پشتی كۆمبوونا ل گه‌ل مارك رۆته سه‌رۆك وه‌زیرێن هۆله‌ندا، نێچیرڤان بارزانی ئه‌ڤرۆ د داخویانیه‌كێ دا به‌حسێ ناڤه‌رۆكا كۆمبوونێ و سه‌ره‌دانا خوه بۆ توركیا كر.
ل ده‌ستپێكێ به‌حسێ ناڤه‌رۆكا كۆمبوونێ كر و گۆت:(كۆمبوونا مه ل گه‌ل سه‌رۆك وه‌زیرێن هۆله‌ندا یا باش بوو، د كۆمبوونێ دا مه سوپاسیا هوله‌ندا كر بۆ وان هه‌موو هاریكاریێن ل شه‌رێ دژی داعش كرین و مه دوپاتی ل سه‌ر وێ چه‌ندێ كر كو ل پاشه‌رۆژێ په‌یوه‌ندیێن د ناڤبه‌را مه دا ژ هه‌موو ئالیه‌كی ڤه پێشڤه ببه‌ین ب تایبه‌تی د وارێ ئابووری دا).
ل دۆر پرۆگرامێ هوله‌ندا بۆ ئاڤه‌دانكرنا ده‌ڤه‌رێن ل شه‌رێ داعش زیان گه‌هشتینێ، نێچیرڤان بارزانی راگه‌هاند، وان پرۆگرامێ خوه یێ هه‌ی و رێكخراوێن هوله‌ندی ل عیراق و هه‌رێما كوردستانێ گه‌له‌ك كاری ئه‌نجام دده‌ن و مژوولی بجهئینانا به‌رنامێ خوه‌نه.
سه‌باره‌ت سه‌ره‌دانا خوه بۆ توركیا گۆت:(سه‌ره‌دانا مه بۆ توركیا یا باش بوو و سه‌ره‌دانا مه بۆ توركیا زێده‌تر بۆ پشكداریكرنێ د رێوره‌سمێن ده‌ستبكاربوونا ره‌جه‌ب ته‌یب ئه‌ردۆگان سه‌رۆك كۆمارێ توركیا بوو و هه‌ر د وان رێوره‌سمان دا ده‌لیڤه هه‌بوو ل گه‌ل باخڤین و سه‌ره‌دانا مه بۆ توركیا ده‌ستپێكه‌كا نوویه د په‌یوه‌ندیێن هه‌رێما كوردستانێ و توركیا دا و پشتی روودانێن سالا بووری جارا ئێكێ یه سه‌ره‌دانا توركیا ب ره‌نگه‌كێ فه‌رمی دكه‌م).
ل دۆر سه‌ره‌دانا وی بۆ وه‌لاتێ به‌لجیكا، راگه‌هاند، كو ئه‌و سه‌ره‌دانه یا هه‌ڤده‌م بوو ل گه‌ل سه‌ره‌دانا توركیا، له‌ورا ئه‌و سه‌ره‌دانه ئه‌نجام نه‌دا و گۆت:(پشكداریا هه‌رێما كوردستانێ د رێوره‌سمێن ده‌ستبكاربوونا سه‌رۆك كۆمارێ توركیا دا یا گرنگ بوو و ل نڤێسینگه‌ها حوكمه‌تا هه‌رێمێ ل برۆكسل دێ ده‌ست ب په‌یوه‌ندیان كه‌ین داكو بزانین كه‌نگی دێ شێین ڤێ دیدارێ رێكبێخین و جاره‌كا دێ سه‌ره‌دانا به‌لجیكا بكه‌ین).
ئەڤرۆ نیۆز، رێوار مزیری:
لیژنا دووڤچوونا بازاری ل قایمقامیا قەزا دھۆکێ ئەڤرۆ ١٠/٧/٢٠١٨ێ ب مەرەما دووڤچوونێ سەرەدانا چەندین خوارنگەە و مارکێتان د ناڤ سەنتەرێ باژێرێ دھۆکێ دا کر.
د ڤێ سەرەدانێ دا لیژنا دووڤچوونا بازاری ل قایمقامیا قەزا دھۆکێ جھێ شنگالی یێ بژارتنا ماسیان ل تاخێ (K.R.O) داخست ھەتا کو دەستووریا ساخلەمیێ دروست بکەت، ھەروەسا ژ ئەگەرێ نەپێگیریێ ب رێنمایان ھۆشداری دا خوارنگەھێن (سەفاری) ل دھۆک مۆل و (ماسی بەغداد) ل نێزیک شقێن زەریلاند.
