NO IORG
Facebook

ئه‌ڤرۆ نيوز:

رێڤەبەرێ سایلویا شنگال دیار کر ئەڤ سالە ژی رازیبوون ل سەر وەرگرتنا گەنمێ جۆتیارێن شنگال د ناڤ سایلویا شنگال دا نەھاتە کرن بتنێ دێ جەه_ ل سایلویا شنگال ھێتە وەرگرتن.

غازی ئلیاس، رێڤەبەرێ سایلویا شنگال بۆ (باسنیوز) دیارکر:” سایلویا شنگال شیانێن وەرگرتنا 50 ھزار تەنێن گەنم و جەھی ھەنە. ئەڤ سالە ھەر ژ دەستپێکا سالا 2019ێ مە بزاڤ کرن بەغدا رازیبوونێ ل سەر وەرگرتنا گەنمێ دناڤ سایلویا شنگال بده‌ت، نها ژی وەرزێ درینێ دێ دەست پێ بکەت ھێشتا چو تشتەک نەھاتیە کرن دا کو گەنم ل سایلویا شنگال بھێتە وەرگرتن. ب تنێ حوکمەتا عيراقێ بریار دایە ئەڤ سالە 10 ھزار تەنێن جەھی ژ جۆتیاران بھێنە وەرگرتن د ناڤ سایلویا شنگالێ دا”.

خویا ژی کر:” گەنمێ جۆتیارێن شنگال دێ ل سایلویا رەبیعە و تەلەعفەر ھێتە وەرگرتن ل سایلویا شنگال گەنم ناھێتە وەرگرتن. مە خواست ھندەک که‌رڤان بھێنە دانان ئەم تێدا کارێ خوە ئەنجام بدەين، به‌لێ نەھاتنە دانان”.

ئەڤرۆ نيوز:

رۆژا شەمبی یا بوری رێککەفتی 11 /5/ 2019 پەرلەمانێ ھەرێما کوردستانێ ‏درەگەھێ خوە بەربژارکرنێ بۆ پوستێ سەرۆکاتیا ھەرێما کوردستانێ ڤەکر، داکو ئەو ‏کەسێن بڤێن خوە بەربژار بکەن ددەمێ سێ رۆژاندا سیڤیێن خوە پێشکێشی دەستەیا ‏سەرۆکاتیا پەرلەمانێ کوردستانێ بکەن.‏

ل گۆڕ راگەھاندنا دەستەیا سەرۆکاتیا پەرلەمانی، مەرجێن بەربژارکرنا پۆستێ ‏سەرۆکێ ھەرێمێ نابیت ژییێ بەربژاری ژ 40 سالان کێمتر بیت، ھەورەسا وەلاتی ‏خوەجە و ئاکنجیێ ھەرێما کوردستانێ بیت، و ژ ھەموو مافێن سڤیل و سیاسی ‏بەھرەمەند بیت.‏

سەبارەت بابەتێ بەربژارکرنێ، جێگرێ سەرۆکێ فڕاکسیۆنا نەوی نوێ ل ‏پەرلەمانێ کوردستانێ راگەھاند، ئەم بزاڤان ل گەل کومەلا ئیسلامی و ‏ئێکگرتوو دکەین، مە پێکڤە بەربژارەک بۆ پۆستێ سەرۆکاتیا ھەرێما کوردستانێ ‏ھەبیت.‏

کاوە عەبدولقادر ی ھەروەسا گۆت: ل دۆر ڤی بابەتی مە گەنگە ل گەل ‏فڕاکسیۆنا کۆمەلا ئیسلامی و ئێکگرتوو کرینە و دانوستاندنێن مە دبەردەوامن، ‏ھەموو بزاڤان دێ کەین مە پێکڤە بەربژارەک بۆ پۆستێ سەرۆکاتیا ھەرێما ‏کوردستانێ ھەبیت. ‏

ھەژی گۆتنێ یە پارتی دیموکراتی کوردستان وەک سەرکەفتیا ئێکێ ل ھەلبژارتنێن ‏‏30 ئیلونا سالا 2018، بەربژارێ خوە بۆ پۆستێ سەۆرکاتیا ھەرێما کوردستانێ دیار ‏کریە کو ئەو ژی کاک نێچیرڤان بارزانی یە. ‏

