ئهڤرۆ نيوز:
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
ھاتنوچوونا وەلاتیان د دەرگەھێ گۆمرکا سەرزێری دا یا بەردەوامە
ئەڤرۆ نیوز ، زنار تۆڤی:
د ماوێ 24 دەمژمێرێن بوری دا پێلەکا سەرمایێ ناحیا کانی ماسێ ڤەگرتیە و د ئەنجامدا رێژەکا باش یا بەفرێ ل سنورێ ڤێ ناحیێ و گوندێن دەوروبەر باریە، لێ ھاتنوچوونا وەلاتیان ل و دەرگەھێ گۆمرکا سەرزێری یا بەردەوامە.
دڤی واری دا سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیارکر: نوکە ب رەنگەکێ بەردەوام بەفر یا ل ناحیا کانی ماسێ دباریت و ھەتا نوکە رێژەکا باش یا بەفرێ ل سنورێ ڤێ ناحیێ باریە، لێ تیمێن رامالینا بەفرێ شیاینە ھەموو رێکێن سەرەکی ژ بەفرێ ب رامالن و ھەروەسا رێیا گۆمرکا سەرزێری ژی ژ بەفرێ ھاتیە رامالین و نوکە وەلاتی ب رەنگەکێ ئاسایی دشێن ھاتنوچوونێ دڤی دەرگەھی را بکەن، ھەر چەندە بەفر بەردەوام یا دباریت ژی.
ڤيديۆ: ل دەڤەرا ئامێدیێ بەفرا دباریت
ئەڤرۆ نیوز، نەوزاد ھلۆری:
ل چەند دەڤەرێن سنوورێ قەزا ئامێدیێ ئەڤرۆ سێشەمبی بەفر باری ل تایبەتی ل سەنتەرێ قەزا ئامێدیێ و ناحیا کانی ماسێ و ناحیا چەمانکێ.
فەلاح سەلاح، فەرمانبەر ل ئامێدیێ بۆ ئەڤرۆ نیوز گۆت: (دەمژمێر 11:15 ھەتا نوکە ل سەنتەرێ قەزا ئامێدیێ بەفرا دباریت، ھەر چەندە گەلەک نەھاتیە بەلێ عەرد سپی کریە و کەش و ھەوایەکێ سار ل دەڤەرێ پەیداکریە).
زێدەتر گۆت: (مە زانیاری ھەنە کو ل ناحیا کانی ماسێ و ناحیا چەمانکێ ژی بەفرا دھێت و ل وان دەڤەرا پتر ژ ئامێدیێ ھاتیە).
بهفرێ ل ڤێ دهڤهرێ هاتنوچوون ب زهحمهت خستيه
ئەڤرۆ نیوز، نەوزاد ھلۆری:
پشتی کو ئەڤرۆ پێلەکا بەفرێ چەند دەڤەرێن ھەرێما کوردستان و پارێزگەھا دھۆک ڤەگرتی، ل چیایێ پیرس ژ ئەگەرێ بەفرێ رێک ھاتبویەگرتن، رێڤەبەرێ ناحیا دینارتە دیارکر کو د نوکە دا ئەوان رێک ڤەکریە و ھاتنووچۆن ئاسایی یە، بەلێ پێدڤی یە شوفێر ھوشیارێ خوە بن.
شەعبان بەرواری، رێڤەبەرێ ناحیا دینارتە بۆ ئەڤرۆ نیوز گۆت: (پشتی کو پێلەکا بەفرێ دەڤەر ڤەگرتی بویە ئەگەر کو رێیا چیایێ پیرس بھێتە گرتن، سوپاس بو خودێ دەمەکێ کێم بەری نوکە تیمەکا تایبەت بو ڤەکرنا رێیا چیایێ پیرس ھاتە رەوانەکرن و نوکە رێک یا ڤەکریە و ھاتنووچۆن ئاسایی یە د ناڤبەرا دەڤەرا بارزان و دینارتە).
زێدەتر گۆت: (ھەر چەندە گەلەک بەفر نەباری بوو، بەلێ چیایێ پیرس دەڤەرەکا چیایی یە و ھەردەما بەفر باری جاددە حلیسوک دبیت، ژ بەر ڤێ گرنگە شوفێر دەما ھاتنوچوونێ دکەن ھوشیاری خوە بن و رێنمایێن ھاتنوچوونێ بەرچاڤ وەربگرن).
