ئهڤرۆ نيوز، نيوار محهمهد سهليم:
كاوه عهبدولعهزيز ئێك ژ نوونهرێن تۆڕا چاڤ يا رێكخراوێن نهحكومى ل پارێزگهها دهۆكێ راگههاند كو ئهوان ل سهرانسهرى پارێزگهها دهۆكێ چاڤدێر ههنه و گۆت: “بۆ ڤان ههلبژارتن ب 864 چاڤدێران چاڤدێريا ههلبژارتنان دكهت”.
زێدهتر گۆت: “كۆمسيۆن وهكو بهرى نوكه يا هاريكار نينه د ئاسانكاريان دا بۆ وهلاتيان دا كو بشێن دهنگێن خوه بدهن”.
دا زانين ژى كو ئهو بڕيارا شڤێدى دايى كو ههكه ناسناما عيراقى بيت، پێدڤيه يا بارێ كهساتى ژى ل گهل بيت، ئاستهنگ ل ههمبهر وهلاتيان دروست كريه.
ئەڤرۆ نیوز، نەوزاد ھلۆری:
سپێدەھیا ئەڤرۆ وەکو ھەر دەڤەرەکا دی یا کوردستانێ ، خەلکێ سنوورێ قەزا ئامێدیێ ب گشتی و شێلادزێ ب تایبەتی قەستا سندوقێن دەنگدانێ دکەن و ب ئازادانە دەنگێ خوە ددەن.
سالح عومەر ئێکە ژ دانعەمرێن شێلادزێ و دەنگێ خوە دایە ، ئەو ب دلەکێ تژی ڤیان داخوازێ ل خەلکێ کوردستانێ دکەت کو قەستا سندوقێن دەنگدانێ بکەن و دەنگێ خوە بدەن داکو ئێدی کورد توشی دەر ب دەری و کێشەیان نەبن.
ژلایەکێ دیڤە کیانێن سیاسی ددەن دیارکرن کو ھەتا نوکە چ کێشە د پرۆسەیا ھەلبژاردنان دا درۆست نەبوینە و خەلک ب ئازادی دەنگێ خو ددەت
ل سنوورێ قەزا ئامێدیێ 20 بنگە و 122 وێستگەھێن دەنگدانێ ھەنە و زێدەتری 61 ھزار کەسان مافێ دەنگدانێ ھەیە.
ئهڤرۆ نیوز:
فهرهاد ئهمین ئهتروشی پارێزگهرێ دهوكێ راگههاند، داخوازێ ژ وهلاتیان دكهین ل دهمێ دهنگدانێ ههموو بهلگا ل گهل خوه بینن داكو چو هێجهت و بههانه بۆ كۆمسیونێ و هندهك لایهنێن سیاسی نهمینن.
ئهڤرو سپێدێ 30 / 9/2018 ( فهرهاد ئهمین ئهتروشی) پارێزگهرێ دهوكێ ل قوتابخانا سیه ننا ل باژێرێ دهوكێ دهنگێ خو دا و پشتی دهنگ دانێ دكونگرهكێ روژنامهڤانی دا گوت . بهری ههر تشتهكی پیروزباهیا خهلكێ كوردستانێ ب گشتی و پارێزگهها دهوكێ ب تایبهتی دكهم داخاز ژ هاولاتیان كر ههمی قهستا دهنگ دانێ بكهن ومافێ خو یێ یاسایی و ئهركێ نیشتمانی ئهنجام بدهن داكو كوردستانهكا بهێز و پروسهكا دیمهكراتی برێڤه بچیت و رویهكێ جوان و شارستانی بدهینه جیهانێ ل سهر كوردستانیو دهستا ژ ڤی مافی خو یێ گرنگ بهرنهدهن ,
ههروهسا داخاز ژ كارمهندین كومسیونی و دهزگایێن ئێمناهیێ كر دگهل هاولاتیان و هندی دشیان دا بیت ل دیف رێنمایا ویاسا یێ هاریكا ر و پشتهڤان بو خهلكێ كو ب ساناهی و بیێ ئاستهنگ دهنگێ خو بدهن و گهلهك ل سهر خهلكێ گران نهكهن و ب زهحمهت نهئێخن داكو خهلك بشێت دهنگێ خو بدهت و ژێ بی بار نهبیت .
