ئه‌ڤرۆ نيوز:
قايمقاميا قه‌زا دهۆكێ ئاگه‌هداريا ڤان شوونكاران دكه‌ت يێن ناڤێن وان ل خوارێ دياركرى، كو سه‌ره‌دانا قايمقاميا قه‌زا دهۆك بكه‌ن دا كو پلێتێن گازا سپى وه‌رگرن.
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
بەغدا ئاریشەیا بودجێ نینە و داھاتەکێ زۆر ھەیە بۆ دانا پارێ ھەرێما کوردستانێ
ئه‌ڤرۆ نيوز:
ھەرچەندە حوکمەتا ھەرێما کوردستانێ و یا بەغدا رێکەفتینە لدۆر ھژمارەک پرسێن ئابووری و داھات و خالێن سنوری، بەلێ ھێشتا یا رۆھنیە ناڤەڕۆکا ئەڤێ رێکەفتنێ، کو دێ ب شێواز مووچە ژلایێ بەغدا ھێتە ھنارتن و پتڕۆلا ھەرێما کوردستانێ دێ چەند بۆ بەغدا چیت، بەرپرسەکێ بەرێ یێ وەزارەتا دارایی و ئابوورا بەغدا ئاماژە بڤێ چەندێ دکەت، بەغدا داھاتەکێ زۆر ھەیە و دشێت گورەی بودجێ پارەی بمەزێخیت.
دکتۆر فازل نەبی، بریکارێ بەرێ یێ وەزارەتا دارایی و ئابوورا عێراقێ بۆ رۆژناما ئەڤرۆ گۆت” رەوشا ئابوورا عێراقێ یا بەرەف باشبوونێ دچیت، ژبەرکو رێژەیا بەرھەمئینانا پتڕۆلێ ھاتیە زێدەکرن ژلایێ حوکمەتا عێراقێ ڤە، بھایێ پتڕۆلێ ژی ل بازاڕێن جیھانێ بلندبوویە و گەھشتیە 60 دۆلارێن ئەمریکی ئەگەر حوکمەتا عێراقێ ئێک بەرمیلا پتڕۆلا خوە ب 54 دۆلاران بفرۆشیت عێراقێ پێدڤی ب چو قەڕو پارێن زێدەتر نابیت بۆ تژیکرنا بودجا خوە، عێراقێ دەست ب ئەڤێ غازا دھاتە سووتنکریە و دگەل ھژمارەک کۆمپانیێن ناڤو دەنگێن جیھانێ یا کار ل سەر ئەڤێ غازێ دکەت و داھاتەکێ زۆر بۆ عێراقێ ڤەگێڕایە، ئەڤە سەرەرای ڤێ چەندێ 300 ھزار بەرمیلێن پتڕۆلا کەرکووکێ نوکە ژلایێ کۆمپانیا سۆمو تێنە بەرھەمئینان و ئەوژی بۆ بەغدا ڤەگەڕیاینە.
ل دۆر داھاتێ ھەرێما کوردستانێ و رێژەیا داھاتی بۆ دانا مووچا دکتۆر فازل نەبی گۆت” مخابن ھەرێما کوردستانێ بەرەف خراپتر چو نەشیا خوە رێڤەببەت، ژبەرکو ئەف 300 ھزار بەرمیلێن پتڕۆلا کەرکووکێ ژدەستدان و بێی پتڕۆلا کەرکووکێ ھەرێما کوردستانێ نەشێت ب داھاتێ خوە مووچێ فەرمانبەران دابین بکەت، تنێ ب ئێک رێکنەبیت ئەوژی ھەموو داھاتێن ھەرێما کوردستانێ بچنە گەنجینا دارایی و چاکسازی بھێـتەکرن ڤێجا ئەگەر بێی بەغدا پارێ داھاتێ ھەرێما کوردستانێ بەھرا مووچێ فەرمابنەران بکەت.
رێڤەبەرێن پەروەردا دێ ھێنە گوھورین
ئه‌ڤرۆ نيوز:
بەرپرسەکێ وەزارەتا پەروەردێ ئاشکەرەکر، بڕیارە ل ئایندەیەکێ نێزیک نێزیکی بیست رێڤەبەرێن پەروەردێ ل سەرانسەری ھەرێما کوردستانێ بھێنە گۆھڕین و دیارکر، ھەر رێڤەبەرەکێ چوار سال بۆرین لسەر دەست بکاربووناوی دێ ھێتە گۆھڕین و ب دوو قۆناغان دێ ھەموو رێڤەبەر ھێنە گۆھڕین و رێڤەبەرێن نوو دێ ھێنە دانان.
