ئهڤرۆنیوز:
سهرۆك مهسعود بارزانى ئهڤرۆ پێنجشهمبى 7/3/2019 پێشوازى ل شاندهكێ حوكمهتا ئوردنى كر كو پێكهاتبوو ژ تارق مهحموودى وهزیرێ پیشهسازى وبازرگانى ومونتهسر عهقله بالیۆزێ ئوردنێ ل عیراقی وههیسهك ئهبولفول كونسولێ ئوردنێ ل ههولێرێ وهژمارهكا شیرهتكارێن بالیۆزخانا ئوردنێ ل عیراقێ.
وهزیرێ پیشهسازى وبازرگانیا ئوردنى سلاڤێن شاهێ ئوردنێ عهبدولایێ دویێ گههاندن سهرۆك بارزانى، زێدهبارى ئاماژهدان ب پهیوهندیێن دیرۆكى دناڤبهرا ههردو لایهنان دا، دووپاتى ل پێشڤهبرنا پهیوهندیێن دناڤبهرا ههرێما كوردستانێ وئوردنێ كر، ههروهسا پێزانین ژى ههبوو بۆ وێ سهقامگیرى وپێكڤهژیانا ل كوردستانێ ههى وب ئهگهرێ پێشكهفتن وپاشهرۆژهكا باش هژمارت.
سهرۆك بارزانى سوپاسیا شاهێ ئوردنێ كر وب دۆست وبرایێ خوه هژمارت وههروهسا پێزانین ههبوو بۆ ههلویستێن شاهێ ئوردنێ ل بهرامبهر گهلێ كوردستانێ.
ئەڤرۆ نیوز، عەلی حاجی:
ل گورەی شاھد حالەکێ ل زاخۆ کو نەڤیایی ناڤێ خوە دیار بکەت بۆ ئەڤرۆ نیوز دیار کر بەری دەمەکێ کێم نێزیک دەمژمێر ٥ێ ئێڤاری ل ئێک ژ تاخێن زاخۆ بناڤێ تاخێ عەباسیکێ کەسەکێ ژنەکێ دەتە بەرگولەیان و ئەو ژنە ئێک سەر گیانێ خوە ژ دەست ددەت و پاشی ئەو کەسە بەرەڤ جھەکێ نەدیار ڤە درەڤیت و ھەتا نوکە ئەگەرێن وێ روودانێ ژی دیار نینن و پشتی روودانێ د دەمەکێ کێم دا پولیس گەھشتنە جھێ روودانێ و تەرمێ وێ ئافرەتێ بۆ نەخوشخانێ ھاتە رەوانە کرن.
ئهڤرۆ نیوز:
فهرهاد ئهمین ئهترووشی پارێزگهرێ دهۆكێ ئهڤرۆ ل گهل ئهیمهن غرابیه بهرپرسێ نوو یێ رێكخراوا (UNHCR) ل عیراقێ كۆمبوو.
د كۆمبوونێ دا ب ئامادهبوونا هاریكارێ پارێزگهرێ دهۆكێ بو كاروبارێن مرۆڤایهتی بهحسێ رهوشا ئاواره و پهنابهران ل سنورێ پارێزگهها دهۆكێ و پێدڤیێن وان یێن رۆژانه هاته كرن.
د تهوهرهكێ دن دا بهحسێ ئهركێ بهرپرسێ نوو یێ رێكخراوا (UNHCR) و ههڤكاری وهاریكاری د گهل سازیێن فهرمی یێن پارێزگهها دهۆكێ ژپێخهمهت باشتر خزمهتكرنا پهنابهر و ئاوارهیان هاته كرن.
بهرپرسێ نوو یێ رێكخراوا (UNHCR) ل عیراقێ سوپاسیا پارێزگهرێ دهۆكێ و بوردێ كاروبارێن مرۆڤایهتی و ههموو سازیێن پهیوهندیدار كر بۆ وێ خزمهتا مهزن و ژ ههژی كو د ڤان سالێن بوری دا پێشكێشی ئاواره و پهنابهران كریه .
