ئەڤرۆ نیوز ، ھلۆری:
دەمەک بەریا نھا حەیدەر عەبادی سەروک وەزیرانێن عیراقێ و سەرکردەیێ ھێزێن چەکدارێن عیراقێ گەھشتە موسل و بو پیرزباھیکرنا سەرکردەیێن ھێزێن عیراقی و گەلێ عیراق ل بارا ئازادكرنا موسل.
نڤیسینگەھا حەیدەر عەبادی سەروک وەزیرێن عیراقێ راگەھاندنەک بەلاڤکریە کو نھا حەیدەر عەبادی گەشتیە موسل بو پیروزباھیکرنا رزگارکرنا موسل ژ سەرکردەیێن ھێزێن عیراقی و گۆتیە: ( پیروزباھیا ھەموو سەرکردە و گەلێ عیراقێ کر بو سەرکەفتنا مەزنا موسل )
ئەڤرۆ نیوز ، نەوزاد ھلۆری:
سەرۆکێ رژێما بەعس ” سەدام حسێن ” چەند کوچک و ئاڤاھی ل سنوورێ قەزا ئامێدیێ ب تایبەتی سنوورێ ناحیا سەرسنکێ درۆستکرینە ، ئێک ژ وانان کوچکا ئینشکێ یە ، رێیا کوچکا ئینشکێ کو ب شەھیدێن سەرھلدانێ دھێتە نیاسین 70% کارتێکرن لسەر رەڤاندنا گەشتیار و مێڤان و وەلاتیان بو سەنتەرێ سەرسنک و ھاڤینگەە و بازارێ وێ کریە و وەلاتی دخوازن ئەو رێک بھێتە گرتن.
بێوار محەمەد وەلاتیەکێ ناحیا سەرسنکێ یە دیارکر کو ئەو دخوازن رێیا شەھیدێن سەرھلدانێ كو ب رێیا کوچکا سەدام دھێتە نیاسین بھێتە گرتن و بۆ ئەڤرۆ نیوز گۆت: (رێیا کوچکا سەدام رێیەکا ستراتیجیە دناڤبەرا پارێزگەھا دھۆک و ھەولێر ل خالا قەزا ئامێدێ ، بەلێ ھەتا نھا ئەڤێ رێکێ چوو مفا نەگەھاندیە وەلاتیێن سەرسنک و بازار و جھێن گەشت و گوزاریێن وێ ژ بەرکو پشتی کو رژێما بەعس ل دەڤەرێ ھاتیە دەرکرن نھا زێدەتری ٩٥% ترومبێلێن کو ھاتن و چۆنێ دناڤبەرا ھەولێر و دھۆک ل دەڤەرا ئامێدیێ بو جھێن گەشت و گوزار و ھەموو مەرەمێن دن دکەن دەما کو نێزیکێ سەرسنک بوون ئێکسەر ژ سەرسنکێ لاددەن و دچنە رێیا ناڤبری ، واتە ب چوو شێوەیان ترومبێل دناڤا سەرسنکێ نابوورن ئەڤ یەک ژی بوویە سەدەم کو کارتێکرنەکا زور لسەر رەڤاندنا گەشتیار و مێھڤانان بکەت بو سەنتەرێ سەرسنک و ئەو ھاڤینگەھێن دکەڤنە نێزیک سەنتەری ، ئەڤە سەرەرای کو کارتێکرنەکا زور ژی لسەر بازارێ سەرسنکێ دکەت ژبەرکو نوکە رێژەیەکا زورا فروتنا پێدڤیێن بازاران کەفتینە سەر وان وەلاتیان و گەشتیاران یێن کو ھاتن و چونێ دکەن)
بابێ نەسرینێ خودانێ ئێک ژ مارکێت و بازارێن سەرسنکێ یە دیارکر کو رێیا کوچکا سەدام ٧٠% کارتێکرن لسەر بازار و گەشتیارێن سەرسنکێ کریە و گۆت: (پشتی کو قەیرانا دارایی درۆست بووی کرین و فروتن ژی زور کێم بوویە ، دیسان نە ھاتن و چونا گەشتیار و مێڤان و وەلاتیێن دەڤەرێ ژی دناڤا سەرسنکێ دا ئەگەرەکا دن یا کارتێکرنا بازار و جھێن گەشت و گوزاریێن سەرسنکێ یە ، دخوازین کو ب زوترین دەم ئەڤ رێکە بھێتەگرن داکو جارەک دن ئەم ژی بشێن کرین و فروتنێ بکەین ژ بەرکو بازارێن مە ب ھیڤیا خەلکێ سەنتەرێ سەرسنکێ بخویە کو ئەڤ یەک ژی زور لاوازە)
زێدەتر گۆت: ( ئەز نوزانم بوچی لایەنێن شولەژێ رێیا کوچکا سەدام ناگرن ژ بەرکو چوو بازار و ھاڤینگەە ناکەڤنە سەر وێ رێکێ ، ئەڤە ژبلی کو رێیەکا تەنگە و چەندین چەپ و کەندوکیر تێدانە ، بتنێ کو پێنج خولەکان ژ رێکێ کێم دکەت جھێن پەیوەندیدار مەزنترین زیان گەھاندینە بازارێن مە ل سەرسنک)
ئەڤرۆ نیوز ، سالار دوسکی:
پشتی چەندین بزاڤێن بەردەوام ل سەر ڤەکرنا نڤسینگەھا دانا ڤیزا تورکیا بو وەلاتیێن ھەرێما کوردستانێ ل پارێزگەھا دھۆکێ ، وەسا بریارە کو سوبەھی نڤیسینگەھا ناڤبری بکەڤیتە کار.
