ئه‌ڤرۆ نيوز:
قاشم شه‌شۆ، فه‌رماندێ فه‌رمانده‌يا شنگال راگه‌هاند كو حه‌شدا شيعى خوه ژ شنگال ڤه‌كێشا.
قاشم شه‌شۆى د داخۆيانيه‌كا رۆژنامه‌ڤانى دا راگه‌هاند كو حه‌شدا شيعى دێ شنگال به‌رده‌ت و هه‌كه نه‌به‌رده‌ت دێ هێته بۆمبه‌بارانكرن.
فه‌رماندێ فه‌رماندده‌يا شنگال گۆتژى: “هه‌ڤپه‌يمانان ژى به‌رهه‌ڤيا خوه دياركريه كو هه‌كه حه‌شدا شه‌عبى خوه ڤه‌نه‌كێشيت، دێ ژ لايێ تركيا و وئسرائيل ڤه ب فرۆكان هێنه بۆردۆمانكرن”.
ئه‌ڤرۆ نيوز:
سەرۆکوەزیرێن ئسرائیل بۆ وەزیرێ بەرگرییا رۆسیا گۆت: ئەو رێ نادەن ب چ رەنگەکێ ئیران پێکەھا خوە یا سەربازی ل سووریێ بھێز بکەت.
بنیامێن نەتەنیاھۆ، سەرۆکوەزیرێن ئسرائیل ل ئۆرشەلیمێ پێشوازی ل سێرگی شویگۆ، وەزیری بەرگرییا رۆسیا کر و ب بەرھەڤبوونا ئەڤیگدۆر لیبەرمان، وەزیرێ بەرگرییا ئسرائیلێ کۆمبوون.
ل گۆر راگەھاندنەکا ئۆفیسا سەرۆکوەزیرێن ئسرائیلێ، نوونەرێن ھەردو ئالییان د کۆمبوونێ دا بزاڤێن ئیرانێ بۆ بھێزکرنا پێگەھێ خوە یێ سەربازی ل دەڤەرێ گۆتوبێژ کر و نەتەنیاھۆ گۆت: پێدڤییە ئیران تێبگەھیت کو ئسرائیل رێ نادەت ئیران کۆنترولا دەڤەرێ بکەت.
ھەروەسا ل دۆر پرۆگرامێ ئەتۆمی یێ ئیرانێ نەتەنیاھۆ گۆت: گەر چ گوھرین د رێککەفتنێ دا نەھێنەکرن، پشتی ھەشت تا دەھـ سالێن دی، ئیران دێ بیتە خوەدان چەکێ ئەتۆمی.
ئه‌ڤرۆ نيوز:
پارێزگه‌رێ دهۆكێ داخوازێ ژ وه‌لاتیێن هێژا یێن پارێزگه‌ها دهۆكێ دكه‌ت ته‌قه‌كرنێ راگرن و ره‌وشێ تێك نه‌ده‌ن و نه‌بنه ئه‌گه‌رێ په‌یدابوونا روودانێن دلته‌زین و نه‌چاڤه‌رێكری.
دوپات دكه‌ن كو ته‌قه كرن دیارده‌كا نه‌شارستانی یه و ژ بلی زیانان چو ئه‌نجامێن دی نینن، له‌ورا هیڤیا مه ژ خه‌لكێ مه ئه‌وه ل گه‌ل مه و ده‌زگه‌هێن ئێمناهیێ د هاریكار و هه‌ڤكار بن و ته‌قه كرنێ ب هه‌موو ره‌نگه‌كی راگرن.
فه‌رهاد ئه‌مین ئه‌ترووشی
پارێزگه‌رێ دهۆكێ
شه‌ڤا 18 ل سه‌ر 19\10\2017
ئه‌ڤرۆ نیوز ، هلورى:
ئه‌نجومه‌نا ئاسایشا هه‌رێما كوردستانێ راگه‌هاندنه‌ك به‌لاڤكر و تێدا دیاركر كو چوو مه‌ترسى لسه‌ر هه‌ولێرێ نینن و دده‌تن دیاركرن ژى كو دنهادا هه‌موو لایه‌ك بلا د هه‌وارا ئاوارێن كه‌ركوكێ بچن و ل ده‌مه‌ك نێزیك ره‌وشت هوسا نامینیت.
