ئەڤرۆ نیوز ، زنار تۆڤی :
ئه‌ڤرو سپێدێ‌ 22-2-2018 ل بروكسل ل پایته‌ختێ‌ وه‌لاتێ‌ به‌لجیكا و ب ئاماده‌بونا هەرسێ پارێزگەهێن هەرێما کوردستانێ پشکداری ‌د‌ كونفرانسێ‌ وزا ساخله‌م (EUROPEAN CONVENANT OF MAYORSCEREMONY ) کریە و هەروەسا پتر ژ(1783) پارێزگار وسه‌رۆك باژێرڤانیێن وه‌لاتێن جیهانێ‌ پشکداری تێدا کریە.
بەهزاد عەلی ئادەم جێگرێ پارێزگارێ دهۆکێ ل برۆکسل بۆ ئەڤرۆ نیۆز دیارکر:هەرسێ پەرێزگەهێن هەرێما کوردستانێ پشکداری د وی کونفرانسی دا کریە و دیسا د وی كونفرانسیدا دانوستاندنێن به‌رفره‌ه دێ‌ هێنه‌ كرن ل دوور چاوانیا پاراستنا ژینگه‌ها باژێران و دابینکرنا هێزا کارەبێ ب رێیا ب كارئینانا وزا ساخله‌م بێی كو ژینگه‌ه بهێته‌ پیس كرن.
گوت ژی:ئه‌ڤ كونفرانسه‌ ل دووف داخوازیا رێكخراوا (UNDP) وپشته‌ڤانیا ئێكه‌تیا ئه‌ورپی هاتیه‌ ئه‌نجامدان و دوو روژا ئانكو هه‌تا روژا 23-2-2018 دێ‌ به‌رده‌وامبیت و هەروەسا هەرسێ پارێزگەهێن هەرێما کوردستانێ بووینه ئەندام د وێ رێکخراوێ دا و دیسا شەش وەلاتێن عەرەبی ژی بووینە ئەندامێن ڤێ رێکخراوێ.

ئەڤرۆ نیوز ، زنار تۆڤی :

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دیارکر:د روودانەکا ترافیکێ دا حەفت کەس برینداربووینە.

ناڤهاتی ئەو یەک ژی دا دیارکرن:ل شەڤا بوری ل دەمژمێر (12:00) شەڤ ل سەر جادا سەرەکی یا دێرەبوونێ و ل نێزیکی گوندێ تیانێ ترۆمبێلەکا ترێل بارهەلگر یا رەنگ سپی ژئەگەرێ پەقینا تاییرێ، ترۆمبێل ل ژێر کونترۆلا شۆفێری دەرکەفتیە و دئەنجامێ وێ روودانێ دا حەفت کەس بریندار بووینە،کو ژن و زاروک ل گەل دا بوون، هەروه‌سا زیانێن به‌رچاڤ ژی ب وێ ترۆمبێلێ كه‌فتینە.

ئه‌ڤرۆ نيوز:

بڕیاره‌ ئه‌ڤ ساله‌ دو رۆژان مه‌راسیمێن هه‌لكرنا ئاگرێ‌ نه‌ورۆزێ‌ ل ئاكرێ‌ د به‌رده‌وام بن و جهێن په‌یوه‌ندیدار ل قه‌زایێ‌ هه‌ر ژ نوكه‌ ده‌ست ب به‌رهه‌ڤیان كریه‌.

كاوه‌ زوهێر، رێڤه‌به‌رێ‌ ره‌وشنبیری و هونه‌ری ل ئاكرێ‌ بۆ ئه‌ڤرۆ دیار كر, بڕیاره‌ ئه‌ڤ ساله‌ ل گه‌ل جهێن په‌یوه‌ندیدار ل ئاكرێ‌ دو رۆژا مه‌راسیمێن هه‌لكرنا ئاگرێ‌ نه‌ورۆزێ‌ ل ئاكرێ‌ دێ‌ هێنه‌ ئه‌نجامدان و گۆت: “رۆژا 19 ئادارێ‌ چه‌ندین چالاكیێن هونه‌ری و ئه‌ده‌بی ل ئاكرێ‌ ل سه‌رێ‌ گری ب پشكداریا هونه‌رمه‌ند و هه‌لبه‌ستڤانێن ده‌ڤه‌رێ‌ دێ‌ هێنه‌ ئه‌نجامدان، رۆژا 20 ئادارێ‌ ژی خه‌تیرێن ئاگرێ‌ جودا ژ سالێن بۆری ل گه‌له‌ك جهێن ئاكرێ‌ دێ‌ هێنه‌ هه‌لكرن بێی كو چو زیانه‌كێ‌ بگه‌هیننه‌ ژینگه‌ها ده‌ڤه‌رێ‌، بڕیاره‌ ئه‌ڤ ساله‌ ب ئاگرێ‌ ل سه‌ر كه‌لا ئاكرێ‌ بنڤیسین ئاكرێ‌ پایته‌ختێ‌ نه‌ورۆزێ‌”.

بلند ره‌زا، سه‌رۆكێ‌ باژێرڤانیا قه‌زا ئاكرێ‌ بۆ ئه‌ڤرۆ دیار كر, ئه‌ڤ ساله‌ ژ به‌ر پێشبینیا هاتنا گه‌شتیار و مێڤانێن زێده‌ ل رۆژێن نه‌ورۆزێ‌ بۆ قه‌زا ئاكرێ‌، سه‌رێ‌ گرێ‌ ئاكرێ‌ كو جهه‌كی َتایبه‌ته‌ ب ئاهه‌نگێن ئادار و نه‌ورۆزێ‌ ڤه‌، هاتیه‌ به‌رفره‌هكرن، داكو ئاریشا نه‌بوونا جهی نه‌مینیت، ژ به‌ركو سالێن بۆری ژ به‌ر نه‌بوونا جهی هه‌موو گه‌شتیار و مێڤان نه‌دشیان بگه‌هنه‌ سه‌رێ‌ گری”.

بلندی خویا ژی كر، ئه‌ڤ ساله‌ سه‌رێ‌ گری هه‌موو یێ‌ هاتیه‌ به‌رفره‌هكرن و كونكریت كرن بۆ وێ‌ چه‌ندێ‌ جهێ‌ وان كه‌سان هه‌بیت، ئه‌وێن ل باژێر و باژێكێن كوردستانێ‌ دهێنه‌ ئاكرێ‌ بۆ دیتنا خه‌تیرێن ئاگری ل سه‌ر كه‌لا ئاكرێ‌.

ئه‌ڤرۆ نيوز:

په‌رله‌مانێ كوردستانێ سێ ماده‌ ژ پرۆژێ چاكسازيا د خانه‌نشينيێ دا په‌سه‌ندكرن و برياره‌ سوبه‌ به‌رده‌وامى ب خواندنا پرۆژه‌ى و په‌سه‌ندكرنا مادێن وێ بهێته‌ دان، ب په‌سه‌ندبوونا ڤى پرۆژه‌ى دێ 150 مليار دينار بۆ حوكمه‌تا هه‌رێما كوردستانێ ڤه‌گه‌رن.