گوهداريا 21 سترانێن نهورۆزێ بكه
ئهڤرۆ نيوز:
ب ههلكهفتا هاتنا جهژن و سهرسالا كوردى جهژنا نهورۆزێ جوانترين و گهرمترين پيرۆزباهيان ئاراستهى ههوهيێن هێژا دكهين و ب ڤێ ههلكهفتێ ڤێ قهفتا سترانێن نهورۆزا پێشكێشى ههوهيێن هێژا دكهين.
1- تهحسين تاها:
2- ئهياز يۆسف:
3- ئهردهوان زاخۆى:
4- شههريبانا كوردى:
5- عهبدولواحد زاخۆى:
6- محهمهد تاها ئاكرهى:
7- حهسهن شهريف:
8- كاوه:
9- كاروان كامل:
10- ئيسماعيل جومعه:
11- حهسهن زيرهك:
12- سهمير سهديق:
13- گاره:
14- عهدنان كهريم:
15- خێرۆ عهباس:
16- لۆقمان رێكانى:
17- ئێليف بيانى:
18- فهرهاد ئاكرهى:
19- سهلاح ئهمين:
20- بهختيار سالح:
21- دۆتمير نازێ:
عارف روشدى:بۆ پێكئینانا كابینا نوو یا حوكمهتا ههرێمێ دهم یێ ڤهكرى نابیت
ئهڤرۆ نیوز ، زنار تۆڤى:
عارف روشدى شیرهتكارهكێ مهكتهبا سیاسى یا پارتى دیموكراتى كوردستان، د دیدارهكێ دا بۆ ئهڤرۆ نیوز دیار كر: ههر ئالیهكێ پشكدار بیت د حوكمهتا نوو یا ههرێما كوردستانێ دا، پشكدارهكێ راستهقینهیه د وێ حوكمهتێ دا، لهوما پێدڤى ناكهت هند هاتنوچوون د ڤێ دهستهواژێ دا بهێته كرن، چونكى ههر ئالیهكێ سیاسى یێ كوردستانى چو ئێكهتى یان ئالیهكێ دیتر یێ سیاسى بیت، دهمێ پشكداریێ د پێكئینانا كابینا نوو یا حوكمهتا ههرێمێ دا بكهت، ئهو ئالى پشكدارهكێ راستهقینهیه، ههر ژ وهرگرتنا وهزارهتهكێ یان دهستهیهكا گشتى دناڤا وێ حوكمهتێ دا، چونكى دێ كاروبارێن وێ حوكمهتێ برێڤه بهت.
زێدهتر دبێژیت: ههتا نوكه فراكسیۆنا ئێكهتیێ پشكدارى د روونشتنێن پهرلهمانێ كوردستانێ دا نهكریه، ههروهسا دداخۆيانيێن بهرپرسێن وان دا، ئهو چهنده ژى دیار كریه، كو ههتا ئهو رێككهفتنا سیاسى ل گهل پارتى تهمام دكهن، ژنوو ئهو دێ بهرههڤى روونشتنان بن، ههر چهنده ئهو رێككهفتن یا دناڤبهرا پارتى و ئێكهتیێ دا هاتیه ئیمزا كرن، لێ ئهو چهند مایه كو دڤێت جارهكادى پێكڤه روونن، ژ پێخهمهت بهێته دیار كرن، كا بههرا ئێكهتیێ ژ پۆستێن دناڤا حوكمهتا ههرێما كوردستانێ دا چنه، دیسا ئهم وهكو پارتى وهسا دخوازین كو زێدهتر دهم ب سهر پێكئینانا كابینا نوو یا حوكمهتا ههرێما كوردستانێ دا نهبوریت و زوو بهێته پێكئینان، چونكى ئیستیحقاقێ پێكئینانا حوكمهتێ هاتیه و تێپهرى یه ژى، ههروهسا پێكئینانا حوكمهتێ مافێ خهلكێ یه و دیسا مولكێ وانه ژى، چونكى وان دهنگێ خوه یێ داى، ژ پێخهمهت حوكمهتهكا باش دروست ببیت، ههروهسا چارهسهریا گرفتێن وان بكهت.
