ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ راگه‌هاند كو ل هه‌فتيا داهاتى مووچێ ڤان جهان دێ هێته به‌لاڤكرن:
ئه‌ڤرۆنيوز، نه‌وزاد هلۆرى:
جوتیاره‌كێ گوندێ بالندا يێ سه‌ر ب ده‌ڤه‌را بارزان ڤه د نووترین داهێناندا كارێ خوه حه‌فت جاركى ب ساناهى كریه ئه‌و ژى ب چێكرنا ئامیره‌كێ تایبه‌ت ب چاندنا توفكێ ده‌رامه‌تىو ئه‌ڤه سه‌ره‌راى كو چو وه‌ستيانێ ژى نابه‌ت.
عه‌بدولخالق زێبارى ئه‌و جوتیاره بۆ ئه‌ڤرۆ نیوز دبێژيت” ئه‌ز سالانه چاندنێ دكه‌م ب تایبه‌تى ده‌رامه‌تێ وه‌كو (باجان ،خیار ، شتى ، گوندور ، كولند و بامى) و گه‌له‌ك ده‌رامه‌تێن دى، ئه‌ز گه‌له‌ك پێدڤى ب ده‌مى مه هه‌تاكو بكارم توفكێ وان ده‌رامه‌تان هه‌موويان بچينم ، ژبه‌رڤێ من هزر دوێ یه‌كێ دا كر كو پێدڤیه كاره‌كێ بكه‌م ببیته هاریكار كو بارێ من سڤك بیت و كارێن من ژى ب ساناهیتر ب رێڤه بچن و ژ وه‌ستيانێ و پشت ئێشانێ ژى دوور ببم، ژ به‌رڤێ ئه‌ز رابووم ب چێكرنا ئامیره‌كێ تایبه‌ت ب چاندنا توفكێ ده‌رامه‌تى ڤه و تێدا يێ سه‌ركه‌فتى بووم”.
زێده‌تر گۆت” ئه‌ڤ ئامیرێ من چێكرى چو ناڤێن زانستى نینن و مه ناڤێ وێ كریه ئامیرێ چاندنا توفكێ ده‌رامه‌تى ، به‌لێ شیانێن حه‌فت به‌رامبه‌ر چاندنا توفكێ ده‌رامه‌تى یه ب ده‌ستى ،ئه‌ڤه سه‌ره‌راى كو مرۆڤ ناروونيت خوار، به‌لكو هه‌ر ژ پیاڤه دهێته چاندن ،هه‌كه مرۆڤ ب ده‌ست توفكێ ده‌رامه‌تى بچینیت، دێ دهه‌ر ده‌مژمێره‌كێ دا هه‌تا نێزیكێ 500 دندكان چینیت ، به‌لێ ب هه‌مان ده‌مى هه‌كه ب رێیا ڤى ئامیره‌ى بهێته چاندن، دێ د ده‌مژمێره‌كێ دا هه‌تا نێزیكێ شه‌ش هزار دندكان چینیت وهه‌كه مرۆڤ رۆژانه ب ده‌ستى توفكێن ده‌رامه‌تى بچینیت، دبيتهه‌تا نیڤرۆ پێنج هزار دندكێن توفكى بچینیت، به‌لێ هه‌كه ب رێیا ڤى ئامێره‌ى بچینیت، دێ هه‌تا نێزیكێ 30 هزار دندكان چینیت”.
ناڤبرى دیاركر ژى كو هه‌تا نها چو ئامیرێن تایبه‌ت ب چاندنا توفكێ ده‌رامه‌تى ل كوردستانێ نینن و هه‌ر ب ده‌ست دهێنه چاندن و ده‌م ووه‌ستيانه‌كا مه‌زن دهێته‌برن و گۆت ژى” ئه‌ڤ ئامیره پێكدهێت ژ ئاسنه‌كێ كون كو زێده‌تر ژ مه‌تره‌كێ يێ بلنده و ل سه‌رێ وى كوفكه‌ك پێڤه‌یه داكو دندكێن ده‌رامه‌تى بكه‌ن تێدا و ل خوارێ ژى كون یا ڤه‌كریه و ده‌رگه‌هه‌ك پێڤه‌یه و ل ده‌مێ چاندنا ده‌رامه‌تى ئه‌و ده‌رگه‌ه ڤه دبیت، و سه‌ر و بنێن وێ ئاسنى ب تێله‌كێ ڤه هاتینه گرێدان و هه‌رده‌مى ل سه‌رى بهێته گڤاشتن، ئێكسه‌ر ده‌رگه‌هێ وێ ل خوارێ ڤه دبیت و توفك دكه‌ڤیته سه‌ر ئه‌ردى، دیسان ل خوارێ سه‌رێ ئاسنى هاتیه تیژكرن داكو ئه‌و ب خوه جهێ دندكا توفكێ بكولیت ده‌مێ ئه‌و دندك دكه‌ڤیته ئه‌ردى دا بچته د ئاخێ دا”.
