ئەڤرۆ نیوز، عەلی حاجی :
د ئەنداما پەرلەمانێ عێراقێ بۆ ئەڤرۆ نیوز دیارکر ب رێیا نڤیسارەکێ لقا ٨ یا پارتی دیموکراتی کوردستان بو نڤیسینگەھا زاخۆ یا پەرلەمانێ عێراقێ ھاتیە رەوانە کرن و داخاز ھاتیە کرن ب رێیا پەرلەمانێ عێراقێ کار ل سەر ڤەکرنا فەرمانگەھەکا تایبەت ب دروست کرنا پاسپورتا عێراقی ل باژێرێ زاخۆ.
زێدەتر وەسفیا شێخو گۆت: ژ بەرکو قەزایا زاخۆ ئێک ژ مەزنترین قەزایێن عێراقێ یە و باژێرەکێ سەر سنوری یە و پێگەھەکێ ب ھێزێ بازرگانی یە زێدەباری وێ چەندێ رێژەیا ئاکنجیبونا وێ بەرەڤ زێدەبونێ ڤە دچیت و ریًَژەیەکا زور یا ئاواران ژی تێدا ئاکنجیبوینە ، لقا ٨ یا پ.د.ک داخاز کری یە ب رێیا پەرلەمانێ عێراقێ داخازا ڤەکرنا فەرمانگەھا پاسپورتان ل زاخۆ بھێتە کرن ، لەورا حەفتیا بھێت دگەل ئەندام پەلەمانێن دی دپەرلەمانێ عێراقێ دا دێ داخازیەکێ پێشکێشی سەروکایەتیا پەرلەمانێ عێراقێ کەین ل دور ڤی بابەتی .
وەسفیایێ ئەو چەندە ژی گوت : پشتی رازیبون ل سەر داخازیا مە دھێتە کرن وەکو پەرلەمانتارێن عیراقێ دێ دیفچوونا ل سەر کەین ب رێیا لژنا ئێمناھیێ و بەرەڤانیێ ل پەرلەمانێ عێراقێ و ھەر دیسان دێ دگەل لایەنێن پەیوەندیدار ژی بەردەوام ل سەر خەتی بین دا کو ئێدی خەلک بۆ دروست کرنا پاسەپورتێ سەرەدانا باژێرێ دھوکێ نەکەت ژ بەرکو فەرمانگەھەکا ب ڤی رەنگی ل قەزایا سوران ژی ھەیە و دێ ھەمی ھەولا دەین دا کو ل زاخۆ ژی فەرمانگەھەکا ب ڤی رەنگی بھێتە ڤەکرن .
نيشاندان
