ئەڤرۆ نیوز ، زنار تۆڤی:
ب بزاڤێن هێزێن دژە تیرۆرا هەرێما کوردستانێ، ل شەڤا بوری هژمارەکا پەنابەرێن کورد ژ دەستێ گرۆپێن چەکدارێن سووریێ هانە رزگارکرن.
ئاری جەلال سەرپەرشتیاریێ گشتی یێ فیدراسیۆنا پەنابەرێن عێراقێ گوت ل شەڤا بوری هژمارەکا پەنابەرێن هەرێما کوردستانێ کو ل تورکیا هاتبوونە رادەستکرن بۆ میلیشیاتێن ئیسلامی ل وەلاتێ سوریێ و ژ ئالیێ فیدراسیۆنا پەنابەران و هێزێن دژە تیرۆرێ ڤە هاتنە رزگار کرن.
هەروەسا گوت ژی ئەو پەنابەرە دێ گەهنە هەرێما کوردستانێ و دێ ب کەسوکارێن خوە شاد بنەڤە.
ئەڤرۆ نیوز ، زنار تۆڤی:
سه‌ركرده‌کێ حزبا ده‌عوه یا ئیسلامی ئاشكرا كر، بزاڤەک هەیە ل رێزێن حزبا ده‌عوه بۆ لێک نێزیککرنا هه‌ردوو بالێن ده‌عوه كو ژلایێ مالكی و عه‌بادیڤە سه‌ركردرایه‌تی لێ دهێتە کرن، ئەڤ چەندە بۆ ئارمانجا رێگریكرنێ یە ژ وه‌رگرتنا پۆستێ سه‌رۆك وه‌زیران ژ حزبا ده‌عوه.
وی سه‌ركردێ ده‌عوه بۆ بەغداد ئەلیەوم گوتیە، جموجولێن بلەز ل رێزێن حزبا ده‌عوه ده‌ستی پێکریە، بۆ ئێکگرتنا هه‌ردوو بالێن مالكی و عه‌بادی و دلنیابوون ژ وه‌رگرتنا پۆستێ سه‌رۆك وه‌زیرێن عێراقێ ژ ئالیێ حزبا ده‌عوه‌ڤه، کو پشتی 2003 و د ئێکه‌م هه‌لبژاردنێن په‌رله‌مانێ عیراقی هەتا نوکە، ئه‌و پۆسته د ده‌ستێ ده‌عوه دایه.
زێدەتر گوتیە، نوکە سەقایەکی ئه‌رێنی پەیدابوویە و جموجۆل هاتینە چڕكرن، پێشبینی دهێتە کرن کو د چه‌ند رۆژێن داهاتی دا ئه‌نجامەک هەبیت و جارەکادی رێزێن وێ حزبێ ئێک بگرن و مەزنترین فراكسیۆنا په‌رله‌مانی بهێته پێك ئینان و ده‌ست ب گوتۆبێژان ل گه‌ل قه‌وارێن دیتر بكه‌ن.
ئه‌ڤ بزاڤێن نافخۆیی یێن حزبا ده‌عوه د دەمەکێ دانە کو پێشتر موقته‌دا سه‌دری مه‌رجێ ڤەكێشانا عه‌بادی ژ حزبا ده‌عوه راگه‌هاندبوو، ب مه‌به‌ستا رێگریێ ل وه‌رگرتنا پۆستێ سه‌رۆك وه‌زیران ژ لایێ وێ حزبێ ڤە.
ئەڤرۆ نیوز:
فەرماندەکێ ئیرانێ ئەو باوەری هەیە کو دەستێ ئسرائیلێ ل پشت هەر کارەکێ یە یێ کو ل ئیرانێ دهێتە ئەنجامدان و ئسرائیلێ ب کێمبوونا رێژا بەفر و بارانێن دەڤەرێ سووچدار دکەت.
