پەیڤدارا فڕاكسیۆنا پارتی ل پەرلەمانێ ئیراقێ ڕاگەهاند، ڤەگەڕاندنا كەسوكارێن چەكدارێن داعشێ بۆ كەمپا (هۆلێ) ل رۆژئڤایێ كوردستانێ ژ ئالیێ حكومەتا عیراقێ ڤە بۆ كەمپا (جەدعە) جهێ مەترسیێ یە.
ڤیان دەخیل پەیڤدارا فڕاكسیۆنا پارتی ل پەرلەمانێ ئیراقێ گۆت: نێزیكی سێ سالایە حكومەتا ئیراقێ دەست ب ئینانا كەسوكارێن چەكدارێن داعشێ ل كەمپا هۆلێ ژ رۆژئاڤایێ كوردستانێ بۆ كەمپا جەدعە كریە، ل سنورێ پارێزگەها نەینەوا، وەكی بەری نوكە مە ڕاگەهاند بوو، ئەڤە مەترسیەكا مەزنە بۆ خەلكێ ئاكنجیێ دەڤەرێ، ب تایبەت بۆ كوردێن ئێزدی و تشتەكێ گەلەك نەخۆشە و برینێن نوو د لەشێ مە ڤە دكەن.
سەبارەت بجهئینانا رێككەفتنا شنگالێ ژی، ڤیان دەخیل گۆت: پێدڤیە هەر دو حكومەتێن ئیراقێ و هەرێما كوردستانێ كار بۆ بجهئینانا رێككەفتنا شنگالێ بكەن، و هێزێن بیانی ژ وی باژێری بهێنە دەرخستن، و خەلكێ شنگالێ یێ ئاوارە ڤەگەرینن سەر جه و راێن خوە، بەلێ بمخابنی ڤە ئاستەنگ بۆ بجهئینانا وێ رێككەفتنێ دهێنە دانان.
ئەڤە د دەمەكی دایە، كو پڕانیا وەلاتێن بیانی یێن خەلكێ وانا دناڤا كەمپا هۆلێ دا نەڤێن وەلاتیێن خوە دناڤا وێ كەمپێ دا بینەدەرێ و ڤەگوهێزنە وەلاتێن وان، رێكخستیا هێومان راتیس وۆچ بۆ چاڤدێریكرنا مافێن مرۆڤێ دبێژیت، بتنێ 25 وەلاتان ئامادەیا خوە دیار كرینە بۆ ڤەگەڕاندنا وەلاتیێن خوە، دناڤبەرا وان وەلاتاندا ، زێدەتر كازاخستنا ، كۆسۆڤۆ، رووسیا ، ئۆباكستانن.
ئەمریكا پڕانیا وەلاتیێن خوە دناڤا وێ كەمپێ دا بۆ ئەمریكا هاتینە ڤەگوهاستن، بەلێ وەلاتێن ئێكەتیا ئۆروپا ڤەگەڕاندنا وان كەسان بۆ وەلاتان وانا رەتكرن.
ڤیان دەخیل: ڤەگەڕاندنا كەسوكارێن داعشێ بۆ كەمپا هۆلێ جهێ مەترسیێ یە
نيشاندان