ههروهسا پارێزگهرێ دهوكێ گوت: جارائێكێ یه كومسیونا ههلبژارتنا یا كوردستانێ ههلبژارتنا ئهنجام ددهت لهما وهسا دیاره كو گهلهك كێماسی و ئاستهنگ ههنه و خهلك گازندا دكهن دوهی درهنگی شهف هندهك رێنمایێن نوی هاتینه دان وان گهلهك خهلك ئالوز كریه لهوما داخازێ ژ خهلكێ دكهین وان ههمی بهلگا دگهل خو بینن داكو ج هێجهت و بههانه بو كومسیونێ و هندهك لایهنێن سیاسی نهمینن كو نههێلن خهلك دهنگێ خو بدهت لێ دیسا دێ بیزم هیڤیدارو ئهف بابهته نهبیته بابهتێ تولڤهكرنێ ژ هاولاتی و یان لایهنهكی سیاسی كو جههتهك یان لایهنهك كی بیت سهختهكاریێ دكهت، ههروهسا گوت ب هیج رهنگهكی دگهل سهختهكاریێ نینین و ههر رێنمایهكا پێدڤی بیت وهكو حكومهتا خوجهی ئهم دێ بجهئینین بو هندێ ساختهكاری نههێته كرن لی بلا هێجهتا سهختهكاریێ نهبیته ئهگهرێ هندێ گهلهك خهلك ژ مافێ دهنگدانێ بێ بههر ببن.
دیسان گوت مه وهكو حكومهت و لژنا ئهمنی ل پارێزگههێ رێكارێ ئێمناهیێ یین باش ل ههمی بنگهها كرینه بو هندێ رێك ل سهختهكاریێ بهێتی گرتن و سندوق پشتی دهنگدانێ دپاراستی بن.
ئهڤرۆ نيوز، نيوار محهمهد سهليم:
سپێدههيا ئهڤرۆ رۆژا ئێكشهمبى رێكهفتى 30ى ئيلۆنا 2018ێ دهنگدانا گشتى بۆ پهرلهمانێ كوردستانێ دهسپێكر.
ب گۆرهيى داتايێن كۆمسيۆنا بلندا سهربهخۆيا ههلبژارتن و راپرسيێ ل ههرێما كوردستانێ سێ مليۆن و 85 هزار و 461 كهسان مافێ دهنگدانێ د ههلبژارتنێن پهرلهمانێ كوردستانێ دا ههيه، ژ وێ ژمارێ ژى دو مليۆن و 911 هزار و 313 كهسان مافێ پشكداريكرنێ د دهنگدانا گشتى دا ههيه.
ب رهنگهكێ گشتى ل سهرانسهرى ههرێما كوردستانێ نێزيكى 700 كهسان خوه بهربژار كريه و دێ ههڤركيێ ل سهر 111 كورسيێن پهرلهمانێ كوردستانێ كهن.
ل سنورێ پارێزگهها دهۆكێ نێزيكى 100 بهربژاران ههنه كو 40 ژ وان پارتى و 21 ئێكهتى و 18 ئێكگرتوو و گۆان سێ و ههر ئێك ژ كۆمهل و نهوهيى نوێ ژى ئێك كانديد ههيه.
ب گۆرهيى ئهوان داتا و ئامارێن ب دهست ئهڤرۆ نيوز كهفتين، بۆ ههلبژارتنێن پهرلهمانێ كوردستانێ كۆمسيۆنا بلندا سهربهخۆيا ههلبژارتن و راپرسيێ ل سهر ئاستێ ههرێما كوردستانێ 218 بنگههێن لاوهكى و هزار و 327 بهنگههێن دهنگدانێ و پێنج هزار و 811 ويستگههێن دهنگدانێ ئاماده كرينه، ب رهنگهكى ل پارێزگهها ههولێر 577 بنگههێن لاوهكى و بنگههێن دهنگدان و دو هزار و 271 ويستگههـ هاتينه دانان. ل پارێزگهها سلێمانيێ 536 بنگههێن لاوهكى و بنگههێن دهنگدانێ و هزار و 468 ويستگههـ هاتينه دانان. ل پارێزگهها دهۆكێ ژى 303 بنگههێن لاوهكى و بنگههێن دهنگدان و هزار و 343 ويستگههـ هاتينه دانان. ل ههلهبچه ژى 136 بنگههێن لاوهكى و بنگههێن دهنگدانێ و 129 ويستگههـ هاتينه ئاماده كرن.
