ئەڤرۆ نیوز ، زنار تۆڤی:
ئهڤرۆ پێنجشهمبی 22/11/2018 ل دەمژمێر (3) ئێڤاری ب ئامادهبوونا وهزیرێ پهروهردێ ل قوتابخانا فرهنسی ل گوندێ لوبنانی دێ پێشانگەهەکا فۆتۆگرافی ل سهر ژیانا تایبهت یا دانیال میتران هێتە ڤەكرن.
ئهڤ پێشانگەهە یا هەڤدەمە ل گەل سالیادا وەغەرکرنا خاتوون ( دانیال میتران) كو ب دۆستا گەلێ كورد یا ناسیار بوو، ههردهم وێ داكۆكی ل مافێ گهلێ كوردستانێ دكر.
ئهڤرۆ نیوز:
پارێزگهرێ بهرێ یێ سهلاحهدین و ئهندامێ پهرلهمانێ عیراقێ راگههاند، ههكه من 30 ملیۆن دۆلار ههبانه دا ل سهر ژنێن سهماكار و قهرهچان بهلاڤكهم.
ئهحمهد جبوری ب وێ یهكێ یێ تۆمهتباركریه كو د ههڤڕكیا پۆستێ سهرۆكێ پهرلهمانێ عیراقێ دا ل ههمبهر وهرگرتنا 30 ملیۆن دۆلاران خوه ڤهكێشایه.
جبوری د بهرسڤا ڤان تۆمهتان دا ل كهنالێ شهرقیه گۆت:(ههكه من 30 ملیۆن دۆلار ههبانه دا بۆ ژنێن سهماكارێن مللی و سهماكارێن قهرهچ مهزێخم و ئهز نهدمامه ل عیراقێ و من خوه بۆ حهفت خولێن پهرلهمانی ژی خوه بهربژار نهدكر).
ئهحمهد جبوری گۆت ژی:(پرۆسا سیاسی ل عیراقێ گهلهكا خرابه و مه عیراق كاڤلكر).
ئهڤرۆ نیوز، ئازاد نسری:
سهرۆك مهسعود بارزانی بهری دهمهكێ كێم گههشته جڤاتا وهزیرێن عیراقێ و ژ ئالیێ عادل عهبدولمههدی سهرۆك وهزیرێن عیراقێ ڤه هاته پێشوازیكرن.
نها كۆمبوونا بارزانی و عهبدولمههدی دهستپێكر و تهوهرێ سهرهكی یێ كۆمبوونێ پێكئینانا كابینا نوو یا حوكمهتا عیراقێ و چارهكرنا كێشێن د ناڤبهرا ههولێر و بهغدا دا بیت.
ئهڤرۆ نيوز، نيوار محهمهد سهليم:
چاڤدێرهكێ سياسى ل پارێزگهها دهۆكێ ئاشكهرا كر كو چوونا سهرۆك بارزانى بۆ بهغدا يا گهشبينه، بهلێ ههموو كێشان ژى چاره ناكهت.
موئهيهد تهيب، ئهندامێ خولا سيێ يا جڤاتا نوونهرێن عيراقێ و چاڤدێرێ سياسى بۆ ئهڤرۆ نيوز گۆت: “بهرى چهند رۆژان سهرۆك بارزانى داخۆيانهك دا و راگههاند كو پێكئينانا حوكمهتا نوو يا فيدرال دهرگهههكێ نوو ل ههمبهر دانوستاندنان بۆ چارهكرنا كێشێن ناڤبهرا ههرێم و بهغدا دا”.
زێدهتر گۆت: “چوونا سهرۆك بارزانى بهردهوامى دانه ب وان گۆتنا و رژديا سهركرداتيا پارتى يه ل سهر چارهكرنا كێشێن د ناڤبهرا عيراقێ و ههرێما كوردستانێ دا”.
ئهندامێ خولا سيێ يا جڤاتا نوونهرێن عيراقێ ئاشكهرا ژى كر كو بهرى نوكه يا ژى رژد بوويه د چارهكرنا كێشان دا، بهلێ حوكمهتێن ئێك ل دووڤ ئێك يێن عيراقێ نهڤيايه كێشێن ناڤبهرا بهغدا و ههرێمێ دا چاره ببن و ههر ڤيايه ئهڤ كێشه كوورتر لێ بهێن و بكهڤنه سهر ئێك.