غولامرەزا جەلالی فەرماندێ سەربازی یێ ئیرانێ ئسرائیلێ ب گوهۆرینا سرۆشتێ دەڤەرێ سووچدار دکەت و دبێژیت، ئسرائیل ب پلان عەورێن هنداڤی ئیرانێ ژێک دقەتینیت داکو بەفر و باران ل ئیرانێ نەهێن.
ناڤهاتی هەروەسا ئاماژە کریە، ئسرائیل ب تنێ ل پشت وی کاری نینە، بەلکو هژمارەکا دی ژی یا وەلاتێن هەرێمی پشکداری وی پیلانێ نە و پێدڤیە هەموو پیلانێن وان بهێنە راگرتن.
ئەڤ چەندە هات، کو بەری چەندین رۆژان بنیامێن نەتەنیاهۆ، سەرۆک وەزیرێ ئسرائیلێ ئاشکرا کربوو، کو ئسرائیل دشێت ئیرانیان فێر بکەت کو ب تەکنۆلۆژیا نوو بەرهەمێن خوە یێن چاندنێ ژ هشکەسالیێ رزگار بکەن.
ئه‌ڤرۆ نيوز:
لژنا بلند یا ئێمناهیێ ل پارێزگه‌ها دهۆك به‌یاننامه‌كێ به‌لاڤ كر و تێدا چه‌ند بريار دژى كه‌سێن چه‌كێ بێ موله‌ت هه‌لدگرن هاتنه ده‌رخستن، ده‌قێ به‌ياننامێ:
پشتی هه‌لسه‌نگاندنا ره‌وشا ئه‌منی وبه‌راوردكرنا وێ دگه‌ل جهێن دی وه‌سا دیاردبیت كو ره‌وشا ئه‌منی ل سنورێ پارێزگه‌ها دهوك ژجهێن دی ئارام و سه‌قامگیرتره لێ سه‌ره‌رایی ڤێ چه‌ندێ ل روژا ئێك شه‌مبی رێكه‌فتی (1/7/2018) ب سه‌رپه‌رشتیا پارێزگارێ دهوكێ وئاماده‌بوونا هه‌می لایه‌نێن په‌یوه‌ندیدار كومبوونا ئاسایی یا لیژنا بالا یا ئه‌منی هاته گرێدان ژبو پاراستنا گیان ومال وسامانێ هاولاتیێن به‌رێز بتێر وته‌سه‌لی ئه‌ڤ خالێن ل خارێ كه‌فتنه به‌ر دانوستاندنێ وبریارهاته دان:
1. ژ رێكه‌فتی(1/7/2018) تاكو (16/7/2018) هه‌ر كه‌سێ چه‌كێ بێ موله‌ت هه‌بیت پێدڤیه موله‌تا چه‌كی لدیف مه‌رجێن پێدڤی چێكه‌ت وهه‌لگرتنا چه‌كێ بره‌نگه‌گێ به‌رچاڤ ونه‌شارستانی ناهێته قه‌بیلكرن داكو قوربانیێن بكارئینانا چه‌كی بشێوه‌یه‌كێ شاش نه‌مینن له‌ورا هه‌ر كه‌سێ چه‌كه‌ك لده‌ف بیت چ موله‌ت پێ نه‌بن یان بو نیازه‌كا بازرگانی بیت پێدڤیه راده‌ستی حكومه‌تێ بكهت داكو خو ژ به‌رپرسیاره‌تیێ بپارێزیت وبه‌روڤاژی دێ به‌رپرسیاربیت.
2. ب هه‌ر ره‌نگه‌گێ هه‌بیت نابیت هیچ ترومبێله‌ك یابێ تابلویا ژماره‌یی بیت وهه‌ر ژماره‌كا ل رێڤه‌به‌ریا هاتن وچوونێ یا په‌سه‌ندكری نه‌بیت دێ خودانێ ترومبێلێ به‌رپرسیار بیت.