ههر ب گۆرهيى ئامارێن كۆمسيۆنێ بۆ ههلبژارتنێن 30ى ئيلۆنێ زێدهتر ژ 35 هزار فهرمانبهران هاتينه مهشقكرن و د ماوێ چهند رۆژێن بهێت دا 42 هزار فهرمانبهرێن دى كو د تايبهتن ب رۆژا ههلبژارتنان دێ مهشق پێ هێته كرن و رۆژا 15ى ئيلۆنێ ژى ههموو كهلوپهل و پێدڤيێن كۆمسيۆنێ دێ گههنه بارهگايێ ئوفيسا نشتيمانى ل ههولێر.
ب گۆرهيى داتايێن كۆمسيۆنێ ل پارێزگهها ههولێرێ مليۆنهك و 101 هزار و 518 كهسان مافێ دهنگدانێ ههيه و ژ وان ژى مليۆنهك و 34 هزار و 864 كهسان د دهنگدانا گشتى و 66 هزار و 654 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
ب گۆرهيى داتايێن كۆمسيۆنێ ل پارێزگهها سلێمانيێ مليۆنهك و 195 هزار و 417 كهسان مافێ دهنگدانێ ههيه و ژ وان ژى مليۆنهك و 133 هزار و 655 كهسان د دهنگدانا گشتى و 61 هزار و 762 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
ب گۆرهيى داتايێن كۆمسيۆنێ ل پارێزگهها دهۆك 719 هزار و 375 كهسان مافێ دهنگدانێ ههيه و ژ وان ژى 676 هزار و 860 كهسان د دهنگدانا گشتى و 42 هزار و 515 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
ب گۆرهيى داتايێن كۆمسيۆنێ ل پارێزگهها ههلهبچه 69 هزار و 151 كهسان مافێ دهنگدانێ ههيه و ژ وان ژى 65 هزار و 934 كهسان د دهنگدانا گشتى و 3 هزار و 217 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
ئهڤرۆ نيوز:
مهسرۆر بارزانى سهرۆكێ جڤاتا ئاسايشا ههرێما كوردستانێ و ئهندامێ مهكتهبا سياسى يا پارتى ديموكراتى كوردستان ل ئێك ژ بنگههێن دهنگدانێ يێن پيرمام ل پارێزگهها ههولێر دهنگێ خوه دا.
د كۆنگرهكێ رۆژنامهڤانى دا گۆت: “هيڤيدارين ب خوشى و سهركهفتيانه ئهڤ پرۆسه ب دووماهى بهێت، سهركهفتنا ههلبژارتنان سهركهفتنا ههموو لايهنانه”.
گۆتژى: “پێدڤيه ههموو لايهنێن سياسى سهركهفتنا پرۆسا ههلبژارتنان ب سهركهفتنا خوه بزانن”، دا زانين ژى كو سهركهفتنا ئهنجامان وهكو سهركهفتنا پرۆسێ يا گرنگ نينه.
هيڤى ژى خواست پارتى پشێت پترترين كورسيێن پهرلهمانى ب دهست ڤه بينيت و ل گهل لايهنێن سياسى ل سهر بيروباوهرێن پارتى ههين حوكمهتا داهاتى يا ههرێما كوردستانێ پێك بينن.
دهربارهيى پۆستێ سهرۆك كۆمارێ عيراقێ ژى گۆت: “پۆستێ سهرۆك كۆمارێ عيراقێ يێ ههموو كوردانه و وهسان هزر دكهين كو ئهڤ پۆسته مافێ پارتى ديموكراتى كوردستانه و د. فوئاد حسێن بهربژارێ پارتيه و هيڤى دكهين ههموو لايهن ل سهر وێ چهندێ رازى بن”.
دا زانين ژى كو پارتى ديموكراتى كوردستان پێشنيازا وێ چهندێ ژى كريه كو ههلبژارتن د ناڤ فراكسيۆنێن كوردستانى دا بهێته كرن و سهرۆك كۆمارێ عيراقێ د ناڤ خوه دا ههلبژێرن و پاشان ژى وهكو سهرۆك كۆمار بهربژار بكهن.
ئهڤرۆ نيوز:
بهرى دهمهكێ كێم مهسعود بارزانى، سهرۆكێ پارتى ديموكراتى كوردستان ل ئێك ژ بنگههێن دهنگدانێ يێن گشتى دهنگێ خوه دا.