ژ لایێ خوه ڤه پارێزگهرێ دهۆكێ پیرۆزباهیا بهرپرسێ نوو یێ رێكخراوا (UNHCR) ل عیراقێ كر و سهركهفتن بۆ خواست و پشتهڤانیا كارگێریا پارێزگههێ نیشان دا بۆ ههر هاریكاریهكێ بۆ یهكێ باشتر خزمهتا پهنابهر و ئاوارهیان ل سنورێ پارێزگهها دهۆكێ بهێته كرن.
ئەڤرۆ نیوز، عەلی حاجی :
د داخویانیەکێ دا سەروکێ زانکویا زاخۆ بۆ ئەڤرۆ نیوز دیار کر ھەتا نها چار کەسان سيڤیێن خوە پێشکێش کرینه ژبو راگریا کولیژا پزیشکی ل زانکویا زاخۆ، لژنەیا سەرپەرشت ژی ئێکەم چاڤپێکەڤتن د گەل ھەر چار بەربژێران کری یە.
د. لەزگین عەبدی گۆت: ل دوو شەمبیا دەرباز بوی لژنەیەک ژ وەزارەتا خاندن بلند و ڤەکولینێن زانستی کو سکرتێرێ وەزیرێ وەزارەتا ناڤبری سەرپەرشتی دکر سەرەدانا زانکویا زاخۆ کر و ژنێزیک ڤە ژی ئێکەم چاڤ پێکەڤتن دگەل بەربژێرێن کرن یێ کو سێڤیێن خوە رادەست کرین ژبو راگریا کولیژا پزیشکی، لژنەیا دەست ب کاربوی ژی دێ راسپاردەێن خوە ب رێکا راپورتەکێ رەوانەی وەزارەتێ کەت ژنوو بریار ل سەر دەست نیشان کرنا کەسەکێ بو وی پوستی ھێتە دان .
ناڤھاتی زێدەتر گۆت: دەست نیشان کرنا کەسەکێ بو پوستێ کولیژا ناڤبری دێ لدووڤ باوەرنامێ و ناسناڤێ زانستی بیت و کێمترین باوەرنامە ژی پێدڤی یە پروفیسورێ ھاریکار بیت و ب کێمی خزمەتا 7 سالان ھەبیت و لەورا ئەگەر باوەرنامە کێمتر بیت ژ پروفیسورێ ھاریکار دێ پوست ب وەکالەت ب وی کەسی ھێتە دان .
ئهڤرۆ نيوز:
كۆمهلگهها دهرگههێن نێڤدهولهتى يێ ئيبراهيم خهليل راگههاند كو ل ههيڤا شوباتا 2019ێ نێزيكى 200 تهنێن كهرستێن جودا هاتينه ژناڤبرن.
ل وویڤ راپورتا لێژنا ژناڤبرنێ ل كومهلگهها دهروازهی نیڤ دهولهتی ئیبراهیم خهلیل دیاربوو كو 197 تون 974 كیلو ژ كهرستێن جواروجور هاتینه ژناڤبرن ژبهركوو نه لدیڤ مهرجێن ساخلهمیێ بوون وهك (فیقی ، گوشت مریشك ، كهرهستێن پاقژكر ، پێداویستی پزیشكی…)
ههروهسا دیاربو كو 1770 تون 517 كیلو ژ كهرهستێن جوراوجور هاتینه زڤراندن ژبهركو نهلدیڤ رێنماێن و مهرجێن پێدڤی بون.
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئةينى رێکەفتی 8ى ئادارا 2019ێ ئەسمان دێ سپێدێ زوو باران بارين بيت و پاشان كارتێكرنا بارانێ نامينيت و دێ ئهور بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهسمان سپێدێ زوو باران بارين بيت و پاشان كارتێكرنا بارانێ نامينيت و دێ ئهور بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبهرا 8 بۆ 9کم دا بیت، پلێن گەرمێ ژی دێ د ناڤبەرا 7 بۆ 14 پلان دا بن.