3. داخازێ دكه‌ین هه‌ر كه‌سه‌كێ تاوانبار بیت وبریارا دادگه‌هێ بو گرتنا وی هه‌بیت بله‌ز خو راده‌ستی حكومه‌تێ بكهت وخوبه‌رزه‌كرن وخو ئاسێ كرن دێ پتر ئاریشاوی ئالوز كه‌تن وهه‌روه‌سا داخازێ ژ خه‌لكێ خویێ خوشتڤی دكه‌ین كو چ تاوانبارا نه‌حه‌وینن ولده‌ستپێكێ راده‌ستی نێزیكترین بنگه‌هێن پولیسان بكهت پاشی هه‌ولێن خێرخازی وچاره‌سه‌ریێ بكه‌ن.
لدویماهیكێ داخازێ ژهاولاتیێن خوشتڤی دكه‌ین كو دهاریكاربن دگه‌ل لایه‌نێن ئه‌منی یێن په‌یوه‌ندیدار سه‌خمه‌رات پاراستنا ره‌وشا ئه‌منی وسه‌روه‌ریا یاسایێ لده‌ڤه‌رامه ودێ سوپاسدار بین بوپێگیری وهاریكاریا خه‌لكێ خو یێ خوشتڤی وپێرابوونێن یاسایی هێنه وه‌رگرتن دگه‌ل هه‌ر سه‌رپێچكاره‌كی بو ئاگه‌هداری. دگه‌ل رێزگرتنێ…
لیژنا بلند یا ئێمناهیێ
ل پارێزگه‌ها دهۆك
ئه‌ڤرۆ نيوز، فاتما مزوورى:
بالیۆزێ ئیرانێ ل عيراقێ راگه‌هاند كو قه‌بارێ بازرگانیا د ناڤبه‌را عيراق و ئیرانێ دا، 13 ملیار دۆلار ده‌رباز كرینه و پشتی توركیا، ئیران ب هه‌ڤپشكا دویێ يا بازرگانیا عيراقێ دهێته وه‌سف كرن.
ئاژانسا نووچێن ئیرنێ یا ئیرانی ل سه‌ر زارێ ئیره‌ج مه‌سجدی بالیۆزێ ئیرانێ ل عيراقێ راگه‌هاند: قه‌باره‌یا بازرگانیا د ناڤبه‌را عيراق و ئیرانێ دا، د سالا بوری دا 13 ملیار و 210 ملیۆن دولار بووينه، پشتی توركیایێ، ئیران وه‌لاتێ دويێ يه كو پترترین هه‌ڤگوهه‌ڕتنا بازرگانی ل گه‌ل عيراقێ دكه‌ت.
بالیۆزێ ئیرانێ ئه‌و یه‌ك ژی دیار كر كو قه‌بارێ كه‌لوپه‌ل و كه‌ره‌ستێن نه‌يێن نه‌ته‌وی ب بهایێ شه‌ش ملیار و 500 ملیۆن دولاران بوويه.
ئه‌ڤرۆ نيوز، فاتما مزوورى:
د نووترين داخویانی دا ژبۆ كه‌نالێ فۆكس نیوز، دۆنالد تره‌مپ سه‌رۆك كۆمارێ ئه‌مه‌ریكا ل دۆر به‌رده‌وامبوونا سه‌ره‌ده‌ریا بازرگانی یا وه‌لاتێن ئورۆپا ل گه‌ل ئیرانێ راگه‌هاند: هه‌ر وه‌لاته‌كی ئورۆپی هزرا وێ ئێكێ بكهت ل گه‌ل ئیرانێ سه‌ره‌ده‌ریا بازرگانيێ بكهت، دێ راستی سزایێن ئابووری یێن ئه‌مه‌ریكا بيت.
ل دۆر ئالۆزیێن ڤێ دووماهیێ یێ ناڤخۆ یێن ئیرانێ دۆنالد تره‌مپ ئاماژه ب وێ یه‌كێ كر كو ده‌ستهه‌لاتدارێن ئیرانێ ئێدی ده‌ستێوه‌ردان ل وه‌لاتێن رۆژهه‌لاتا ناڤین و وه‌لاتێن دن ناكه‌ت.