ئهو شیرهتكاره زێدهتر دبێژیت: پارتى پۆست یێن داینه وان ئالیێن دڤێن پشكداریێ د حوكمهتا نوو یا ههرێمێ دا بكهن، بێى كو پارتى حیسابا ئیستیحقاقێ ههلبژارتنان بكهت، لهوما دڤى وارى دا پارتى یا دهست پێشخهربوویه، داكو حوكمهتا نوو بهێته دروست كرن، ههروهسا دڤێت ئالیێن دیتر ژى بزانن، كو مافێ رهوا یێ پارتییه، هندهك جۆمگێن دیتر یێن حوكومرانیێ بۆ پارتى بمینن، دیسا پارتى بزاڤێ دكهت، كو هندى زووتر حوكمهت بهێته پێكئینان، یا باشتر و دروستتره، چونكى ئهڤه بهرسڤا دروست یا داخوازیێن خهلكێ كوردستانێ یه، لهوما ئهم دێ ههموو بزاڤان كهین، كو ئێدى پێكئینانا كابینا نوو یا حوكمهتا ههرێما كوردستانێ گیرو نهبیت، لهوما وهسا باشتره ئێدى ئێكهتى ژى لهزێ بكهت و ئهو ژى بهێته پێش، دیسا ههكه وان گرفت ژى ههبن،بلا چارهسهر بكهن و بگههنه وێ باوهریێ كو زوو حوكمهت بهێته پێكئینان، ژ پێخهمهت ههموو ئالى بهرپرسیارهتیا حوكمهتێ ههلبگرن، ههر چهنده پارتى دشێت بێى ئێكهتى ژى حوكمهتێ پێك بینیت، لێ داخوازیا پارتى ئهوه، كو ئێكهتى ژى پشكداریێ د حوكمهتا نوو یا ههرێمێ دا بكهت، چونكى ئهڤه ماوهیهكێ دوور و درێژه ههردو پێكڤه كار دكهن و ههردویان پێكڤه بهرپرسیارهتیا ههرێمێ ههلگرتیه، لهوما بۆ پێكئینانا حوكمهتا نوو ئێدى دهم یێ ڤهكرى نابیت، چونكى ئێدى خهلك قهبوول ناكهت پێكئینانا حوكمهتێ گیرو ببیت، ههروهسا دخوازم ههموو ئالیێن كوردستانى د ئاستێ بهرپرسیارهتیێ دا بن و مهرهما ههموویان خزمهتكرنا وهلاتى و گهلێ كوردستانێ بیت.
ژ بۆ جهژنا نهوروزێ 800 خهتیرێن ئاگری ل دێرهلوكێ هاتینه بهرههڤكرن
ئهڤرۆ نیوز، مهحمود نهێلی
ل دێرهلۆكێ بهرههڤی دهێنه كرن بۆ پێشوازی كرن ل جهژنا نهوروزێ و بۆ ڤێ یهكێ ژی 800 خهتیر هاتینه ئامادهكرن بۆ ههلكرنا ئاگری و رێپیڤانێ بهر ب جهێ گێرا چهلكێ.
سامی ئهمین، بهرپرسێ راگههاندنا لژنا ناوچا دێرهلۆك یا پارتی دیموكراتی كوردستان دیاركر، كو وان خوه بهرههڤكریه بۆ گێرانا ئاههنگێن نهورۆزێ و گۆت: ( بۆ ڤێ چهندێ مه 800 خهتیر ئامادهكرینه كو ل ئێڤاریا 20 ئادارێ دێ ل سهر دهشتێ بهر ب گێرا چهلكی ب رێكهڤن ل گهل ههژمارهكا ئالایێن كوردستانێ و ل سهری گێرا چهلكی ژی كو دكهڤیته هنداڤا دێرهلۆكێ دێ ئاههنگا مهزن هێته گێران).
دیار ژی كر كو هژمارهكا هونهرمهندان دێ پشكداریێ دڤێ ئاههنگێ دا كهن.
قوتابیێن سەرکەفتی یێن پەروەردا ئامێدیێ ھاتنە خەلاتکرن
ئەڤرۆ نیوز، مەحمود نھێلی:
ژبۆ پتر پشتەڤانیکرنا ئاستێ زانستی یێ قوتابیان وبھەلکەفتا بیرەوەریێن ئادار و نەوروزێ رێڤەبەریا پەروەردا ئامێدیێ ب ھەڤکاری ل گەل لقێ ھەژدە یێ پارتی دیموکراتی کوردستان، دەرچویێت پولا دوازدێ ئامادەیی یێن سالا خاندنێ ٢٠١٨/٢٠١٧ ئەویێن خەلاتکرن.
