ئه‌ڤرۆنيۆز:
سپێده‌يا ئه‌ڤرۆ سيشه‌مبى 5/12/2017 ژن ومێرك ل باژێرێ سلێمانيێ ژئه‌گه‌رێ سوپا غازێ گيانێ خوه ژده‌ستدا.
ژێده‌ره‌كى ژ پۆليسێن سلێمانيێ راگه‌هاند، ئه‌ڤرۆ سپێدێ ل تاخێ كه‌له‌كنى ل باژێرێ سلێمانيێ، ژن وميره‌ك ب ناڤێن (سۆران عه‌بدولخالق وجوان ئه‌بوبه‌كر) ژئه‌گه‌رێ ئاگربوونا سۆپا غازێ گيانێ خوه ژده‌ستدا.
وى ژيده‌رى زێده‌تر بۆ دوارۆژ گۆت، زه‌لامێ ئێكسه‌ر گيانێ خوه ژده‌ستدابوو، به‌لێ هه‌ڤژينا وى پشتى گه‌هانديه نه‌خوه‌شخانێ گيانێ خوه ژده‌ستدا وپۆليسان ده‌ست ب ڤه‌كۆلينێ كريه.
ئەڤرۆ نیۆز،زنار تۆڤی:
ئه‌ڤرۆ سپێدێ 5/12/2017 فه‌رهاد ئه‌مین ئه‌تروشی پارێزگه‌رێ دهوكێ ب ئاماده‌بوونا رێڤه‌به‌رێ گشتی یێ په‌روه‌ردا پارێزگه‌ها دهوكێ ل قوتابخانا به‌روژ ل تاخێ سه‌رهلدان ل باژێرێ دهوكێ ده‌ست ب به‌لافكرنا سه‌لكێن زانستی ل سه‌ر قوتابیان به‌لافكرن دڤان سه‌لكا دا هه‌می پێدڤیێن قرتاسیێ یێن قوتابیێن سه‌ره‌تایی زێده‌باری جاكیت و جانته و بیلاڤ و ده‌ست گورك و سێوانه تێدا هه‌نه و بریاره ل سنورێ پارێزگه‌هێ ئه‌ف سه‌لكه ل سه‌ر زێده‌تر ژ 1500 قوتابیێن هه‌ژار بهێنه به‌لاف كرن و پارێزگه‌ها دهوكێ ئه‌ف پروژه به‌رهه‌ف كریه , پشتی ل قوتابخانا نافبری 167 سه‌لك لسه‌ر قوتابیێن وی قوتابخانێ هاتینه به‌لافكرن و پارێزگه‌رێ دهوكێ بو ده‌زگایێن راگه‌هاندنێ دیار كر كو ئارمانج هاندانا قوتابیانه بو حه‌ژیكرنێ ل خاندنێ و زانستی بكه‌ن ژبه‌ر كو گه‌له‌ك قه‌یران ل وه‌لاتێ مه یێت هه‌ین وه‌كو قه‌یرانا ئابوری و سییاسی و له‌شكری ه هه‌تا دیماهیێ ژبه‌ر هندێ مه فیا تایبه‌ت قوتابیێن سه‌ره‌تایی ڤی كاری بكه‌ین داكو قوتابی هه‌ست بكه‌ت حكومه‌تا هه‌رێمی هایش كێماسیێن وان هه‌یه و دیسان سه‌رمایه‌دار و زه‌نگینێن خو هان بده‌ین بو ئه‌نجام دانا هنده‌ك ژڤان كارا و هاریكاریا هه‌ژارا بكه‌ن. و گوت : ئه‌ف تشتێ هاتیه كرن كوژمه‌كی گه‌له‌ك یێ كێم ب سه‌دا به‌لكی پێتر ژ 1500 قوتابیا دێ ژی مفا دار بن و كوژمه‌كی زور یێ كێمه له‌وما داخازێ ژ هه‌می زه‌نگین و سه‌رمایه‌دارێن پارێزگه‌ها دهوكێ دكه‌م هه‌ر ئێك ل سنورێن خو و لدیف شیانێت خو دشێت هژماره‌كا قوتابیا هنده‌كێ ژ كێماسیێنت وان بو چاره بكه‌ت كو ئه‌ف زفستانه بسه‌ر دا ببوریت بسلامه‌تی.
