ئەڤرۆ نیوز:
باشیک ب تەمامی هاتە کونترۆلکرن.
باشیک ب تەمامی هاتە کونترۆلکرن
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
سه‌ره‌كى نووترين نووچه
شانا راگه‌هاندنا شه‌رى دووماهى پێشهاتێن پێشمه‌رگه‌ى ل ناڤا مووسل ئاشكه‌را دكه‌ت
ئه‌ڤرۆ نيوز:
شانه‌يا راگه‌هاندنا شه‌رى راگه‌هاند كو هێزێن پێشمه‌رگێ كوردستانێ ژ چار لايان ڤه چووينه د ناڤ باژێرێ باشيك دا و زێده‌ترى 50% هاتيه كونترۆلكرن.
شانه‌يا راگه‌هاندنا شه‌رى ل سه‌ر پێگه‌هێ خوه يێ فه‌رمى راگه‌هاند كو هێزێن پێشمه‌رگێ كوردستانێ ژ چار لايان ڤه چووينه د ناڤ باژێرێ باشيك دا و زێده‌ترى 50% هاتيه كونترۆلكرن و هێشتا پێشڤه‌چوون ژى يا به‌رده‌وامه بۆ كونترۆلكرنا ئه‌و ده‌ڤه‌رێن ماين ژ باژێرێ باشيك.
ئۆمێد وه‌لاتى هنارتيێ ئه‌ڤرۆ نيوز ل ناڤ باشيك گۆت: “نوكه پێشمه‌رگه‌ى ب ته‌مامى ده‌ست ب سه‌ر باشيك دا گرتيه و ته‌مامى هاتيه كونترۆلكرن، به‌لێ هێشتا ب درۆستى نه‌هاتيه پاقژكرن”.
هێزێن پێشمه‌رگێ كوردستانێ سپێده‌هيا ئه‌ڤرۆ 7ى چريا دويێ 2016 هێرشا كونترۆلكرنا ناحيا باشيكێ ل باكوورێ رۆژهه‌لاتێ مووسل ده‌سپێكر، پشتى 15 رۆژان ژ دوورپێچكرنێ.
فه‌رمانده‌كێ پێشمه‌رگێ كوردستانێ راگه‌هاند كو هێرشا ئه‌ڤرۆ ل ده‌مژمێر 7:00 سپێدێ ژ سێ لايان ڤه ده‌سپێكر و هێزێن پێشمه‌رگه‌ى د پێشڤه‌چوونێ دانه.
ل 23ى هه‌يڤا بۆرى هێزێن پێشمه‌رگێ كوردستانێ باژێرێ باشيك ژ سێ لايان ڤه دوورپێچ كربوو، هه‌ر چه‌نده چه‌كدارێن داعش چه‌ند جاران بزاڤێن شكاندنا وێ دوورپێچێ دابوون، به‌لێ د سه‌ركه‌فتى نه‌بوون.
پێشتر مه‌سعود بارزانى سه‌رۆكێ هه‌رێما كوردستانێ و فه‌رماندێ هێزێن چه‌كدارێ ل هه‌رێما كوردستانێ راگه‌هاند بوو كو ژ لايێ له‌شكرى ڤه باشيك يا كه‌فتيه، به‌لێ هێزێن پێشمه‌رگێ كوردستانێ دڤێت ب كێمترين زيان وى باژێرى كونترۆل بكه‌ن.
ل 17ى چريا ئێكێ، فه‌رماندێ گشتى يێ هێزێن چه‌كدارێن عيراقێ ئۆپه‌راسيۆنا رزگاركرنا باژێرێ مووسل كو دبيته مه‌زنترين پارێزگه‌ها عيراقێ پشتى به‌غدا كو ل سالا 2014ێ كه‌فتبوو ده‌ستێ داعش.
جڤاتا ئاسايشێ روونكرنه‌كێ ل سه‌ر ده‌سته‌سه‌ركرنا رۆژنامه‌ڤانێ يابانى به‌لاڤ دكه‌ت
ئه‌ڤرۆ نيوز:
جڤاتا ئاسايشا هه‌رێما كوردستانێ ده‌رباره‌ى ده‌سته‌سه‌ركرنا رۆژنامه‌ڤانێ يابانى ب تۆمه‌تا داعش روونكرنه‌ك به‌لاڤكريه و راگه‌هانديه كو ئه‌وان ئه‌و رۆژنامه‌ڤان راده‌ستى وه‌لاتێ يابانێ كريه.