گۆتژى: “ئه‌و ب ئاريشێن خوه ڤه مژوولن و د نها دا رۆلێ وان د بوویه‌رێن سوریا دا كێمتر بوویه”.
ئاماژه ب وێ چه‌ندێ ژى كر كو ل یه‌مه‌ن و گه‌له‌ك وه‌لاتێن دى ب هه‌مان ره‌نگ رۆل و كارتێكرنا وان وه‌كو جاران نه‌مایه.
ل دۆر بهایێ نه‌فتێ ژی تره‌مپ ره‌خنه ل وه‌لاتێن ئه‌ندام د رێكخستنا ئۆپێك دا گرت و هه‌ڤده‌م رێكخستنا ئۆپێك ب وێ یه‌كێ تۆمه‌تبار كر كو ده‌ستكاری یا بهایێ نه‌فتێ دكه‌ت و راگه‌هاند: ب نه‌رینا من دڤێت ئۆپێك دو ملیون به‌رمیل نه‌فت به‌رهه‌م بینيت دا كو وێ ڤالاهی و خواستا ل سه‌ر نه‌فتێ ل سه‌ر ئاستێ جیهاتێ به‌رهه‌م بينن.
ئه‌ڤرۆ نيوز، فاتما مزوورى:
ئاژانسا نووچه‌یێن ئه‌لعه‌ره‌بیه ل سه‌ر زارێ عه‌قید ئه‌حمه‌د نایف په‌یڤدارێ هێزێن زێره‌ڤانی یێن سنوری ل پارێزگه‌ها ئه‌نبار به‌لاڤ كریه كو عيراقێ ده‌ست ب دیواره‌كێ ئه‌منی ب درێژاهیا سنورێن سوریا كریه ژبۆ رێگرتن ل هاتنا تيرۆریستان دا كو ئارامی و ئاسایشا عيراقێ بپارێزيت.
وی په‌یڤداری گۆتژی: ” ده‌ما 10 رۆژانه وان ده‌ست ب دروستكرنا وی دیواری كرى و دانانا تاوه‌رێن چاڤدێریێ ب درێژاهیا سنور ژی داناینه”.
ناڤبری هه‌روه‌سا ئاماژه ب وێ یه‌كێ ژی كر كو وه‌كو قۆناغا ئێكێ ب درێژاهیا 20 كێلومه‌تران ل ده‌ڤه‌را قائیم ده‌ست ب ئاڤاكرنا دیواره‌كی كريه و د ناڤبه‌را هه‌ر تاوه‌ره‌كی ژی ئێك كێلۆمه‌تر هه‌یه تایبه‌ت ب چاڤدێریكرنا هێریشێن داعش بۆ سه‌ر ده‌ڤه‌رێ.
هه‌ر چه‌نده حه‌يده‌ر عه‌بادى سه‌رۆك وزه‌يرێن عيراقێ نه‌مانا چه‌كدارێن داعش ل عيراقێ راگه‌هاندبوو كو نه‌ماينه د ناڤ عيراقێ دا، به‌لێ هه‌ر ماوه بۆ ماوه‌ى ل ده‌ڤه‌رێن سه‌ر سنور يێن سوريا هێرشان دكه‌نه سه‌ر پارێزگه‌هێن عيراقێ و نوكه ل ده‌ڤه‌رێن ده‌وروبه‌رێ كه‌ركووك ژى ب ره‌نگه‌كێ گه‌له‌ك به‌رچاڤ ديار بووينه.
ئەڤرۆ نیوز:
ھەلبژارتیێ بەرازیل شیا ب گەھیتە قوناغا چارێک دوماھیا موندیالا روسیا پشتی شیای سەرکەفتنێ لسەر ھەلبژارتیێ مەکسیک تومار بکەت ب دو گۆلان بێ بەرامبەر.
