ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ پرسا ريفراندۆمێ ل گه‌ل ئه‌نتۆنيۆ گوتێريس، سكرتێرێ گشتى يێ نه‌ته‌وێن ئێكگرتى به‌حس كر.
ب گۆره‌ى پێزانينێن ل به‌ر ده‌ست ئه‌ڤرۆ نيوزد كۆمبوونا ناڤبه‌را سه‌رۆك بارزانى و ئه‌نتۆنيۆ گۆتێريس پرسا ئه‌نجامدانا ريفراندۆمێ به‌حس كريه.
ئێڤاريا ئه‌ڤرۆ ئه‌نتۆنيۆ گۆتێريس، سكرتێرێ گشتى يێ نه‌ته‌وێن ئێكگرتى ب سه‌ره‌دانه‌كێ گه‌هشتبوو هه‌ولێر پشتى ل دانێ سپێدێ سه‌ره‌دانا به‌غدا كرى.
ئه‌ڤرۆ نيوز:
به‌رپرسێ ميحوه‌رێ باشوورێ كه‌ركووك يێ پێشمه‌رگێ كوردستانێ وه‌سا ره‌سۆل ئه‌ڤرۆ رۆژا پێنجشه‌مبى راگه‌هاند كو بلندكرنا ئالايێ كوردستانێ ل كه‌ركووك مافه‌كێ سرۆشتى يێ گه‌لێ كورده، خۆيا ژى كر كو پێدڤيه ئه‌و ئالا يێ بلند بيت ژ به‌ر كو پێشمه‌رگه‌ى به‌رامبه‌ر وێ چه‌ندێ خوين يا رێتى.
د داخۆيانيه‌كێ دا بۆ رۆژنامه‌ڤانان، ئه‌ڤرۆ رۆژا پێنجشه‌مبى 30ى ئادارا 2017ێ وه‌ستا ره‌سۆل گۆت: “ئاريشا هه‌رێما كوردستانێ ئه‌وه كو ژ لايێ به‌غدا ب تنێ ڤه ناهێته دوورپێچكرن، داخۆاز ژى ژ حوكمه‌تا ناڤه‌ندى كر كو بهێته سه‌ر خه‌ت دا كو ئاريشێن كه‌ركووك بهێنه چاره‌كرن”.
ئاماژه ب وێ چه‌ندێ ژى كر كو ژ لايێ له‌شكرى ڤه هه‌رێما كوردستانێ يا زڤريه سه‌ر هه‌رێما كوردستانێ، ب تنێ يا مايى ژ لايێ ئيدارى ڤه ژى ئه‌ڤ ئه‌چه‌نده بهێته كرن.
ئه‌ڤرۆ نيوز:
ئه‌ڤرو به‌ری نیڤرو 30-3-20177 به‌رێز فازل میرانی سكرتێرێ مه‌كته‌با سیاسی یا پارتی دیموكراتی كوردستان سه‌را پارێزگه‌ها دهوك دا ژلایێ به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازی لێ هاته كرن.
د هه‌ڤدیتنه‌كێ دا به‌حسێ ره‌وشا پارێزگه‌ها دهۆكێ و ئه‌و كار و خزمه‌تا بۆ خه‌لكێ پارێزگه‌هێ دهێته پێشكێشكرن و پێدڤیێن خه‌لكێ پارێزگه‌هێ ب پروژێن خزمه‌تكاری ب گشتی هاته كرن.
هه‌ردوو لا ته‌كه‌زی ل سه‌ر هه‌ڤكاری وهاریكاریێ كر بو باشتر خزمه‌تكرنا وه‌لاتیێن پارێزگه‌ها دهوكێ كر.