سهرۆك بارزانى د داخۆيانيهكا رۆژنامهڤانى دا پيرۆزباهى ل كوردستانيان كر ب ههلكهفتا برێڤهچوونا پرۆسا دهنگدانا پهرلهمانێ كوردستانێ.
دا زانين ژى كو مللهت دێ بڕيارێ دهت كا ههر هێزهكێ سهنگا وێ چهنده و گۆت: “هيڤى خوازم كو ئهم ههموو دخزمهتا خهلكێ كوردستانێ دا بين”.
ئهڤرۆ نيوز:
محهمهدێ حاجى مهحمود، سكرتێرێ پارتيا سوشاليست ديموكراتى كوردستان راگههاند، دڤێت خهلكێ كوردستانێ يێ هوشيار بيت و رێ نهدهيت پێشێلكارى روو بدهن.
محهمهدێ حاجى مهحمود پشتى پشكداريكرنێ د پرۆسا دهنگدانێ دا ل ئێك ژ بنگههێن دهنگدانێ يێن سهر ب پارێزگهها ههلهبچه ڤه، راگههاند كو ئهو هيڤى خوازه كو پرۆسا دهنگدانێ ب رهنگهكێ ئارام ب رێڤه بچت.
سكرتێرێ پارتيا سوشاليست ديموكراتى كوردستان ئاماژه ب وێ چهندێ ژى كر كو دڤێت خهلكێ كوردستانێ يێ هشيار بيت و رێ نهدهت پێشێلكارى و سهختهكارى روو بدهن.
ئهڤرۆ نيوز:
نێچيرڤان بارزانى سهرۆكێ حوكمهتا ههرێما كوردستانێ و جێگرێ سهرۆكێ پارتى ديموكراتى كوردستان وهكو وهلاتێ ئێكێ يێ ههرێما كوردستانێ ل بنگههێ ديار بهكر ل باژێرێ ههولێرێ دهنگێ خوه دا.
نێچيرڤان بارزانى د كۆنگرهكێ رۆژنامهڤانى دا، راگههاند كو داخواز ژ ههموو دهزگههێن ئهمنى كريه كو ئهمنيهتا بنگههێن دهنگدانێ ب باشى راگرن و هيڤى ژى ژ وهلاتيان خواست كو ب رهنگهكێ بهرفرههـ بچنه سهر سندوقێن دهنگدانێ و دهنگێ خوه بدهن.
هيڤى ژ لايهنێن سياسى ژى كر كو ئهنجامێن ههلبژارتنان ب ههر رهنگهكێ ههبيت قهبوول بكهن ب رهنگهكێ پێش وهخت و ئهنجام ب چ رهنگ بن كار ژبۆ ئاڤاكرنا و پێشڤهبرنا كوردستانێ بكهن.
ل دۆر سيناريۆيێن نوو يێن پێكئينانا حوكمهتێ ژى گۆت: “هێشتا زوويه بڕيارێ ل سهر بابهتێ پێكئينانا حوكمهتا نوو يا ههرێما كوردستانێ بدهين”، دهربارهيى بهربژارێ وان ژى بۆ پۆستێ سهرۆكاتيا حوكمهتا ههرێما كوردستانێ ژى گۆت: “هێشتا زوويه”.
دهربارهيى پۆستێ سهرۆك كۆماريا عيراقێ ژى د بهرسڤهكا پرسيارهكا رۆژنامهڤانان دا گۆت: “پارتى ديموكراتى كوردستان و ئێكهتى نشتيمانى كوردستان ههر ئێكێ بهربژارێ خوه يێ ههيى و خهلكهكێ دژى بهربژارن، بهلێ هيڤى دكهم ب ئێك بهربژار بچينه ههلبژارتنا سهرۆك كۆماريا عيراقێ، ژ بهر كو د بهرژهوهندا كوردان دا نينه ب دو بهربژاران بچنه ههلبژارتنێن پۆستێ سهرۆك كۆماريا عيراقێ.
ئهڤرۆ نيوز:
سپێدههيا ئهڤرۆ رۆژا ئێكشهمبى رێكهفتى 30ى ئيلۆنا 2018ێ دهنگدانا گشتى بۆ پهرلهمانێ كوردستانێ دهسپێكر.