راگه‌هاندنا ئه‌نجومه‌نا ئاسایشا هه‌رێما كوردستانێ دیاركر كو هنده‌ك مالپه‌ر و په‌یچێن چه‌واشه‌كار پروپاكندێن وێ یه‌كێ به‌لاڤ دكه‌ن كو مه‌ترسى بو سه‌ر هه‌ولێر هه‌یه ، ئه‌م دزانین كو ژێده‌رێ ئه‌ڤان پروپاكندان ژ كیڤه هاتیه و دزانین ژى كو ئه‌وان دڤێت رولێ تابورا پێنجێ ببینن و كه‌ش و هه‌وایه‌كێ درۆست بكه‌ن و شكه‌ستن و شه‌مبزاریێن خوه پێ ڤه‌شێرن.
خه‌لكێ هه‌ولێر پشتراست دكه‌ین كو چوو مه‌ترسى لسه‌ر هه‌ولێر نینه و چو هێزه‌ك ژى ب ئاراسته‌یێ هه‌ولێر نه‌هاتیه لڤاندن و هێزا پێشمه‌رگه‌ى د به‌رهه‌ڤیێن تمام دایه و بزاڤێن دیبلوماسى ژى بو چاره‌سه‌ركرنا دوخێ نها پێنگاڤێن باش هاڤێتینه.
جه‌ماوه‌رێ خوشتیڤێ هه‌ولێر بلا ب پشتراستى و وه‌ریێ ڤه خزمه‌تا ئه‌وان برایێن ئاواره‌یێن مه بكه‌ن كو ژ كه‌ركوكێ به‌ر ب هه‌ولێر هاتينه و هه‌رده‌م ب گه‌رمى پێشوازیێ ل وان بكه‌ن و ل ئاینده‌یه‌كێ نێزیك دا ئه‌ڤ ره‌وشا نها ئه‌م تێدا ده‌رباز دبین نامينيت ، و چه‌واشه‌كارى و پروپانده ئیرادا گه‌لێ مه ناهژینیت.
ئه‌ڤرۆ نیوز ، هلورى:
كومپانیا روسنه‌فت كو ئێكه ژ مه‌زنترین كومپانیێن بوارێ په‌ترۆلێ ل روسیا ل بارا رێكه‌فتنا وان ل گه‌ل هه‌رێما كوردستانێ راگه‌هاندنه‌ك به‌لاڤكر و لگوره‌ى راگه‌هاندنا وان ئه‌و دێ ل سالا 2018 ده‌ست ب كارێن لێگه‌ریانا په‌ترۆلێ كه‌ن و هه‌موو تێچویێن وێ ژى دێ ب ستوویێ خوڤه گرن.
ل گوره‌ى راگه‌هاندنا روسنه‌فت كو ئه‌ڤرۆ به‌لاڤكریه ، پشكێن گروپێن كومپانیا روسنه‌فت د رێكه‌فتنامه‌یا هه‌ڤپشكا وه‌به‌رهێنانا 80% یه و كوژمێ پارێ ته‌رخانكرى ژى بو هه‌ر ئێك ژ پێنج بلوكێن رێكه‌فتنێ 40 ملیون دولارێن ئه‌مریكى ده‌ست پێ دكه‌ت و هه‌تاكو 110 ملیون دولاران ژى دچیت)
د راگه‌هاندنا وان دا زێده‌تر هاتیه: ( به‌رهه‌مئینان و ده‌ستپێكرنا كارێن لێگه‌ریان و كولینا بیران دێ ل سالا 2018 دێ ده‌ست پێ كه‌ت و هه‌تا سالا 2021 دێ یا به‌رده‌وام بیت و دێ گه‌شه‌پێدانێن زێده‌تر ژى ب كارێن خوه كه‌ت و وه‌به‌رهێنانا ته‌مام دێ بجهكه‌ت ، ب كێمى یه‌ده‌كا په‌ترۆلێ ل وان بلوكان ژى دێ گه‌هیته 670 ملیون به‌رمیلێن په‌ترۆلێ)
د پشكه‌كا دن یا راگه‌هاندنا وان دا هاتیه كو كومپانیا روسنه‌فت دێ هه‌موو تێچویێن درۆستكرن و به‌رهه‌ڤكرنا كێلگه‌هێن په‌ترۆلێ ب ستوویێ خوڤه كریت و دێ ریچكه‌فتنا وان ژى وه‌كو یا كومپانیێن دن یێن بیانى بیت د وارێ په‌ترۆلێ دا.