دیسان پارێزگه‌رێ دهوكێ گوت : ئه‌ف به‌رنامه دێ یێ به‌رده‌وام بیت هندی شیان هه‌بن و ئه‌م بشیێن بكه‌ی و هنده‌ك جهێن ل سه‌نته‌رێ پارێزگه‌هێ و خه‌لكه‌ك هه‌ژار یێ تیدا و پێدڤی ب هاریكاریێ نه و هنده‌ك جهێن دیژی ل ده‌رڤه‌ی سه‌نته‌رێ باژێرێ دهوك یێت هه‌ین دێ ئه‌ف هاریكاریه بو هێته كرن لدیف شیانا .
ده‌رباره‌ی دابینكرنا سوته‌مه‌نیێ بو قوتابخانا پارێزگه‌رێ دهوكێ گوت : هه‌ر سا دهاته دابینكرن و پار سال رێژه‌كا باش یا سوته‌مه‌نیێ مه بو قوتابخانا دابین كر و دبیت ل هنده‌ك قوتابخانا باهرا زێده كر بو ئه‌ف ساله ژی هیشتا دسوژن لێ باهرا ئه‌ف ساله تا نوكه ج نه‌هاتیه دابینكرن و ئه‌م دگه‌ل ئه‌نجومه‌نێ وه‌زیران و سه‌روكێ حكومه‌تا هه‌رێمێ به‌رده‌وامین بو دابینكرنا باهرا قوتابخانا و ئه‌وا دشیان دا بیت دێ بو قوتابخانا هێته كرن تایبه‌ت قوتابخانێن سه‌ره‌تایی و جهێن گه‌له‌ك سه‌رما .
ئه‌ڤرۆنيۆز:
سه‌رۆك وه‌زيرێن هه‌رێما كوردستانێ راگه‌هاند، ريفراندۆما سه‌ربخوه‌يا كوردستانێ ئه‌زموونه‌كا ئاشتيخوازانه‌يا گه‌لێ كوردستانێ بوو.
نێچیرڤان بارزانی سه‌رۆك وه‌زيرێن هه‌رێما كوردستانێ ددياره‌كێ دا ل گه‌ل (فوكس نيۆز) يا ئه‌مريكى گۆت، هه‌رچه‌نده هه‌لويستێ ئه‌مريكا ل به‌رامبه‌ر ريفراندۆما سه‌ربخوه‌يا كوردستانێ يێ باش نه‌بوو، به‌لێ ئه‌ڤى هه‌لويستى كاريگه‌رى ل سه‌ر هه‌ڤپه‌يمانيا درێژخايه‌نا خه‌لكێ كوردستانێ وئه‌مريكا نابيت.
نێچيرڤان بارزانى گۆت ژى، هه‌رچه‌نده گه‌لێ كوردستانێ بێ هيوا بوو ژ ئه‌مريكا وچاڤه‌رێ گه‌له‌ك ژێ دكر، به‌لێ هێشتا ئه‌مريكا ب هه‌ڤپه‌يمانا خوه دزانيت.
سه‌رۆك وه‌زيرێن هه‌رێمێ گۆت ژى، هێزێن پێشمه‌رگه‌ى هزاران شه‌هيد وبريندار ل شه‌رێ دژى داعشێ دان، كو ئه‌و رێكخراوا تيرۆرستى ژبلى كوردستانێ، مه‌ترسى ل سه‌ر ئه‌مريكا ژى دروست كربوو و گه‌لێ كوردستانێ ب ئومێد بوو ل هه‌ر مه‌ترسيه‌كێ، ئه‌مريكا بپارێزيت.
