ئەڤرۆ نیوز،باسم قاسم شنگالی
چاردەمین سالڤەگەرا دامەزراندنا رۆژناما دەنگێ لالش،ب چەندین چالاكیێن جۆرا و جۆر ل هۆلا بنگەهێ لالش ل دهۆكێ هاتە ساخكرن.
ئەڤرۆ شەمبی 13ی ئوكتۆبەرا 2018ێ ب ئامادەبوونا ” شێخ شامۆ “سەرۆكێ دەستەیا بلندا بنگەهێ لالش و هژمارەكا نڤیسكار و ستافێ رۆژنامێ و پەیامنێران،چاردەمین سالڤەگەرا دامەزراندنا رۆژناما دەنگێ لالش ب چەندین چالاكیێن جۆرا و جۆر هاتە ساخكرن و شەمالكا 15 هەلكر.
ل دەستپێكێ ”شەمۆ قاسم”سەرنڤیسكارێ رۆژناما دەنگێ لالش بخێرهاتنا ستافێ رۆژنامێ كر و كورتیەك دا سەر رۆژنامێ.
هەر بڤێ هەلكەفتێ روونشتنەكا ڤەكری بۆ پتر پێشداچۆنا رۆژنامێ بۆ پەیامنێران هاتە سازدان.
ل داویێ رێز ل ستافێ رۆژنامێ وچەندین نڤیسكارێن بەردەوام پشكداریێ درۆژنامێ دا دكه‌ن هاتە گرتن.
رۆژناما دەنگێ لالش زمانحالێ دەستەیا بلندا بنگەهێ لالش یێ رەوشەنبیری و كۆمەلایەتی یە ل دهۆكێ، ل رێكەفتی(12/10/2004)ێ ئێكەم ژمارە ژێ دەرچوویە و هەتا نۆکە ب هەردو زمانێن كوردی و عەرەبی بێ راوەستیان یا بەردەوامە ل سه‌ر وه‌شاندنێ.
ئه‌ڤرۆنيوز:
سه‌رۆكێ لژنا بلند يا وه‌رگرتنێ ل وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ راگه‌هاند، هژماره‌كا ده‌رچوويێن 12 ئاماده‌يى سه‌ره‌راى كو نمرێن وان دبلندن، به‌لێ ناڤێن وان نه‌هاتين، دشێن سه‌ره‌دانا رێڤه‌به‌ريا ناڤه‌ندنا وه‌رگرتنێ بكه‌ن بۆ وێ چه‌ندێ كێشا وان بهێته ئێكلاكرن.
خه‌تاب شێخانى، سه‌رۆكێ لژنا بلند يا وه‌رگرتنێ ل وه‌زاره‌تا خواندنا بلند دكۆنگره‌كێ رۆژنامه‌ڤانى دا گۆت”هژماره‌كا ده‌رچوويێن 12 ئاماده‌يى كو هژمارا وان 860 ده‌رچوونه، سه‌ره‌راى وێ چه‌ندێ كو 50 جه ل فۆرمێن پێشكێشكرنێ ل سيسته‌مێن وه‌رگرتنێ يێن داگرتين، به‌لێ ژبه‌ركو ليستا جهێن وان ره‌وانه نه‌كريه (Submit)، ژبه‌ر ڤێ چه‌ندێ ناڤێن وان ل چو جهه‌كى نه‌هاتيه، له‌وما ئه‌و ده‌رچوويێن هه‌ڤشێوێ نمرێن وان هاتينه وه‌رگرتن، 50 جه داگرتين، به‌لێ ناڤێن وان ل چو جهه‌كى نه‌هاتى، دشێن سوباهى ئێكشه‌مبى 14/10/2018 سه‌ره‌دانا رێڤه‌به‌ريا ناڤه‌ندا وه‌رگرتنێ ل ديوانا وه‌زاره‌تا خواندنا بلند بكه‌ن بۆ وێ چه‌ندێ كێشا وان بهێته ئێكلاكرن وچاره‌سه‌ركرن، ب شێوه‌كى ب گۆره‌ى نمرێن وان ناڤێن وان ل وان جهان بيت كو ئه‌و حه‌ز دكه‌ن.
وه‌زاره‌تا خواندنا بلند ل هه‌رێما كوردستانێ ب رێيا سايتێ زانكۆلاين، ناڤێن قوتابيێن وه‌رگرتى يێن ئه‌ڤ ساله ل زانكۆ وپه‌يمانگه‌هێن حكومى ل هه‌رێمێ راگه‌هاندبوو، ل دووڤ بريارا وه‌زاره‌تێ بۆ ئه‌ڤ ساله هه‌ر قوتابيه‌كێ كونمرا وى 60.63 وسه‌ردا بيت، كورسيا خواندنێ ل زانكۆ وپه‌يمانگه‌هێن حكومى بۆ هاتيه ته‌رخانكرن.