موئهيهد تهيب دا زانين ژى كو ههر ژ بهر هندێ ژى سهرۆك بارزانى ڤێ گهرێ ژى چوو بهغدا دا بزانين كا ڤێ جارێ دێ حوكمهتا عيراقێ يا رژد بيت ل سهر چارهكرنا كێشان يان دێ ههر وهكو يا بهرى نها بيت.
ل دۆر وێ چهندێ كا كيش كێشه د شيان دايه بهێنه چارهكرن و كيش كێشه ژى چاره نابن؟ موئهيهد تهيب گۆت: “هندهك كێشه يێن ههين دڤێت بهێنه چارهكرن و نابيت وهكو نها بمينن ب تايبهت د وهلاتهكێ ديموكرات دا، كو ئێك ژ وان ژى رهوشا سهپاندى يا كهركووك و شنگالێ يه كو وهكو داگيركهر سهرهدهرى ل گهل وان دهڤهران دهێته كرن”.
گۆتژى: “ههر ديسا دڤێت مافێن ههرێما كوردستانێ د بوودجێ دا بهێنه دياركرن و ههرێمێ ژى بڕيارا خوه ل سهر بابهتێن ههستيارێن عيراقێ ههبيت”.
ل دۆر وان كێشێن نههێنه چارهكرن ژى دا نهڤهشارت كو بوودجه جارهكا دى نابيت 17%ێ، چونكو ههكه سهرۆك وهزيران بڤێت ژى، هندهك كهسێن د ناڤ جڤاتا نوونهران دا ههين ڤێ چهندێ قهبوول ناكهن. رهوشا پێشمهرگهى وهكو يا دهزگههێن ئهمنى يێن حوكمهتا عيراقێ لێ ناهێت ژ لايێ مووچه و چهك و مهشقكرنێ ڤه، چونكو عيراقێ نهڤێت ههرێمێ لهشكرهكێ ب هێز ههبيت بهرهڤانيێ ژ خوه بكهت. كێشێن ههرێما كوردستانێ ل دۆر پهترۆل و غازێ ژى چاره نابن. جڤاتا دادوهرى ژى كو بهروهخت هاتبوو دانان پێدڤى بوو هاتبايه گوهۆڕين و كودان تێدا رۆل ههبايه، بهلێ وهسان چێنهبوو و چێنابيت ژى.
دهربارهى وێ چهندێ كا يێ گهشبينه يان نه، موئهيهد تهيب گۆت: “يێ گهشبينم، چونكو ههر نهمانا عهبادى ب خوه ل سهر كورسيكێ ب خوه تشتهكێ ئهرێنى يه، ژ بهر كو ئهوى ههموو دهرگههـ ل ههمبهر كوردان گرت بوون”.
بهرى نيڤرۆيا ئهڤرۆ رۆژا پێنجشهمبى مهسعود بارزانى، سهرۆكێ پارتى ديموكراتى كوردستان ب سهرهدانهكا فهرمى گههشته بهغدا و ژ لايێ محهمهد حهلبۆسى سهرۆكێ جڤاتا نوونهران و هادى عامرى و چهندين سهركردێن عيراقى و وهزيرێن كابينا نوو هاته پێشوازيكرن و بڕياره چهندين كۆمبوونان ژى بكهت ل گهل ههر ئێك ژ عادل عهبدولمههدى سهرۆك وهزيرێن عيراقێ ومحهمهد حهلبووسى سهرۆكێ پهرلهمانى كۆم بيت، زێدهبارى هژمارهكا سهرۆك ليستێن پهرلهمانى وهكو عهمار حهكيم ونورى مالكى و سهركردێن سونان وهكو سالح موتلهگ، سوبههى ژى دێ ل گهل موقتهدا سهدر كۆم بيت.
ئهڤرۆ نيوز، نيوار محهمهد سهليم:
رێڤهبهرێ بنگههێ بهرهڤانيا باژێرى ل قهزا بهردهرهش راگههاند كو ل بهردهرهش ئاگر بهربوويه پشكهكا ناڤخۆيى و ژبلى زيانێن ماددى زيانێن گيانى نينن.
رائيد عوسمان حهم عهبدولا، رێڤهبهرێ بنگههێ بهرهڤانيا باژێرى ل قهزا بهردهرهش د داخۆيانيهكێ دا بۆ ئهڤرۆ نيوز گۆت: “سپێدههيا ئهڤرۆ رۆژا پێنجشهمبى رێكهفتى 22ى چريا دويێ 2018 و ل دهمژمێر 8:45 هاتينه ئاگههداركرن ل سهر روودانهكا ئاكر بهربوونێ ل ئێك ژ پشكێن ناڤخۆيى يێن بهردهرهش”.