ھالیس عەلی چەقماق رێڤەبەرێ نڤسینگەھا دھۆک یا دانا ڤیزا تورکیا تایبەت بۆ ئەڤرۆ نیۆز گوت: ( ب مەرەما دانا ڤیزا تورکیا بو وەلاتیێن ھەرێما کوردستان و پارێزگەھا دھۆکێ ، سوبەھی د رێورسمەکێ ژ ھەژی دا دێ نڤسینگەھا دانا ڤیزا تورکیا ل دھۆکێ ھێتە ڤەکرن و دەست ب دانا ڤیزەیان کەت)
زێدەتر گۆت: ( پێدڤی ناکەت ئێدی بۆ وەرگرتنا ڤیزا تورکیا سەرەدانا پارێزگەھێن دن بکەن و دکارن ھەر ل دھۆک وەربگرن)
زانیایێن زێدەتر ل ھژمارا رۆژناما ئەڤرۆ یا سوبەھی بخوونن.
ئەڤرۆ نیوز:
وەزیری دەرڤە یێ ئیراقێ ترسا خوە یا مەزن ژ رێفراندۆما سەرخوەبوونا کوردستانێ ئاشکرا کر و راگەھاند: ھەرێما کوردستانێ ب ڤێ گاڤا ریفراندۆمێ ترسێ ل ھەمی رۆژھەلاتا ناڤین بەلاڤ دکەت.
ئیبراھیم جەفەری، د ھەڤپەیڤینەکێ دا بۆ مالپەرێ (middleeasteye) گۆت: ژبەر رەھەندێن ھەرێمی دەنگێ بەلێ د ریفراندۆما ھەرێما کوردستانێ دا دێ “ترسێ نەبتنێ ل ئیراقێ بەلکو ل رۆژھەلاتا ناڤین بەلاڤ کەت ب تایبەت وەلاتێن جڤاکا کوردی لێ ھەی مینا تورکیا و ئیران و سووریێ و رووسیا ژی، لەورا پێدڤییە وەلاتێن جیران ژی دەستوەردان ھەبیت ھەکەر ھەرێم بخوازیت سەربخوە ببیت”
ل گۆری گۆتنا جەعفەری پێدڤی ناکەت ھەرێما کوردستانێ سەربخوە بیت ژبەرکو رەوشا وان ل ئیراقێ یا خوەشە و بەغدا ھەمی مافێن کوردان ددەتێ.
ئەڤرۆ نیوز ، نەوزاد ھلۆری:
ئەڤرۆ دوو زاروکێن دن یێن کوردێن ئێزدی ژ دەستێ داعش ھاتنە رزگارکرن و ب کەس و کارێن خوە شادبوون ڤە.