د ڤێ یاریێ دا نیڤا ئێکێ ھەردو ھەلبژارتیێن بەرازیل و مەکسیک شیان ئاستەکێ باش پێشکێش بکەن و خوە نێزیکی گۆلا ھەڤدو بکەن لێ چو ژ ڤان ھێرشان مفا ژێ نە ھاتە وەرگرتن و نیڤا ئێکێ بێ گۆل ب دوماھی ھات.
نیڤا دویێ دا بەرازیل شیا ئاستەکێ باشتر پێشکێش بکەت و ھێرشبەرێ وێ نیمار دا سێلڤا ل دەقیقەیا ٥١ ژ یاریێ گۆلا ئێکانە یا یاریێ توماربکەت پشتی ڤێ گۆلێ سەرەرای ھەمی بزاڤان ژ لایێ ھەردو ھەلبژارتیان ڤە بەرازیل شیا گۆلا دویێ ب رێکا فێرمینیو ل دەقیقەیا ٨٨ توماربکەت و یاری ب سەرکەفتنا بەرازیل ب دو گۆلان بێ بەرامبەر لسەر مەکسیک ب دوماھی ھات ب ڤێ سەرکەفتنێ بەرازیل خوە ب گەھاندە قوناغا چارێک دوماھیێ و مەکسیک ژی خاترا خوە ژ موندیالێ خواست.
ئه‌ڤرۆ نيوز، فاتما مزوورى:
جۆن بۆلتن شیره‌تكارێ ئاسایشا نشتیمانی یێ ئه‌مه‌ریكا راگه‌هاند، واشنتن پلانه‌ك دانایه كو ده‌ما وێ یه‌ك ساله ژبۆ نه‌هێلانا چه‌كێن كۆمه‌لكوژی و موشه‌كێن بالێستی یێن كوریا باكوور ب مه‌رجه‌كى ئه‌و وه‌لات هاریكار بيت و وان چه‌كان ده‌ربێخيت.
گۆتژی: “شاره‌زایێن ڤی واری دبێژن ره‌نگه ئه‌ڤ پرۆسه‌یه ده‌مه‌ك زێده‌تر ب كێشيت، به‌لێ ئه‌گه‌ر ب راستی وان بڕیاره‌ك ستراتیژی هه‌بيت و بخوازن هاريكار بن دكارن ب له‌ز بلڤن و ژ ئالیێ ماددی ڤه پشكه‌كا مه‌زن یا به‌رنامێ وان د ده‌مێ ساله‌كێ دا نه‌هێلن.
بۆلتن ئاشكهرا ژی كر كو دبيت وه‌زیرێ ده‌رڤه یێ ئه‌مه‌ریكا مایك پۆمپیۆ حه‌فتیا بهێت سه‌ره‌دانا كۆریا باكوور بكهت و ڤى بابه‌تى ژبۆ به‌رپرسێن كوریا باكوور پێشنیاز بكهت.
ئه‌ڤرۆ نيوز:
ئەڤرۆ 2-7-2018 لیژنا خزمەتگوزاریان ب سەرۆکاتیا جەھوەر عەلی قائیمقامێ قەزا دھۆکێ ل کوچکا قائیمقامیێ کۆمبوو.
د کۆمبوونێ دا ب ئامادەبوونا ھژمارەکا لایەنێن پەیوەندیدار بەحسێ باشتر گەھاندنا خزمەتگوزاریان بۆ وەلاتیان د ناڤ شوقەیان و چارەسەرکرنا کێشە و گرفتان ھاتە کرن.
تەوەرێ بجھئینانا پرۆژێن ماینە ب رێڤە ژی ھاتە گەنگەشەکرن، ژبۆ چارەکرنا کێشەیا ئاڤێ ل پرۆژێ پاشا ستی بڕیار ھاته دان کو عومبارەک ژبۆ ڤی پرۆژی بھێتە دروستکرن.
نيشاندان