ئەڤرۆنیۆز، سالار دۆسکی:

رێڤەبەرێ پەیوەندی و راگەھاندنێ ل رێڤەبەریا گشتی یا پەروەردێ ل پارێزگەھا دھۆک ئاشکراکر کو بەرھەڤیێن تەمام بۆ دەسپێکرنا تاقیکرنێن دووماھیا سالێ دەست پێکرینە.
ئەحمەد عەبدوللا زبێر زێدەتر بۆ ئەڤرۆ نیۆز گۆت: ئەڤرۆ کومبوونەکا بەرفرەە ل سەر ئاستێ ھەموو رێڤەبەریێن پەروەردێ قەزا ل گەل رێڤەبەرێ گشتیێ پەروەرێ ل پارێزگەھا دھۆک ھاتیەکرن ب مەرەما خو بەرھەفکرن بۆ تاقیکرنێن قوناغا دوازدێ و دیسا بۆ تاقیکرنێن نەھێ نشتیمانی.
زبێری ئەو ژی دیارکر کو بلندکرنا پارێ وانەبێژان تەوەرەکێ دیێ کومبوونێ بوو و پێشنیار ل کومبوونا وەزارەتا پەروەردێ ھاتیەکرن بۆ وەزارەتا دارایی ھاتیە بلندکرن کو پارێ وانەبێژان بھێتە زێدەکرن و تایبەت ئەوێن دوور دھێن.
ھەڤدەم رێڤەبەرێ پەیوەندی و راگەھاندنێ ل رێڤەبەریا گشتی یا پەروەردێ ل پارێزگەھا دھۆک ئاشکراکر کو دانا رێنمایێن نوو ب تاقیکرنێن دووماھیێ ڤە تەوەرەکێ دیێ کومبوونێ بوو گەنگەشە ل سەر ھاتەکرن و گەنگەشە ل سەر بەرھەڤیێن ھولێن ئەزموونان ھاتەکرن.
جھێ ئاماژەکرنێ یە کو رێکەفتی 15/6/ دێ ئەزموونێن دووماھیا ساالێ قوناغا دوازدێ ھێنە دەسپێکرن و 14/6/ ئەزموونێن قوناغا نەھێ بنەرەت ئانکو نشتیمانی دێ ھێنە دەسپێکرن.

ئەڤرۆ نیۆز ، عه‌زیز ره‌سوڵ هه‌ورامانی:
سپێدەیا ئەڤرو ل چاکسازیا مەزنان ل پارێزگەها سلێمانیێ دادگەهکریەکێ ” زیندانیەکێ ” خوە کوشت و هەتا نها ئەگەرا خوە کوشتنا وی ژی نەهاتیە زانین.
ژێدەرەکێ ژ پولیسێن پارێزگەها سلێمانیێ بۆ ئەڤرو نیوز دیارکر کو سپێدەیا ئەڤرو ل چاکسازیا مەزنان ل سلێمانیێ دادگەهکریەکێ خوە کوشت و گۆت: (ژبەر سەدەمەکا نەدیار ئەڤرو سپێدێ دادگەهکریەکێ بناڤێ ” م.ج” کو خەلکێ باژێرێ سلێمانیێ یە خوە حەندقاند و دووماهی ب ژیانا خوە ئینا)
پولیسان زێدەتر گۆت: (ئەڤ دادگەهکریە دایکبوویێ سالا 1987 یە و ب حوکمێ 10 سالان هاتیە دادگەهکرن ، بەلێ هەتا نها سەدەما خوە کوشتنا وی نەهاتیە زانین و پشتی کو پولیس لسەر کوشتنا وی هاتینە ئاگەهدارکرن نها یێ ڤەکولین لسەر خوە کوشتنا وی دەست پێ کریە)

ئەڤرو نیوز:
حکومەتا ھەرێما کوردستانێ پرۆژێ وەزارەتا پەروەردێ پەسەندکر ئەوا کو ددەتن دیارکرن کو شوونا زاروک دژیێ شەش سالیێ زاروک بچیتە قوتابخانێ ، دژیێ پێنج سالیێ دا بچیتە قوتابخانێ .
ل گورەی پرۆژێ وەزارەتا پەروەردێ دێ باخچەیێن زاروکان ژی ھێنە د سێ یان چوار سالیێ دا و ئەڤ یەک ژی ل گەلەک ژ وەلاتێن جیھانێ دھێتە پەیروەکرن و ئەو دێ ب ھەڤکاریا کومەکا کەسانێن شارەزا و بسپوور زێدەتر ڤەکولینان لسەر ڤێ یەکێ کەن.
ل ھەرێما کوردستانێ سیستەمێ شەش سالیی دەست پێ کرن ل ناڤەندێن خواندنێ دیارکریە و پێنج سالی بو باخچێن زاروکان.

ئه‌ڤرۆ نيو:

پشتی حكومه‌تا هه‌رێما كوردستانێ‌ بریار دای پارێ‌ پروژێن هاتینه‌ بجهئینان ل سالێن بوری ب رێژه‌ بو به‌لێنده‌را خه‌رج بكه‌ت ,
بریاره‌ سبه‌هی 29ى گۆلانا 2017 ل پارێزگه‌ها دهوكێ‌ كوژمه‌كێ‌ پاره‌ی ل سه‌ر به‌لێنده‌رێن پارێزگه‌هێ‌ بهێته‌ به‌لاف كرن ,
دداخویانیه‌كا تایبه‌ت دا بو روژناما ئه‌ڤرو (ئه‌ندازیار ئوسمان یونس) جێگرێ‌ پارێزگه‌رێ‌ دهوكێ‌ بو كاروبارێن ته‌كنیكی دیار كر كو حكومه‌تا هه‌رێما كوردستانێ‌ كوژمێ‌ 2 ملیار و 916 ملیون دینار بو به‌لێنده‌رێن پارێزگه‌ها دهوكێ‌ خه‌رجكرینه‌ بو پروژێن گه‌شه‌پێدانا هه‌رێما دێ‌ ل سه‌ر 105 به‌لێنده‌را ب رێژا 4.5% بو هه‌ر به‌لێنده‌ره‌كی هێته‌ خه‌رج كرن ژ پروژێن سالێن 2014 و 2015 و 2016 و هنده‌ك پروژێن سالا 2017 ێ‌ ,
بو زانین به‌ری چه‌نده‌كێ‌ هه‌مالن كوژمه‌ بو پارێزگه‌ها دهوكێ‌ هاتبو خه‌رجكرن و ب رێژا 66% بو پروژێن سالێن 2015 و 2016 ل سه‌ر به‌لێنده‌را هاتبونه‌ به‌لا فكرن .