ئەڤرۆ نیوز، نەوزاد هلۆری:
وەزارەتا خواندنا بلند و ڤەكولینێن زانستی یا حوكمەتا هەرێما كوردستانێ دیاركر كو ئەڤرۆ شاندەكێ وەزارەتا خواندنا بلند و ڤەكولینێن زانستی یا عیراقێ سەرەدانا وان كریە ب مەرەما هوربينيێ ل سەر لیستا موچەخۆر و فەرمانبەرێن وەزارەتا خواندنا بلند.
د راگەهاندنەكێ دا وەزارەتا خواندنا بلند و ڤەكولینێن زانستی ل هەرێما كوردستانێ دیاركر كو وەزارەتا خواندنا بلند و ڤەكولینێن زانستی یا عیراقێ ب سەرۆكاتیا (محەمەد عەبد عەتیە) سەرۆكێ لژنا بلند يا هووربينيێ سەرەدانا وان كریە و مەرەما وان ژی هوربینی یە ل سەر لیستا موچەخۆر و هژمارا فەرمانبەرێن وەزارەتا خواندنا بلند و ل دەما دوو رۆژێن بۆری چەند كۆمبوون ل سەر هوربینیكرنێ هاتینە ئه‌نجامدان.
زێدەترتێدا هاتيه، سەرۆكێ لژنا ناڤبری یا عیراقێ داخوازكریە كو هەڤكاریا وان بهێتەكرن تاكو ب زووترین دەم هەموو هوربینی بهێنەكرن و هەموو ئەو ناڤ بۆ بەغدا بهێنە ڤرێكرن تاكو موچێن فەرمانبەرێن هەرێمێ ب هێتە هنارتن.
ئه‌ڤرۆنيوز:
ژبه‌ر نه‌بوونا مۆله‌تا كاركرنێ، حوكمه‌تا عيراقێ بريارا برينا هێلا په‌يوه‌نديا ته‌له‌فۆنى دناڤبه‌را كۆمپانيێن كوردتێل ل سلێمانيێ ونه‌ورۆز تيليكۆم ل هه‌ولێرێ ل گه‌ل هه‌موو كۆمپانيێن مۆبايلێ ل عيراقێ ده‌ركر.
فاتح ئه‌حمه‌د، په‌يڤدارێ كۆمپانيا نه‌ورۆز تيليكۆم دداخۆيانيه‌كا رۆژنامه‌ڤانى دا گۆت” تۆرا راگه‌هاندنا عيراقى يا ب سه‌ر حوكمه‌تا عيراقێ ڤه، تۆرا په‌يوه‌نديێ يا هه‌ردو كۆمپانيێن نه‌ورۆز تيليكۆم وكوردتێل ل گه‌ل هه‌موو مۆبايلێن عيراقێ برى”.
دياركر ژى كو وان چه‌ندين ساله مۆله‌ت ژحوكمه‌تا هه‌رێما كوردستانێ وه‌رگرتيه وب فه‌رمى كارى خوه كريه، به‌لێ كۆمپانيێن كۆره‌ك مۆبايل وئاسيا سێل وزه‌ين بێ زڤرين بۆ وه‌زاره‌تا ڤه‌گۆهاستنێ وگه‌هاندنێ ل هه‌رێما كوردستانێ، ئێكسه‌ر ئه‌و بريار يا بجهئيناى”.