ئه‌ڤرۆ نيوز:
ب مه‌ره‌ما ژنێزیك هایداربون ل سه‌ر سیسته‌مێ نوو یێ برێڤه‌برنا موعاملێن وه‌لاتیان ئه‌ڤرو سپێدێ 30-33-2017به‌رێز فه‌رهاد ئه‌مین ئه‌تروشی پارێزگه‌رێ دهوكێ سه‌را رێڤه‌به‌ریا گومركا دهوك دا ژلایێ عزت فتاح رێڤه‌به‌رێ گومركا دهوكێ وكارمه‌ندێن فه‌رمانگه‌هێ پێشوازی لێ هاته كرن.
پاش پارێزگه‌رێ دهوكێ گه‌ریانه‌ك لناڤ ژور وپشكێن رێڤه‌به‌ریێ كر وژنێزیك هایداری سیسته‌مێ نوو یێ ئه‌لكترونی یێ خزمه‌تكرن وبرێڤه‌برنا موعاملێن وه‌لاتییان بو.
پاش ل هولا رێڤه‌به‌ریا گومركێ كارمه‌ندێن ته‌كنیكی یێن سه‌رپه‌رشتیكرنا سیسته‌می ب رێكا داتا شویێ رونكرنێن به‌رفره‌ه دانه سه‌ر سیسته‌مێ خزمه‌تكرنێ وگرنگیا وی به‌رچاڤكر ودا دیاركرن كو هه‌موو موعاملێن وه‌لاتییان ب كومپیوته‌ری وخزمه‌تا ئلكترونی وبكێمترین ده‌م دهێنه برێڤه‌برن هه‌روه‌سا موعامله ل جهه‌كێ ئێمن دهێنه پاراستن.
دداخویانییه‌كێدا پارێزگه‌رێ دهوكێ ده‌ست خوشی ل گومركا دهوكێ وته‌كنیكارێن وێ كر بو باشتر كرنا سیسته‌مێ ئه‌لكترونی یێ خزمه‌تكرنێ وگوت ئه‌ركێ فه‌رمانگه‌هێن حكومه‌تا كوردستانێ یه خزمه‌تكرنا وه‌لاتییان بكێمترین ده‌م بكه‌ن وگوت ئه‌ڤه سیسته‌مه‌كێ ئه‌لكترونی یێ پێشكه‌فتی یه وگه‌له‌ك باشیێن خوهه‌نه وهێدی هێدی ئه‌ڤ پروژه دێ لناڤ فه‌رمانگه‌هێن میری هێته په‌یره‌وكرن .
هه‌روه‌سا گوت ئه‌ڤه پێنگاڤه‌كا گرنگه وكار وخزمه‌ت رێكوپێكتر بو وه‌لاتییان دێ هێنه پێشكێشكرن .
ژلایێ خوڤه رێڤه‌به‌رێ گومركا دهوكێ ته‌كه‌زك كو ئه‌ڤ به‌رنامه ب پشته‌ڤانیا پارێزگه‌ها دهوكێ هاتیه ئاماده‌كرن وهاولاتی ب ساناهی وله‌ز وپاراستیتر دێ شێن موعاملێن خو برێڤه‌به‌ن.
ئه‌ڤرۆ نيوز:
وه‌كو هه‌لويست به‌رامبه‌ر چاره‌سه‌رنه‌كرنا قه‌يران و كارانه‌كرنا په‌رله‌مانێ كوردستانێ و لانه‌برنا پاشكه‌فتكرنا مووچێ فه‌رمانبه‌ران ژ لايێ حوكمه‌تا هه‌رێمێ ڤه، ئه‌ڤرۆ رۆژا پێنجشه‌مبى 30ى ئادارا 2017ێ عومه‌ر كۆچه‌ر په‌رله‌مانتارێ ئێكگرتوو ل په‌رله‌مانێ كوردستانێ ناما ده‌ست ژ كاركێشانێ پێشكێشى سه‌رۆكاتيا په‌رله‌مانى كر.
