ئەڤرۆ نیوز:
کورێ دھۆکێ ھێژا ئسماعیل بێژەرێ وەرزشی ب ناڤێ ھەرێما کوردستانا عیراقێ پشکداری د بەرنامێ ئەلو bein داکریە و گەھشتیە قوناغا دووماھیێ، و نوکە پێدڤی ب دەنگدانێ یە برێیا ڤی لینکێ ل خوارێ داکو بیتە سەرکەفتیێ ئێکێ و بۆ یاریا دووماھیا قارەمانیا ئوروپا قارەمانێن خولان بێژەریێ بکەت برێیا کەنالێ bein sports یێ قەتەری.
ئەڤرۆ نیوز:
بەرپرسەکێ وەزارەتا بەرەڤانیێ یا ئەمریکا بۆ ئاژانسا رویتەرز دیار کریە کو ئالۆزیێن ل گەل ئیرانێ رۆژ ب رۆژێ زێدەتر لێ دهێن و مەترسی ل سەر چەندین وەلاتێن هەڤپەیمانێن مە ل رۆژهەلاتا ناڤین یا هەی، ژ بەر هندێ ژی دێ مۆشەکێن پاتریۆت ل گەلەک دەڤەرێن جودا جودا ل رۆژهەلاتا ناڤین هێنە بجهکرن.
هەمان بەرپرسی دیار کریە کو ل هەمبەر هەر هێرشەکێ ئەم دێ بەرگیریێ ل هێزێن خوە و هەڤپەیمانێن خوە کەین و مە هۆشداری ژی دایە ئیرانێ کو چو شاشیان نەکەت.
ئەڤرۆ نیوز:
کرێکارەکێ خەلکێ شنگالێ ل سەر ئاڤاھیەکێ بلند یێ ھەولێرێ خوە ھاڤێتیە خوارێ و داوی ب ژیانا خوە ئینایە.
راگەھاندنا پۆلیسێن ھەولێر دیارکر ئەڤ گەنجێ شنگالی ب مەرەما کارکرنێ ھاتیە ھەولێرێ و ل جاددا سولتان موزەفەر کرێکار بوویە، پشتی دووماھی ب ژیانا خوە ئینای و خوە د ئاڤاھیەکێ ٩ قاتی دا ھاڤێتی تەرمێ وی ھاتیە رەوانەکرن بۆ قەزا شنگالێ بێ کو ئەگەرێن ڤێ روودانێ بزانین.
ئەڤرۆ نیوز:
ئەڤرۆکە ب بریارەکا فەرمی ژ ئالیێ دادگەها تورکیا ڤە ٤ ئەندامێن جڤاتا پارێزگەها دێرسمێ ل گەل دو موختاران ب بەهانا هندێ کو ئاریشێن وان یێن قانوونی هەنە ژ کاری هاتنە دوورخستن.
بریارا دادگەهێ پشتی هندێ هات کو کۆمیسیۆنا بلند یا هەلبژارتنان ل تورکیا پەسەندنامە ژ وان کەسان وەرگرتبوو و پشتی ڤێ یەکێ ژی ب فەرمی ژ کاری هاتنە دوورخستن.
ئەڤرۆ نیوز:
ئەڤرۆکە ژ بەر بیڤەلەرزەکا بهێز سلێمانی و دەوروبەرێن وێ هەژیان و ل گۆر زانیاریێن کو زانکۆیا تەهرانێ بەلاڤ کرینە ناڤەندا بیڤەلەرزێ پارێزگەها کرمانشان یا رۆژهەلاتێ کوردستانێ بوویە و ل پارێزگەهێن هەلەبجە و سلێمانی و دەوروبەرێن وان ژی هەست پێ هاتیە کرن.
ل گۆر زانیاریان هەتا نها ژ بەر بیڤەلەرزێ چو کەسەکێ جانێ خوە ژ دەست نەدایە لێ ل پارێزگەها کرمانشانێ چەند ئاڤاهی خراب بووینە.