په‌يڤدارێ نه‌ورۆز تيليكۆم دياركر” ئه‌و سزايه‌كا دى يا به‌غدايه بۆ سه‌ر هه‌رێما كوردستانێ، چونكى ژبه‌ر وێ بريارێ، هژمارێن خزمه‌تگوزاريێن وان كو په‌يوه‌ندى ب خه‌لكى ڤه هه‌يه، كارناكه‌ن وه‌كو 104 و124 ويێن دى ژى”.
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ رۆهنكرنه‌كێ ل دۆر وى كوژمێ پاره‌ى ئه‌وێ به‌غدا هنارتيه هه‌رێمێ دده‌ت ودبێژيت ئه‌و پاره بۆ لقێ به‌نكا ناڤه‌ندى يا عيراقى ل هه‌ولێرێ يێ هاتيه ڤرێكرن وڤێ به‌نكێ په‌يوه‌ندى ب وه‌زاره‌تا دارايى يا هه‌رێمێ ڤه نينه.
درۆهنكرنا وه‌زاره‌تا دارايى دا كو دمالپه‌رێ وێ يێ فه‌رمى دا به‌لاڤبوويه، هاتيه” ل رۆژا پێنج شه‌مبيا بۆرى 25/1/2018، كوژمێ 250 مليار دينار ژبه‌نكا ناڤه‌ندى يا به‌غدا هاتيه هنارتن بۆ لقێ به‌نكا ناڤه‌ندى يا عيراقێ ل هه‌ولێرێ كو ڤێ به‌نكێ په‌يوه‌ندى ب وه‌زاره‌تا دارايى وئابوورىيا حوكمه‌تا هه‌رێمێ نينه وكارێن وێ دبن بريارێن به‌نكا ناڤه‌ندى دانه.
وه‌زاره‌تا دارايى دياردكه‌ت ژى كو چو پاره‌ك ژ به‌غدا نه‌گه‌هشتيێ بۆ به‌لاڤكرنا مووچه‌ى، به‌لكو لژنێن هاتينه پێكهاتن دناڤبه‌را به‌غدا وهه‌ولێرێ دبه‌رده‌وامن ل هووربينيێ ل هه‌موو وه‌زاره‌تان ژبلى هه‌ردو وه‌زاره‌تێن پێشمه‌رگه وناڤخوه.
هه‌ر دوێ رۆهنكرنێ دا هاتيه” وه‌زاره‌تا دارايى وئابوورى هه‌موو لايه‌كى پشت راست دكه‌ت كو دێ به‌رده‌وامبين ل سه‌ر به‌لاڤكرنا مووچه‌ى وهه‌ر برياره‌ك ژبه‌غدا بهێت، دێ وه‌زاره‌تا مه راگه‌هينيت”.
ئەڤرۆ، نیوار محەمەد سەلیم:
سەرۆکێ داخوازکارێ گشتی ل دھۆکێ راگەھاند کو رێیا ریکسوس نەھاتیە ڤەکرن و چو رێکەفتن ژی نەھاتینە. دا زانین ژی کو نابیت رێیەکا ب تنێ بھێتە ڤەکرن دێ ئاریشان زێدەتر لێ کەت.
قاسم حەسەن عەبدولقادر، سەرۆکێ داخوازکارێ گشتی ل دھۆکێ د داخۆیانیەکێ دا بۆ رۆژناما ئەڤرۆ دیارکر کو ھەکە جاددە ب دروستی نەھێتە ڤەکرن ئەو نەھاتیە ڤەکرن و گۆت: “ھەکە ئەو رێیەکێ ڤەکەن و جاددە ئێک لا بیت دێ کێشێ مەزنتر لێ کەن و دێ ئاریشە پەیدا بن”.
سەرۆکێ داخوازکارێ گشتی ل دھۆکێ زێدەتر گۆت: “پێدڤیە ئەو جاددا خزمەتگۆزاری یا ژ لایێ حوکمەتێ ڤە ھاتیە چێکرن وەکو مافەکێ وەلاتیان بھێتە ڤەکرن”.
