ئه‌ڤرۆ نیوز:
پشتى شاندێ مه‌كته‌با سیاسى یا پارتى ل گه‌ل حزبا سوسیالیستا دیموكراتا كوردستانێ كومبووى، محه‌مه‌د حاجى مه‌حمود سكرتێرێ وێ حزبێ راگه‌هاند” سه‌رۆك بارزانى چ به‌هانه بۆ حزبێن كوردستانى نه‌هێلاینه كو رێگریێ دروست بكه‌ن”.
محه‌مه‌د حاجى مه‌حمود ئاماژه ب وێ یه‌كێ ژى كر كو ئه‌وا جهێ دلخوشیا هه‌موو حزب و لایه‌نێن سیاسى رژبوونا وانه ل په‌یاما سه‌رۆكێ هه‌رێمێ و هه‌موو پشته‌ڤانیێ لێ دكه‌ن.
فازل میرانى سكرتێرێ مه‌كته‌با سیاسى یا پارتى دیموكراتى كوردستان پشتى كومبوونا ل گه‌ل حزبا شیوعى راگه‌هاند” ئه‌و ل دووڤ پرۆژه‌كێ هه‌ڤپشك دگه‌رێین، ئانكو پارتى پرۆژه‌یه‌كێ دیاریكرى نینه تاوه‌كو بێخته به‌ر سینگێ لایه‌نان، بۆ وێ یه‌كێ لایه‌ن پێ رازى ببین یان ئاخافتنا خوه ل سه‌ر بكه‌ن، مه مه دڤێت پرۆژه‌كێ هه‌مه‌لایه‌ن به‌رهه‌ڤ بكه‌ین”.
ئەڤرۆ نیوز:
بووک و زاڤایەک ل ویلایەتا ئۆھایو ل ئەمریکا ب ترۆمبێلی بەر ب ھۆلا شەھیانێ ڤە دچوون و ھەمی مێڤان ل ھیڤیێ بوون، لێ کەفتنە ناڤ قەرەبالغەکا مەزن یا ترافیکێ و بۆ دەمەکی درێژ گیرۆ بوون.
ل شوونا خوە بۆ تشتەکێ تۆرەکەن کو نەبدەستێ وان، بووک و زاڤا ژ ترۆمبێلی دەرکەفتن و ل نیڤا جادێ سەما کر و خەلکی ژی پیرۆزباھییا وان کر.
ل داویێ برازاڤا هات بووک و زاڤا برێیەکا دی قورتال کرن و برنە ھۆلا شەھیانێ و ئاھەنگێ دەست پێ کر.
ئەڤرۆ نیوز:
رێکخستنا تیرۆرستی یا داعشێ ل گوندێ دانە ل نێزیکی باژارێ بابێ ل باکۆری سووریێ، دو سەربازین تورکیا ئیخسیر کرن.
داعشێ د راگەھاندنەکێ دا ل مالپەری خوە یێ سەرەکی راگەھاند: دو سەربازێن تورک ب ساخی کەڤتینە دەستێ مە دا”
سوپایێ تورکیا پشتەڤانییا سوپایێ ئازادێ سووریێ ل باکۆری سووریێ دکەت، ب مەرەما کۆنترۆلکرنا باژاری بابێ و ژناڤبرنا پلانا یەپەگێ ل رۆژئاڤایێ کوردستانێ کو دخوازیت ھەردو کانتۆنێن کۆبانێ و عەفرینێ بگەھیننە ئێک.
ئه‌ڤرۆ نيوز، له‌زگين جۆقى:
نڤيسينگه‌ها كاروبارێن ره‌ڤانديان ل هه‌رێما كوردستانێ راگه‌هاند كو ئه‌ڤرۆ ژى شه‌ش كه‌س ژ ده‌ستێ داعش هاتنه رزگاركرن.
حسێن قائيدى، به‌رپرسێ نڤيسينگه‌ها كاروبارێن ره‌ڤانديان ل هه‌رێما كوردستانێ بۆ ئه‌ڤرۆ نيوز گۆت: “به‌رى ده‌مه‌كێ كێم شه‌ش كه‌سێن دى ژى ژ ده‌ستێ داعش رزگاركرن”.