ئه‌ڤرۆ نیوز ، نه‌وزاد هلورى:
ئێڤاریا ئه‌ڤرۆ ل سنوورێ قه‌زا به‌رده‌ره‌ش د روودانه‌كا هاتن و چوونێ دا دوو كه‌سان گیانێ خوه ژ ده‌ست دا.
دڤى واریدا ” ئازاد ته‌ها ” به‌رپرسێ راگه‌هاندنا هاتن و چوونا دهۆكێ بو ئه‌ڤرۆ نیوز گۆت: ( ئێڤاریا ئه‌ڤرۆ ل ده‌مژمێر 2:20 خوله‌ك لسه‌ر رێیا گشتى دناڤبه‌را قه‌زا به‌رده‌ره‌ش و ناحیا كه‌له‌ك ل نێزیك گوندێ گرده‌پان ژ ئه‌نجامێ روودانه‌كا هاتن و چوونێ ژ جورێ لێكدان دناڤبه‌را دوو ترومبێلێن تایبه‌ت و بارهه‌لگر درۆست بوو)
زێده‌تر گۆت: ( ژ ئه‌نجامێ وێ روودانێ دوو كه‌سان گیانێ خوه ژ ده‌ست دا كو باب و كور بوون)
ئه‌ڤرۆ نیوز:
شوره‌ش كادر، نوونه‌رێ هه‌رێما كوردستانێ ل سوید راگه‌هاند كو وی ده‌ستژكاركێشانا خوه پێشكیشی حكومه‌تا هه‌رێمێ كر.
كادر كو ژ بنه‌ره‌ت خه‌لكێ كه‌ركووكێ یه ل ئه‌كاونتا خوه ل تۆرا جڤاكی گۆت: من ئه‌ڤرۆ حكومه‌تا هه‌رێما كوردستانێ ئاگه‌هدار كر كو دێ ده‌ست ژ كارێ خوه به‌رده‌م ژبه‌ر پێشهاتێن ڤێ داویێ ل كوردستانێ و ب تایبه‌ت ل باژارێ من كه‌ركووكێ.
ئه‌ڤرۆ نیوز ، هلورى:
ئه‌ڤرۆ د په‌یوه‌ندیه‌كا تێله‌فونى دا هه‌ر ئێك ژ سه‌رۆكێ روسيا و سه‌رۆك وه‌زیرێن ئیسرائیلێ ره‌وشا كه‌ركوك و ده‌ڤه‌رێن ده‌رڤه‌یێ كارگێریا هه‌رێما كوردستانێ شرۆڤه‌كرن.
ل گوره‌ى به‌یاننامه‌یه‌كێ كو كوچكا سه‌رۆكاتیا كومارى یا روسیا ” كرملین” به‌لاڤكریه ، ئه‌ڤرۆ رۆژا چوارشه‌مبى هه‌ر ئێك ژ بنیامین ناتانیاهو سه‌روك وه‌زیرێن ئیسرائیلێ و فلادیمێر پوتین سه‌رۆكێ روسیا بارودوخێ كه‌ركوك و ده‌ڤه‌رێن ده‌رڤه‌یێ كارگێریا هه‌رێما كوردستانێ شرۆڤه‌كرن.
