ئەڤرۆ نیوز ، عەلی حاجی :
ل بەرامبەر بریارەکا وەزارەتا خواندنا بلند و ڤەکولینێن زانستی یا کوردستانێ ، ئەڤرۆ روژا چارشەمبێ ریکەڤتی ٧/٢/٢٠١٩ قوتابیێن زانکویا زاخۆ پشکا خواندنێن ئیسلامی خرڤەبونەکا نەرازیبونێ ئەنجام دان و ل بەیاننامەکێ دا مولەتا ٧ روژان دایە زانکویا زاخۆ ئەو بریار بھێتە ھەلوەشاندن .
عەدنان عەبدولا ، قوتابیەکێ پشکا خواندنێن ئیسلامی ل زانکویا زاخۆ بۆ ئەڤرۆ نیوز گوت : ل دەست پێکێ پشکەکا قوتابیان بۆ خواندنا ئیسلامی ل دووڤ حەزا خوە پێشکێشی زانکویێ کر ، پشکەکەکا وان قوتابیان ژی کونمرەیا وان ٩٠ ھەتا ٩٥ لێ خواندنا ئیسلامی ھەلبژارتی یە دا کو فێری ئاینێ ئیسلامێ ببیت، د نوکە دا ئەم ھاتینە خاپاندن پشتی مە ئەزمونێن دوماھیا نیڤا سالێ ئەنجام داین ژنوو بریارەکا ھاتیە دان کو پشکا مە بھێتە ھەلوەشاندن و پشکەکا دی بھێتە دامەزراندن لەورا ب ھیچ رەنگەکێ ئەم ل سەر ڤێ چەندێ رازی نابین.
اڤھاتی زێدەتر گۆت : ئەم دگەل ھندێ نە دگەل پشکا مە پشکەک دی ب خواندنا ئاینێ ئولێن دی بھێتە دامەزراندن پێدڤی یە ژی رێز ل ھەستێ قوتابی بھێتە گرتن و ل سەر ھەلوەشاندنا پشکا مە ئەم ب چو رەنگا رازی نابین .
شیلان جەعفەر ، قوتابیەکا ھەمان پشکە بۆ ئەڤرۆ نیوز گوت : ب ھیچ شێوەیەکێ ئەم نە دگەل گوھورینا ناڤێ پشکا مە ژ خواندنا ئیسلامی بھێتە گھورین بو خواندنا ئاینێ ئولان ئەگەر ئەڤ بریارە ھاتە جێبەجیچ کرن دێ بایکوتا ھولێن خواندنێ کەین و دەواما خوە یا زانکویێ ناکەین ، مە ژبەر وێ چەندێ ھەلبژارت چونکی پشکەکا تایبەتە ب خواندنا ئاینێ ئیسلامێ و گھورینا ناڤێ پشکا مە ژی ب بریارەکا خەلەت دبینن .
دکتور دیار ھالو سەروکێ ڤەکولتیا زانستێن مروڤایەتی بۆ ئەڤرۆ نیوز گوت : قوتابیێن نەرازی بێ ھەبونا چو پێزانینان ئەڤ خرڤەبونە ئەنجام داینە ب چو رەنگا ناڤێ پشکا خواندنێن ئیسلامی ناھێتە گوھورین بۆ خواندنێن ئولی ، ل دووڤ وێ بریارا ھەی یا وەزارەتا خواندنا بلند و ڤەکولینێن زانستی بتنێ ناڤێ پشکا خواندنێن ئاینی بۆ پەروەردا ئاینی بھێتە گوھورین و چو راستی بو ھندێ نینە ناڤێ وێ پشکێ بۆ ناڤەکێ دی بھێتە گوھورین و ئەڤ بریارە دێ بۆ قوتابیێن قوناغا ئێکێ دەست پێ کەت .
