ئەڤرۆ نیوز ،بارزان مزووری:
ئەو زارۆيا ل ٢٠ کانونا ئێکێ ٢٠١٨ ل بەر دیوارێ خواندنگەھەکێ ل باژێرێ شێخان ھاتیە دیتن، رادەستێ پولیسان ھاتیە کرن.
ل دووڤ بریارا دادوەرێ ڤەكۆلینێ ل دادگه‌ها شێخان ئەڤرۆ بەری نیڤرۆ رێکەفتی ٢٤ کانونا ئێکێ ٢٠١٨ ئه‌و زارۆ بۆ “مالا کەسێن بێ سەمیان” ل باژێرێ مووسل ھاته هنارتن .
د. جاسم ئیبراھیم، رێڤەبەرێ نەخوشخانا شێخان یا گشتی بۆ ئەڤرۆ نیوز ئاشکرا کر کو ئەڤە چار رۆژە ئەڤ زارۆیا کچ ژلایێ دو پەرستارێن ھوبا زارۆكبوونێ ڤە ل نەخوه‌شخانێ دھات خودانکرن ئەڤرۆ ل دووڤ بریارا دادوەرێ ڤەکولینێ ل دادگەھا شێخان بو”مالا خودانکرنا کەسێن بێ سەمیان ل باژێرێ مووسل ھاته ڤەگوھاستن ژبەر وێ چەندێ کو ئەڤ نەخوه‌شخانە سەر ب پارێزگه‌ها نه‌ينه‌وا ڤەیە، دادگەھا شێخان ژی سەر ب پارێزگه‌ها نه‌ينه‌وا ڤە یە.
ناڤھاتی خویاکر کو ل دووڤ تومارا نەخوه‌شخانێ ٤٥ کەسێن بێ زاروک ناڤێن خوه تومارکربوو کو ب رێيا دادگەھێ كو ڤێ زارۆیا کچ ب خودان بکەن کو ل دووڤ رێنمایێن دادگەھێ ئەڤ زارۆیە بۆ وان بمینیت”.
گۆت ژى، :ئەو کەسێن ناڤێن خو تومارکرین دشێن ب رێکا دادگەھا مووسل ل دووڤ رێنمایێن وان وی زارۆكێ ب دەست خوڤە بينن.
نيشاندان