ئاشکەرا ژی کر کو کەس ھەبووینە وچووینە دەف و گەفێن ڤەکرنا رێ ب ھێزێ کرینە، بەلێ وی داخواز ژێ کریە کو سەبرێ بکێشن و ئەو دێ بابەتی ب رێیا قانوونی چارە کەت و گۆت: “ئەز مرۆڤەکێ ئاشتی خوازم و من نەڤێت نەخۆشی پەیدا ببن”.
سەرۆکێ داخوازکاریا گشتی ئاماژە ب وێ چەندێ ژی کر کو پێدڤیە ئەو کابینێن پۆلیسان ژی نەمینن، ل گەل وان کێلبستۆنێن ھاتینە دانان، “ل پشت ئۆتێلێ ژی جھێن گرتین و کابینە یێن داناینێ”.
قاسم حەسەن ئاماژە کرە گۆتنا مەسعود بارزانی، دەما دبێژیت “کەس ژ قانوونێ مەزنتر نینە.” و گۆت: “دێ نوکە بینین کا مرۆڤێن ژ قانوونێ مەزنتر ھەنە یان نە”.
گۆتژی: “ئەم یێ ل گەل نوونەرێ باژێرڤانیێ ژی ئاخفتین و مەیا گۆتیێ کو چو رێکەفتن نینن و پێدڤیە ئەو رێ ب دروستی بھێتە ڤەکرن و مافێ گشتی یە و پێدڤیە بھێتە چارەکرن”.
ل 15ی چریا دویێ 2017 سەرۆکێ داخوازکاریا گشتی داخواز ژ دادگەھا ڤەکۆلینا ل دھۆکێ کربوو کو پێرابوونێن پێدڤی ل ھەمبەر سەرپێچیا خودانێ ئۆتێلا ریکسوس وەربگرن بەرامبەر رێ نەدان ب ڤەکرنا رێیا خزمەتگۆزاری.
پاشان پشتی بەلاڤبوونا ڤی بابەتی ل تۆڕێن جڤاکی و دەنگڤەدانا مەزن یا وەلاتیان ل سەر ڤێ چەندێ باژێرڤانیا دھۆک ل گەل خودانێ ئۆتێلا ریکسوس رێکەفتنەک کر کو ئوڤەرپاسەک بھێتە چێکرن دا کو رێ ل وێرێ نەھێتە گرت و ھاتنوچوونێ ژی چەندین رێیێن دی یێن لاوەکی ڤەکرن دا کو ئەو رێ نەھێتە ڤەکرن، بەلێ ھەر نەبوو چارە.
یونس عەلی بەرپرسێ پشکا تەکنیکی ل سەرۆکاتیا باژێرڤانیا دھۆکێ بۆ رۆژناما ئەڤرۆ دیارکر کو ئەو و کارگێریا ئۆتێل ریکسۆس گەھشتینە رێکەفتنەکا ناڤین کو شەش مەتر بۆ ھاتنوچوونا وەلاتیان و ترۆمێلان ل بەرامبەر ئاڤاھیێ ئۆتێلێ بھێنە ڤەکرن کو زیان نەگەھنە وەلاتیان و خودانێ ئۆتێلێ ژی.
رۆژناما ئەڤرۆ سەرەدانا جھێ ڤەکرنا رێ ل بەرامبەر ئۆتێل ریکسوس کر و دیار بوو کو ئەو چارەیا وان ل گەل باژێرڤانیێ دیتی نە ڤەکرنا جاددا خزمەتگۆزاری یە، بەلکو ھندەک کلبستۆنێن مەزنتر ل بەرامبەر جاددێ داناینە و دێ شووستەیی و جھێ کەسکاتی وەکو جاددە بکارئینن.
