۆكێ پهرلهمانی، جێگرێ سهرۆكێ حوكمهتێ، وهزارهتێن پێشمهرگه، پهروهرده، چاندنێ و رێڤهبهرێ گشتی یێ فهرمانگهها پهیوهندیێن دهرڤه مه یێن داینی، لێ رازی نهبوون).
سهبارهت وێ چهندێ ههكه ل گهل ئێكهتیێ نهگههشتنه رێككهفتنێ، دێ حوكمهتێ پێكئینن، سكرتێرێ مهكتهبا سیاسی یا پارتی گۆت:(بێی ئێكهتیێ یا باش نینه حوكمهتێ پێك بینین، لێ بێی ئێكهتیێ دبیت).
چهوانیا هاژوتنا ترومبێلێ ل دهمێ ئاڤ رابونێ
ئهڤرۆ نیوز:
1- پێنگاڤا ئێكێ ههولبده رێكهكا دى ببینه كو ئاڤ لێ نهرابیت ، لێ ههكه چ رێكێن پێگهور نهبوون لسهر ته پێدڤیه ڤان خالان لبهر چاڤ وهرگرى :
2- هاژوتنا ترومبێلێ نهكه ههكه ئاستێ بلنداهیا ئاڤێ ژ بلنداهیا نیڤا تایرێن ترومبێلێ زێدهتربیت .
3- دهمێ نێزیكى ئاڤێ دبى لهزاتیا خوه گهلهك كێم بكه ههتا بگههیته ( 5كم).
4- دهمێ ترومبێل چوو ناڤ ئاڤێ دا لهزاتیا خوه بلند بكه ههتا (8كم) و ستێرنى بباشى بگره و ئاراستێ خوه نهگهوره.
5- ئهگهر ترومبێلاته خشیا ( تهحسى ) ستوپى نهگره و پێ خوه لسهر سكرێتهرێ پانزینى راكه و ستێرنى باش كونترول كه ههتا تایرێن ترومبێلى عهردى بگرن
6- ترومبێلا خوه ل نێزیكى جهێن ئاڤ لێ كومڤهدبیت نه راوهستینه چنكو دیر نینه ئاڤ كوم ببیت و ترومبێلاته لگهل خوه ببهت .
7- ههكه ترومبێل دناڤ ئاڤێ دا یا راوهستیایى بیت ههولبده ترومبَیلا خوه بكێشه جههكێ بێ ئاڤ پاشى سلفى لێبده ( بده شولى ) .
8- ههكه ژ ئاڤێ دهربازبووى هێدى هێدى ستوپى بگره دا برێكێت ترومبێلێ هشك ببن .
رێڤهبهریا هاتن و چوونا دهۆكێ داخازا سلامهتیێ بو ههمى شوفێرا دخازیت و لدهمێ پهیدابوونا ههر ئاریشهكێ بوته پهیوهندیێ ئێكسهر ب هێلا ( 188 ) بكه .
جڤاتا وهزیران نڤیسارهكا هوشداریێ ددهته فهرمانگههێن حوكمهتێ
ئهڤرۆ نیوز:
ژبهر لادانا زنجیرا ئیدارى ژلایێ هژمارهكا فهرمانگه ودامودهزگههێن حوكمهتێ، جڤاتا وهزیرێن ههرێما كوردستانێ ب ئیمزایا نێچیرڤان بارزانى سهرۆك وهزیران، نڤیسارهكا هوشداریێ ددهته فهرمانگههێن حوكمهتێ.
ل دووڤ نڤیسارا هژمار 1296 یا جڤاتا وهزیرێن ههرێما كوردستانێ كو ل ههیڤا بۆرى هاتیه دهركرن، هوشداریهكا توند ب وان وهزارهت وفهرمانگههان هاتیه دان كو بێ پهیرهوكرنا زنجیرا ئیدارى، نڤیساران بۆ جڤاتا وهزیران ئاراسته دكهن.
ئاماژه ب وێ چهندێ هاتیه كرن كو هژمارهكا وهزارهت ودمودهزگان بێ ئاگههداركرنا یێن ل سهر خوهدا، بێ ل بهرچاڤ وهرگرتنا زنجیرا ئیدارى، نڤیساران بۆ سهرۆكاتیا جڤاتا وهزیران ئاراسته دكهن.
نڤیسارا ناڤبرى دیاركریه كو تنێ بۆ دهزگههێن بلند یێن ههرێمێ ووهزارهت ودهسته ودهزگه وفهرمانگههێن سهربخوه یا ههى راستهوخوه نڤیساران بۆ سهرۆكاتیا جڤاتا وهزیران ئاراسته بكهن، بهرۆڤاژى نڤیسارهكا چو فهرمانگهههكا دى ناهێته وهرگرتن ودێ بۆ هێته زڤراندن، د ههمان دهم دا دێ پێرابوونێن پێدڤى بهرامبهر لایهنێ خهمسار هێنه وهرگرتن.
دووپاتى ژى هاتیه كرن، پێدڤیه ئهو فهرمانگههێن ئهو كاره تێدا دهێنه كرن ژلایێ فهرمانگههان ڤه دووڤچوون بۆ بهێته كرن ودامودهزگههێن خوه پێگیر بكهن، تاكو بێ ئاگههداریا وان نڤیساران بۆ سهرۆكاتیا جڤاتا وهزیران ئاراسته نهكهن، بهرۆڤاژى پێدڤیه پێرابوونێن توند بهێنه وهرگرتن بۆ وێ چهندێ ب تمامى رێ ل ڤى شێوازى بهێته گرتن وبچیته سهر شێوازێ دروست.
بریسیێ ل کاژەکا مزگەفتا مەزنا دێرلۆکێ دا
ئەڤرۆنیوز، مەحمود نھێلی:
ئێڤاریا ئەڤرۆ ١\٤\٢٠١٩ برسیەکا بھێز ل کاژەکا مزگەفتا مەزنا دێرەلۆک دا و د ئەنجامێ زیان گەھاندینێ.
ئێک ژ ھەڤسویێن مزگەفتێ بۆ ئەڤرۆ نیوز دیارکر کو ئەو ل بازاری ڤەدگەریا ژ بەر باران و تەرگێ ل بن سیڤاندێ دوکانەکی ما تا کو باران ڤەدکەت و گۆت: (من گوه ل دەنگەکێ بھێز بوو و من دیت گوری ل کاژا ناڤ حەوشا مزگەفتێ چوو کو ب تنێ ٢٠ میتران یا ژ من دوور بوو، و دیار کر چو زیانێن گیانی نەبوون سوپاس بۆ خودێ ب تنێ زیان گەھشتینە کاژا مزگەفتێ).
نيشاندان
WP Facebook Auto Publish Powered By : XYZScripts.com