ب گۆرهيى داتايێن كۆمسيۆنا بلندا سهربهخۆيا ههلبژارتن و راپرسيێ ل ههرێما كوردستانێ سێ مليۆن و 85 هزار و 461 كهسان مافێ دهنگدانێ د ههلبژارتنێن پهرلهمانێ كوردستانێ دا ههيه، ژ وێ ژمارێ ژى دو مليۆن و 911 هزار و 313 كهسان مافێ پشكداريكرنێ د دهنگدانا گشتى دا ههيه.
ب رهنگهكێ گشتى ل سهرانسهرى ههرێما كوردستانێ نێزيكى 700 كهسان خوه بهربژار كريه و دێ ههڤركيێ ل سهر 111 كورسيێن پهرلهمانێ كوردستانێ كهن.
ل سنورێ پارێزگهها دهۆكێ نێزيكى 100 بهربژاران ههنه كو 40 ژ وان پارتى و 21 ئێكهتى و 18 ئێكگرتوو و گۆان سێ و ههر ئێك ژ كۆمهل و نهوهيى نوێ ژى ئێك كانديد ههيه.
ب گۆرهيى ئهوان داتا و ئامارێن ب دهست ئهڤرۆ نيوز كهفتين، بۆ ههلبژارتنێن پهرلهمانێ كوردستانێ كۆمسيۆنا بلندا سهربهخۆيا ههلبژارتن و راپرسيێ ل سهر ئاستێ ههرێما كوردستانێ 218 بنگههێن لاوهكى و هزار و 327 بهنگههێن دهنگدانێ و پێنج هزار و 811 ويستگههێن دهنگدانێ ئاماده كرينه، ب رهنگهكى ل پارێزگهها ههولێر 577 بنگههێن لاوهكى و بنگههێن دهنگدان و دو هزار و 271 ويستگههـ هاتينه دانان. ل پارێزگهها سلێمانيێ 536 بنگههێن لاوهكى و بنگههێن دهنگدانێ و هزار و 468 ويستگههـ هاتينه دانان. ل پارێزگهها دهۆكێ ژى 303 بنگههێن لاوهكى و بنگههێن دهنگدان و هزار و 343 ويستگههـ هاتينه دانان. ل ههلهبچه ژى 136 بنگههێن لاوهكى و بنگههێن دهنگدانێ و 129 ويستگههـ هاتينه ئاماده كرن.
ههر ب گۆرهيى ئامارێن كۆمسيۆنێ بۆ ههلبژارتنێن 30ى ئيلۆنێ زێدهتر ژ 35 هزار فهرمانبهران هاتينه مهشقكرن و د ماوێ چهند رۆژێن بهێت دا 42 هزار فهرمانبهرێن دى كو د تايبهتن ب رۆژا ههلبژارتنان دێ مهشق پێ هێته كرن و رۆژا 15ى ئيلۆنێ ژى ههموو كهلوپهل و پێدڤيێن كۆمسيۆنێ دێ گههنه بارهگايێ ئوفيسا نشتيمانى ل ههولێر.
ب گۆرهيى داتايێن كۆمسيۆنێ ل پارێزگهها ههولێرێ مليۆنهك و 101 هزار و 518 كهسان مافێ دهنگدانێ ههيه و ژ وان ژى مليۆنهك و 34 هزار و 864 كهسان د دهنگدانا گشتى و 66 هزار و 654 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
ب گۆرهيى داتايێن كۆمسيۆنێ ل پارێزگهها سلێمانيێ مليۆنهك و 195 هزار و 417 كهسان مافێ دهنگدانێ ههيه و ژ وان ژى مليۆنهك و 133 هزار و 655 كهسان د دهنگدانا گشتى و 61 هزار و 762 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
ب گۆرهيى داتايێن كۆمسيۆنێ ل پارێزگهها دهۆك 719 هزار و 375 كهسان مافێ دهنگدانێ ههيه و ژ وان ژى 676 هزار و 860 كهسان د دهنگدانا گشتى و 42 هزار و 515 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
ب گۆرهيى داتايێن كۆمسيۆنێ ل پارێزگهها ههلهبچه 69 هزار و 151 كهسان مافێ دهنگدانێ ههيه و ژ وان ژى 65 هزار و 934 كهسان د دهنگدانا گشتى و 3 هزار و 217 كهسان ژى د دهنگدانا تايبهت دا مافێ پشكداريكرن د ههلبژارتنان دا ههيه.
نيشاندان