ل گۆڕ قانوونا سەرۆکاتیا ھەرێما کوردستانێ یا راستڤەکری، سەرۆکێ ھەرێمێ دێ ل ‏پەرلەمانێ ھەرێما کوردستانێ ب دەنگدانەکا ئاشکرا ھێتە ھەلبژارتن، و ب پڕانیا ‏دەنگێن رەھا یێن ئەندامێن پەرلەمانی ددەمێ سێ رۆژاندا پشتی دەرکرنا بڕیارا ‏تانەلێدانا قانوونا سەرۆکاتیا ھەرێمێ دێ ھەلبژراتن. ‏

ھەکە چو بەرباژارن دەنگێن رەھا یێن دەنگدەران بدەست خوەڤە نەئینان ‏دەنگدان دێ ھێتە دوبارەکرن، و ڕکابەری دێ د ناڤبەرا وان بەربژاراندا بیت یێن ‏پڕانیا دەنگان ب دەستخوەڤە بینن، ئەو بەربژارێ پڕانیا دەنگان بۆ جارا دوێ ب ‏دەستخوڤە ئینان دێ بیتە سەرۆکێ ھەرێما کوردستانێ. ‏

ھەکە ھات و ئێک بەربژار ژی ھەبیت، ھەر دێ دەنگدان ب شێوێ ئاشکرایێ ھێتە ‏کرن، و سەرۆکێ ھەرێمێ دێ دو جێگر ھەبن، بەلێ چ ژوان ھەردو جێگران ل ‏پەرلەمانی باوەری پێناھێتەدان، بەلکی ژ ئالیێ سەرۆکێ ھەرێمێ ڤە دێ ھێنە ‏دامەزراندن و دەستھەلاتێن وانا دێ ھێنە دیارکرن.‏

1132

ئەڤرۆ نیوز:
یانا ریال مەدرید یا بەردەوامە ل سەر ئەنجامێن خوە یێن لاواز ل وەرزێ ئەڤ سالە و ئەڤ شەڤە د یاریا خوە یا حەفتیا گەرا ٣٧ و بەری دووماھیی توشی خوسارەتیا خوە یا ١١ بوو ل وەرزێ ئەڤ سالە دەمێ خوسارەت بووی ل گەل یانا ریال سوسیداد ب سێ گولان بەرامبەر گولەکێ .
راھێنەرێ یانا ریال مەدرید یێ فرەنسی زێدان پشتی یاریێ بوو دەزگەھێن راگەھاندنێ دیارکر ئاستێ ئەوان دەستپێکێ گەلەک یێ باش بوو ھەتا بەری یاریزانێ ئەوان ب کارتا سور بھێتە دورخستن ئەوان ب تمامی کونترولا یاریێ کربوو پشتی کارتا سور ژی ئەو شیان گەلەک دەرفەتا پەیدا بکەن لێ ئەنجامێ یاریێ نە ل دیڤ ئاستێ یاریێ بوو ھەکە یاریزانێن ئەوان ئەو دەرفەتێن بوو پەیدابان مفا ژێ وەرگرتبا دا ئەوان گوتنەکا دی ھەبیت بوو یاریێ.
سەبارەت یاریزانێ گەنچ ئیبراھیم دیاز راھێنەرێ ریال مەدرید دیارکر ئەو یاریزانەکێ خودان شیان و دبینت ئایندەکێ مەزن ڤی یاریزانی یێ ھەی لێ بوو وەرزێ بھێت سەبارەت یاریزانان ئەو چ بریار ل سەر کەسێ نەدایە و ھەر دەمێ ھەڤرکیێن خولێ ب دووماھیی ھاتن وی دەمی ئەوان کومبوون ل گەل کارگێریا یانێ ھەیە و بریارێ ل سەر چەند خالێن گرنگ دەن.
ناڤبری ئاماژە ب وێ چەندێ ژی کر ئەو دخوازیت ب باشترین شێوە ئاستێ مارسێلوی ڤەگەرینت و سەبارەت گارس بێل زێدان دیارکر نوکە ئەوی چ ئاریشە نین و ژلایێ شیانێن لەشی ڤە رەوشا وی گەلەک یا باشە لێ نزانیت بوو حەفتیا بھێت کا چ رویدەت لێ ھندک یاری ھەنە ئەو دخوازیت دەلیڤەیێ بدەتە یاریزانێن گەنج.