ل دۆر روودانين كه‌ركووكێ، بارزانى گۆت، ل ده‌مێ له‌شكرێ عيراقێ ل به‌ر داعشێ شكه‌ستى ل 2014 ونيزيكى نيڤا ئاخا عيراقێ راده‌ستى داعشێ بووى، پێشمه‌رگه چو كه‌ركووكێ وپاراست وكورستانێ پلان نه‌بوو كه‌ركووكێ ب تنێ ب رێڤه‌ببه‌ت.
سەرۆك وه‌زيرين هه‌رێما كوردستانێ ريفراندۆما سه‌ربخوه‌يا كوردستانێ ب ئه‌زموونه‌كا ئاشتيخوازانه وپرۆسه‌كا ديموكراتى يا گه‌لێ كوردستانێ بۆ داخوازكرنا مافێن خوه هژمارت ودووپات كر كو كوردستانێ دڤێت كێشێن خوه ل گه‌ل عيراقێ ب شێوه‌كێ ئاشتيانه چاره‌سه‌ر بكه‌ت.
دياركر، عيراق ژى يا ئێكگرتى نينه وئه‌وين بانگه‌شێ بۆ دكه‌ن پێدڤيه بزانن ئه‌و عيراقه په‌يدا نابيت وبزاڤ بۆ ئێكگرتنا وێ، يا سه‌ركه‌فتى نابيت.
نێچيرڤان بارزانى دووپاتيا هه‌رێمێ بۆ چاره‌سه‌ركرنا كێشان ل گه‌ل به‌غدا ل دووڤ دستوورى كر وراگه‌هاند، به‌لێ مافێ سه‌ربخوه‌يا مه وه‌كو خوه دێ مينيت.
ئه‌ڤرۆنيۆز:
وه‌لاتيه‌كێ خه‌لكێ زاخۆ پشتى ديتى هه‌ڤژينا وى سۆتى، ئێكسه‌ر گۆله‌يه‌كێ ل خوه‌دا و وى ژى گيانێ خوه ژده‌ستدا.
دوهى دوشه‌مبى 4/12/2017 ل زاخۆ، ژئه‌گه‌رێ سۆپه‌كا گازێ، ئاگر ل ماله‌كێ به‌ربوو وئاگر ب ژنا مالێ دكه‌ڤيت، وى ده‌مى هه‌ڤژينێ وێ، يێ دخه‌و بوو، ژبه‌ر قيرى وهاوارێن هه‌ڤژينا خوه ژخه‌و رادبيت به‌لێ نه‌شێت خوه ل به‌ر ديمه‌نێ سۆتنا هه‌ڤژينا خوه بگريت كو ل به‌رچاڤێ وى سۆت.
ل دووڤ رووداو، ئه‌و ژنا سۆتى ب ناڤێ وێ زاهيده عومه‌ر يا 29 سالى له‌شێ وێ ب رێژا 80% سۆتبوو و بۆ نه‌خوه‌شخانا سۆتنێ ل دهۆكێ هاته هنارتن ونوكه يا دبن چاڤدێريا چر يا نوشداران دا.
زاهيدا ل ده‌ستپێكێ هاته هنارتن بۆ نه‌خوه‌شخانا هاوارهاتنا زاخۆ، وى ده‌مى هوورده‌كارين وێ روودانێ بۆ پۆليسان هاته گۆتن، دووپاتى ل سه‌ر وێ چه‌ندێ هاته كرن كو هه‌ردو هه‌ڤژينان چو كێشه نه‌بوون، به‌لكو گه‌له‌ك حه‌ز ژ هه‌ڤدو دكر ودبه‌خته‌وه‌ر بوون.
ل دووڤ ئاخڤتنێن زاهيدايێ، ل ده‌مێ به‌هه‌ڤكرنا خوارنا نيڤرۆ، بزاڤكريه سۆپا گازێ هه‌لبكه‌ت، به‌لێ ل ده‌مێ هه‌لكرنا سۆپێ، چۆر بۆ پارچه‌كا ئاگرى وئاگر به‌ربوو جلكێن وێ ژى.