د ھەمان سەرەدان دا لیژنا ناڤھاتی کوردستان مارکێت ل تاخێ (K.R.O) ژ بەر کەرەستێن دەم ب سەرڤەچووی ب کۆژمەکێ پارەی سزادا و د ھەمان دەم دا ھۆشداری دا جھێ بەرێز بۆ فرۆتنا کەرەستێن کت و کۆم ل نێزیک مزگەفتا سەباح ملحەم، ژ بەر کو کەرەستێن خوە یێن زێدە دانابوونە سەر شووستەیی.
ژ ئالیەکێ دی ڤە پشکا پۆلیسێن باژێرڤانیێ ئامارا خوە یا شەش ھەیڤێن بۆری راگەھاند کو د دەمێ ھەیڤەکێ دا پێنج جە ژ سەرتراشخانە و نانپێژیان داخستینە، ھەروەسا ژ بەر نەپێگیریا وان ب رێنمایان ھۆشداری دایە ٤٨ جھان ژ مارکێت و خوارنگەە و سەمونخانە و تەزیاتی و جوانکاری و سەرتراشخانان.
به‌هزاد علی ئاده‌م جێگرێ پارێزگه‌رێ دهوكێ ئه‌ڤرۆ 10/7/2018 ب ئاماده‌بونا قایمقامێن قه‌زایێن پارێزگه‌هێ وچه‌ند رێڤه‌به‌رێن ناحیا كومبونه‌ك دگه‌ل كومپانیا روس نه‌فت یا روسی یا به‌رهه‌ئینانا پترولێ وشانده‌كێ وه‌زاره‌تا سامانێن سروشتی یا حكومه‌تا هه‌رێما كوردستانێ سازكر.
دكومبونێدا به‌حسێ هاتنا كومپانیا روس نه‌فت بو سنورێن پارێزگه‌ها دهوكێ وده‌ست ب لێگه‌ریان وبه‌رهه‌ئینانا پترولێ وهه‌ماهه‌نگیا وان دگه‌ل لایه‌نێن په‌یوه‌ندیدار ژبو هه‌ر جوره ئاسانكاریه‌كێ هاته كرن.
جێگرێ پارێزگه‌رێ دهوكێ سوپاسیا كومپانیاروسنه‌فت كر كو دكاودانه‌كا نازك وهه‌ستیاردا بریاردا كو به‌رهه‌مئینانا پترولێ ل كوردستانێ بكه‌ت وئه‌ڤ چه‌نده ژی پالپشتیه‌كا مه‌زن بو بو خه‌لكێ هه‌رێما كوردستانێ هه‌ر وه‌سا ئه‌ڤه پره‌كه بو خورتكرنا په‌یوه‌ندیێن روسیا دگه‌ل حكومه‌تا كوردستانێ وبه‌رهه‌ڤیا پارێزگه‌ها دهوكێ نیشان دا بو هه‌ر هه‌ڤكاریه‌كێ دگه‌ل تیمێن وه‌زاره‌تا سامانێن سروشتی و كومپانیاروسنه‌فت بو وێ چه‌ندێ كارێن كومپانیاروسنه‌فتب ئاسانی بهێنه ئه‌نجامدان.
هه‌روه‌سا داخازكر كو كومپانیاروسنه‌فت به‌رژه‌وه‌ندیێن خه‌لكێ گوند وناوچێن ده‌ڤه‌رێ لبه‌رچاڤ وه‌رگریت ده‌مێ پروژێن خو ئه‌نجامده‌ن وسه‌ركه‌فتن بو خواست.
ژلایێ خوڤه نونه‌رێ كومپانیاروسنه‌فت ته‌كه‌زكر كو پروژێن وان بو چه‌ندین سالا دێ به‌رده‌وامكه‌ن وئارمانجا وان نه به‌رهه‌مئینانا پترولێ بتنێ یه به‌لكو خورتكرنا په‌یوه‌ندیێن روسیا وهه‌رێما كوردستانێ یه هه‌روه‌سا ته‌كه‌زكر كو كومپانیا روس نه‌فت ده‌مێ ل هه‌ر جهه‌كی كاردكه‌ت دێ به‌رژه‌وه‌ندیا وه‌لاتیێن وێ ده‌ڤه‌رێ لبه‌ر چاڤ وه‌رگریت وقه‌ره‌بویا خه‌لكی لدویڤ ستانده‌رێن ده‌وله‌تی كه‌ت وخواست كو سازیێن پارێزگه‌هێ هه‌ڤكاریێ دگه‌ل تیمێن كومپانیاروسنه‌فت بكه‌ن دا بره‌نگه‌كێ باش كارێن خو ئه‌نجامده‌ت.
هه‌ژی گوتنێ یه ل ده‌مه‌كێ نێزیك كومپانیاروسنه‌فت دێ ل سه‌ر پێنچ بلوكا سێ ل سنورێ پارێزگه‌ها دهوكێ ودوو ل سنورێ پارێزگه‌ها هه‌ولێرێ كارێن لیگه‌ریان وبه‌رهه‌مئینانا پترولێ ئه‌نجامده‌ت.