پێشتر ژى ئه‌وى په‌رله‌مانتارێ ئێكگرتوو ل ده‌زگه‌هێن راگه‌هاندنێ و په‌يجێ تايبه‌ت يێ خوه ل تۆڕا جڤاكيا فه‌يسبۆكى هوشداريا وێ چه‌ندێ دابوو لايه‌نێن هه‌ڤرك كو ئێدى ملله‌ت خوه ل به‌ر قه‌يرانان و كارانه‌كرنا په‌رله‌مانى و به‌رده‌واميا پاشكه‌فتێ مووچه‌ى ناگريت و داخواز ژ هه‌موو په‌رله‌مانتاران كربوو كو ده‌ست ژ كاركێشانا خوه ب راگه‌هيننن وه‌كو فشار بۆ سه‌ر لايه‌نان هه‌تا كو قه‌يرانان چاره بكه‌ن.
په‌يجێ فراكسيۆنا ئێكگرتوو ل په‌رله‌مانێ كوردستانێ راگه‌هاند كو ئه‌ڤرۆ رۆژا پێنجشه‌مبى عومه‌ر كوچه‌ر ژ به‌ر وان ئه‌گه‌رێن ئاماژه بۆ هاتيه كرن ناما ده‌ست ژ كاركێشانا خوه پێشكێشى سه‌رۆكاتيا په‌رله‌مانێ كوردستانێ كر.
ئه‌ڤرۆ نيوز، نيوار محه‌مه‌د سه‌ليم:
لژنا سه‌رپه‌رشتا مواليدان ل پارێزگه‌ها دهۆكێ راپۆرتا خوه يا هه‌يڤا سێ به‌لاڤكر كو تێدا بهايێ ئه‌مپێرێ كاره‌بێ بۆ هه‌يڤا سێ و به‌رنامێ كاركرنا وان يێ هه‌يڤا چار ئاشكه‌را كريه:
ل رۆژا چوار شەمبی 29ى ئادارا 2017ێ لژنا بلند یا سەرپەرشتیا موەلیدێن پارێزگەھا دھۆکێ کومبوونا خوه یا ھەیڤانە ل ھولا کومبوونا یا قایمقامیا قەزا دھۆکێ گرێدا ب سەروکاتیا قایمقامێ قەزا دھوکێ و سەروکێ لیژنێ و ب ئامادەبوونا ئەندازیارو ئەندامێن لیژنا بلند یا سەرپەرشتیا موەلیدێن پارێزگەھا دھۆکێ و نوونەرێن پارێزگەھێ، رێڤەبەریێن کەھرەب، بەرھەمێن گازێ ل دھوکێ، جڤاتا باژێرڤانيا دھۆکێ و نوونەرێن لژنێن موەلیدا ل قەزایێن دھۆک، سێمێل، زاخو، ئامێدی، ئاکرێ، شێخان و بەردەرەش.
د ڤێ کومبوونێ دا دانوستاندن ھاتنە کرن و چەندین بڕیار ھاتنە دان ل سەر بابەتێن رەوشا کەھرەبێ وکارکرنا موەلیدا و بهايێ ئەمپێرى بۆ هه‌يڤا ئادارێ (ھەیڤا 3)، و دانانا بەرنامێ کارکرنا موەلیدا بۆ ھەیڤا نیسانێ (ھەیڤا 4/2017 ).
بهايێ ئەمپێرێ کارەبا موەلیدا یێ ( ھەیڤا – 3 – ئادارێ ) ب ڤی ره‌نگێ ل خوارێ یە
1- قەزایینَ دھۆک، سێمێل و زاخۆ و دەڤەرێن سەر ب وان ڤە 
9.500 ) نەهـ ھزارو پێنج سەد دینارن. ل گوندێن ( تەلوە وبێتاسێ و ئەڤریکێ ) (5.500 ) پێنج ھزارو وپێنج سەد دینارن.