175

ئەڤرۆ نیوز:
راھێنەرێ ئیتالی و یانا چێلسی یێ بەری نوکە ئەنتونیو کونتی ئەوێ ل دەستپێکا ڤی وەرزی کارگێریا وێ یانا لەندەنی دەست ژ شیانێن وی بەردەین نوکە بوویە جھێ گرنگیا چەندین یانێن ئورۆپی تایبەت ئیتالی کو ژێدەرێن دەنگوباسی وەسا دیاردکەن ئەو راھێنەر نێزیکی ئیمزاکرنا ئێک ژ سێ یانێن ئیتالی بوویە ئەوژی ئەنتر میلان و ئەی سی میلان و روما لێ ل دووماھیی پێزانین وەسا دیاردکەن ئەو راھێنەر گەھشتی یە رێککەفتنێ ل گەل یانا ئەنتر .
زێدەتر ئەوان رۆژنانا ئاشکراکریە کونتی ل سەر داخوازیا یانا ئەنتر میلان رازی بوویە و دێ بوو وەرزێ بھێت پوستێ راھێنەریا یانا ئەنتر وەرگریت بەرامبەر موچەیەکێ سالانە ٩ ملیون یورۆ ھەردیسان ھەڤبەستا ئەوی دێ ھێتە ئیمزاکرن بوو سێ وەرزان.

ئه‌ڤرۆ نیوز،بارزان مزوورى:
سه‌عید ئه‌سكه‌نده‌ر،راگه‌هاندنكار سوپایێ سێ یا پێشمه‌رگه‌یێن زێره‌ڤانى بۆ ئه‌ڤرۆ نیوز گوت:ئه‌ڤرۆ نیڤرۆ رێكه‌فتى 12ى ئایارێ 2019ى عه‌مید”ئه‌سكه‌نده‌ر گه‌ردى”فه‌رماندێ لیوا/3 كوماندى زێره‌ڤانى ئێك، ژ نه‌خوشخانێن وه‌لاتێ ئوردن گیانێ خۆ ژ ده‌ست دا و ته‌رمێ وى بۆ هه‌رێما كوردستانێ هات ڤه‌گوهاستن.
ناڤهاتى خویاكر كۆ به‌رى سێ رۆژه‌ فه‌رمانده‌ عه‌مید ئه‌سكه‌نده‌ر ل سه‌ربازگه‌هه‌كا مه‌شق و راهێنانێ ل هه‌ولێرا پایته‌خت راهێنانێن چه‌كى ب پێشمه‌رگه‌ى دكرن ژ نیشكه‌كێ ڤه‌ ئه‌و چه‌كێ راهێنان ل سه‌ر دكرى د ده‌ستان دا د په‌قیت و بریندار دبیت ژبه‌ر مه‌ترسیا برینا وى بو نه‌خوشخانه‌كا وه‌لاتێ ئوردن دهێت ڤه‌گوهاستن ل وێ نه‌خوشخانێ ژبه‌ر مه‌ترسیا برینێ وى گیانێ خۆ ژ ده‌ست دا.

ئەڤرۆنیوز،سەباح زوهێر:

ئەڤرۆ ب ئامادەبوونا دکتور نزار عسمت رێڤەبەرێ گشتی یێ ساخلەمیا پارێزگەھا دھوکێ و قايمقامێ ئاکرێ و رێڤەبەرێ ساخلەمیا قەزا ئاکرێ ئامیرێ میفراسێ ل نەخوشخانا گۆلان یا گشتی ھاتە ڤەکرن و دێ کەڤیتە کارکرنێ دا بۆ خزمەتکرنا نەخوشێن دەڤەرێ.

د.نزار عسمت رێڤەبەرێ گشتی یێ ساخلەمیا پارێزگەھا دھوکێ دکونگرەکێ روژنامەڤانی دا دادیارکرن کو نەخوشخانا گۆلان ئێک ژ وان نەخوشخانێن ھەرە گرنگە ل دەڤەرا ئاکرێ کو چەند دەڤەرێن دی ژی وەکو(بەردەرەش و شێخان و بلێ) قەستا وێ دکەن، بۆ ھندێ ژی پێدڤیە پتر پیتەدان ب ڤێ نەخوشخانێ بھێتەدان.

رێڤەبەرێ گشتی یێ ساخلەمیا پارێزگەھا دھوکێ گۆت ژی ئێک ژ وان بزاڤان بۆ نەخوشخانا ناڤبری دانانا ئامیرێ میفراسێ و دانانا ئامیرێ ھوربینیێ بوو، کو کوژمێ ھەردوو پروژان نزیکی (ملیار و نیڤایە) کو ژ ئێک ژ ئامیرێن گرنگ و پێشکەفتی یە، ڤەکرنا ڤی ئامیرەی گرنگیەکا مەزن یا ھەی دێ خزمەتا دەڤەرێ ھەمیێ کەت، ژپروژێن ستراتیژیێن دی یێن ساخلەمیا پارێزگەھا دھوکێ بۆ ئاکرێ دروستکرنا نەخوشخانەکا ھەوارھاتنێ یە ل ئاکرێ، ھەروەسا دانانا ئامیرەکێ رەنینێ یە بۆ ڤێ دەڤەرێ، ب ئاناھیا خودێ پشتی نەمانا قەیرانێ و باشترکرنا رەوشا ئابوری ئەو پروژە دێ ھێنە جێبەجێکرن.