زێدهتر گۆت: “ههر زوو گههشتينه جهێ روودانێ و ديار بوو كو ئاگر بهرببوو ژوورهكا قاتێ شهشێ، زوو شياين كونترۆلا رهوشێ بكهين ب كۆنترلكرنا ئاگرى و گرتنا كارهبێ ژ ئاڤاهى ههموويێ”.
دا زانين ژى كو ب تنێ ژوورهك و تشتێ د ناڤ دا هاتبوونه سۆتن و گۆت: “تشتێ باش ئهو بوو قوتابى ل دهوامێ بوون و چو زيانێن گيانى نهگههشتبوونێ”.
رێڤهبهرێ بنگههێ بهرهڤانيا باژێرى ل قهزا بهردهرهش خۆيا ژى كر كو ئهگهرێ روودانێ ئهو بوو كو چار بۆ پێنج شهحنێن مۆبايلان د پشكهكێ كارهبێ دابوون و دياربوو چهندين رۆژبوو نههاتيه تهمراندن.
نهڤهشارت ژى كو ئهڤ پشكا ناڤخۆيى يا ژمارهكا قوتابيێن ئێزدى بوو و پتريا وان ژى خۆجهێن شنگالێ نه و هندهك ژى يێن شێخانن.
رائيد عوسمان حهم عهبدولا هيڤى ژى خواست كو ل دهمێ قوتابى ژ پشكێن ناڤخۆ دهردكهڤن باشتره سركێتێ ژوورێ ببهنه خوار ژ بهر كو زڤستانه و ئهوان چو كار ب كارهبێ ڤه نينه دهما ل جهێ خوه نهبن.
ئهڤرۆ نيوز:
مهسعود بارزانى سهرۆكێ پارتى ديموكراتى كوردستان گههشته بهغدا و هاته پێشوازيكرن ژ لايێ محهمهد حهلبۆسى سهرۆكێ جڤاتا نوونهرێن عيراقێ و هادى عامرى و ڤيان سهبرى، سهرۆكا فراكسيۆنا پارتى ديموكراتى كوردستان ل جڤاتا نوونهرێن عيراقێ چهندين وهزير و سهكردێن عيراقى.
كيفاح شنگالى شيرهتكارێ راگههاندنێ يێ مهسعود بارزانى، سهرۆكێ پارتى ديموكراتى كوردستان بۆ ئهڤرۆ نيوز گۆتبوو: “سهرۆك بارزانى دێ ل گهل عادل عهبدولمههدى سهرۆك وهزيرێن عيراقێ ومحهمهد حهلبووسى سهرۆكێ پهرلهمانى كۆم بيت، زێدهبارى هژمارهكا سهرۆك ليستێن پهرلهمانى وهكو عهمار حهكيم ونورى مالكى و سهركردێن سونان وهكو سالح موتلهگ، سوبههى ژى دێ ل گهل موقتهدا سهدر كۆم بيت”.
دياركر ژى كو گرنگترين پرسێن سهرۆك بارزانى دێ ل بهغدا بهحس كهت مادێ 140 ودهڤهرێن كوردستانى يێن دهرڤهى ئيدارا ههرێما كوردستانێ وپێدڤيا لهزكرنى دنههێلانا رهوشێن نهسروشتى ل وان دهڤهران ب تايبهت ل كهركووكێ وشنگالێ وخانهقينێ وزڤراندنا رهوشا وان وهكو بهرێ، زێدهبارى بهحسكرنا بههرا ههرێما كوردستانێ ژ بودجهى، ديسا پرسێن پهترۆلێ وغازێ وپێشمهرگهى وبههرا وان ژ رێككهفتن وهاريكاريان د پرچهككرنێ ومهشقكرنێ دا”.
ئهڤرۆ نیوز، ئازاد نسری:
كهتیبێن حزبوللا یا عیراقێ هێزێن ئهمریكا تۆمهتبار دكهن كو داعشێ پال ددهت ل سووریێ ڤهگهڕیته عیراقێ.
جهعفهر حسێنی پهیڤدارێ كهتیبێن حزبوللا یا عیراقێ راگههاند، ئهمریكا دڤێت داعشێ پال بدهت بۆ وێ چهندێ ژ سوویا ڤهڕیته عیراقێ و گۆت:(لڤینێن چهكدارێن داعش ل دهڤهرێن سنووری، ئاماژهیه بۆ وێ یهكێ كو وان دڤێت دهڤهر ههر هوسا ب شهڕ و كێشه بمینیت).