ئەڤرۆ نيوز:
چەندین دەزگەھێن راگەھاندنا فارسی ل ئورۆپا و ئەمریکا دیار دکەن کو ب فەرمانا سەرۆکێ شۆرەشا ئیسلامی یا ئیرانێ نھا کار بۆ ئازادکرنا موسەوی و کەروبی دھێتە کرن و ئارمانجا سەرەکی ژ ڤی کاری ژی ئەڤە کو بەرپرسێن ئیرانێ دخوازن ب ڤی رەنگی رۆژەڤا خەلکی ب گوھۆرن و رێ ل خوەنیشادانێن نوو ل ئیرانێ بگرن، چونکو چەند رۆژن ل ھندەک باژێرێن ئیرانێ جارەکا دی خوەنیشادانان دەستپێ کرینە و ترسەکا مەزن ل دەف بەرپرسێن ئیرانێ دروست بوویە کو رەنگە خوەنیشادان ل ھەموو ئیرانێ بەلاڤ ببن و دخوازن ب رێیا ئازادکرنا ھەر دو کەسایەتیێن سیاسی وەسا بۆ خەلکی دیار بکەن کو چو ئاریشە نەماینە و ڤان ھەر دو کەسان بۆ پاراستنا سیستەمێ ئیرانێ بکار بینن.
چاڤدێرێن سیاسی ژی دیار دکەن کو موسەوی و کەروبی بەری نھا ژی چەندین جاران دیار کرینە کو ئەو ل دژی سیستەمێ نھا یێ ئیرانێ نینن و وان دڤێت ھندەک گوھۆرین ل سیستەمی بھێتە کرن، ژ بەر ھندێ ژی رێبەرێ ئیرانێ دخوازیت ب ڤی رەنگی دەنگێ نەرازیبوونا خەلکی کێم بکەت، لێ درووشمێن بەری نھا یێن خەلکی ڤێ راستیێ ژی نیشا ددەن کو رەنگە ئەڤ پیلانە سەر نەگریت، چونکو خەلک داخوازا نەمانا سیستەمێ ئیسلامی ل ئیرانێ دکەن.
ئەڤرۆ نيوز:
رۆژناما لافیگارۆ یا فرەنسی د راپۆرتەکێ دا دیار دکەت کو بزاڤا ئەمریکا بۆ دروست کرنا ھێزەکا سی ھزار کەسان ژ کوردان بۆ پاراستنا سنۆرێ باکورێ سووریێ ئانکۆ رۆژئاڤایێ کوردستانێ کار بۆ ئاڤاکرنا ھەرێمەکا کوردی بوو، ژ بەر ھندێ ژی تورکیا ھێرشی عەفرینێ کر دا نەھێلیت بەرنامێ ئەمریکا سەر بگریت، لێ ئەمریکا دەست ژ بەرنامێ خوە بۆ پشتەڤانی کرنا ژ کوردان بەرنەدایە و ل ئالیێ دی فرەنسا ژی نھا ب رەنگەکێ جدی کار بۆ پشتەڤانی کرنا کوردێن سووریێ دکەت.
د بەردەوامیێ راپۆرتێ دا ئاماژە ب ھندێ ژی ھاتیە کرن کو فرەنسا بەری نھا رۆلەکێ باش بۆ راگەھاندنا ھەرێما باشورێ کوردستانێ ھەبوویە و نھا ژی ئەمریکا و فرەنسا دخوازن پێکڤە ھەرێمەکا دانپێدانکری ژ ئالیێ جیھانێ ڤە بۆ کوردێن سووریێ دروست بکەن، چونکو فرەنسا باش دزانیت ھەتا د ئاستێ جیھانی دا دانپێدانەکا فەرمی ب ھەرێما باکورێ سووریێ ئانکۆ رۆژئاڤایێ کوردستانێ نەھێتە کرن دێ مەترسیا تورکیا ل سەر کوردێن سووریێ یا بەردەوام بیت، ژ بەر ھندێ ژی نھا ئەمریکا و فرەنسا پێکڤە دەست ب خەباتەکا مەزن بۆ پاراستنا کوردێن سووریێ کرینە.
د پشکەکا دی یا راپۆرتێ دا ئاماژە ب پیلانێن مەترسیدار یێن ئەردۆگانی ل دۆر پاشەرۆژا ھەرێما کوردی ل سووریێ ھاتیە کرن و ھاتیە دیار کرن کو فرەنسا ژ پیلانێن کرێت یێن ئەردۆگانی ئاگەھدارە و رێ نادەت ئەردۆگان و گرۆپێن جیھادی یێن ل سووریێ دەڤەرێن کوردان داگیر بکەن، ژ بەر ھندێ ژی بۆ رێگری کرن ژ پیلانێن کرێت یێن ئەردۆگانی فرەنسا دخوازیت د ئاستێ نێڤدەولەتی دا دانپێدانەکا فەرمی ب کیانێ کوردی ل سووریێ بھێتە کرن. ئەمریکا ژی ب ھەموو رەنگەکێ پشتەڤانیێ ل بزاڤێن فرەنسا دکەت و رەنگە د دەمێن داھاتی دا ئەنجام و بەرھەمێن ڤان بزاڤێن ھەر دو وەلاتان پتر دیار بن.