ناێرمحمدسعیداسلام رێڤەبەرێ پەروەردا ئامێدیێ بۆ ئەڤرۆ نیوز دیارکر، کو ئەوان ئەڤ قوتابیە خەلاتکرنە ب دیاریەکا رەمزی ژ بو پتر پشتەڤانیکرنا وان و ھەروەسا گرنگیدانە ب بلندکرنا ئاستێ زانستی ل دەڤەرێ و گۆت : ئەڤ رێ و رەسمە ب ئامادەبوونا سەمیانێن قوتابیان و بەرپرسێن حزبی و حکومی و ماموستا و قوتابیان ھاتە سازکرن و کو تێدا ٢٧ قوتابی ھاتنە خەلاتکرن.
ناڤھاتی دیار ژی کر، ھەر دھەما ن رێوەرسمان دا ھەردو ماموستایێن خانە نشینکری یێن قوتابخانێن شەھید عزەت، ماموستا (روبێل مەجید ساوا) . و ماموستایا قوتابخانا قوباد (ئێڤلین سادق ئالتون) ھاتنە خەلاتکرن.
گۆرزەکێ کوژەک ب قارەمانیا میامی کەفت
ئەڤرۆ نیوز:
گۆرزەکێ کوژەک ب قارەمانیا میامی یا تەنسا ئەردی کەفت پشتی ھەردو یاریزانێن ناڤدار رافائێل نادال پلەدارێ دویێ ل جیھانێ و یێ ئەرژەنتینی مارتن دێل پوترو پلەدارێ ھەشتێ ل جیھانێ نە پشکداریا خوە د ڤێ قارەمانیێ دا راگەھاندی.
ئەڤ نە پشکداریا ڤان ھەردو یاریزانان ھات پشتی ھەردو یاریزان ژ ئەگەرێ ھنگافتنێ نەشیاین بەردەوامیێ بدەنە پشکداریێن خوە بۆ قارەمانیا میامی ل وەلاتێ ئەمریکا ئەوا بریارە ل حەفتیا بھێت دەسپێبکەت
ئاھنگەکا جەژنا نەوروزێ دێ ھێتە ساز کرن
ئەڤرۆ نیوز، عەلی حاجی:
د داخویانیەکێ دا رێڤەبەرێ گەشت و گوزارێ ل زاخۆ بۆ ئەڤرۆ نیوز دیار کر ژبەر ھاتنا جەژنا نەوروزێ وان تیمەک پێکئیناتیە ژبو سەخبێریکرنا وان ھەمی خزمەتگوزاریێن ل دەڤەرێن سەیرانی قەست دکەنێ ل روژانێن نەوروزێ دا.
چیا ئەمین زێدەتر گۆت: وەکو رێڤەبەریا گەشت و گوزار ب ھەماھەنگی دگەل رێڤەبەریێن ل زاخۆ رابووینە ب سەخبێریکرنا زێدەتری ٦٠ جھێن دەست شو و تەوالێتان و ھەر دیسان مە ھەمی ناحیێن زاخۆ ئاگەھدار کرینە ل ھەر سێ روژێن نەوروزێ دا ب رێکا تانکەران ئاڤێ بۆ ھەر سێ دەڤەرێن بێتاسێ و شیناڤا و تاوکێ فرێکەن و ب رێکا باژێرڤانیا زاخۆ ژی دێ زەرفێن بەرمایکان ل سەر سەیرانیان ھێنە بەلاڤ کرن و نێزیکی ١٠ ھزار پوستەران ھاتینە چاپکرن و ل سەر سەیرانیان ھێنە بەلاڤ کرن.
ژلایێ خوە ڤە دلخاز موسا رێڤەبەرێ رەوشەنبیری و ھونەری ل زاخۆ بۆ ئەڤرۆ نیوز گۆت: مە بەرنامەیەکێ رێک و پێک بۆ ئاھەنگا جەژنا نەوروزێ ل روژا چارشەمبێ رێکەفتی دانایە و بەرنەماێ ئاھەنگێ دێ ب رێ پیڤانەکا ناڤ باژێری دا دەست پێکەت ھەتا بگەھیتە پرا دەلال و ل وێرێ دێ ئاھەنگەکا ھونەری ل دەمژمێر ٦ی ئێڤاری دەست پێکەت و کو ھژمارەکا ھونەرمەندێن باژێری دێ پشکدار.
نيشاندان
WP Facebook Auto Publish Powered By : XYZScripts.com