زاهيده زێده‌تر بۆ پۆليسان، ل دووڤ رووداو، دبێژيت، من هاوار كر وكره قێژى، زه‌لامێ من (كهوڤان ئه‌حمه‌د يێ 29 سالى) ژخه‌و رابوو، به‌لێ ده‌مێ ئه‌ز ديتيم ب وى حالى، نه‌شيا خوه وبله‌ز چوه د ژۆر وده‌بانجه ئينا وب گوله‌يه‌كێ دووماهى ب ژيانا خوه ئينا.
سه‌عه‌د عومه‌ر رێڤه‌به‌رێ پۆليسێن زاخۆ ب رووداو گۆت، كوڤان پۆليس بوو ل پشكا پۆليسێن هاوارهاتنێ، مالا وى دشوقه‌كێ ڤه‌بوو ل به‌رامبه‌ر په‌يمانگه‌ها ته‌كنيكى يا زاخۆ، ل ده‌ف مه چو كێشه نه‌بوون ورۆژانه دهاته ده‌وامێ.
هه‌تا نوكه راستى ودروستيا وێ روودانێ ناهێته زانين، له‌وما ب نڤيساره‌كا دادوه‌رێ دادگه‌ها ڤه‌كۆلينێ بريار هاته دان دووڤچوون بۆ روودانێ بهێته ئه‌نجامدان وئه‌گه‌رێ وێ بهێته ئاشكراكرن.
ئه‌ڤرۆ نيوز:
عه‌مار حه‌كيم سه‌رۆكێ هه‌ڤپه‌يمانيا نيشتيمانيا شيعه‌يان راگه‌هاند، پێدڤيه هه‌موو مادێن ده‌ستوورى بهێنه بجهئينان و كورد ژى پابه‌ندى ده‌قێن ده‌ستوورى بيت.
عه‌مار حه‌كيم سه‌رۆكێ هه‌ڤپه‌يمانيا نيشتيمانيا شيعه‌يان هه‌روه‌سا راگه‌هاند: پێدڤيه ناكوكيێن ناڤخويى ب دانوستاندن و ل گۆر ده‌ستوورى بهێنه چاره‌كرن، هه‌تاكو عيراق د خوشيان دا بژيت و خزمه‌تگوزارى بۆ وه‌لاتيان بهێنه دابينكرن.
ئه‌ڤرۆنيۆز:
وه‌زيرێ ده‌رڤه‌يێ فره‌نسا راگه‌هاند، ئه‌م ل گه‌ل وه‌زيرێ ده‌رڤه‌يێ ئه‌لمانيا رێكه‌فتين كو پێدڤيه ئيران ژ به‌رنامێ مۆشه‌كێن باليستى وحه‌زێن به‌رفره‌هبوونا هه‌ژموونا خوه ل ده‌ڤه‌رێ وده‌ست ب سه‌رداگرتنا وێ پاشڤه بچيت.
جان ئێف لۆدريان وه‌زيرێ ده‌رڤه‌يێ فره‌نسا، د كۆنگره‌كێ رۆژنامه‌ڤانيدا ل گه‌ل زيگمار گابريێل وه‌زيرێ ده‌رڤه‌يێ ئه‌لمانيا ل پاريسێ گۆت، مه بۆچوونين هه‌ڤپشك يێن هه‌ين وب پێدڤى دزانين، ئيران ژ به‌رنامێ مۆشه‌كێن باليستى وبزاڤێن ده‌ست ب سه‌رداگرتنا ده‌ڤه‌رێ پاشڤه بچيت.
ئيرانێ دوهى دوشه‌مبى 4/12/2017 راگه‌هاندبوو، پرسا مۆشه‌كێن باليستى يێن ئيرانێ جهێ دانوستاندنێ نينن.