ئەحمەد گەل، رێڤەبەرێ گشتی ل وەزارەتا پەروەردێ بۆ رۆژناما ئەڤرۆ گۆت” بەری نوکە وەزارەتێ پلانەک ھەبوو ھەموو رێڤەبەرێن پەروەردێن ھەرێما کوردستانێ بھێنە گۆھڕین یێن چوار سالن د پۆستێ خوەدا، بەلێ ب ئەگەرێ ئەڤان کاودانێن نوکە ھەرێما کوردستانێ تێدا دەربازدبیت و قەیرانا ئابووری و ھاتنا ئەزموونێن پەروەردێ ھاتیە گیرۆکرن، بەلێ نوکە وەزارەت یا رژدە لسەر ڤێ چەندێ د ئایندەیەکێ نێزیکدا ئەف گۆھڕین بھێنەکرن و ھژمارەک رێڤەبەرێن پەروەردا ل زاخۆ ھەتا سلێمانیێ دێ ھێنە گۆھڕین و ھەموو دەڤەران دێ ڤەگریت.
ئەحمەد گەلی دیارکر” ھەر رێڤەبەرەکێ چوار سالێن خوە تەمام کربن دێ ھێتە گۆھڕین و وەرگرتنا رێڤەبەرێن نوو گورەی مەرجێن پێدڤیە و ناڤێن بەربژێرانژی ھاتینە وەرگرتن، کو تێتە پێشبینیکرن د قۆناغا ئێکێ دا ھەتا 20 رێڤەبەرێن پەروەردێ بھێنە گۆھڕین و قۆناغا دویێ ژی دێ ھژمارەک رێڤەبەرێن دی یێن پەروەردێ ھێنە گۆھڕین، چونکە ئەف گۆھڕینە گیرۆبووینە و ھژمارا ئەڤان رێڤەبەرێن چوار سالێن خوە تەمامکرین زۆربووینە.
سوپايێ توركيا چو ناڤ عه‌فرين
بۆچی خوەنیشادانێن ئیرانێ بەردەوام نەکرن
ئەڤرۆ نيوز:
پشتی خوەنیشادانێن سەرێ سالێ کو د ئەنجام دا گەلەک کەس ل ئیرانێ ھاتنە کوشتن و ب سەدان کەسان ژی ھەتا نھا ل زیندانێ دانە خوەنیشادانان بەردەوام نەکرن و چاڤدێرێن سیاسی ژی چەند خالەکان وەکو ئەگەرێن سەرەکی یێن راگرتنا خوەنیشادانان دیار دکەن.
د ڤێ دەربارێ دا د. مەحمود خالدی مامۆستایێ زانکۆیێ ل رۆژھەلاتێ کوردستانێ دیار کر کو چەند خالێن گرنگ ھەنە کو ژ بەر ھندێ ژی خوەنیشادان ھاتنە راگرتن، یا یەکێ ئیرانێ ب ھەموو ھێزا خوە ھێرشی خەلکێ کر و گەلەک کەس ھاتنە کوشتن، تشتێ ئەز دزانم ھژمارا کوشتیان گەلەکێ زێدەیە لێ بەرپرسێن ئیرانێ راستیان بۆ رایا گشتی یا جیھانێ ئاشکرا ناکەن، یا دی ل ئیرانێ راگەھاندنا ئازاد نینە کو بەحسێ راستیان بۆ خەلکی بکەت، ژ بەر ھندێ ژی گەلەک تشت ناھێنە ئاشکرا کرن و گۆت: (خالا دی و یا گرنگ ژی خوەنیشادان رێکخستن کری نەبوون و چ ھێزەک ژی پشتەڤانی ل خوەنیشادەران نەدکر، ھەتا ئەز دشێم بێژم ئەمریکا و وەلاتێن ئورۆپی یێن کو رۆژانە دبێژن ئەم پشتەڤانیێ ل گەلێ ئیرانێ دکەین وان ژی پشتەڤانی نەکر، چونکو رژێما نھا یا ئیرانێ ب کریارێن خوە خزمەتا ئەمریکا و ئورۆپا دکەت و تنێ کەسێن کو دبنە قوربانی ژی گەلێن ئیرانێ نە).