2- ل قەزا ئاکرێ وده‌ه‌ڤه‌رێن ( دینارتە و بجیل وگردەسین )/سەنتەر (9.500 ) نەهـ ھزار و پێنج سەد دینارن. ل ده‌ڤه‌ر و گوندێن دەوروبەرێن ئاکرێ فیدەرێ (گردەسێن- شەرمن و ئومەرخۆشان) ( 7.000 ) ھەفت ھزار دینارن ول فیدەرێ ( دینارتە و بجیل ) ( 6.500 ) شەش ھزار و پێنج سەد دینارن و ئەو جھێن بەلێندەر موەلیدێن وان برێڤە دبەت ل فیدەرێ (گردەسێن -شەرمن و ئومەر خۆشان ) ( 7.000 ) ھەفت ھزار دینارن.
4- ل قەزا بەردەرەش/سەنتەر( 7.000 ) ھەفت ھزار دینارن. ل ده‌ڤه‌را ( کەلەک ) (5.500 ) پێنج ھزارو پێنج سە دینارن. ل ( بشیریان ) (5.500) پێنج ھزارو پێنج سەد دینارن و ل (کانی ئەسپان، ئیسماوە و زەنگەنان) (5.000) پێنج ھزار دینارن. ل ده‌ڤه‌را (دارەتوو ) (5.250) پێنج ھزارو دوو سەدو پێنجی دینارن، ل ده‌ڤه‌را (رۆڤیا/بەلێندەر) (5.250)پێنج ھزارو دوو سەدو پێنجی دینارن.
5- ل سەنتەرێ قەزا شێخان (7.000) ھەفت ھزار دینارن. ل (ده‌ڤه‌را چرە) (7.250) ھەفت ھزار و دوو سەدو پێنجی دینارن. ل (کەلەکچی و دولیشان) (7.000) ھەفت ھزار دینارن، ل ده‌ڤه‌را (قسروک) (7.000) ھەفت ھزار و ھەفت سەدو پێنجی دینارن، ل (مھەتێ) (7.000) ھەفت دینارن. ل (وان ده‌ڤه‌ر و دەڤەرێن کومپانیا بێخال موەلیدێن وان برێڤەدبەن ل سنورێ قەزا شێخان) فیدەرێ (ھزار جووت، لەکان، کفرێ) (7.000) ھەفت ھزار دینارن ،وفیدەرێ (خنس، شەھیا) (7.250) ھەفت ھزارو دوو سەدو پێنجی دینارن.
6- ل ناحیا باعه‌درێ (7.000) ھەفت ھزار دینارن. ل(ئێسیا) (6.750) شەش ھزارو ھەفت سەدو پێنجی دینارن و ل ده‌ڤه‌را ئەتریش و بلدێشا (7.250) ھەفت ھزارو دوو سەدو پێنجی دینارن.
7- ل قەزا ئامێدیێ /(سەنتەر) (9.500) نەهـ ھزار و پێنج سەد دینارن، ل(سەرسنگی) (9.500) نەهـ ھزار و پێنج سەد دینارن، ل (دێرالوکێ) (9.500) نەهـ ھزار و پێنج سەد دینارن و ل (شێلادزێ) (9.500) نەهـ ھزار و پێنج سەد دینارن و ل ده‌ڤه‌را چەمانکێ (9.500) نەهـ ھزار و پێنج سەد دینارن.
8- ل دەڤەرێن سنورێ قایمەقامیا قەزا سێمێلێ ئەوژی (سمایل ئاڤا، بالقوس، خراب دیم وگرشین و موقبلێ باتێلێ و باستکێ) (9.500) نەهـ ھزار و پێنج سەد دینارن. دەڤەرێن ئەمپێری ل زاخۆ (9.500) نەهـ ھزار و پێنج دینارن.
9- ل دەڤەرێن ( کورا، مانگێش، زاویتە) (9.250) نەهـ ھزارو دوو سەد و پێنجی دینارن ول باگێرا (9.000) نەهـ ھزار دینارن.
10- ل شوقێن پارێزگەھا دھوکێ کو بەرنامێ کارکرنا موەلیدا (19) دەمژمێریە و ئەوێن موەلیدێن وان نە سەر ب پرۆژەی ڤە (13.500) سێزدە ھزارو پێنج سەد دینارن. ل شوقێن زاخۆ (13.500) سێزدە ھزار و پێنج سەد دینارن. ل وان شوقێن کۆ بەرنامێ کارکرنا موەلیدێن وان (24) دەمژمێری (15.000) پانزدە ھزار دینارن.