دڤی واریدا حسێن قایدی بەرپرسێ نڤیسینگەھا رزگارکریێن ئێزدی ژ دەستێ داعش بو ئەڤرۆ نیوز گۆت: (ئەڤرۆ دوو زاروکێن دن یێن کوردیێن ئێزدی پشتی سێ سالان ژ بن دەستێ داعش ھاتنە رزگارکرن و ب کەس و کارێ، خوە شادبوون ڤە)
زێدەتر گۆت: (ئەڤ ھەردوو زاروکە کچن و خولکێ گوندێ تل قەسەب یا سەر ب قەزا شنگالێ نە و ژیێ وان ژی ھەشت سال و ١١ سالی بوون ، و بزاڤێن مە بو رزگارکرنا وان بەردەوامە و ب ئانەھیا خودێ رۆژ بو روژێ دێ زێدەتر کوردێن ئێزدی ھێنە رزگارکرن)
ھێتە زانین ھەتا نھا ھژمارا رزگارکریێن ئێزدی ل بن دەستێ داعش گەھشتیە سێ ھزار ٥٣ کەسان و بەلێ زێدەتر ژ وێ ھژمارێ د دەستێ داع شدا ماینە.
ئەڤرۆ نیوز ، ھلۆری:
دەمەک بەریا نھا کۆمبوونا کومیتەیا گشتیی یا ریفراندومێ ب سەروکاتیا مەسعود بارزانی سەرۆکێ ھەرێما کوردستانێ داوی ھات و نونەرەکێ ئەوێ کومێتەیێ ژی ددەتن دیارکرن کو بریار ھاتەدان چەند شاندەک بو وەلاتێن جیران و جیھانێ بھێنە رەوانەکرن.
ئەڤرۆ رۆژا شەمبی ل پیرمام کومبوونا کومیتەیا گشتی یا ریفراندۆمێ ب سەروکاتیا بارزانی داوی ھات و ل بارا ئەنجامێن کومبوونێ رۆژ نوری شاویس نونەرێ پارتی دیموکراتی کوردستان دیارکر کو چەند شاندەک بو وەلاتێن دەرڤەیێن ھەرێما کوردستانێ بھێنە رەوانەکرن و گۆت: ( دوو کومیتە ھاتینە پێکئینان کو ئەو ژی دێ ل گەل بەغدا و ئیران و تورکیا کومبیت و ئێک ژی دێ سەرەدانا گۆران و کومەلێ کەت ، و چەند شاندەک ژی دێ بو وەلاتێن ئەمریکا و ئەوروپا ھێنە رەوانەکرن)
زێدەتر گۆت: ( حکومەتا ھەرێما کوردستانێ ھاتە راسپاردن ل بارا ئەنجامدان و دانانا سندوقێن دەنگدانێ ل دەڤەریێن ڤەقەتیایێن ھەرێما کوردستانێ)
وەسا بریارە کو لرۆژا ٢٥ ئیلونا داھاتی ریفراندوم بو سەربخویا کوردستانێ ل ھەرێما کوردستانێ و دەڤەرێن ڤەقەتیایی بھێتە ئەنجامدان.
ئەڤرۆ نیوز ، نەوزاد ھلۆری:
جوتیارەکێ ئیرانی زێدەتری 300 هزار شتلێن داروبارێ ئیرانی ل دەڤەرا بارزان وەکو تێست چاندن و ددەتن دیارکرن ئەگەر سەرکەفتنێ بینیت دێ سالێن بھێت زێدەتر چینیت ، پێکدھێن ژ شتلێن دارێن فیقی مینا ” خوخ ، حلیک ، گویز ، گێلاس ، ئالوبال ، باھیف ، قەیسی ، مژمژە و چەند جورەکێن دن یێن فێقی” کو ل دەشتا بلێ ھاتینە چاندن.