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ شه‌مبيێ 13/10/2018 پێشوازى ل شانده‌كێ هه‌ڤپه‌يمانيا فه‌تح ب سه‌رۆكاتيا ئه‌بو جيهاد كر.
دكۆمبوونه‌كێ دا شاندێ هه‌ڤپه‌يمانيا فه‌تح زێده‌بارى ئاماژه دان ب رۆل وپێگه‌هێ پارتى ديموكراتى كوردستان دديرۆك ونوكه وپاشه‌رۆژا كوردستانێ وعيراقێ، دووپاتى ل چاره‌سه‌ركرنا كێشێن دناڤبه‌را هه‌رێما كوردستانێ وبه‌غدا كر، هه‌روه‌سا دووپاتى ل سه‌ر وێ چه‌ندێ ژى كر كو ڤه‌كرنا به‌رپه‌ره‌كێ نوو دناڤبه‌را هه‌ردو لايه‌نان وچاره‌سه‌ركرنا كێشه وگرفتان دێ دبه‌رژه‌وه‌نديا عيراقێ وهه‌رێما كوردستانێ دا بيت.
سه‌رۆك بارزانى رۆناهى خسته سه‌ر په‌يوه‌نديێن دناڤبه‌را به‌غدا وهه‌رێما كوردستانێ دا ودووپاتكر كو گه‌لێ كوردستانێ خودان دۆزه‌كا ره‌وايه ودياركر كو ڤه‌كرنا به‌رپه‌رێ نوو وچاره‌كرنا كێشان پێدڤيه ل سه‌ر بنه‌مايێ ته‌وافوقێ ول به‌رچاڤ وه‌رگرتنا هه‌ڤپشكيێ بيت ژبۆ دووباره نه‌بوونا گرفت وكێشێن بۆرى.
ئه‌ڤرۆنيوز:
سه‌رۆكێ ئه‌مريكى دۆنالد ترامپ راگه‌هاند، دێ سزايه‌كێ توند دانينه سه‌ر سعوديێ هه‌كه ده‌ستهه‌لاتدارێن وى وه‌لاتى ل پشت ديارنه‌مانا رۆژنامه‌ڤانێ سعودى جه‌مال خاشقچى بن.
ئاژانسا (AFP) يا رۆژنامه‌ڤانى يا فه‌ره‌نسى ل سه‌ر زارێ سه‌رۆكێ ئه‌مريكى ئاشكراكر كو واشنتون دێ سزايه‌كێ توند ل سه‌ر سعوديێ سه‌پينيت هه‌كه به‌رپرسێن سعوديێل پشت ديارنه‌مانا رۆژنامه‌ڤانى سعودى بن.
ئه‌ڤ داخۆيانيا ترامپى دده‌مه‌كى دايه كو پێشتر به‌رپرسێن كۆچكا سپى راگه‌هاندبوو كو ئه‌مريكا ل گه‌ل به‌رپرسێن بلند يێن حوكمه‌تا سعوديێ ددانوستاندنێ دايه تاكو ئه‌گه‌رێ ديارنه‌مانا وى رۆژنامه‌ڤانێ سعودى ئاشكرا بكه‌ت.
جه‌مال خاشقچى، رۆژنامه‌ڤانێ ديارێ سعودى كو ل رۆژناما واشنتون پۆست يا ئه‌مريكى كار دكه‌ت، ل رۆژا سێشه‌مبيا بۆرى ل كونسۆلخانا سعودى ل ستانبۆلێ ل توركيا بێ سه‌روشوي نبوويه وگومانا كوشتنا وى ژلايێ ده‌ستهه‌لاتدارێن سعوديێ دناڤ كونسۆلخانێ دا يا هه‌ى.
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ شه‌مبيێ 13/10/2018 پێشوازى ل نه‌وفه‌ل حه‌مادى ئه‌لسولتان پارێزگه‌رێ نه‌ينه‌وا كر.
دديداره‌كێ دا به‌حسێ ره‌وشا سياسى يا عيراقێ وده‌ڤه‌رێ ودووماهى گوهۆرينێن دناڤ پرۆسا سياسى يا عيراقێ دا هاتنه به‌حسكرن.
هه‌روه‌سا بيرورا ل دۆر ره‌وشا پارێزگه‌ها نه‌ينه‌وا وزڤرينا ئاواران وره‌وشا خزمه‌تگوزارى وئاڤه‌دانكرنا باژێرێ مووسلێ هاتن ئالوگۆركرن.