11- ل ده‌ڤه‌را (ئەلقوش /سەنتەرێ ده‌ڤه‌رێ) (8.500) ھەشت ھزار و پێنج سەد دینارن. ل (جراحی- بوزا- شێخکا- بێبان ونفێریێ) (5.500) پێنج ھزار و پێنج سەد دینارن و ل (خەتارێ- دوغاتا- منارە- تلسین و بابیرا) (3.000) سێ ھزار دینارن.
تێبینی:
• بەرنامێ کارکرنا موەليدا ل سەنتەرێن قەزایێن دھۆک، زاخۆ و سێمێل بۆ مەھا ( نیسانێ- ھەیڤا 4/2017 ) دێ ب ڤی رەنگێ ل خوارێ بیت:
– ژ دەمژمێر 7:00 سپێدێ هه‌تا دەمژمێر 9 سپێدێ موەلیدە دێ کارکەن.
– ژ دەمژمێر 2:00 ئێڤاری تا دەمژمێر 2:00 شەڤ موەلیدە دێ کارکەن.
– بەرنامێ کارکرنا موەلیدان ل (کۆمەلگەھێن شوقان) دێ ( 19 ) دەمژمێری بیت، ژ دەمژمێر 7:00 سپێدێ هه‌تا دەمژمێر 2:00 شەڤێ موەلیدە دێ کارکەن ل ھەر دەمێ کەھرەبا گشتی دڤی ماوەی دا ھاتە برین.
– بەرنامێ کارکرنا موەلیدان ل قەزایێن دی و دەڤەرێن سەر ب وان ڤە ، دێ ل دووڤ رەوش و داخوازییا کارگێریێن وان و خەلکێ وان بیت.
* ھیڤیدارین ژ خودانێن موەلیدا پێگریێ ب بەرنامێ لیژنا سەرپەرشتیا موەلیدان بکەن ئەوێ ل سەری دیارکری، داخوازێ ژ ھەلبژێرێن بەرێز دکەین، ھەر جھەکێ موەلیدا ل تاخێ وی پێگریێ نەکەت، لیژنا مە ب سکالایەکا نڤیسی ئاگەھدار بکەت دا کو پێرابوون د دەرھەقێ وان دا بھێنە ئەنجامدان.
ئه‌ڤرۆ نيوز، له‌زگين جۆقى:
رێخراوه‌كا ئه‌لمانى 14 ترۆمبێلێن ئه‌مبۆلانس پێشكێشى رێڤه‌به‌ريا گشتى يا ساخله‌ميا پارێزگه‌ها دهۆكێ كرن. قونسلێ وه‌لاتێ ئه‌لمانيا ژى ل هه‌ولێر راگه‌هاند كو ئه‌و دێ نه‌خۆشخانا ئازادى نووژه‌ن و به‌رفره‌هتر لێ كه‌ن.
د رێ و ره‌سمه‌كى دا ئه‌ڤرۆ 30ى ئادارا 2017ێ د. نزار عصمەت تەیب رێڤەبەرێ گشتیێ ساخلەمیا دھۆکێ و ئیسماعیل محه‌مه‌د جیگری پارێزگەرێ دھۆکێ بۆ کاروبارێن بۆردێ مرۆڤایەتیێ پێشوازی ل قونسلێ وەلاتێ ئەلمانیا ل ھەولێر یوھانس شنایده‌ر و رەلانەد لاوکتا و کر و د ڤى چارچۆڤه‌ى دا، رێكخراوه‌كا ئه‌لمانى 14 ترۆمبێلێن ئه‌مبۆلانس پێشكێشى ساخله‌ميا دهۆكێ كرن.
