ئەڤرۆ نیوز، قائید میرۆ:
سەرۆکێ ئێکەتیا زانایێن ئاینێ ئیسلامێ ل ھەرێما کوردستانێ ئاشکرا کر، ھژمارەکا چەکدارێن ھەرێما کوردستانێ یێن پەیوەندی ب گرۆپا تیرۆرستیا داعشڤە کری ھاتینە کوشتن و دبێژیت: ھژمارەکا وان کوردێن د ناڤا داعشێ دا ھێشتا ماینە، بەلێ چارەنڤیسێ وانا یێ دیار نینە کانێ ل کیرێ نە.
مەلا عەبدولا سەعید، سەرۆکێ ئێکەتیا زانایێن ئاینێ ئیسلامێ ل ھەرێما کوردستانێ بۆ ئەڤرۆ نیوز دیار کر، ل دەستپێکا ھاتنا داعش بۆ عیراقێ ھژمارەکا وەلاتیێن ھەرێما کوردستانێ پەیوەندی ب گرۆپا تیرۆرستیا داعش کر و گۆت: “مە ھەر وی سەردەمی دووڤچوون بۆ کر پتریا کوردێن چووینە د ناڤا رێزێن گرۆپا تیرۆرستیا داعشێ دا ھاتینە کوشتن، لێ ھژمارەکا کوردان د ناڤا داعشێ دا ماینە و ھێشتا مە چو زانیاری ل دۆر وان نینن و نزانین چارەنڤیسێ وان چیە و نوکە ل کیرێ نە”.
ل دۆر چوونا ھژمارەکا کوردێن د ناڤا داعشێ دا بۆ ناڤا گروپێن دی یێن تیرۆرستی؛ مەلا عەبدولا سەعید گۆت: “ئەڤ زانیاریێن ل بەر دەستێ مە و وەکو مە ئاماژە بۆ کری ھژمارەک ژ وان ماینە، بەلێ ئەڤ زانیاریێن بەحسێ ڤێ چەندێ دکەن چووینە د ناڤا گروپێن دی دا د پشتڕاستکری نینن ل نک مە و نابیت زانیاریێن شاش بدەینە خەلکی راستە ئەو تیرۆرستن، بەلێ دەمێ چارەنڤیسێ وان نەھێتە زانین دیار نینە ل کیرێ ماینە”.
نيشاندان