به‌رپرسێ نڤيسينگه‌ها كاروبارێن ره‌ڤانديان ل هه‌رێما كوردستانێ زێده‌تر گۆت: “ئه‌ڤ كه‌سێن هاتينه رزگاركرن دو ژن و چار زارۆنه، هه‌موو ژى خه‌لكێ تل قه‌سه‌بن”.
كۆمه‌لگه‌ها تل قه‌سه‌ب دكه‌ڤيته نێزيك شنگال ب دووراتيا حه‌فت كيلۆمه‌تران و ژ وان ده‌ڤه‌رايه يێن هه‌تا نوكه ل بن ده‌ستێ داعش و نه‌هاتينه رزگاركرن.
ئه‌ڤرۆ نيوز:
(جەهوەر عەلی) قائیمقامێ قەزا دهوكێ بەحسێ رەوشا كارەبا موەلیدان ل سەرانسەری پارێزگەها دهوكێ كر وگوت دكومبونا لیژنا سەرپەرشتیا موەلیدان ئەڤا دوهی هاتیە ئەنجامدان ، بهایێ ئەمپێرێ كارەبێ ل پارێزگەها دهوكێ هاتە راگەهاندن وگوت ل قەزایێن( دهوك وسێمێل وزاخو )بهایێ ئەمپیری بو هەیڤا یازدە چريا دويێ 10 هزار دینارن.
قائیمقامێ قەزا دهوكێ ئاشكراكر رەوشا كارەبا نشتیمانی زورا خرابە وگوتژی ئەم پێشبینی دكەین ل هەیڤا (12) ئەمپێرێ كارەبێ هێشا گران ببت.
ئه‌ڤرۆ نيوز:
وەزارەتا دارایى و ئابوورى راگەهاند سوبە دێ مووچەیێ مەها ئەیلولێ یێ ١٢ وەزارەت و ئەنجومەنا دادوەرى و هەرسێ سەرۆکایەتیێن هەرێمێ هێتە به‌لاڤكرن.
لگۆرى راگەهاندنەکا وەزارەتا دارایى و ئابوورى کو ئەڤرۆ بەلاڤکریە، ئەو وەزارەت و جهێن دێ سوبە مووچەى وەرگرن ئه‌ڤه‌نه:
١-وەزارەتا ساخلەمیێ
٢- وەزارەتا باژێرڤانى و گەشت و گوزارێ
٣- وەزارەتا کەهرەبێ
٤- وەزارەتا ئاڤەدانکرن و ئاکنجیکردنێ
٥- وەزارەتا چاندن و ژێدەرێن ئاڤێ
٦- وەزارەتا ڤەگوهاستن و گەهاندنێ
٧- وەزارەتا رەوشەنبیرى و لاوان
٨- وەزارەتا ئەوقاف و کاروبارێت ئاینی
٩- وەزارەتا پیشەسازی و بازرگانی
١٠- وەزارەتی دادێ
١١- مووچەیێ فەرمانبەرێن وەزارەتا شەھید و ئەنفالکریان
١٢- مووچەیێ فەرمانبەرێن وەزارەتا کارو کاروباری کۆمەڵایەتی
١٣- ئەنجومەنت دادوەری
١٤- سەرۆکایەتیا ھەرێمێ
١٥- سەرۆکایەتیا پەرلەمانێ
١٦- سەرۆکایەتیا ئەنجومەنێ وەزیران
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ راگه‌هاند كو ئه‌و پێشبينى دكه‌ت به‌رى هاتنا سه‌رێ سالێ باژێرێ مووسل ب ته‌مامى ژ ده‌ست چه‌كدارێن داعش بهێته رزگاركرن.
د چارچۆڤێ ديداره‌كێ دا ل گه‌ل ئاژانسا “ئه‌سۆشيه‌تد پرێس” سه‌رۆك وه‌زيرێن عيراقێ ده‌رباره‌ى پێشڤه‌چوونێن هێزێن ئه‌منى يێن عيراقێ د ئۆپه‌راسيۆنێن مووسل دا گۆت: “پێشبينى دكه‌ين پرۆسا له‌شكرى ل مووسل به‌رى سه‌رێ سالا نوو ب دووماهى بهێت و باژێر ب ته‌مامى ژ ده‌ست چه‌كدارێن داعش بهێته ده‌ر و مووسل ژ داعش بهێته پاقژكرن”.
