ئه‌ڤرۆ:
كۆمپانیا دانا غاز د به‌یاننامه‌كێدا رادگه‌هینیت، هێرشا مووشه‌كی یا به‌ری چه‌ند رۆژان هیچ زیانه‌ك په‌یدا نه‌كریه و بێ راوه‌ستیان دێ د به‌رده‌وام بین د پرۆسێن وه‌به‌رئێنانێدا.
د به‌یانناما داناغاز دا هاتیه” هێرشا مووشه‌كی یا به‌ری چه‌ند رۆژان چ زیان بۆ نه‌بوون و دێ د به‌رده‌وام بین د پرۆسێن وه‌به‌رئێنانێدا، د ده‌مه‌كی دار ێكارێن ئه‌منی یێن پێدڤی دێ ب هێزتر بن تنێ ب شێوه‌كێ ده‌مكی كاركرن د پرۆژێ به‌رفره‌هكرنا كۆرمۆر KM250 هاتیه راگرتن”.
ئاماژه ب وێ چه‌ندێ ژی هاتیه كرن كۆمپانی راسته‌وخوه دێ هه‌ماهه‌نگیێ ل گه‌ل حوكمه‌تا هه‌رێما كوردستانێ كه‌ت كو ل گه‌ل حوكمه‌تا ئیراقێ پشته‌ڤانیه‌كا تمام بۆ دیاركریه.
داناغاز دیاركر ژی” بۆ به‌رسڤدانا ڤان ده‌ستدرێژیان، حوكمه‌تا هه‌رێما كوردستانێ هه‌موو رێكارێن ئه‌منی یێن پێدڤی ل گۆرمۆر وه‌رگرتینه، د وی چارچۆڤه‌ی دا ژی هه‌ژماره‌كا زێده‌تر یا هێزێن ئه‌منی ئیناینه ده‌ڤه‌رێ ب مه‌به‌ستا پاراستنا وێ”.
سه‌رجه‌مێ گشتیێ وه‌به‌رئێنانێ د پرۆژێ به‌رفره‌هكرنا KM250 دبیته 630 ملیۆن دۆلار كو رێژه‌یا به‌رهه‌مئینانا غازێ زێده دكه‌ت، ل دووڤ رێككه‌فتنه‌كا فرۆتنا غازێ كو ل ئادارا 2019 ل گه‌ل وه‌زاره‌تا سامانێن سروشتی هاتبوو ئیمزاكرن، كۆمپانیا پیرل پترۆلیۆم ئه‌و رێژا زێده یا غازێ دێ فرۆشیت بۆ دابینكرنا سوته‌مه‌نیا گونجای و پاقژتر بۆ ویستگه‌هێن كاره‌با ناڤخوه‌یی، هه‌روه‌سا زێده‌تر بلندكرنا پێدانا كاره‌بێ ل هه‌رێمێ.
پرۆژێ به‌رفره‌هكرنا KM250 ل ده‌ستپێكا سالا 2020 ژ ئه‌گه‌رێ ڤایرۆسێ كۆرۆنا بۆ ده‌مه‌كێ سال و نیڤان هاته راگرتن و ل هه‌یڤا نیسانا بۆری كاركرن تێدا ده‌ستپێكربوو.
نيشاندان