ئەو یەک د دەمەکێ دایە کو پشتی ھێرشا تورکیا یا ل سەر عەفرینێ ب پێشنیازا فرەنسا جڤاتا ئاسایشێ کۆمبوو لێ نەشیا چو بریارەکێ ل دۆر عەفرینێ بدەت، چاڤدێرێن سیاسی ژی دبێژن کو فرەنسا بەردەوامە دا پشتەڤانیەکا جیھانی بۆ کوردێن سووریێ پەیدا بکەت و ھەکە دانپێدانەکا فەرمی و جیھانی ب ھەرێما رۆژئاڤایێ کوردستانێ بھێتە دان، دێ ھەموو پیلانێن تورکیا ژناڤ بچن.
ئه‌ڤرۆ نيوز:
نڤیسەر و رۆژنامەڤانەکێ ناڤدار یێ تورکیا راگەھاند کو ئارمانجا تورکیا ژ ھۆلێ راکرنا ھەموو دەستکەڤتێن کوردایە و دخوازیت ل چ ئەردەکی عەفرینێ کورد نەمینیت و ل رۆژئاڤایێ کوردستانێ ژ عەفرینی ھەتا دێرکێ بدەتە دەستێ کۆمێن جیھادی و پشتی کەمبەرا عەرەبی ڤێ جارە ژی کەمبەرا جیھادیان ل ئاخا کوردان دروست بکەت.
کۆرای دوزگۆرەن نڤیسەر و رۆژنامەڤانێ ناڤدار یێ تورکیا د نڤیسا خوە یا ڤێ حەفتیێ دا ل سەر شەرێ عەفرینێ راوەستیا و راگەھاند کو گەلەک پرسیارێن جددی د مێژکێن مە دا دروست بووینە و بەرسڤا ڤان پرسیاران بۆ پاشەرۆژا تورکیا گەلەکێ گرنگن.
پرسیار ئەڤەنە: ئارمانجا ئۆپەراسیۆنا ل دژی عەفرینێ چیە؟ دێ ئەڤ ئۆپەراسیۆن چەند بەردەوام بیت؟ ئۆپەراسیۆن ل دژی کیە؟ دێ ئەڤ ئۆپەراسیۆن ھەتا کیڤە بچیت؟ روسیا و سووریە ل ھەمبەر چ تشتەکێ رێ بۆ ئۆپەراسیۆنا عەفرینێ خوەش کرینە؟ ئەرێ ھەموو کورد وەک مەترسی دھێنە دیتن؟ پەیوەندیێن ل گەل کۆمێن جیھادی ل سەر چ بنەمایێ نە؟ ئالۆزیا ل ئدلیبێ تورکیا بەر ب کیڤە دبەت؟. پرسیارێن ب ڤی رەنگی گەلەک ھەنە، لێ دڤێت ئەم ل بەرسڤا ڤان پرسیاران بگەرین، یا یەکێ ئەز ئاشکرا بێژم ئۆپەراسیۆنا تورکیا نە ب تنێ ل دژی یەپەگێ یان پەکەکێ یە ئارمانجا ئۆپەراسیۆنێ داگیرکرنا ھەموو دەڤەرێن رۆژئاڤایێ کوردستانێ و ژ ھۆلێ راکرنا ھەموو دەستکەڤتێن کوردایە، ئانکۆ ئۆپەراسیۆن ل دژی ھەموو کوردانە.