ئەڤرۆ نیوز:
پێشبینیەکا مەزن دھاتەکرن کو ل ھاڤینا بھێت کارگێریا یانا ریال مەدرید ل ھاڤینا بھێت دەستا ژ ستێرا خوە یا ھێلا ناڤین و یاریزانێ ھەلبژارتیێ ئیسپانیا ئیسکو بەردەت ژبەر ئاستێ وێ یێ ھونەری نە ل ئاستێ پێدڤی بوو لێ پشتی ھاتنا راھێنەرێ فرەنسی زێدان جارەکا دی ل پوستێ راھێنەریا وێ یانێ ئەو یاریزان شیا ئاستێ خوە یێ جاران ڤەگەرینت و بیتە جھێ باوەریا وی راھێنەری.
رۆژناما ئاس یا ئیسپانی ئاشکراکریە بەری ھاتنا زێدان ھژمارەکا یاریزانێن یانا ریال مەدرید بریارا ب جە ھێلانا پێکھاتیێ یانێ دا بوو کو ئێک ژ ئەوان ئیسکو بوو لێ پشتی ھاتنا زێدان و ئەوی راھێنەری جارەکا دی باوەری و دەلیڤەیا کرنا یاریێ ب ئەوان یاریزانان دای ئەو یاریزان ل بریارا خوە لێڤەبووینە .
ئەوێ رۆژنامێ ئاشکراکریە ژی زێدان بریارا خوە ل سەر پاشەرۆژا ئیسکو دایە ل یانێ دایە و ناخوازیت دەستا ژ ئیسکو بەردەت ژبەرکو ل وەرزێ بھێت د پلانا وی دایە ئەو پشت بەستنێ ل سەر ئەوی یاریزانی بکەت.
ئەڤرۆ نیوز:
ئه‌ڤرۆ سپێدێ 11-5-2019 ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز (د. ئەحمەد تاڵب) وه‌زیرێ وه‌رزش ولاوێن ئیراقێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا د. شاكر ئەحمەد سمو رێڤه‌به‌رێ گشتى یێ وه‌رزش ولاوان ل هه‌رێما كوردستانێ به‌حسێ ره‌وشا دام وده‌زگه‌هێن وه‌رزشى ل ئیراقا فیدرال ول هه‌رێما كوردستانێ وچاوانیا خورتكرن و پێشئێخستنا كار وچالاكیێن وه‌رزشى دناڤبه‌را هه‌ردوو ئالیان دا هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندى دیاركر وته‌كه‌زى ل سه‌ر هه‌ڤكارى وهاریكاریێ كر بو پێشئێخستنا كار وچالاكیێن وه‌رزشى دناڤبه‌را هه‌ردوو لایه‌نان دا وچه‌ند پێشنیار به‌رچاڤكرن وه‌كو دورئێخستنا كارو چالاكیێن وه‌رزشى ژململانێن سیاسى وپشته‌ڤانیكرنا هه‌موو سازى وبوارێن وه‌رزشى ب یه‌كسانى دچارچوڤێ ئیراقا فیدرال دا هه‌روه‌سا پشته‌ڤانیكرنا بوارێن وه‌رزشى یێن بچوك كو گه‌له‌ك جاران هنده‌ك كه‌سا شیانێن باش هه‌نه ئه‌نجامێن مه‌زن ل سه‌ر ئاستێن وه‌رزشا جیهانى ب ده‌ستڤه بینین وگه‌له‌ك جارا ململانا سیاسى كارتێكرنه‌كا مه‌زن یا ل سه‌ر بوارێن وه‌رزشى كرى وبوینه هوكار بو پاشئێخستنا بزاڤا وه‌رزشى ونوكه پێدڤى یه هاریكاریا مادى ومه‌عنه‌وى بو سازى وكه‌سانێن وه‌رزشى یێن خودان شیان بهێته كرن دا وه‌كو جاران بزاڤا وه‌رزشى پێشكه‌فتنێ بخوڤه ببینیت.
ژلایێ خوڤه وه‌زیرێ وه‌رزش ولاوێن ئیراقا فیدرال ته‌كه‌زكر كو دێ هه‌موو هه‌ولدانا كه‌ن كو بزاڤا وه‌رزشى دناڤبه‌را ئیراقا فیدرال وهه‌رێمێ دا بهێته پێشئێخستن چونكو به‌رى نوكه هه‌رێما كوردستانێ جهه‌كێ گرنگ بو ، بو ئه‌نجامدانا چالاكیێن وه‌رزشى وگه‌له‌ك جاران وه‌رزش و وه‌رزشڤانێن هه‌رێما كوردستانێ سه‌ركه‌فتنێن مه‌زن بناڤێ ئیراقا فیدرال بده‌ستڤه ئینانینه وبه‌رده‌وامى دایه وان سه‌ركه‌فتنێن وه‌رزشى .