459

ئەڤرۆ نیوز:
ستێرا ئەرژەنتینی و یانا بەرشەلۆنا لیونێل میسی ناخوازیت ل وەرزێ بھێت سێ ستێرێن یانێ بەردەوام بن ل گەل پێکھاتیێ یانێ و ل دیڤ گوتنا رۆژنامەیێن نێزیکی یانا بەرشەلۆنا ئەوی ستێرا ئەرژەنتینی داخوازی ژ کارگێریا یانا کەتەلونی کریە ئەوان ھەر سێ یاریزانان ل ھاڤینا بھێت بفروشن.
رۆژناما سپورت یا کەتەلونی کو ئێک ژ رۆژنامەیێن نێزیکی یانا بەرشەلۆنا یە ئاشکراکریە میسی داخوازی ژ کارگێریا یانێ کریە ھەر ئێک ژ یاریزانان ئومتێتی و راکیتیچ و کوتینھو ل ڤەگوھاستنێن بھێت بفروشن ل جھێ ئەوان ھەڤبەستێ ل گەل چەند یاریزانێن باشتر ئیمزا بکەن ژبەرکو ئەو یاریزان ل وەرزێ ئەڤ سالە نەشیاینە ئاستەکێ باش ل گەل بەرشەلۆنا ئیمزا بکەن سەرەرای ئەو ھەر سێ دھێنە ھژمارتن ژ یاریزانێن بەرنیاس ل سەر ئاستێ جیھانێ و ناڤا پێکھاتیێ بەرشەلۆنا ژی .

ھەردیسان ئەوێ رۆژنامێ ئاشکراکریە ژی دبیت ب رێژەیا ھەرە مەزن بەرشەلۆنا ل سەر ئەوێ داخوازیا میسی رازی بیت کو نوکە د ھزرا ئەوان دا ژی یە دەستا ژ ئەوان یاریزانان بەردەن بوو وەرزێ بھێت و ھەڤبەستێ ل گەل دو یاریزانێن دی ل جھێ ئەوان یاریزانان ئیمزا بکەن.

Image result for ‫كوتينيو راكيتيتش‬‎

راکیتیچ Image result for ‫كوتينيو‬‎

کوتینھوImage result for ‫صامويل أومتيتي‬‎

ئومتێتی

181

ئەڤرۆ نیوز:
پشتی ئەڤرۆ دووماھیی ب ھاتنا خولا ئنگلتەرا بوو وەرزێ ٢٠١٨-٢٠١٩ ھاتی و یانا مانچێستەر سیتی ب ناسناڤێ ب دەستخوڤەبر و یانا لیڤەرپول ل رێزا دوێ ھات ھەردو یانێن چێلسی و توتنھام ژی پلێتێن دەربازبوونێ بۆ قارەمانیا چامپیونیز لیگ مسوگەرکری و ھەردو یانێن ئەرسینال و مانچێستەر یوناید دەربازی قارەمانیا یورۆپا لیگ بوون و ھەرسێ یانێن ھیدیرسفیلد تاون و فولھام و کاردیف سیتی پاشڤەزفرینە خولا پلا ئێک یا ئنگلتەرا .

باشتریننێن خۆلا ئنگلتەرا بوو وەرزێ ٢٠١٩-٢٠١٩

Image result for ‫فان دايك‬‎
بەرەڤانێ ھولەندی و یانا لیڤەرپول ڤان دایک ب خەلاتێ باشترین یاریزانێ خۆلا ئنگلتەرا بوو ڤی وەرزی ھاتە خەلاتکرن .

باشترین گولچی

Image result for ‫اليسون بيكر‬‎
گولچیێ ھەلبژارتیێ بەرازیل و یانا لیڤەرپول ئەلیسون وەکو باشترین گولچی ل سەر ئاستێ خولا ئنگلتەرا ھاتە خەلاتکرن .