کۆرای دوزگۆرەن راگەھاند ژی ھەتا نھا ژ ئەنجاما ھێرشێن تورکیا و چەکدارێن سوپایێ ئازاد ڤە ب دەھان وەلاتیێن سڤیل ھاتینە کوشتن و د ١٢ رۆژێن بۆری دا سەرکەڤتنەکا وەسا گرنگ ژی بدەستڤە نەھاتیە و گەلەک سەرباز و چەکدارێن جیھادی جانێ خوە ژ دەست داینە، دیسان دڤێت باش بھێتە زانین کو گۆمانا وێ یەکێ دھێتە کرن کو ھەکە تورکیا کانتۆنا عەفرینێ بکەتە ژێر کۆنترۆلا خوە دێ دیمۆگرافیا عەفرینێ ب گوھۆریت و د جھێ کوردان دا جیھادیان و مالباتێن وان بجە بکەت، دیسان سەرۆک کۆمار ب خوە دبێژیت ئەو دێ پەنابەرێن سووریێ یێن کو ل تورکیا نھا ئاکنجینە ل عەفرینێ بجە بکەن و عەفرینێ بدەنە خوەدانێن وێ، ئانکۆ دھێتە وێ واتەیێ کو ئەفرین نە یا کوردایە، ل ڤێرێ ئارمانجا ئەردۆگانی ئاشکرا دبیت کو ئەڤ شەر ل دژی ھەموو کوردانە و ژ ترسا دخوازیت ھەموو دەستکەڤتێن کوردان ل ھەر جھەکی ژناڤ ببەت و دەستکاریێن مەزن ل دیمۆکرافیا کوردستانێ بکەت.
ناڤبری دیار ژی دکەت کو مەرەما تورکیا ئانکۆ ئەردۆگانی نە ب تنێ کوردێن سووریێ نە بەلکو کوردێن عیراقێ ژی پارچەکیە ژ پیلانا ئەردۆگانی کو ھەول بدەت ژناڤ ببەت و کوردان ژ وەلاتێ وان دەربێخیت. د ناڤا بەرپرسێن تورکیا دا ھەر بەرپرسەک ئاخڤتنەکێ دکەت و د ھەر ئاخڤتنا بەرپرسەکی دا پشکەک ژ پیلانا کرێت یا دەستھەلاتا تورکیا ئاشکرا دبیت، لێ دیارە تورکیا سۆز دایە جیھادیێن ل گەل خوە و جیھادیێن ئدلیبێ و حەلەبێ کو گرێدانەکێ د ناڤبەرا وان دا دروست بکەت، لێ د پێنگاڤا یەکێ یا تورکیا دا کو دخواست ھژمارەکا زێدە جیھادیان ل گەل نێزیکی سەد تانک و چەکێن گران بگەھینیتە سنورێ ئدلیبێ و حەلەبێ و خوە بگەھینتە ھەوارا ئەحرار شام و وان ب پارێزیت، لێ دەمێ کو ل سەر رێکا ئدلیبێ بوون فرۆکێن روسیا ل ترۆمبیلێن تورکیا دان و سووریێ ژی ب گولە ھاوان و تۆپان تورکیا دا راگرتن، گەلەک رۆژنامەڤان و زانایێن سیاسی وەسا دبینن کو روسیا تورکیا دکێشیتە د ناڤ ئالۆزیێن سووریێ دا و یاریێن مەزن ب پاشەرۆژا تورکیا دکەت و تورکیا ب رحەتی نەشێت خوە ژ ئالۆزیا سووریێ قۆرتال کەت، گەلەک ئالی ژی وەسا دبینن کو شەرێ تورکیا و رژێما سووریێ ژی نێزیک بوویە و روسیا ل گەل سووریێ یە و ئێدی ئەمریکا ژی نە ل گەل تورکیایە.
د داوی دا ئەز ڤێ یەکێ بێژم ئۆپەراسیۆنا ل دژی عەفرینێ دێ زیانەکا مەزن گەھینیتە تورکیا و نە جیھان و نە ژی کورد رێکێ نادەن وەسا ب ئاسانی دەستکەڤتێن کوردان ژ ھۆلێ رابیت و تورکیا ب دەستێ جیھادیان سەرکەڤتنێ تۆمار بکەت، پاشەرۆژ بۆ تورکیا گەلەکێ تاری خوەیا دکەت.