عه‌بادى د وێ ديدارێ دا هيڤى خواست ب زووترين ده‌م چه‌كدارێن داعش ژ وى باژێرى بهێنه ده‌ركرن و به‌رى ب دووماهى هاتنا 2016ێ باژێر ب ئێكجارى بهێته كونترۆلكرن.
ئه‌ڤرۆ نيوز:
ل باژێرێ سلێمانيێ شانده‌كێ بلندێ بزاڤا گۆڕان ل گه‌ل سه‌لاحه‌دين بهائه‌دين، ئه‌ميندارێ گشتى يێ ئێكگرتوو ئيسلامى كوردستان كۆمبوو.
دوهى پارتى ديموكراتى كوردستان ب سه‌ره‌دانا ئێكگرتوو ئيسلامى كوردستان سه‌ره‌دانا خوه بۆ لايه‌نێن سياسى ده‌سپێكر و پاشان ژى سه‌ره‌دانا لايه‌نێن توركمانى كر و ئه‌ڤرۆ ل ژى ل گه‌ل حزبا شيوعى يا كوردستانى كۆمبوو.
شاندێ بزاڤا گۆڕان ب سه‌رۆكاتيا عومه‌ر سه‌يد عه‌لى و ئه‌ندامه‌تيا جه‌لال جه‌هوه‌ر و شوره‌ش حاجى و هه‌ڤال ئه‌بۆ به‌كر بوو و ل گه‌ل سه‌لاحه‌دين بهائه‌دين و ژماره‌كا ئه‌ندامێن مه‌كته‌با سياسى يا وێ حزبێ كۆمبوون.
ب گۆره‌ى راگه‌هاندنا بزاڤا گۆڕان مه‌ره‌م ژ كۆمبوونێ كاودانێن لايه‌نێن سياسى و په‌يوه‌نديێن ناڤبه‌را لايه‌نێن سياسى هاتنه گه‌نگه‌شه‌كرن.
ئه‌ڤرۆ نيوز:
كاوه مه‌حمه‌د سكرتێرێ حزبا شيوعى يا كوردستانێ ئاشكه‌را كر كو پارتى يا ده‌سپێشخه‌ره بۆ چاره‌كرنا كێشه و قه‌يرانێن سياسى ل هه‌رێما كوردستانێ و ئه‌ڤ چه‌ند د كۆمبوونه‌كا هه‌ڤپشك دا هاته گه‌نگه‌شه‌كرن.
گۆتنێن سكرتێرێ حزبا شيوعى د كۆنگره‌كێ رۆژنامه‌ڤانى دا هاتن پشتى كۆمبوونا وان ل گه‌ل شاندێ بلندێ پارتى ديموكراتى كوردستان ب مه‌ره‌ما دانوستاندنا كێشێن سياسى يێن هه‌رێما كوردستانێ د چارچۆڤێ دووماهى په‌ياما مه‌سعود بارزانى سه‌رۆكێ هه‌رێما كوردستانێ دا.
كاوه مه‌حمود پشتى ب دووماهى هاتنا كۆمبوونێ بۆ رۆژنامه‌ڤانان گۆت: “پارتى ده‌سپێشخه‌ريه‌كا هه‌ى و بزاڤێ دكه‌ت بكه‌ته پرۆژه‌ك”.
سكرتێرێ حزبا شيوعى گۆتژى: “دڤێت هه‌موو لايه‌نێن سياسى بيروبۆچوونێن خوه پێشكێشى پارتى بكه‌ن و ل گه‌ل ده‌سپێشخه‌ريێ بكه‌نه پرۆژه‌ك”.
كۆمبوونا پارتى و شيوعيان به‌رى نيڤرۆيا ئه‌ڤرۆ سێشه‌مبى ل باژێرێ هه‌ولێر ب رێڤه‌چوو و ئه‌ڤه ژى كۆمبوونا سيێ يا پارتى پشتى په‌ياما مه‌سعود بارزانى سه‌رۆكێ هه‌رێما كوردستانێ.
نيشاندان