د. نزار عصمەت تەیب، رێڤەبەرێ گشتیێ ساخلەمیا پارێزگەھا دھۆکێ گۆت: “رێکخراوا ئەلمانی بەردەوام پشتەڤاینا کەرتێ ساخلەمیێ ل دھۆکێ دکەت، ھەر ژدەستپیکا شەرێ تیرۆرستێن داعش ھەتا نوکە گەلەک جاران رێکخراوان ھەڤکاریا ساخلەمیا دھۆکێ کرینە، ئەم داخواز دکەین ھەموو رێکخراو ھەڤکاریا ساخلەمیێ بکەن”.
ئیسماعیل محه‌مه‌د، جێگری پارێزگەرێ دھۆکێ بۆ کاروبارێن بۆردێ مرۆڤایەتیێ، دیارکر رێکخراوا ئەلمانی گەلەک جۆرێن ھاریکاریان پێشکێشی خەلکێ دھۆکێ دکەت ئەڤرۆ 30ى ئادارا 2017 دێ 12 تانکەرین ئاڤی ژی دابین کەت بۆ رێڤه‌به‌ريا ئاڤا دھۆکێ بۆ خزمەتکرنا وەلاتیان و دابینکرنا ئاڤا ڤەخۆارنی بۆ وان جهـ و کەمپ و دەڤەران یێن کێماسیا ئاڤا ڤەخوارنێ لێ ھەی.
زێدەتر گۆت: “حکومەتا ئەلمانیا ل دھۆکێ پشتەڤانیێ ل پەروەردێ و ساخلەمیێ و ئاڤێ دکەت، ئەم داخواز دکەین زێدەتر پشتەڤانیا وان کەرتێن خزمەتگوزاری بھێتە كرن”.
یوھانس شنایده‌ر قونسلێ ولاتی ئەلمانیا گۆت: “پێ خوشحالم ئەڤرۆ جارەکا دی من سەرەدانا دھۆکێ کر و حکومەتا ئەلمانیا دێ یا بەردەوام ل سەر ھاریکاریا ساخلەمیا دھۆکێ دی نەخۆشخانا ئازادی ژی نووژەن و بەرفرەهـ کەين”.
ئه‌ڤرۆ نيوز:
سكرتێرێ گشتى يێ نه‌ته‌وێن ئێكگرتى گه‌هشته به‌غدا و ئێڤاريا ئه‌ڤرۆ دێ سه‌ره‌دانا هه‌ولێر كه‌ت.
پشتى سه‌ره‌دانا خوه بۆ ئوردن، ئه‌نتۆنيۆ گوته‌رێس، سكرتێرێ گشتى يێ نه‌ته‌وێن ئێكگرتى گه‌هشته به‌غدا يا پايته‌ختێ عيراقێ و بڕياره ل گه‌ل به‌رپرسێن به‌غدا شه‌رێ داعش و پرسا ئاواران گه‌نگه‌شه بكه‌ن.
ب گۆره‌ى پێزانينێن هاتينه راگه‌هاندن، ئێڤاريا ئه‌ڤرۆ سكرتێرێ نه‌ته‌وێن ئێكگرتى دێ سه‌ره‌دانا هه‌ولێرێ كه‌ت.
رۆژا ئه‌ينى 28ى ئادارا 2017ێ ئه‌نتۆنيۆ گوته‌رێس سه‌ره‌دانا ئوردن كربوو، ژبلى پشكداريا وى د كۆمبوونا كۆمكارا عه‌ره‌بى دا، سه‌ره‌دانا كه‌مپێن ئاوارێن سوريێ ل ئوردن كر.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو پێله‌كا دو رۆژى يا باران بارينێ دێ ب سه‌ر هه‌رێما كوردستانێ و ده‌ڤه‌رێ دا باريت كو هه‌ردو رۆژێن هه‌ينى و شه‌مبى دێ يا به‌رده‌وام بيت.