ئەڤرۆ نيۆز، باسم قاسم شنگالی
رێڤەبەرێ نڤیسینگەها رزگاركرنا رەڤاندیێن ئێزدی ل پارێزگەها دهۆكێ راگەهاند، كچه‌كا كورد يا ئێزدى ل سووريێ هاته رزگاركرن وهاتيه دناڤ كه‌سوكارێن خوه‌دا.
حسێن قائيدى، رێڤەبەرێ نڤیسینگەها رزگاركرنا رەڤاندیێن ئێزدی ل پارێزگەها دهۆكێ ئه‌ڤرۆ دوشه‌مبى 4/12/2017 دياركر كو ئه‌و كچا ئێزدى يا هاتيه رزگاركرن ژيێ وێ 20 سالن وخه‌لكێ گوندێ سيبا شێخدري يه يێ ب سه‌ر ناحيا گرعزير ڤه ل قه‌زا شنگالێ.
حسێنى گۆت ژى، كچا ناڤبرى جاره‌كا دى ب كه‌سوكارێن خوه شادبوو.
ئه‌ڤرۆ نيۆز:
ئه‌مريكا راگه‌هاند، سه‌رۆكێ ئه‌مريكا دونالد ترامپ وسه‌رۆكێ فره‌نسا ئێمانوێل ماكرۆن ئه‌ڤرۆ په‌يوه‌نديه‌كا ته‌له‌فۆنى ئه‌نجامدا ول سه‌ر هه‌لويسته‌كى ل دۆر كێشێن به‌غدا وهه‌رێما كوردستانێ رێككه‌فتن.
كۆچكا سپى يا ئه‌مريكى دياركر كو ترامپى وماكرۆنى دپه‌يوه‌نديا ته‌له‌فۆنى دا رێككه‌فتن كو حوكمه‌تا عيراقێ وهه‌رێما كوردستانێ كێشێن خوه ب دانوستاندنێ چاره‌سه‌ر بكه‌ن.
ئه‌ڤرۆنيۆز:
ئه‌كته‌رێ هندستانى يا ناڤدار شاشى كابۆر، ئه‌ڤرۆ دوشه‌مبى 4/12/2017 دژيێ 79 ساليێ دا ل باژێرێ مومباى وه‌غه‌ركر پشتى هه‌ڤركيه‌كا دريژ ل گه‌ل نه‌خوه‌شيێ.
ل دووڤ سايتێ (ئينديا تايمز) ، شاشى كابۆر ئه‌ڤرۆ ل ده‌مژمێر پێنجێ ئێڤارى ل نه‌خوه‌شخانا كوكيلابين ل مومباى وه‌غه‌ركر.
شاشى كابۆر ل سالا 1961 ده‌ست ب كاروانێ خوه يێ هونه‌رى كريه وئێكه‌مين فلمێ وى (دهارمبوترا) بوو، ديسا پشكدارى د 116 فيلمان دا كريه.
چيڤانۆكێ سينه‌ما هندستانى هه‌ڤژينێ ئه‌كته‌را بريتانى جنيفر كيندال بوو.
ئه‌ڤرۆ نيوز:
مه‌سرور بارزانى راوێژكارێ ئه‌نجوومه‌نێ ئاسايشا هه‌رێما كوردستانێ ل گه‌ل هنارتيێ سكرتێرێ گشتى يێ نه‌ته‌وێن يه‌كگرتى كوم بوو، د ديداره‌كێ دا چه‌ندين پرس هاتنه شروڤه‌كرن، مه‌سرور بارزانى ئاماژه ب وێ يه‌كێ دا كو كه‌شێ هه‌لبژارتنان و ململانێن سياسى ل به‌غدا رێگرييێن سه‌ره‌كى نه به‌ره‌ڤ پێشڤه‌چوونان، به‌لێ نابيت وه‌لاتيێن كوردستانێ باجا ڤێ ره‌وشا به‌غدا بده‌ن، پێدڤيه ب زووترين ده‌م ده‌ست ب دانوستاندنان بهێـته كرن و ل دووڤ خشته و دياركرنا ده‌مى بهێته رێكخستن.
نيشاندان