ناڤبری ئەو یەک ژی دیار کر کو کوردان و گەلەک نەتەوێن دی رۆلەکا بەرچاڤ د ڤان خوەنیشادانان دا نەبوون، چونکو کوردان و نەتەوێن دی وەکو بەلۆچ کو نھا گەلەک زۆلم و زۆرداری ل وان دھێتە کرن نەدزانین کا دی ئەنجامێ خوەنیشادانان بەر ب کیڤە بچن، چونکو ئەوێن ب ناڤێ ئۆپۆزسیۆنا ئیرانێ ل ئەمریکا و ئورۆپا پتر ژ رژێما نھا یا ئیرانێ دژبەریا مافێ کوردان دکەن، ژ بەر ھندێ ژی کوردان چو ھێڤیەک ب ڤان خوەنیشادانان نەبوون و رۆلەکا لاواز گێران و ئەو یەک ژی ئەگەرەک گرنگ بوو کو خوەنیشادان پشتی دەمەکێ ھاتنە راگرتن.
چاڤدێرێن سیاسی ل ئیرانێ دیار دکەن کو ھەر چەندە نھا خوەنیشادان ھاتینە راگرتن لێ ئەو یەک رامانا ھندێ نادەت کو خەلکێ ئیرانێ گەھشتیە مافێ خوە و ئێدی خوەنیشادان ناھێنە کرن، چونکو نھا ل ئیرانێ رێژەکا مەزن یا خەلکی بێکارە، رەوشا ژیانا خەلکی ب گشتی خرابە و ئازادی ل ئیرانێ نینە، ژ بەر ھندێ ژی تاخێ گەنجان و ژن نھا ژی ب رەنگێن جودا جودا نەرازیبوونا خوە ل دژی سیستەمی نیشا ددەن و شۆرەشا دەرسۆکێ ل ئیرانێ کو ژن پێشەنگیا وێ دکەن بەردەوامە و ئەو یەک ژی نیشا ددەت کو ھەتا پرسگرێکێن سەرەکی یێن خەلکی نەھێنە چارەکرن رەنگە پشتی دەمەکێ دیسان خوەنیشادان ل ئیرانێ دەستپێ بکەن.
بۆ لێدانا پەکەکێ، عیراق دێ ھاریکاریا تورکیا کەت
ئەڤرۆ نيوز:
عەبدولمەلیک حوسەینی، رێڤەبەرێ نڤیسینگەھا راگەھاندنا سەلیم جبووری، سەرۆکێ جڤاتا نوونەرێن عیراقێ راگەھاند” سەلیم جبووری حوکمەتا تورکیا ئاگادار کریە کو بەغدا یا بەرھەڤە بۆ ئەنجامدانا ئوپەراسیونا سەربازی دژی پارتا کرێکارێن کوردستانێ، ل دەڤەرێن چیایی یێن کوردستانێ و دەڤەرێن دی ھەڤکاریا ئەنقەرە بکەت”.
سەلیم جبووری ھەبوونا گەریلایێن پەکەکێ ل ئاخا عیراقێ رەت کریە کو ببیتە گەف بۆ سەر ئاسایشا دەڤەرێ.
ھێلا ئاسمانی یا ئوردنی دێ گەشتێن کوردستانێ دەست پێ کەت
ئەڤرۆ:
کۆمپانیا ھێلا ئاسمانی یا ئوردنی راگەھاند، دەستپێکا مەھا بھێت، دێ گەشتێن خوە یێن ئاسمانی بۆ فرۆکخانێن ھەرێما کوردستانێ دەستپێکەت.
کۆمپانیا ھێلا ئاسمانی یا ئوردنی بەلاڤکریە کو ئێکی مەھا 4 دێ گەشتێن ئاسمانی ژ فرۆکخانا عەمانا پایتەخت بۆ ھەردو فرۆکخانێن ھەولێر و سلێمانیێ دەستپێکەن و ھەفتیانە دێ 10 گەشت بۆ ھەولێرێ و 4 ژی بۆ سلێمانیێ ھەبن.
پشتی رێفراندۆمێ، حکومەتا ئیراقێ کۆمەکا سزا و دۆرپێچان دانانە سەر ھەرێما کوردستانێ و ئێک ژ وان ژی داخستنا فرۆکخانان بوو، بەلێ بەری چەند رۆژان جارەکا دی فرۆکخانە ھاتنە ڤەکرن.
شاسوار عه‌بدولواحد تووشى هێرشه‌كێ بوو
ئه‌ڤرۆنيوز:
ئه‌ڤرۆ شه‌مبيێ 17/3/2018 ل قه‌زايێ چه‌مچه‌مال هێرش ل سه‌ر شاسوار عه‌بدولواحد هاته كرن وقايمقامێ وێ قه‌زايێ دياركر كو شاسوارى به‌رى هێرشكرنێ ب وان راگه‌هاندبوو كو ئه‌و پێدڤى هێزێن ئه‌منى نينه بۆ پاراستنا وى.