هه‌روه‌سا گوت:ئه‌م ب هه‌ڤره دگه‌ل سازیێن وه‌رزشى ل ئیراقى وهه‌رێما كوردستانێ دێ پلانه‌كا وه‌رزشى یا ئێكگرتى به‌رهه‌ڤكه‌ین وهه‌موو بوچونا كه‌ینه ئێك وپشته‌ڤانیا پروژێن مه‌زن یێن وه‌رزشى ل هه‌رێمێ كه‌ین بو وێ یه‌كێ بزاڤا وه‌رزشى ل سه‌ره‌نسه‌رى ئیراقێ وهه‌رێمێ پێشبێخین .
پاش كونگره‌كێ روژنامه‌انی بو پارێزگه‌رێ دهوكێ و وه‌زیرێ وه‌رزش ولاوان هاته سازكرن وهه‌ردوو لا ته‌كه‌زى ل سه‌ر هه‌ڤكارى وهاریكاریێ كر بو پێشئێخستنا بزاڤا وه‌رزشى ل هه‌رێما كوردستانێ ول ئیراقێ.
ئەڤرۆ نیوز:
چاڤەرێ دھێتەکرن ل مێرکاتویا ھاڤینا بھێت یانا بەرشەلۆنا دەست ژ چەند یاریزانان بەردەت کو چەند ژ ئەوان ل سەر حەزا خوە دێ پێکھاتیێ بەرشەلۆنا ب جە ھێلن و چەندەکێن دی کارگێریا یانێ دێ دەستا ژێ بەردەن ژبەر ئاستێ ئەوان یێ ھونەری نە ل ئاستێ پێدڤی یە .
رۆژناما سپورت یا کەتەلونی کو ئێک ژ رۆژنامەیێن نێزیکی یانا بەرشەلۆنا ئاشکراکریە بەرەڤانێ فرەنسی و یانا بەرشەلۆنا ئومتێتی حەزا چوونێ ھەیە ل ھاڤینا بھێت و دخوازیت ل ھاڤینا بھێت پێکھاتیێ وێ یانێ ب جە بھێلت ھەردیسان بەرامبەر یانا بەرشەلۆنا ژی نابیتە رێگر د رێیا چوونا ئەوی یاریزانی دا ژبەرکو ل وەرزێ ئەڤ سالە بتنێ پشکداری د ١٤ یاریان دا کریە و ھەردیسان ئاستێ ئەوی یێ ھونەری نە وەکو بەری نوکە بوو تایبەت پشتی ژ ھنگافتنێ ڤەگەریای.
زێدەتر ئەوێ رۆژنامێ ئەو چەندە ژی دیارکریە یانا بەرشەلۆنا ھزر ل ئینانا بەرەڤانەکێ دی کریە ل جھێ ئومتێتی تایبەت پشتی وێ خوسارەتیا مەزن ل گەل لیڤەرپول کارگێریا یانا بەرشەلۆنا دخوازیت چەند گوھورین د ھێلا بەرەڤانیێ دا بکەت .
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 10ى گۆلانا 2019ێ دهێته پێشبينكرن ئه‌سمان دێ ساهى بيت ل گه‌ل هنده‌ك ئه‌ورێن جودا جودا.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى بيت ل گه‌ل هنده‌ك ئه‌ورێن جودا جودا.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 15 بۆ 28 پلان دا بن.
ئه‌ڤرۆ نیوز:
رێڤه‌به‌ریا هاتن وچوونێ ل پارێزگه‌ها دهۆكێ به‌لاڤكر كو ئه‌و وه‌لاتیێن پارێزگه‌ها دهۆكێ یێن ترومبێلێن بێ باده‌ك هه‌ین، دشێن سه‌ره‌دانا باره‌گایێ رێڤه‌به‌ریا هاتن وچوونێ ل كومه‌لگه‌ها دومیز بكه‌ن بۆ ب رێڤه‌برنا مامه‌لێن وان ترومبێلان.
رێڤه‌به‌ریا ناڤبرى دیاركریه ژى كو ئه‌ڤ بریاره ترومبێلێن مودێل 1994 هه‌تا مودێل 2016 ب خوه‌ڤه دگریت.
نيشاندان