میلاد شوعاجی خودانێ پرۆژێ زانستیێ شتلێن ئیرانی دیارکر کو ئەوان وەکو تێست 300 ھزار شتلێن داروباری ل گوندێ بلێ یا سەر ب دەڤەرا بارزان چاندینە و بۆ ئەڤرۆ نیوز گۆت: ( پرۆژەیێ زانستیێ داروبارێن فێقی ب ناڤێ شوعاجی کو ھەموو داروبارێن ئیرانی نە شیانێن دابینکرنا شتلان بو ھەموو جوتیارێن سنوورێ پارێزگەھا دھۆک و ھەولێر ھەیە و نھا وەکو تێست مە دەست پێ کر و سالێن بھێت دێ زێدەتر ھێنە چاندن و وەبەرھێنان)
زێدەتر گۆت: ( ئەڤ پرۆژە پێکدھێن ژ شتلێن دارێن فیقی مینا ” خوخ ، حلیک ، گویز ، گێلاس ، ئالوبال ، باھیف ، قەیسی ، مژمژە و چەند جورەکێن دن یێن فێقی” کو ل دەشتا بلێ ھاتینە چاندن ب رەنگەک زور پێشکەفتی و زانستیانە و ل ژێر چاڤدێریا کەسانێن بسپوور و تایبەتمەند دھێتە ب رێڤەبرن)
د درێژاھیا ئاخفتنێن خودا دیارکر ژی کو رۆژانە ١٤ کەس وەکو سەرپەرشتیار و کارساز و کرێکار د پرۆژەی دا کاردکەن و گۆت ژی: ( پرۆژە لسەر سیستەمەکێ زانستی ب ئاڤدانا چپکێ ھاتیە چاندن ، کو زێدەتری 100 دونەمێن عەردی ب خوڤە دگریت )
ژلایەکێ دنڤە حەسەن چالی خودانێ پرۆژەیێ داروبارێن فێقی ل بلێ کو پرۆژەیەکێ زانستیە و سالانە ھزاران تەنێن فێقی دھێنە بەرھەمئینان بۆ ئەڤرۆ نیوز گۆت: ( پرۆژەیێ داروبارێن فێقی ل بلێ پرۆژەیەکێ مەزنێ زانستیە و لسەر شێوە و ستاندارەکێ نوو و پێشکەفتی ھاتیە درۆستکرن و شیانێن دابینکرنا فێقی بو تەڤایا دەڤەرێ و پشکەکا زور یا پارێزگەھا ھەولێر ھەیە و کو ئەو ژی زێدەتری 300 تەنێن فێقی نە)
زێدەتر گۆت: (مە نوکە 27 ھزار دارێن گیز ، 75 ھزار دارێن خوخان ، 25 ھزار دارێن مژمژە و باھیفان ، 25 ھزار دارێن حلیکێن ترش ، 20 ھزار دارێن بیھێ ، 15 ھزار دارێن سێڤ ، ھزار دارێن گێلاسان و 20 ھزار دارێن ئالوبالی و زێدەباری چاندنا چەندین دارێن زەیتونان لسەر بنەمایەکێ زانستیە چاندنینە )
ئەڤرۆ نیوز ، ھلوری:
دەمەک بەریا نھا لسەر پرا نوێ یا ھەولێر بو موسل ل سنوورێ قەزا خەبات رویدانەکا ترافیکێ دناڤبەرا دوو ترومبێلێن بارھەگر روویدا و و گیان ب سلامەتن.
ل گورەی زانیاریێن ئەڤرۆ نیوز دەمەک بەریا نھا لسەر پرا ( ھەولێر – موسل ) ل سنوورێ قەزا خەبات یا سەر ب پارێزگەھا ھەولێر روویدانەکا ترافیکێ دناڤبەرا دوو ترومبێلێن بارھەلگر روویدا و ھەردوو ترومبێل ژی ب تەمامی ھاتنە سوتن.
ھەر ل گورەی زانیاریێن ئەڤرۆ نیوز شوفێرێن وان خەلکێ تورکیانە و ھەردوو ز مرنێ رزگاربوون و ئاگرێ ئەوان ترومبێلان ژی ژلایێ بنگەھێن بەرەڤانیا باژێری ل کەورگوسک و کەلەک و خەبات ھاتنە کونترولکرن.
ئەڤرۆ نیوز ، ھلوری:
ھێزێن ئەمن و ئاسایشا قەزا ئاکرێ شیان ب زوترین دەم ئاریشەیا دناڤبەرا ھەردوو خێزانێن ھەرکی و زێباری ل سنوورێ قەزا ئاکرێ ب راوەستینیت ، ل گورەی زانیاریێن ئەڤرۆ نیوز سوبەھی سپێدێ پشتی کومبونەکێ دناڤبەرا ھەردوو عەشیرەتێن ھەرکی و زێباری دێ تەرمێن کوشتیێن روودانێ ھێنە ڤەشارتن و ئەڤرۆ نیوز ژی ڤیدیویا خولەکا ئێکێ یا شەرێ دناڤبەرا ھەردوو خێزانان بەلاڤ دکەت.