ره‌مه‌ك ره‌مه‌زان، قايمقامێ چه‌مچه‌مال راگه‌هاند” ئێڤاريا ئه‌ڤرۆ شه‌مبيێ، شاسوار عه‌بدولواحدى سميناره‌ك ل چه‌مچه‌مال ئه‌نجامدا، به‌لێ گرژى دناڤبه‌را به‌رهه‌ڤبوويان دا په‌يدابوو وشاسوارى سمينار راگرت”.
ناڤبرى زێده‌تر بۆ باسنيز گۆت” ئه‌و هه‌رده‌م هيزێن ئه‌منى دهنێرنه چالاكيێن ب وى شێوه‌ى، به‌لێ به‌رى سمينارێ شاسوارى قه‌بوول نه‌كر ئه‌م هيزێن ئه‌منى ب هنێرين وب مه راگه‌هاند كو وان پێدڤى ب هيزێن ئه‌منى نينه”.
ئاشكراكر ژى” خه‌لكى شاسوار وستافێ وى ئازار نه‌دانه، به‌لێ زيان گه‌هاندنه ترومبێلێن وان هومه هێزێن خوه هنارتن بۆ كونترۆلكرنا ره‌وشێ”.
بريسيێ وه‌لاتيه‌ك كوشت
ئه‌ڤرۆنيوز:
به‌رى نيڤرۆيا ئه‌ڤرۆ شه‌مبيێ 17/3/2018 ل گونده‌كێ قه‌زا پشده‌ر ژ ئه‌گه‌رێ لێدانا بريسيه‌كێ وه‌لاتيه‌كى گيانێ خوه ژده‌ستدا.
عوسمان محه‌مه‌د، جێگرێ رێڤه‌به‌رێ نه‌خوه‌شخانا شه‌هيدێن قه‌لادزێ دداخۆيانه‌كا رۆژنامه‌ڤانى دا راگه‌هاند” ئه‌ڤرۆ وه‌لاتيه‌كێ 63 سالى ژ گوندێ شينێ ل قه‌زا پشده‌ر هاته ڤه‌گۆهاستن بۆ نه‌خوه‌شخانا مه كو بارێ وى يێ ساخله‌ميێ دمه‌ترسيێ دابوو ژئه‌گه‌رێ لێدانا بريسيێ ده‌مێ دناڤ ره‌زێ خوه دا كاردكر “.
دياركر” ژ ئه‌گه‌رێ كاريگه‌ريا بريسيێ، پشتى نيڤ ده‌مژمێرێ ژ گه‌هاندنا وى بۆ نه‌خوه‌شخانێ، گيانێ خوه ژده‌ستدا”.
كه‌سه‌كى هه‌ڤژين وكۆره‌كێ خوه كوشتن
ئه‌ڤرۆنيوز:
ل گونده‌كێ سنورێ ناحيا رۆڤيا ل قه‌زا به‌رده‌ره‌ش، كه‌سه‌كى هه‌ڤژينا خوه وكۆرێ خوه كوشتن وبۆ جهه‌كێ نه‌ديار ژى ره‌ڤى.
قاسم عه‌بدولسه‌مه‌د، رێڤه‌به‌رێ ناحيا رۆڤيا راگه‌هاند” وه‌لاتيه‌كێ گوندێ ئيسماوا ل سنورێ ناحيا رۆڤيا ب ده‌ست درێژيا گوله‌يان هه‌ڤژين وكۆره‌كێ خوه كوشتن وبۆ جهه‌كێ نه‌ديار ره‌ڤى”.
قاسمى زێده‌تر بۆ رووداو دياركر” ژئه‌نجامێ شه‌ره‌ده‌ڤه‌كێ، وى وه‌لاتى گوله ئاراسته‌ى خێزانا خوه كرن ودئه‌نجامدا هه‌ڤژينا خوه وكۆره‌كێ خوه كوشتن وكۆره‌كێ دى ژى برينداركر”.
گۆت ژى” وى كه‌سى سێ هه‌ڤژين يێن هه‌ين، پۆليسێن رۆڤيا ژى ده‌ست ب ڤه‌كۆلينێ دوێ روودانێ دا كريه”.
نيشاندان
WP Facebook Auto Publish Powered By : XYZScripts.com