ناڤهاتی ئاشكرا ژی كر كو كهتیبێن حزبوللا و هێزێن عیراقی سنوورێ عیراق و سووریێ یێ كۆنترۆلكری و رێ نادهن چو هێزهكا بیانی دهڤهرێ كۆنترۆل بكهت و گۆت:(ئهم وهكو هێزهكا داگیركهر بهرێخوه ددهینه هێزێن ئهمریكا ل سهر ئاخا عیراقێ).
ژێدهر: RT
ئهڤرۆ نيوز، نيوار محهمهد سهليم:
ب مهرهما دووڤچوونێ ل سهر رهوشا بازارى، لژنا دووڤچوونا بازارى يا سهر ب قايمقاميا قهزا دهۆكێ ڤه سهرهدانا چهندين جهێن دى كر و ل كۆمپانيا گيز ژى چهرهزێن ب كرم هاتنه دهستهسهركرن.
يوسف محهمهد حهسهن، بهرپرسێ لژنا دووڤچوونا قايمقاميا قهزا دهۆكێ بۆ ئهڤرۆ نيوز گۆت: “د گهريانا دوهى 21ى چريا دويێ 2018ێ دا، سهرهدانا چهندين جهان كرن و شياين شهش تهنێن چهرهزات و شريناهيێن دهم ب سهرڤهچوويى ل كۆمپانيا گيز و كارگهها وان دهستهسهر بكهين”.
بهرپرسێ لژنا دووڤچوونا قايمقاميا قهزا دهۆكێ دا زانين ژى كو ئهڤ كۆمپانيه هاته سزادان و بۆ ماوێ چار رۆژان نابيت دهرگههێن وێ بهێنه ڤهكرن.
بهرپرسێ لژنا دووڤچوونێ دياركر ژى كو ژ بهر نهپێگريا خودانێ كۆمپانيا رۆژ ژى ب رێنمايان ب گۆژمێ دوسهد هزار ديناران هاته سزادان.
خواست ژى كو بۆ ههر گازندهكا ههوه ههبيت يان پهيوهنديكرن ب لژنا دووڤچوونێ پهيوهنديێ ب ڤێ ژمارێ بكهن: ژمارا تەلەفونا گازندان (07501612622)
![46482872_1898538463590368_5762489258048749568_n [Desktop Resolution]](http://evronews.net/ku/wp-content/uploads/2018/11/46482872_1898538463590368_5762489258048749568_n-Desktop-Resolution.jpg)
![46486338_1898538646923683_5014626497084784640_n [Desktop Resolution]](http://evronews.net/ku/wp-content/uploads/2018/11/46486338_1898538646923683_5014626497084784640_n-Desktop-Resolution.jpg)
![46489735_1898538373590377_711852599808098304_n [Desktop Resolution]](http://evronews.net/ku/wp-content/uploads/2018/11/46489735_1898538373590377_711852599808098304_n-Desktop-Resolution.jpg)
![46492634_1898539066923641_6519991506172903424_n [Desktop Resolution]](http://evronews.net/ku/wp-content/uploads/2018/11/46492634_1898539066923641_6519991506172903424_n-Desktop-Resolution.jpg)
![46493454_1898538756923672_2761289935511093248_n [Desktop Resolution]](http://evronews.net/ku/wp-content/uploads/2018/11/46493454_1898538756923672_2761289935511093248_n-Desktop-Resolution.jpg)
![46493577_1898538653590349_8419766832386277376_n [Desktop Resolution]](http://evronews.net/ku/wp-content/uploads/2018/11/46493577_1898538653590349_8419766832386277376_n-Desktop-Resolution.jpg)
![46496169_1898538566923691_8062095549546889216_n [Desktop Resolution]](http://evronews.net/ku/wp-content/uploads/2018/11/46496169_1898538566923691_8062095549546889216_n-Desktop-Resolution.jpg)
![46501083_1898538503590364_7657985577064595456_n [Desktop Resolution]](http://evronews.net/ku/wp-content/uploads/2018/11/46501083_1898538503590364_7657985577064595456_n-Desktop-Resolution.jpg)