ئه‌ڤرۆنيوز:
برياره هه‌لبژارتيێ عيراقێ يێ ته‌پا پێ ل ده‌ستپێكا هه‌يڤا بهێت بۆ جارا ئێكێ دديرۆكا خوه دا ياريه‌كا هه‌ڤالينى ل باژێرێ قودسێ ئه‌نجام بده‌ت.
رۆژنامه‌ڤانه‌كێ وه‌رزشى ل به‌غدا بۆ ئه‌ڤرۆ نيوز گۆت” هه‌لبژارتيێ عيراقێ يێ ته‌پا پێ ل رۆژا 5/8/2018 دێ ياريه‌كا هه‌ڤالينى ل گه‌ل هه‌لبژارتيێ فلستينێ ئه‌نجامده‌ت وه‌كو خوه به‌رهه‌ڤكرنه‌ك بۆ قاره‌مانيا كێشوه‌رێ ئاسيا كو برياره ل هه‌يڤا كانوونا دويێ 2019 ل وه‌لاتێ ئێماراتێ بهێته رێكخستن”.
دياركر ژى” دێ بيته ئێكه‌مين جار دديرۆكا خوه دا هه‌لبژارتيێ عيراقێ ل باژێرێ قودسێ ياريێ بكه‌ت”.
دهێته زانين هه‌ر شانده‌كێ به‌ر ب فلستينێ ڤه بچيت، پێدڤيه ل سه‌ر سنورێ ئوردنێ ده‌ستويريه‌كێ ب ناڤێ (ده‌ستويريا هاتنا ژۆر) ژلايێ ده‌ستهه‌لاتا ئيسرائيلێ ڤه پێ بهێته دان.
ئەڤرۆنيوز،باسم قاسم شنگالی
ئەڤرۆ سێ شەمبی 10/7/2018 ل ناحیا گرعزێر ل باشوری قەزا شنگالێ خانیەك ب گەنجەکی ڤە پەقی و کوشت.
ژیدەرەکی بۆ ئەڤرۆنيوز گۆت” ئەڤرۆ وی گەنجی قەستا ناحیا گرعزێر کربوو كو ل بن دەستهلاتا حەشدا شەعبی دايه ل باشوری قەزا شنگالێ ب مەرەما سەردانەکێ بۆ مالا خوە پشتی ژناڤچوونا تیرۆرستێن داعشێ”.
دياركر ” ده‌مێ چوويه دخانيێ خوه ڤه، پیڤە پەقی ب ئەگەرێ وان پاشمایێن داعشێ ل دیڤ خوە هێلاین ل دەڤەرێ”.
ئاماژەک” ئەڤ گەنج كو ناڤێ وێ عه‌لى موراد ره‌ڤۆ بوو ژيێ وى 27 سال بوون”.
خوياكر” ل گه‌ل داگیركرنا شنگالێ ژ ئالیێ تیرۆرستێن داعشێ ڤه، پتریا مال و سازی و جهێن گشتی یێن وێ ده‌ڤه‌رێ، هاتبوونه مین رێژكرن و هه‌رچه‌نده پرۆسه‌یا لێگه‌ریان و پاقژكرنا وان ده‌ڤه‌ران ده‌ستپێ كربوو، لێ هێشتا جهێن مین رێژكری ماینه و ب ته‌مامی نه‌هاتینه پاقژكرن”.
ئه‌ڤرۆنيوز:
سيناتۆره‌كێ ئه‌مريكى دكۆنگره‌كێ رۆژنامه‌ڤانى دا ل باليۆزخانا ئه‌مريكى ل به‌غدا راگه‌هاند، تنێ ئابووره‌كێ باش وسيسته‌مه‌كێ په‌روه‌رده‌يى يێ ب هێز دێ داعشێ شكێنيت.سيناتۆر ليندسى گراهام، ل دووڤ مالپه‌رێ (البوابه) دكۆنگره‌كێ رۆژنامه‌ڤانى دا گۆت” شكاندن وژناڤبرنا گرۆپا داعش يا تيرۆرستى ل عيراقێ وسووريێ بێ سه‌ربازێن ئه‌مريكى دێ با ب زه‌حمه‌ت بيت”.
ناڤبرى ئاماژه دا حه‌شدا شه‌عبى ژى وگۆت” دبيت ل داهاتى گرفتا سه‌ره‌كى ئه‌وا روو ب روويێ حوكمه‌تا عيراقێ ببيت ئه‌وه كا چاوان ره‌فتارێ بكه‌ت ل گه‌ل وان گه‌له‌ك گرۆپێن چه‌كدار ل ناڤ عيراقێ تاكو بشێت هه‌موو وان چه‌كداران بێخيته دناڤ له‌شكرێ عيراقێ دا”.