ناڤھاتی زێدەتر گوت : پشتی وێ گوھورینا خواندنێ د سیستەمێ پشکا خواندنێن ئاینی دا ھاتیە کرن بتنێ بابەتەک ل خواندنا وێ پشکێ دا زێدەبویە ئەو ژی بابەتێ زانستێن دەروونی یە و ئەڤ چەندە ژی ل بەرژەوەندیا قوتابیان دایە وەکو ئەو قوتابی دبیتە ماموستایەکێ ئاینی و گوتار بێژ دێ باشتر ددەرونێ ھولاتیان گەھیت یێ قەستا مزگەڤتا دکەن .
ئه‌ڤرۆنیوز:
رێڤه‌به‌ریا گشتی یا كه‌شناسیێ وبیڤه‌له‌رزان ل هه‌رێما كوردستانێ راگه‌هاند، سوباهی پێنجشه‌مبی 7/2/2019 دێ پێله‌كا به‌فر وبارانێ هه‌رێما كوردستانێ ڤه‌گریت.
رێڤه‌به‌ریا ناڤبری دیاركر ژی” ئه‌و پێلا به‌فر وبارانێ دێ هه‌تا رۆژا ئێكشه‌مبیا داهاتی 10/2/2019 به‌رده‌وام بیت”.
خویاكر ژی كو به‌فر ل رۆژا شه‌مبیێ دێ ل ده‌ڤه‌رێن چیایی ل هه‌رێمێ باریت وباران ژی دێ ب رێژا 8 هه‌تا 10 ملم بیت و15 هه‌تا 25 ملم ل ده‌ڤه‌رێن چیایی.
ئه‌ڤرۆ نیوز، نه‌وزاد هلۆری:
كێم ئه‌ندامه‌كێ ناحیا شێلادزێ بناڤێ (سه‌فه‌ر مزیری) ب هوزان كێشه و گازنده‌یێن خوه و خه‌لكێ ده‌ڤه‌رێ به‌حس دكه‌ت. سه‌فه‌ر ل ده‌ڤه‌را شێلادزێ ب ئێك ژ كه‌سێن خوشتڤی و ناسیار دهێته نیاسین و رێزه‌كا تایبه‌ت د جڤاكی دا هه‌یه، ل سالا 1974 ژ دایك بویه و نێزیكێ 10 سالایه ب شێوازێ هوزان گل و گازنده و كێشه‌یێ، ده‌ڤه‌رێ به‌حس دكه‌ت.
ئه‌ڤرۆنیوز:
شیره‌تكارێ جڤاتا ئاسایشا هه‌رێما كوردستانێ، مه‌سرور بارزانی، ئه‌ڤرۆ چارشه‌مبی 6/2/2019 پێشوازی ل جه‌نه‌رال (پاتریك رۆبه‌رسۆن) فه‌رماندێ ئوپه‌راسیۆنێن تایبه‌ت یێن ئه‌مریكا ل عیراقێ وسووریێ وشاندێ دگه‌لدا كر.
ددیداره‌كێ دا دووماهی پێشهاتێن ده‌ڤه‌رێ ب گشتی وقۆناغێن شه‌رێ تیرۆرستان هاته به‌حسكرن، ل دۆر ره‌وشا رۆژهه‌لاتا فوراتێ ل سووریێ، مه‌سرور بارزانی ئاماژه دا، ب پێدڤی دهێته زانین هێز ولایه‌نێن سیاسی یێن رۆژئاڤا بگه‌هنه رێككه‌فتنێ ولێكتێگه‌هشتنا هه‌ڤپشك ل سه‌ر هه‌موو پرسان بۆ وێ چه‌ندێ دگوهۆرینان دا مافێن گه‌لێ كورد بهێنه جهگیركرن.
هه‌ر دوێ دیدارێ دا، لڤینێن داعشێ ل هنده‌ك ده‌ڤه‌رێن عیراقێ ورۆل وهه‌ماهه‌نگیا دناڤبه‌را هێزێن هه‌ڤپه‌یمانان وعیراقێ وهه‌رێما كوردستانێ هاته به‌حسكرن وروناهی خسته سه‌ر میكانیزمێن رێگرتنێ ل گه‌شه‌كرنا زێده‌تر یا گرۆپێن تیرۆرستی ل ده‌ڤه‌رێ.