د به‌یاننامه‌یه‌كێ دا زێده‌تر هاتیه: ( ئێك ژ ته‌وه‌رێن دناڤبه‌را وان پرسا ئه‌نجامدانا ریفراندۆما سه‌ربخوه‌ى یا كوردستانێ بوویه ، و سه‌روك وه‌زیرێن ئیسرائیلێ داخواز ل پوتین كریه كو هه‌ردوو لا چاره‌سه‌رێن رژد بو ئاریشا كوردێن هه‌رێما كوردستانێ یا عیراقێ ببینن )
ئه‌ڤرۆ نیوز:
وه‌زیرێ ده‌رڤه یێ توركیا پشته‌ڤانییا خوه بۆ هێرشا حه‌شدا شه‌عبی بۆ سه‌ر ده‌ڤه‌رێن كوردستانی دیار كر و گۆت: به‌غدا ب بزاڤێن خوه یێن سه‌ربازی ل كه‌ركووكێ شاشییا كوردان راستڤه كر.
مه‌ولود چاویشئوغلوی رێفراندۆما سه‌رخوبوونێ جاره‌كا دی ره‌خنه كر و خویا كر كو توركیا هه‌ر ژ ده‌ستپێكێ هۆشداری ژ ده‌رئه‌نجامێن وی گاڤا هه‌رێما كوردستانێ دابوون لێ هه‌رێمی گوهدارییا وان نه‌كرـ نها ژی ئه‌ڤ ئالۆزییه ل دووڤ دا هاتن.
ناڤهاتی دوپات كر كو توركیا د گه‌ل ئێكپارچه‌ییا ئاخا ئیراقێ دایه و هه‌رده‌م گاڤێن به‌غدا بۆ توركیا گرنگرترن ژ ئالیێن دی.
ئه‌ڤرۆ نیوز ، نه‌وزاد هلۆرى:
سه‌روكاتیا داخوازكارێ گشتى و ده‌سته‌یا مافێ گشتى یا هه‌رێما كوردستانێ هوشداریه‌كا توند ئاراسته‌یێ چوار كه‌نالێن كوردى ” رووداو و كوردستان 24 و كوردسات نیوز و ئێن ئارتى ” دكه‌ت كو زێده‌تر كارتێكرنێ ل ده‌رونێ تاكێن جڤاكى كه‌ن و ره‌وشا نها به‌رچاڤ وه‌ربگرن ، به‌روڤاژى دێ پێرابونێن قانونى هه‌مبه‌ر وان هێنه‌وه‌رگرتن.
د هوشداریا وان دا هاتیه: ( ژبه‌ر ل به‌رچاڤگرتنا دوخا هه‌ستیار یا ئه‌ڤرو یا هه‌رێما كوردستانێ و گه‌لێ مه ئه‌ڤا كو نها تێدا د بوریت داخوازێ لبه‌رچاڤ وه‌رگرتنا دوخێ نه‌خواستى بكه‌ن و خوه ژ ئاریشه‌یێن نافخوه و به‌لاڤكرنا تومه‌تان دویر بكه‌ن ژبه‌ركو ئه‌ڤ یه‌ك د به‌رژه‌وه‌ندیا گه‌لێ كوردستانێ دا نینه و زێده‌تر دوخى ئالوز دكه‌ت و برینان ژى كویر تر دكه‌ن ، و پێدڤى یه هه‌مو لایه‌ك ب ئه‌ركه‌كێ به‌رپرسیاره‌تیانه كار لسه‌ر پاراستنا مافێن گشتى و ئاسایشا و ئارامیا هه‌رێمێ بكه‌ن ، به‌روڤاژى دێ ئه‌و نه‌چاربن ب لڤاندنا سزایان لسه‌ر هه‌موو وان كه‌نالان ئه‌گه‌ر به‌رده‌وام بن)
نيشاندان