ئاماژه ب وێ چهندێ ژى كريه كو ئهڤرۆ پشتى نيڤرۆ دێ باران بارين ل ههرێمێ دهست پێكهت و ئاست و رێژێن باران بارينێ دێ ناڤهندى بن و بارانا پێشبينى كرى دێ د ناڤبهرا ههشت ههتا 12 ملم دا بيت ل سهنتهرێ پارێزگههان و ل دهڤهرێن چيايى ژى د ناڤبهر 12 بۆ 18ملم و ل هندهك دهڤهران ژى دێ د سهر 20ملم دا بيت. ئهگهرێ تهرگێ ژى يێ ههى.
شارهزايێن چاندنێ ژى ددهنه دياركرن كو ل گهلهك جهان كوليلكێن بهرههمێن چاندنێ يێن پهقين يان ژى بووينه پشكۆژ و ئهڤه ژى دێ كارتێكرنێ ل بهرههمێ وان كهت.
ئهڤرۆنیوز:
وهزیرێ ناڤخوهیێ توركیا ئاشكراكر كو توركیا وئیران ددانوستاندنان دانه تاكو بگههنه رێككهفتنهكێ ل دۆر ئهنجامدانا ئۆپهراسیۆنهكا مهزن دژی چهكدارێن پهكهكێ ل دهڤهرێن چیایی دناڤبهرا ههردو وهلاتان دا.
سێمان سویلو، وهزیرێ ناڤخوهیێ توركیا بۆ ئاژانسا ئهنادۆل یا دهنگوباسان یا توركی گۆت” توركیا ل گهل ئیرانێ دێ ئۆپهراسیۆنهكا مهزن دژی پهكهكێ ئهنجام دهن وههردو وهلات یێن ددانوستاندنان دا ل دۆر وێ پرسێ”.
گۆت ژی” پهكهكه نوكه یا درهوشهكا خراب دا وچالاكیێن وێ دناڤ ئاخا توركیا دا یێن بهر ب كێمبوونێ چووین”.
ئەڤرۆ نیوز، قائید میرۆ:
بەرھەڤی دھێنەکرن بۆ راستڤەکرنا قانوونا سەرۆکایەتیا ھەرێما کوردستانێ و بڕیارە ل چەند رۆژێن داھاتی سەرۆکێ ھەرێما کوردستانێ دناڤا پەرلەمانی دا بھێتە ھەلبژارتن، پەرلەمانتارەکا پارتیژی دبێژیت، دگەل دوماھی ھاتنا خۆلا پەرلەمانی دێ دەمێ سەرۆکێ ھەرێمێ ژی دوماھی ھێت.
جوان رۆژبەیانی، پەرلەمانتارا فڕاکسیۆنا پارتی ل پەرلەمانێ کوردستانێ بۆ رۆژناما ئەڤرۆ گۆت” رەشنڤیسەک بۆ راستڤەکرنا قانوونا سەرۆکایەتیا ھەرێما کوردستانێ ھاتیە بەرھەڤکرن و بڕیارە بشێوەیێ تەوافووق دناڤبەرا فڕاکسیۆنێن پەرلەمانی پرسا سەرۆکایەتیا ھەرێما کوردستانێ بھێتە ئێکلاکرن و ئێک دەنگیەک ھەبیت لسەر ئەڤێ پرسێ، چونکە یا خویایە بابەتێ سەرۆکایەتیا ھەرێما کوردستانێ یێ گرنگ و ھەستیارە.
جوان رۆژبەیانی دیارکر” بڕیارە بۆڤێ خۆلا پەرلەمانی سەرۆکێ ھەرێما کوردستانێ دناڤا پەرلەمانی بھێتە ھەلبژارتن ھەتا وی دەمێ ھەرێم دبیتە خوەدی دستوورێ خوە، بەلێ ددەمێ دوماھی ھاتنا ئەڤێ خۆلا پەرلەمانێ کوردستانێ ئەڤە دێ دەمێ سەرۆکێ ھەرێما کوردستانێ ژی دوماھی بھێت.
نيشاندان