 

گولکەرێن خولێ

Related image
محەمەد سەلاح ژ یانا لیڤەرپول ٢٢ گول

Image result for ‫ساديو ماني‬‎
سادیو مانێ ژ یانا لیڤەرپول ٢٢ گول

Image result for ‫اوباميانغ‬‎
ئوبامیانگ ژ یانا ئەرسینال ٢٢ گول

82

ئەڤرۆ نیوز:
بەری دەمەکێ کێم یاریێن حەفتیا ٣٨ و دووماھیێ ژ خولا پرێمێرلیگ یا ئنگلتەرا ب دووماھیی ھاتین و چیروکا خولێ بوو وەرزێ ٢٠١٨-٢٠١٩ ب دووماھیی ھات یانا مانچێستەر سیتی بوو جارا دوێ ل دیڤ ئێک و شەشێ د مێژویا خوە دا ب ناسناڤێ خولێ ھاتە خەلاتکرن پشتی د یاریا خوە یا گەرا دووماھیێ دا ب سەرکەفتی ل سەر یانا برایتون ب چار گولان گولەکێ و یانا لیڤەرپول ئەوا ھەتا دووماھی حەفتی ھەڤرکیا برنا ناسناڤێ کری ل رێزا دوێ ھات و د دووماھیی یاریا خوە دا ب سەرکەفت ل سەر یانا ولڤرھامبتون ب دو گولان بێ بەرامبەر .
ھەردو یانێن توتنھام و چێلسی ژی پلێتا دەربازبوونێ بوو قارەمانیا چامپیونیز لیگ بوو وەرزێ بھێت مسوگەرکر سەرەرای وەکھەڤیا ئەوان ل دووماھیی حەفتی دا کو چێلسی ل رێزا سیێ ھات د لیستەیا خولێ دا پشتی وەکھەڤبووی ل گەل یانا لیستەر سیتی بێ گول و توتنھام ژی ل گەل ئیڤەرتون ب دو گولان وەکھەڤبووی و ھەردو یانێن ئەرسینال و مانچێستەر نەشیان پلێتا دەربازبوونێ مسوگەر بکەن بۆ وەرزێ بھێت دێ پشکداری د قارەمانیا یورۆپا لیگ دا کەن .
ژلایەکێ دیڤە ھەرسێ یانێن ھیدیرسفیلد تاون و فولھام و کاردیف سیتی پاشڤەزفرینە خولا پلا ئێک یا ئنگلتەرا پشتی ل رێزێن ٢٠-١٩-١٨ ھاتین د لیستا خولێ دا .
گولکەرێ خولێ
ھەڤرکیەکا دژوار ھاتەکرن دناڤبەرا یاریزانێن خولێ بوو دەستڤە ئینانا گولکەرێن خولێ کو ھەتا دووماھیی حەفتی ھەڤرکی دناڤبەرا چار یاریزانان د ھاتەکرن و ل دووماھیێ سێ یاریزان ب ناسناڤێ گولکەرێ خولێ ھاتنە خەلاتکرن ئەوژی ھەر ئێک ژ یاریزانان محەمەد سەلاح و سادیو مانێ ژ لیڤەرپول و ئوبامیانگ ب تومارکرنا ٢٢ گولان و یاریزانان سێرجیو ئوگویرو ب ٢١ گولان ل رێزا دوێ ھات.

سویسرا، ئازاد گۆلەی:

پشتی ١٧ جاران بوویە قارەمانا خولا نایابا سویسرا و حەفت جاران ژی قارەمانا کاسێ زێدەباری نەە پشکدارێن وێ د قارەمانیا ئوروپا قارەمانێن خولان دا، ل سالا ٢٠١٣ ژ ئەگەرێ ئیفلاسبوونێ ژ خولا نایاب ھاتە پلە چار ب بریارا دادگەھێ.

لێ رۆژا ئەینیا بوری ١٠-٥-٢٠١٩ یانا سیرڤێت یاکو ل سالا ١٨٩٠ ل باژێرێ جنێف ھاتیە دامەزراندن جارەکا دی ب فەرمی ڤەگەریا خولا نایابا سویسرا یا تەپا پێ پشتی شیای سەرکەفتنێ ل سەر ھەڤرکا خوە یانا لوزان توماربکەت ب سێ گۆلان بەرامبەر گۆلەکێ د یاریا دێربیا دەڤەرێ دا ل یاریگەھا جنێف یا سویسری و ب ڤێ سەرکەفتنێ ئەڤ یانە جارەکا دی بۆ خولا نایاب ب سەرکەفت پشتی بورینا حەفت سالان.

ھەژی گۆتنێ یە پەیامنێرێ رۆژناما ئەڤرۆ ل ئوروپا ب فەرمی ھاتبو داخواز کرن وەک تاکە دەزگایێ راگەھاندنا کوردی.

website security
WP Facebook Auto Publish Powered By : XYZScripts.com