ده‌قێ راگه‌هاندنێ:
راگه‌یه‌ندراوێك له ئه‌نجوومه‌نی ئاسایشی هه‌رێمی كوردستانەوە له‌باره‌ی ده‌ستگیركردنی هاووڵاتییه‌كی ژاپۆنی
ئه‌نجوومه‌نی ئاسایشی هه‌رێمی كوردستان دەستگیرکردنی هاووڵاتییەکی ژاپۆنی کە پیوەندی بە داعشەوە هەبووە پشتڕاست دەکاتەوە و رایدەگەیێنێ، پاش گفتوگۆ لەگەڵ حکوومەتی ژاپۆن، بڕیاری ڕادەستکردنەوەیان درا.
له رێكه‌وتی 19ی ئۆكتۆبه‌ری 2016 هاووڵاتییه‌كی ژاپۆنی به‌ناوی (كوسوكی تسیونیوكا) ناسراو به (شامیل ك. تسیونیوكا) به‌تۆمه‌تی هه‌بوونی په‌یوه‌ندی له‌گه‌ڵ داعش له نزیك چیای زه‌رتك ده‌ستگیركرا.
له لێكۆڵینه‌وه‌دا، كه له‌لایه‌ن ده‌زگای دژه‌تیرۆری كوردستان له‌گه‌ڵیدا ئه‌نجام دراوه، ده‌ركه‌وت له ڕێگه‌ی مۆبایلی زیره‌كه‌وه په‌یوه‌ندی به ئه‌ندامانی داعشه‌وه كردووه. له میانه‌ی ده‌ستگیركردنیدا ده‌زگاكانی ئاسایشی هه‌رێمی كوردستان به‌رده‌وام له گفتوگۆدا بوون له‌گه‌ڵ ده‌سه‌ڵاتداری ژاپۆن له‌سه‌ر ئه‌و تۆمه‌ته‌ی رووبه‌ڕووی كراوه‌ته‌وه، هه‌روه‌ها بڕیار درا ئه‌م هاووڵاتییه راده‌ستیان بكرێته‌وه، له‌سه‌ر بنه‌مای ئه‌م بڕیاره رۆژی دووشه‌ممه رێكه‌وتی 7ی نۆڤێمبه‌ر له ڕێگه‌ی فڕۆكه‌خانه‌ی نێوده‌وڵه‌تی هه‌ولێره‌وه به‌ڕێ كرا.
Statement: On 19 Oct, a Japanese national, Mr. Kohsuke Tsuneoka, was detained near Mt. Zerdk, East of Mosul, for links to #ISIL. pic.twitter.com/ewQtnd1UyF
— KR Security Council (@KRSCPress) November 7, 2016
ب وێنه: فرۆكێن توركيا بۆردۆمانا ده‌وروبه‌رێن دێره‌لۆك دكه‌ت
فه‌رمانده‌ك: داعشێن باشيك هه‌موو خوه‌كوژن
رۆژه‌كێ به‌رى هه‌لبژارتنان FBI بۆچوونێن ئه‌مريكيان گوهاڕتن
ئەڤرۆ نیوز، نەوزاد زادە ھلۆری:
رێڤەبەرێ پولیسێن فیدرالیێن ئەمریکا د نامەیەکێ دا بو کونگرێستا ئەمریکا دیارکر کو ھیلاری کلینتون بەربژێرا دیموکراتان بو سەروکاتیا ئەمریکا چوو کریارێن تاوانی ئەنجام نەداینە ئەو وەختا کو ئیمێلێ خوەیێ کەسایەتی بو رێڤەبرنا کاروبارێن وەزارەتا دەرڤە بکارئینایی.