پێشتر بێدار لەزگین عەبدولقەھار زێباری ئێک ژ ئاغا و کەساتیێن عەشیرەتا زێباری لسەر روودانێ بو ئەڤرۆ نیوز دیارکر بوو کو ئەڤرۆ ئێڤاری ل گوندێ بناڤ “باژێرەیی” ل سنووری ناحیا گردەسێن یا سەر ب قەزا ئاکرێ شەرەک دناڤبەرا دوو خێزانێن ھەرکی و زێباری روویدا و د ئەنجام دا کوشتی و بریندار ل ھەردوو لایان دروستبوون ، کو ئەو ژی کەسەک ل خێزانا زێباری و دوو کەس ژی ل خێزانا ھەرکی ھاتینە کوشتن ، و بریندار ژی ل ھەردوو لایان ھەنە کو بو نەخوشخانەیێن ئاکرێ ھاینە رەوانەکرن)
زێدەتر گۆت:( ئەڤ شەرە شەرەکێ خێزانی بوویە لسەر جوکەکا ئاڤێ و چوو پەیوەندی ب عەشیرەتگەریێ ڤە نینە و ئەم وەکو کەساتی و ئاغایێن زێباری لسەر خەتین ل گەل ھێزێن ئەمنی بو ئاسایکرنا پەیوەندیێن دناڤبەرا ھەردوو خێزانان داکو چوو حالەتێن مەزنتر روونەدەن ، و ئەم یێ پەیوەندیێ ب ھەردوو عەشیرەتان ژی دکەین کو بابەتی نەکەن عەشیرەتگەری و ھەردوولا بزاڤێ بکەن بو ئاسایکرنا پەیوەندیان )
ل بارا ئەگەرا سەرەکی یا روودانێ بو ئەڤرۆ نیوز گۆت: ( ئەڤ روودانە بو سالێن ١٩٨٠ دزڤریت کو دوو خێزانێن زێباری و ھەرکی پێکڤە ل گوندەکێ دژین و ئاریشە چەندین جاران روویدایە بەلێ ئەڤ جارە کوشتن و برینداربوون درۆست بوویە و موختارێن ھەردوو لایان ژی ھاتینە کوشتن)
ئەڤرۆ نیوز ، ھلوری:
ئێڤاریا ئەڤرۆ ل سنوورێ قەزا ئاکرێ یا سەر ب پارێزگەھا دھۆک شەر دناڤبەرا دوو خێزانێن ھەردوو عەشیرەتێن زێباری و ھەرکی روویدا و ھژمارەکا زورا ھێزێن ئەمنی گەشتنیە جھێ روودانێ بو ئاسایکرنا شەرێ وان ، ھەتا بەرھەڤکرنا ئەڤی ھەوالێ ژی ئالوزی دناڤبەرا وان دا بەردەوامە و چەند کەسەک ژی ژ ھەردولایان ھاتینە کوشتن و بریندارکرن.
بێدار لەزگین عەبدولقەھار زێباری ئێک ژ ئاغا و کەساتیێن عەشیرەتا زێباری لسەر روودانێ تایبەت بۆ ئەڤرۆ نیوز گۆت: ( ئەڤرۆ ئێڤاری ل گوندێ بناڤ “باژێرەیی” ل سنووری ناحیا گردەسێن یا سەر ب قەزا ئاکرێ روویدا و د ئەنجام دا کوشتی و بریندار ل ھەردوو لایان دروستبوون. کو ئەو ژی کەسەک ل خێزانا زێباری و دوو کەس ژی ل خێزانا ھەرکی ھاتینە کوشتن ، و بریندار ژی ل ھەردوو لایان ھەنە کو بو نەخوشخانەیێن ئاکرێ ھاینە رەوانەکرن )
زێدەتر گۆت: ( ئەڤ شەرە شەرەکێ خێزانی بوویە لسەر جوکەکا ئاڤێ و چوو پەیوەندی ب عەشیرەتگەریێ ڤە نینە و ئەم وەکو کەساتی و ئاغایێن زێباری لسەر خەتین ل گەل ھێزێن ئەمنی بو ئاسایکرنا پەیوەندیێن دناڤبەرا ھەردوو خێزانان داکو چوو حالەتێن مەزنتر روونەدەن ، و ئەم یێ پەیوەندیێ ب ھەردوو عەشیرەتان ژی دکەین کو بابەتی نەکەن عەشیرەتگەری و ھەردوولا بزاڤێ بکەن بو ئاسایکرنا پەیوەندیان )
ل بارا ئەگەرا سەرەکی یا روودانێ بو ئەڤرۆ نیوز گۆت: ( ئەڤ روودانە بو سالێن 1980 دزڤریت کو دوو خێزانێن زێباری و ھەرکی پێکڤە ل گوندەکێ دژین و ئاریشە چەندین جاران روویدایە بەلێ ئەڤ جارە کوشتن و برینداربوون درۆست بوویە و موختارێن ھەردوو لایان ژی ھاتینە کوشتن)
نيشاندان