پشكا پێشبينيان ل رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ د راگه‌هاندنه‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند كو هه‌رێما كوردستانێ دێ كه‌ڤيته بن كارتێكرنا فشارێن نزمێن ده‌ريا سۆر و باران بارين ل رۆژا ئه‌ينى دێ ده‌سپێكه‌ت و ل پتريا ده‌ڤه‌ران ل ده‌سپێكێ دێ بارانه‌كا هوور بيت و پاشان دێ هه‌تا راده‌كى زێده بيت و ئه‌ڤ كارتێكرنه دێ هه‌تا رۆژا شه‌مبى يا به‌رده‌وام بيت و ده‌ڤه‌رێن چيايى ئه‌و باران دێ گه‌له‌ك ب دژوارى باريت، ب تايبه‌ت ل ده‌ڤه‌رێن چيايى يێن پارێزگه‌ها هه‌ولێر و ب ڤێ چه‌ندێ ژى دێ ئاستێ ئاڤێ ژى ل وێ ده‌ڤه‌رێ زێده بيت.
هه‌ر ب گۆره‌ى پشكا پێشبينيان رێژا باران بارينێ ل ناڤ سه‌نته‌رێ پارێزگه‌هان ژ ئه‌نجامێ ڤێ شه‌پۆلا باران بارينێ يا دو رۆژى د سه‌ر 10ملم بارانێ دا بيت.
ئاماژه ب وێ چه‌ندێ ژى كريه كو ل پارێزگه‌هێن سلێمانى و كه‌ركووك له‌زاتيا باى دێ د سه‌ر 255كم د ده‌مژمێره‌كێ دا بيت و پلێن گه‌رمێ يێن بلند دێ ب دو بۆ چار پلان هێنه خوار و دێ بريسى ژى هه‌بن.
ئەڤرۆ نيوز:
رێڤەبەرێ دەزگەھێ شەھیدان و ئەنفالکریان ل خانەقین راگەھاند، گۆرەکێ ب کۆم ھاتیە دیتن و تەرمێن پێشمەرگەیان تێدانە و ل گۆر پێزانینان وی گۆری تەرمێن وان پێشمەرگا تێدایە کو ب برینداری د شەڕێ جەلەولا دا کەتینە د دەستێ چەکدارێن داعش دا.
ھێرش ئەحمەد رێڤەبەرێ دەزگەھێ شەھیدان و ئەنفالکریێن خانەقین بۆ خویا کر، وان داخوازا مۆلەتێ ژ دادگەھا وی سنووری کریە بۆ وەرگرتنا رازیبوونێ ل سەر کولانا وی گۆری و گۆت “ھەیا نھا رێکاریێن قانوونی تمام نەبووینە و کولانا وی گۆری ژی پێدڤی ب رازیبوونا حکوومەتا ناڤەندییە، چونکی ئەو گورێ ب کۆم ل دەڤەرەکێ یە، کو دبێژنێ دەڤەرێن کوردستانی یێن ژدەرڤەی ھەرێما کوردستانێ”.
ھەڤدەم ئەحمەد زڕگوشی، رێڤەبەرێ ناحیا سەعدیە دیار کر، ھەیا نھا پێزانینێن تمام ل سەر وی گورێ ب کۆم نینن، لێ بزاڤێ دکەن رازیبوونا دادگەھێ بۆ کولانا وی گۆری وەربگرن.
جەلەولا باژێرەکێ کوردنشینە و سەر ب پارێزگەھا دیالا ڤەیە کو ب ١٨٥ کلیۆمەتران ژ باکورێ رۆژھەلاتا باژێرێ بەغدا دویرە و ل وی باژێری کورد و تورکمان و عەرەب دژین کو نھا ئاسایشا وی باژێری د دەستێ ھێزێن پێشمەرگەی دایە.
ئەو باژێر تنێ سێ ھەیڤان د دەستێ چەکدارێن داعش دا بوو، پێشمەرگە ل رێکەفتی 23ى ئادارا 2014ێ شیا وی باژێری کونترۆل بکەت، ھێزێن پێشمەرگەی د گرتنا وی باژێری دا 167 شەھید و زێدەتر ژ 400 برینداران ھەبوون.
نيشاندان