جەیمز کومی دیارکر کو ڤەکولینێن تایبەت ب دوڤ ئیمێلێن ھیلاری کلینتون دوماھی ھاتینە و چو تشت نەھاتینە دیتن دوان ئیمێلان دا کو بو ھیلاریێ یان ئەو کەسانێن دن ھاتینە ھنارتن ، وەختێ کو وەزیرا دەرڤەیا ئەمریکا بو.
دڤەکولینا بوری دا ھاتبوو راگەھاندن کو بکارئینانا ئیمێلێ کەساتیی ژلایێ کلینتونێ ڤە بو ب رێڤەبرنا کاروبارێن وەزارەتا دەرڤەیا ئەمریکا د دوسیا نونەراتیا دەستکارکێشانا دیموکراتان دا ئەنتونی وێنز ئاشکرابوویە کو د دەما ب رێڤەچوونا پروپاکندێن ھەلبژاردنان دا مەزنترین ئاستەنگ بو ھیلاری درۆستکربوون کو ھەردەم ژلایێ ترامپی ڤە وەکو رێیەک دھاتنە بکارئینان و رێیا ل بەر ھیلاری تەنگ کرببوو.
دونالد ترامپ بەربژێرێ کوماریان رەخنە ل ئەنجامێ FBI گرت و دیارکر کو کەس نکاریت ددەما حەفتیەکێ دا ڤەکولینێ لسەر 650 ھزار ئیمێلان بکەت
بێ بەریکرنا ھیلاری روژەکێ بەرا دەستپێکرنا ھەلبژاردنێن سەروکاتیا ئەمریکا سەرکەفتنەکا مەزن بو دیموکراتان و کەساتیا ھیلاری دھێتە ھژمارتن و ل گورەی ئەوان راپرسیێن کو ھاتینەکرن د ھەلبژاردنێن رۆژا سێشەمبی یا 8 چریا دوویێ دێ ھیلاری زورترین دەنگان دەستخوڤە ئینیت و بیتە ئێکەم سەروکا ژن ل ئەمریکا
ڤيديۆ: چوونا پێشمه‌رگه‌ى ژ دو لايان ڤه بۆ ناڤ باشيك
هه‌شت چه‌كدارێن داعش خوه ل باشيك په‌قاند
ئه‌ڤرۆ نيوز:
هه‌شت چه‌كدارێن داعش ب قايشێن مينرێژكرى ل ده‌وروبه‌رێن باشيك خوه په‌قاند و چو زيان ژى نه‌گه‌هاندنه هێزێن پێشمه‌رگه‌ى، هه‌ڤده‌م 11 چه‌كدارێن داعش د روو ب رووبوونا دا هاتنه كوشتن.
ره‌نجه جه‌مال په‌يامنێرێ رووداو گۆت: “هه‌شت چه‌كدارێن دوورپێچكرى يێن داعش ل جهێن جودا ب قايشێن مينرێژكرى خوه په‌قاند بێ كو چو زيانه‌ك بگه‌هيته پێشمه‌رگه‌ى و 11 چه‌كدارێن داعش ژى د روو ب رووبوونان دا هاتنه كوشتن”.
ژ لايه‌كێ دى ڤه په‌يامنێرێ ئه‌ڤرۆ نيوز ل به‌ره‌يێن شه‌ر، ئۆمێد وه‌لاتى، راگه‌هاند كو هێزێن پێشمه‌رگێ كوردستانێ چوونه ناڤ تاخێن ده‌سپێكێ يێن سه‌نته‌رێ باژێرێ باشيك و به‌ره‌ڤانيا چه‌كدارێن داعش نه ب وێ هێزا چاڤه‌رێ كرى يه يا فه‌رماندێن پێشمه‌رگه‌ى پێشبينى دكر.
هاتيه نووكرن: پێشمه‌رگه چو ناڤ باشيك
ئه‌ڤرۆ نيوز:
پشتى سپێده‌هيا ئه‌ڤرۆ رۆژا دوشه‌مبى 7ى چريا دويێ له‌شكرێ كوردستانێ ده‌ست ب كونترۆلكرنا باژێرێ باشيك كرين د پرۆسه‌يا ئۆپه‌راسيۆنا كونترۆلكرنا باژێرێ مووسل دا، چه‌نده‌كێ به‌رى نوكه پێشمه‌رگه چوونه ناڤ باشيك.