![46506008_1898539373590277_494738506891919360_n [Desktop Resolution]](http://evronews.net/ku/wp-content/uploads/2018/11/46506008_1898539373590277_494738506891919360_n-Desktop-Resolution.jpg)
![46510976_1898539573590257_4635361097933651968_n [Desktop Resolution]](http://evronews.net/ku/wp-content/uploads/2018/11/46510976_1898539573590257_4635361097933651968_n-Desktop-Resolution.jpg)
![46514453_1898538743590340_398857420752814080_n [Desktop Resolution]](http://evronews.net/ku/wp-content/uploads/2018/11/46514453_1898538743590340_398857420752814080_n-Desktop-Resolution.jpg)
![46525853_1898538520257029_7141167210239623168_n [Desktop Resolution]](http://evronews.net/ku/wp-content/uploads/2018/11/46525853_1898538520257029_7141167210239623168_n-Desktop-Resolution.jpg)
![the-peshmerga-are-incredibly-well-equippe [Desktop Resolution]](http://evronews.net/ku/wp-content/uploads/2018/11/the-peshmerga-are-incredibly-well-equippe-Desktop-Resolution.jpg)
ئهڤ وێنه ب سۆپاسيڤه ژ راگههاندنا قايمقاميا قهزا دهۆكێ هاتينه وهرگرتن
ئهڤرۆ نيوز، نيوار محهمهد سهليم:
رێڤهبهرێ پۆليسێن دهۆكێ راگههاند كو گوهۆڕين د چهند پۆستێن رێڤهبهريێن پۆليسان دا هاتينه كرن، بهلێ ههتا ب فهرمى دهست ب كار نهبن، ب رهنگهكێ فهرمى راناگههينن.
ليوا تارق ئهحمهد، رێڤهبهرێ پۆليسێن پارێزگهها دهۆكێ د داخۆيانيهكێ دا بۆ ئهڤرۆ نيوز گۆت: “هندهك رێڤهبهرێن پۆليسان ل پارێزگهها دهۆكێ دێ هێنه گوهۆڕين و هندهك كهسێن دى دێ ل جهێ وان هێنه دهستنيشانكرن”.
ليوا تارق ئهحمهد زێدهتر گۆت: “نها نهشێين ناڤان ب راگههينين چونكو ههتا دهست ب كاربوونا وان نههێته كرن، دبيت گوهۆڕين د ڤان پۆستان دا بهێنه كرن”.
رێڤهبهرێ پۆليسێن پارێزگهها دهۆكێ دا زانين ژى كو ئهڤ گوهۆڕينه د سرۆشتى نه و ب بهردهوامى د ناڤ دهزگههێن ئهمنى و ههموو رێڤهبهريان دا دهێنه كرن.
ئهڤرۆ نيوز:
بڕياره بهرى نيڤرۆيا ئهڤرۆ مهسعود بارزانى سهرۆكێ پارتى ديموكراتى كوردستان بگههيته بهغدا و دێ هێته پێشوازيكرن ژ لايێ محهمهد حهلبۆسى سهرۆكێ جڤاتا نوونهرێن عيراقێ و هادى عامرى و ژمارهكا سهكردێن دى يێن عيراقى ڤه بهێته پێشوازيكرن.
كيفاح شنگالى شيرهتكارێ راگههاندنێ يێ مهسعود بارزانى، سهرۆكێ پارتى ديموكراتى كوردستان بۆ ئهڤرۆ نيوز گۆتبوو: “سهرۆك بارزانى دێ ل گهل عادل عهبدولمههدى سهرۆك وهزيرێن عيراقێ ومحهمهد حهلبووسى سهرۆكێ پهرلهمانى كۆم بيت، زێدهبارى هژمارهكا سهرۆك ليستێن پهرلهمانى وهكو عهمار حهكيم ونورى مالكى و سهركردێن سونان وهكو سالح موتلهگ، سوبههى ژى دێ ل گهل موقتهدا سهدر كۆم بيت”.
دياركر ژى كو گرنگترين پرسێن سهرۆك بارزانى دێ ل بهغدا بهحس كهت مادێ 140 ودهڤهرێن كوردستانى يێن دهرڤهى ئيدارا ههرێما كوردستانێ وپێدڤيا لهزكرنى دنههێلانا رهوشێن نهسروشتى ل وان دهڤهران ب تايبهت ل كهركووكێ وشنگالێ وخانهقينێ وزڤراندنا رهوشا وان وهكو بهرێ، زێدهبارى بهحسكرنا بههرا ههرێما كوردستانێ ژ بودجهى، ديسا پرسێن پهترۆلێ وغازێ وپێشمهرگهى وبههرا وان ژ رێككهفتن وهاريكاريان د پرچهككرنێ ومهشقكرنێ دا”.
نيشاندان