ئه‌ڤرۆنيوز:
وه‌لاته‌كێ دى يێ ئورۆپى دێ كونسۆلخانا خوه ل هه‌رێما كوردستانێ ڤه‌كه‌ت وپه‌يوه‌نديێن خوه ل گه‌ل هه‌رێمێ به‌ر ب پێش به‌ت.
ئۆروش بالۆڤ، بالیۆزێ سربیا ل عێراقێ راگه‌هاند، كۆمارا سربيا ل به‌ره كونسۆلخانا خوه ل هه‌ولێرێ ڤه‌كه‌ت ب مه‌ره‌ما ب هێزكرنا په‌يوه‌نديێن ئابوورى وسياسى دناڤبه‌را سربيا وهه‌رێما كوردستانێ.
باليۆزێ سربيا ل عيراقێ بۆ كوردستان 24 گۆت” ل ده‌ستپێكا سالا 2019 كونسۆلخانا سربيا ل هه‌رێما كوردستانێ دێ هێته ڤه‌كرن”.
ل دووڤ ئامارێن فه‌رمانگه‌ها په‌يوه‌نديێن ده‌رڤه يێن حوكمه‌تا هه‌رێما كوردستانێ نوكه 36 كونسۆلخانه ونڤيسينگه‌هێن كونسۆلگه‌رى وكونسۆلخانێن فه‌خرى يێن وه‌لاتێن بيانى ل هه‌رێما كوردستانێ يێن هه‌ين.
ئه‌ڤرۆنيوز:
ئه‌ندامه‌كێ جڤاتا نوونه‌رێن عيراقێ ژ فراكسيۆنا پارتى ديموكراتى كوردستان ئه‌ڤرۆ شه‌مبيێ 13/10/2018 راگه‌هاند 38 ئيمزايێن په‌رله‌مانتاران هاتينه كۆمكرن تاكو گومركێن دناڤبه‌را هه‌رێما كوردستانێ ومووسل وكه‌ركووكێ وديالا بهێنه راكرن، چونكى دقانوونى نينن وبێ رازيبوونا جڤاتێن پارێزگه‌هان ژى هاتينه دانان.
شێروان دوبه‌ردانى، ئه‌ندامێ جڤاتا نوونه‌رێن عيراقێ ژفراكسيۆنا پارتى گۆت” دچارچۆڤێ بزاڤێن مه، مه ئيمزايێن 38 په‌رله‌مانتاران كۆمكرينه ودروونشتنا ئه‌ڤرۆ يا جڤاتا نوونه‌ران مه راده‌ستى سه‌رۆكاتيا لژنا قانوونى يا جڤاتا نوونه‌ران كرينه، ل دۆر وان خالين گومركى دناڤبه‌را هه‌رێما كوردستانێ وعيراقێ هاتينه دانان وداخواز ژحوكمه‌تا عيراقێ دكه‌ين ب هه‌لوه‌شينيت، چونكى دقانوونى ودستوورى نينن وجڤاتێن پارێزگه‌هان ژى دئاگه‌هدار نينن ل سه‌ر”.
ناڤبرى دداخۆيانيه‌كا رۆژنامه‌ڤانى دا گۆت ژى” كه‌سانێن بالاده‌ست ل پارێزگه‌هان بۆ به‌رژه‌وه‌نديا خوه ب هاريكاريا به‌غدا ئه‌و خالێن گومركى داناينه وداهاتێن وان خالان ژى هه‌ر بۆ وانن وچو ژێ بۆ پارێزگه‌هان نينه، له‌وما پێدڤيه بهێنه هه‌لوه‌شاندن وئه‌و كارێ نه قانوونى به‌رده‌وام نه‌بيت.
ئه‌ڤرۆنيوز:
رێڤه‌به‌ريا گشتى يا هاتنوچوونێ ل هه‌رێما كوردستانێ ل دۆر تێچوويێ رسوماتێن تۆماركرنا ترومبێلان راگه‌هاند، تێچيوويێ تۆماركرنا ترومبێلانا تايبه‌ت يا چار پستن سالۆن مليۆنه‌ك و390 هزار دينارن.
رێڤه‌به‌ريا ناڤبرى، ل دووڤ كوردستان تى ڤى، دياركر كو سه‌رجه‌مێ خزمه‌تگزاريان ب ڤى شێوه‌يه:
هه‌روه‌سا دياركريه كو برگا تۆماركرنا ترومبێلێ ل گه‌ل برگا ده‌ركرنا سه‌نه‌ويێ، گۆژمێ 5% دێ چيته سه‌ر بۆ تووشبوويێن نه‌خوه‌شيا په‌نجه‌شێرێ كو دبيته 62 هزار دينار، له‌وما وى ده‌مى سه‌رجه‌مێ گشتى دبيته مليۆنه‌ك و452 هزار دينار.
نيشاندان