په‌يامنێرێ ئه‌ڤرۆ نيوز ل به‌ره‌يێن شه‌رى، ئۆمێد وه‌لاتى، راگه‌هاند كو هێزێن پێشمه‌رگێ كوردستانێ چه‌نده‌كێ به‌رى نوكه‌گه‌هشتنه ناڤ باژێرێ باشيك.
هێزێن پێشمه‌رگێ كوردستانێ سپێده‌هيا ئه‌ڤرۆ هێرشا كونترۆلكرنا ناحيا باشيكێ ل باكوورێ رۆژهه‌لاتێ مووسل ده‌سپێكر، پشتى 15 رۆژان ژ دوورپێچكرنێ.
فه‌رمانده‌كێ پێشمه‌رگێ كوردستانێ راگه‌هاند كو هێرشا ئه‌ڤرۆ ل ده‌مژمێر 7:00 سپێدێ ژ سێ لايان ڤه ده‌سپێكر و هێزێن پێشمه‌رگه‌ى د پێشڤه‌چوونێ دانه.
ل 23ى هه‌يڤا بۆرى هێزێن پێشمه‌رگێ كوردستانێ باژێرێ باشيك ژ سێ لايان ڤه دوورپێچ كربوو، هه‌ر چه‌نده چه‌كدارێن داعش چه‌ند جاران بزاڤێن شكاندنا وێ دوورپێچێ دابوون، به‌لێ د سه‌ركه‌فتى نه‌بوون.
پێشتر مه‌سعود بارزانى سه‌رۆكێ هه‌رێما كوردستانێ و فه‌رماندێ هێزێن چه‌كدارێ ل هه‌رێما كوردستانێ راگه‌هاند بوو كو ژ لايێ له‌شكرى ڤه باشيك يا كه‌فتيه، به‌لێ هێزێن پێشمه‌رگێ كوردستانێ دڤێت ب كێمترين زيان وى باژێرى كونترۆل بكه‌ن.
ل 17ى چريا ئێكێ، فه‌رماندێ گشتى يێ هێزێن چه‌كدارێن عيراقێ ئۆپه‌راسيۆنا رزگاركرنا باژێرێ مووسل كو دبيته مه‌زنترين پارێزگه‌ها عيراقێ پشتى به‌غدا كو ل سالا 2014ێ كه‌فتبوو ده‌ستێ داعش.
ب وێنه: رێيا ناڤبه‌را مووسل و ره‌ققه هاته كونترۆلكرن
ئه‌ڤرۆ نيوز:
ئه‌بۆ مه‌هدى موهه‌ندس سه‌ركرده د ناڤا حه‌شه‌د شه‌عبى دا كونترۆلكرن و بڕينا رێيا نازڤبه‌را مووسل – ره‌ققه راگه‌هاند كو ب ره‌نگه‌كێ ته‌مام ژ لايێ هێزێن وان ڤه هاتيه گرتن.
موهه‌ندس بۆ پێگه‌هێ فه‌رمى يێ حه‌شه‌د شه‌عبى راگه‌هانديه كو هێزێن وان ل ميحوه‌رێ رۆژئاڤايێ مووسل 65 گۆند كونترۆلكرينه و ده‌ست ب سه‌ر هه‌موو ئه‌وان رێيان دا گرتيه كو دچنه سه‌نته‌رێ باژێرێ مووسل ب رێژاهيا 110 كيلۆمه‌تران.
ئه‌ڤى سه‌ركردێ حه‌شه‌د شه‌عبى گۆتژى: “د ڤى چارچۆڤه‌ى دا رێيا مووسل – ره‌ققه ب ته‌مامى هاته بڕين”.
دا زانين ژى كو هه‌موو رێيێن گه‌هاندنا هاريكاريان بۆ داعش ل ميحوه‌رێ رۆژئاڤا بوويه ژ ئه‌گه‌رێ نێزيكيێ ل مووسل و نه ل ميحوه‌رێ رۆژهه‌لاتى.
نيشاندان
WP Facebook Auto Publish Powered By : XYZScripts.com