ئەڤرۆ نیوز:
د دیدارەکێ دا سەرۆک بارزانی بارزانی ئەڤرۆ ٦-٢-٢٠١٩ ل سەلاحەدین دگەل بالیوزێ سریلانکا نیرانجان ئاسۆکا ل عیراقێ ئەنجامدا و تێدا بەحسا پەوەندیێن ھەرێما کوردستانێ و وی وەلاتێ ھاتە کرن د بوارێ ئابوری و بازرگانی دا.
د ڤێ دیدارێ دا زێدەتر تەکەست ل سەر پەیوەندیێن ھەرێما کوردستانێ دگەل وەلاتێ سریلانکا ھاتەکرن ژلایێ بازرگانی و گەشوگوزار و ئابوری ڤە کر دیسان زێدەتر گەشەپێدانا ڤان پەیوەندیان بھێنە کرن.
د لایەکی دی یێ ڤێ دیدارێ دا بالیوزێ سریلانکا ل عیراقێ کورتیەک ل سەر ئەزموون و مێژوویا وەلاتێ خوە د بوارێ چالاکیێن ئابوری و گەھشتوگوزار بەحس کرن.
د لایەکی دا ھەر ئەڤرۆ بالیوزێ سریلانکا جودا دگەل مەسرور بارزانی شیرەتکارێ ئاسایشا ھەرێما کوردستانێ كومبوو د ڤێ کومبوونێ دا مەسرور بارزانی تەکەست ل سەر پەیوەندیێن دوقولی کرن و راگەھاند ھەرێما کوردستانێ خەزدکەت دگەل ھەموو وەلاتێن جیھانێ ئەزموونا تێکەل یا کەلتور و فەرھەنگا گرنگیێ پێ بدەت.
ژلایێ خوە ڤە بالیوزێ سریلانکا دیارکر وەلاتێ وی ب گرنگی رولێ ھەرێما کوردستانێ ل دەڤەرێ دبینت و دێ پشتەڤانیا خوە بۆ بەرفرھکرنا ڤان پەیوەندیان کەن د ھەموو بواران دا.
دیسان د پشکەکا دی یا ڤێ دیدارێ دا بەحس ل پێکئینانا حوکمەتا نوو یا ھەرێما کوردستانێ ھاتیە کرن.
ئەڤرۆ نیوز:
ئەڤرۆکە سەرۆک مەسعود بارزانی ل گەل قونسولێ وەلاتێ مسرێ ل هەولێرێ ئەحمەد جیهاد کۆمبوو و د کۆمبوونێ دا سەرۆک بارزانی راگەهاند کو پەیوەندیێن مسرێ و کوردستانێ دیرۆکی نە.
د هەڤدیتنێ دا هەر دو ئالیان بەحسێ پێشڤەچوونا پەیوەندیێن کوردستانێ و مسرێ کرن و قونسولێ مسرێ ژی راگەهاندن کو ئەو هێڤیخوازن پەیوەندیێن هەرێما کوردستانێ و مسرێ د هەموو بیاڤان دا بەر ب پێشڤە بچیت.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ راگه‌هاند كو رێژا دانانا كارگه‌هێن كيمياوى و كه‌رستێن بيناسازى يێن سه‌ر ب پێشه‌سازى و وه‌به‌رهێنانێ ڤه به‌ر ب كێمبوونێ چوويه و به‌رچاڤترين كارتێكرن ژى يا ڤه‌كرنا گۆمركان بوويه د ناڤبه‌را هه‌رێما كوردستانێ و حوكمه‌تا عيراقێ دا.
نازدار عه‌بدولقادر حسێن، رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ د كۆنگره‌كێ رۆژنامه‌ڤانى دا راگه‌هاند كو ئه‌ردێ كوردستانێ يێ زه‌نگينه ب دابينكرنا كه‌رستێن خاڤ بۆ كارگه‌هێن كه‌رستێن كيمياوى و كارگه‌هێن كه‌رستێن بيناسازى ژ به‌ر ڤێ چه‌ندێ ژى ژماره‌كا كارگه‌هان ل دهۆكێ هاتينه دانان.
رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ ئاماژه ب وێ چه‌ندێ ژى كر كو ڤان كارگه‌هان شيايه ده‌ليڤێن كارى بۆ گه‌نجان زێده بكه‌ن و بێ كاريێ ژى هه‌تا راده‌كى كێم بكه‌ن و بارێ حوكمه‌تێ سڤك بكه‌ن.
نه‌ڤه‌شارت ژى كو قه‌يرانا ئابوورى ل كوردستانێ ژ ئه‌گه‌رێ هاتنا داعش و روو ب رووبوونا وێ و بوويه‌رێن پشتى 16ى ئوكتوبه‌رێ هه‌ى گه‌له‌ك كارتێكرن ل سه‌ر دانانا ڤان كارگه‌هان كريه، به‌لێ يا ژ هه‌موويان پتر كارتێكرن ل سه‌ر ڤان كارگه‌هان هه‌ى، دانانا وان گۆمركايه يێن د ناڤبه‌را هه‌رێما كوردستانێ و عيراقێ دا.
رێڤه‌به‌را گه‌شه‌پێدانا پێشه‌سازى ل پارێزگه‌ها دهۆكێ ئاماژه ب وێ چه‌ندێ ژى كر كو هه‌كه هه‌ڤبه‌ركيه‌كێ بكه‌ن هه‌ر ژ سالا 2013 و هه‌تا نها، دێ بينين هه‌ڤبه‌ركيه‌كا مه‌زن يا د ناڤبه‌را رێژا دامه‌زراندن و دانانا ڤان كارگه‌هان دا هه‌يى ب ره‌نگه‌كى ل سالا 2013ێ 65 كارگه‌هـ هاتنه ڤه‌كرن، به‌لێ ل سالا 2014 ب تنێ 15 هاتنه ڤه‌كرن و ل 2015ێ ژى 18 كارگه‌هـ و ل 2016ێ 13 كارگه‌هـ و ل 2017ێ 35 كارگه‌هـ و ل 2018ێ ژى 14 كارگه‌هـ هاتبوونه دامه‌زراندن.
ب ره‌نگه‌كێ گشتى ل پارێزگه‌ها دهۆكێ كارگه‌هـ سه‌ر ب رێڤه‌به‌ريا گه‌شه‌پێدانا پێشه‌سازى و وه‌به‌رهێنانێ ڤه نه، به‌لێ ژماره‌كا زۆر ژ به‌ر قه‌يرانا ئابوورى ژ كار راوه‌ستياينه.
ژ لايه‌كێ دى ڤه نازدار عه‌بدولقادر حسێن بۆ ئه‌ڤرۆ نيوز ب گۆره‌ى وان داتايێن مه‌يدانى يێن وان ب ده‌ست خوه خستين، نها ل پارێزگه‌ها دهۆكێ ژ سه‌رجه‌مێ 330 كارگه‌هێن سه‌ر ب گه‌شه‌پێدانا پێشه‌سازى ڤه 104 كارگه‌هـ كار ناكه‌ن و 37 ژى ل دووڤ پێدڤيێ كار دكه‌ن و يێن كارێن خوه ب دروستى دكه‌ن 195 كارگه‌هن.
ده‌رباره‌ى كارگه‌هێن سه‌ر ب رێڤه‌به‌ريا گشتى يا وه‌به‌رهێنانێ ل پارێزگه‌ها دهۆكێ ژى نازدار خانێ گۆت: “ژ سه‌رجه‌مێ 60 كۆمپانيان، 17 كارناكه‌ن و پێنج ژى ل دووڤ پێدڤياتيێ كار دكه‌ن، د ده‌مه‌كى دا 38 كۆمپانى كار دكه‌ن”.
نيشاندان