ئه‌ڤرۆ نيوز:
پشتی روودانێن خیانەتا 16 ئۆکتۆبەرێ یا سالا بۆری بەرۆڤاژی ژئالیێ سیاسەتا بەرتانی ل ژێر ب ژێر دژی مافێن ڕەوایێن مللەتێ کوردان بوو، ھەتا ڕادەکی پشتی وان ھەموو داگیرکرنا کەرکووک و جینوسایدێن خەلکێ دوزخورماتوو ژ ئالیێ حەشدا شەعبی ڤە، ددوماھی سەرەدانا سەرۆک وەزیرا (تێریزا مەی ) یا بەریتانی دا بۆ بەغدا داخواز ژ ھەرێما کوردستانێ کر رێزێ ل قانوێن فێدرالی ل عیراقێ بگریت، ئەڤە ددەمەکی ب ھزران کورد دھاتنە جیوساید کرن ل دەڤەرێن دەرڤەی دەستھەلاتا ئیدارا کوردستانێ، ئەڤە سەرەرای وێ چەندێ کو ھندەک کوردان دەست د نەخشەدانان و ھەماتھنگیا 16 ئۆکتۆبەرێ دا ھەبوو، کو ل ژێر گڤاشتنا بەریتانیا بوون و ناسنامێن بەریتانیا د بەریکێن واندا بوون و ب دیالێکتا بەریتانیان داخویانی ددان و ب ئاشکرایی و ب نھێنی ل گەل کۆمپانیا برتش پترۆلیۆم (BP).
رۆژناما “گاردیان” یا بریتانی ھەروەسا دبێژیت، دبیت نەخشێ رۆژھەلاتا ناڤەراست و رەوش ب تەمامی بھێتە گوھوڕین، وەک ئاماژەک بەحسێ ھێرشکرنا تورکیا ل سەر عەفرینێ دکەت، کو یا بوویە بھێزکرنا ھەستێ ھەموو کوردان ل جیھانێ، د راپۆرتا ناڤبری دا دبێژیت ھێزا مەزنا تورکیا نوکە یا ل ژێر گڤاشتنا دسپلێنەکا لەشکری و ھەوالگەری و کارێگیری دایە، چونکی لەشکرێ تورکیا پشتی کودەتایا تیرمەھا 2016 ھەتا نوکە نەھاتیە سەر خوە و نەشیایە رێکخستنا خوە بکەت، ل ھەمبەری شەرێ دژی ئێکینەیێن پاراستنا گەل (یەپەگە) باسکی لەشکری یێ پارتا کرێکارێن کوردستانێ ل رۆژئاڤا یا کوردستانێ.
رۆژناما بریتانی ھەروەسا ئاماژە دا شەرێ بەرڤانێکرنا دژی چەکدارێن تیرۆری یێن داعشێ دا و راگەھاند، روو ب رووبوونا لەشکرێ تورکیا و ھێزێن رۆژئاڤا کوردستانێ و بەرەڤانیکرنا پێشمەرگەی ژ داگیرکرنا کوردستانێ ژ ئالیێ لەشکرێ عیراقێ و حەشدا شەعبی ب پشتەڤانیا ئیرانێ، دێ بیتە ئەگەرێ شۆرەشەکا بەرفرھا کوردان، دژی وێ ھژموونەگەریا ل دەڤەرێ، درەئەنجامێ وێ دێ بیتە دارشتنا نەخشەکێ نوویێ رەۆژھەلاتا ناڤەراست و گوھورین پەیداببن، ھەر وەکی دراپۆرتێ دا ھاتی ھێرشکرنا ل سەر عەفرینێ دێ بیتە ئەگەرێ ئازراندنا ھەستێ نەتەوەیی یێ کوردان ل ھەموو پارچێن کوردستانێ جڤاکێ نێڤدەولی کا چەوا پرۆسا ریفراندۆمێ بۆ کوردان چاڤێن خوە نڤاندن و داگیرکرنا کەرکووکێ پشتگوھخستن، بۆ ھێرشا لەسەر عەفرینێ نەشێن چاڤێن خوە بگرن، دڤێت ئەو چەندە ژی بھێتە دیتن کو کوردستانا باشوور ژی بەرامبەری وان ھەموو پێشێلکاریان بێ دەنگ نابیت و ناراوەستیت.
نيشاندان