ئه‌ڤرۆنيوز:

ب برياره‌كا وه‌زاره‌تا ناڤخوه‌ يا عيراقێ ول سه‌ر داخوازا پاريزگه‌رێ ب زۆر سه‌پاندى يێ كه‌ركووكێ، ريڤه‌به‌ريا پۆليسێن قه‌زا وناحيێن كه‌ركووكێ هاته‌ هه‌لوه‌شاندن.

پشتى ده‌رچوونا وێ بريارێ، ل دووڤ مالپه‌رێ كوردستان تى ڤى، رێڤه‌به‌ريا پۆليسێن قه‌زا وناحيێن كه‌ركووكێ هاته‌ داخستن وهه‌موو ئه‌فسه‌ر وپۆليسێن وێ رێڤه‌به‌ريێ هاتنه‌ ڤرێكرن بۆ بنگه‌هێن پۆليسان ل كه‌ركووكێ وده‌وروبه‌ران.

رێڤه‌به‌ريا پۆليسێن قه‌زا وناحيێن كه‌ركووكێ به‌رى روودانێن 16 ئوكتۆبه‌را سالا بۆرى، پشكا كوردان بوو وكوردان ئه‌و ريڤه‌به‌رى ب ريڤه‌ دبر، پشتى 16 ئوكتۆبه‌رێ ب برياره‌كا له‌شكرى ئه‌و پۆسته‌ ژ كوردان هاتبوو ستاندن.

ئه‌ڤرۆنيوز:

به‌رپرسێ فيدراسيۆنا په‌نابه‌ران ل هه‌رێما كوردستانێ دداخۆيانيه‌كێ دا بۆ ئه‌ڤرۆنيوز دياركر كو ناڤێ 55 وه‌لاتيێن هه‌رێما كوردستانێ يێن گه‌هشتينه‌ وان كو نوكه‌ دزيندانێن توركيا دانه‌.

ئارى جه‌لال، به‌رپرسێ فيدراسيۆنا په‌نابه‌ران ل هه‌رێما كوردستانێ بۆ ئه‌ڤرۆنيوز گۆت” ئه‌و 55 وه‌لاتيێن هه‌رێمێ ب شێوه‌كێ ئاسايى يێن چووينه‌ دناڤ توركيا دا وبزاڤ كريه‌ ب رێيێن قاچاغ ژ توركيا ب ده‌ركه‌ڤن، به‌لێ ژلايێ پۆليسێن توركى ڤه‌ هاتينه‌ ده‌سته‌سه‌ركرن”.

گۆت ژى” كارێن پێدڤى يێن دهێنه‌ كرن بۆ ئازادكرنا وان وهه‌ر ده‌مێ بهێنه‌ ئازادكرن، دێ گه‌هينين بۆ سه‌ر سنورێ هه‌رێما كوردستانێ”.

ئه‌ڤرۆنيوز:

پشتى نيڤرۆيا ئه‌ڤرۆ سێشه‌مبى 17/7/2018، فه‌رهاج پيربال نڤيسه‌ر ومامۆستايێ زانكۆيێ ژ زيندانێ هاته‌ ئازادكرن .

عه‌بدولخالق ته‌لعه‌ت، رێڤه‌به‌رێ پۆليسێن پارێزگه‌ها هه‌ولێرێ دداخۆيانيه‌كا رۆژنامه‌ڤانى دا گۆت” ئه‌ڤرۆ فه‌رهاد پيربال ژلايێ پۆليسان ڤه‌ هاته‌ ئازادكرن ول دووڤ وان راپۆرتێن نوشدارى ئه‌وێن ل به‌رده‌ست، پيربال دێ هێته‌ هنارتن بۆ ده‌رڤه‌ى وه‌لاتى ب مه‌ره‌ما وه‌رگرتنا چاره‌سه‌ريا پێدڤى ژبۆ ساخله‌ميه‌كا باش بۆ وى كو لايه‌نى وى يێ ده‌روونى وجه‌سته‌يى باش بيت”.

فه‌رهاد پيربال ل سه‌ر سكالايا مونا قه‌هوه‌چى په‌رله‌مانتارا توركمان ل په‌رله‌مانێ كوردستانێ هاتبوو ده‌سته‌سه‌ركرن، سكالايا مونا قه‌هوه‌چى ل سه‌ر وێ چه‌ندێ بوو كو فه‌رهاد پيربالى ل بازارێنێزيك كه‌لا هه‌ولێرێ ئاخڤتنێن نه‌ هه‌ژى ئاراسته‌ى وێ وهه‌ڤژێنێ وێ كربوون.

فەرهادل پیرباڵ لەسەر سكاڵای  مونا قەهوەچی، پەرلەمانتاری توركمان لە پەرلەمانی كوردستان دەستگیركرا ،  داوای پەرلەمانتارەكەی لەسەر ئەوە بوو فه‌رهاد پیرباڵ لەبازاڕ  نزیك  قەڵای  هەولێر قسەی نەشیاوی بەرامبەر خۆی و  هاوسەرەكەی كردووه‌

ئه‌ڤرۆنيوز:

رێڤه‌به‌رێ ناحيا حاجى ئومران راگه‌هاند، ل ده‌مژمێر 1:30 پشتى نيڤرۆيا ئه‌ڤرۆ سێشه‌مبى 17/7/2018 چه‌ند گوند وده‌ڤه‌رێن ب سه‌ر ناحيا حاجى ئومران ژلايێ تۆبخانا ئيرانى ڤه‌ هاتنه‌ ته‌پ بارانكرن.

فه‌رزه‌نگ ئه‌حمه‌د، ريڤه‌به‌رێ ناحيا حاجى ئومران بۆ كوردستان تى ڤى گۆت” پشتى نيڤرۆيا ئه‌ڤرۆ ده‌ڤه‌رێن جۆته‌كانيان، دۆلا ئالانه‌ وگوندێن (ئالانه‌ وره‌شه‌هه‌رمێيان) ژلايێ ته‌بخانا ئيرانێ ڤه‌ هاتنه‌ توپ بارانكرن ودئه‌نجامدا كه‌سه‌ك يێ برينداربووى,

گۆت ژى” چونكى توپ بارانكرن گه‌له‌ك يا هه‌ره‌مه‌كى بوو ودناڤ گوند ومالێن كۆچه‌رات وئاژه‌لداران وجوتياران ڤه‌گرت، هه‌تا نوكه‌ دو گوند ژ مالان هاتنه‌ چۆلكرن ژ ترسا توپ بارانكرنێ”.