ئەڤرۆ نیوز ، زنار تۆڤی:
کۆمسیۆنا بلند یا سەربەخۆیا هەلبژاردن و راپرسیێ ل هەرێما کوردستانێ داخوازیەکێ ئاراستەی وەلاتیێن دکەت.
ئەڤرۆ سێشەمبی 10/7/2018 دێ ل سەرجەم باژێر و باژێرکێن کوردستانێ دێ تۆمارا دەنگدەران هێتە ڤەکرن.
بەرپرسێن کۆمسیۆنێ داخوازێ ژ وەلاتیێن هەرێما کوردستانێ دکەت کو سەرەدانا بنگەهێن تۆمارکرنا دەنگدەران بکەن و دلنیابن ژ هاتنا ناڤێن خوە.
وەسا بریارە ل 30 ئیلۆنا 2018 هەلبژاردنێن پەرلەمانێ کوردستانێ بهێنە ئەنجامدان و کومسیۆنێ ژی تۆمارێن نوو ئامادەکرینە.
ئەڤرۆ نیوز ، زنار تۆڤی:
وەزارەتا ئەوقاف و كاروبارێن ئاینی ئاشكرا كر، کو ل رۆژا 23 تەمۆزێ دێ ئێكەم گەشتا حەجیان ژ هەرێما کوردستانێ بۆ سعوودیە دەست پێ کەت و هژمارا حەجیێن هەرێمێ بۆ ئەڤ سالە 5 هەزار و 439 كەسن و حەجا بازرگانی ژی هەیە.
نەبەز ئیسماعیل پەیڤدارێ وەزارەتا ئەوقاف و كاروبارێن ئاینی ل حوکمەتا هەرێما كوردستانێ راگەیاند، بۆ ئەڤ سالە هژمارا حەجیێن هەرێما کوردستانێ 5 هەزار و 439 كەسن و گۆژمێ پارێ داخواز كری ژ لایێ بەغداڤە هاتیە دیاركرن کوو 4 هزار و 100 دۆلارن.
هەروەسا گوتیە، گەشت دێ ل فرۆكخانێن هەولێر و سلێمانیێ بۆ سعوودیە بن دێ ل رۆژا 23 تەمۆزێ ئێكەمین گەشت هێنە ئەنجام دان.
نەبەزی گوتیە ژی، هەرێما كوردستانێ هەمان وان رێکاران جێبەجێ دکەت یێن کو ژ لایێ بەغداڤە دهێنە دەرکرن و تایبەتی ئەوێن بجهگەهاندنا فەریزا حەجێ بۆ سالا 2018، هەروەسا هژمارا حەجیێن بازرگانی ژی ل گەلە.
ئەڤرۆ نیوز، ئێقبال عومەر:
شەڤا بوری ژ ئەنجامێ روودانەکا ئاگری زیانێن زۆر ب مالەکا ناڤ سەنتەرێ ناحیێ کەفت، بەرەڤانیا باژێری شیان کچەکێ ژ مرنێ رزگار بکەن .
بێوار عەبدولعەزیز بەرپرسێ بەرەڤانیا باژێری ل دهۆکێ بو ئەڤرو نیوز گوت: ل شەڤا بوری ئەم هاتینە هایدارکران کو رویدانەکا ئاگربەربونێ ل ناڤ سەنتەرێ ناحیا شێلادزێ رویدایە، ئێکسەر تیمێن مە گەهشتنە جهێ رویدانێ بەلێ ب مخابنی ڤە تاکو تیمێن مە گەهشتینێ کەلوپەل و کەرەستێن ناڤ مالێ هەمی ب تەمامی هاتنە سوتن، ژبەرکو ئەم زوی نەهاتینە هایدارکرن ، وە دیسان پشکەك ژ خانی ژی هاتیە سوتن ، زور سوپاس بو خودێ کو چو زیانێن گیانی نەبون.
ناڤهاتی دیارکر ژی ، کو ئەگەرێ ئاگر بەربونێ ژی بو شورتەکا کارەبێ ڤەدگەریت کو خودانێ مالێ دەبلێ کارەبێ دناڤ خانی دا دانایە ژئەگەرێ بارگرانیێ ل سەر وی دەبلێ کارەبێ ئاگر تێکەفتیە و حەلیایە سەر مەحفیرێن مالێ و ئار ب خانیڤە بەربەلاڤ بویە تاکو ب تەمامی مال هەمی هاتیە سوتن)
ب گورەی ئاخفتنێن ناڤبری زیانێن وێ وەکو مادی دگەهیتە زێدەتری حەفت ملیون و 500 هزار دیناران ، کچەکا مالێ ژی دناڤ ئاگری دا هاتیە رزگارکرن.
نيشاندان