ئه‌ڤرۆ نيوز:
جڤاتا پارێزگه‌ها كه‌ركوك د بانگه‌وازه‌كێ داخواز ژ وه‌لاتيێن باژێرێ كه‌ركوكێ كريه كو دوركه‌ڤن ل جهێن روى ب روى بوونێن شه‌رى و رێكێ ب هێزێن ئه‌منى بكه‌ن ب كارێ خوه راببن.
جڤاتا پارێزگه‌ها كه‌ركوك ئه‌ڤ داخوازيه ژ خه‌لكى هه‌يه
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سه‌ره‌كى نووترين نووچه
جڤاتا شورايێ بريارا خوه ل سه‌ر پۆستێ پارێزگارێ سلێمانيێ دا
ئەڤرۆ نیوز، زنار تۆڤی:
ل دووڤ نڤێسینەکا ئەنجوومەنێ شوورا یێ هەرێما کوردستانێ کو ل رۆژا 17.10.2016 دەرچوویە،هەلویستێ خوە سەبارەت ب یاسایی بوونا پرسا پارێزگارێ سلێمانیێ دیارکریە،بەرسڤا نڤیسارا وەزارەتا نافخۆ یا حوکمەتا هەرێمێ ددەت،کو ل رۆژا 8.8.2016 داخوازا بۆچوونا ئەنجوومەنێ شۆرا کربوو.
ئەنجوومەنێ شوورا ب سێ خالان بۆچوونا خوە دیارکریە و دبێژیت:سپاردنا دەستهەلاتێ ب جێگرێ پارێرگاری ب وەکالەت ب بریارەکا نەیی دا دنیت،دیاردکەت ژی،مۆلەتا پارێزگاری و تەخویلکرنا کارێن وی بۆ جێگرێ وی لدووڤ فەرمانا کارگێری یا ژمارە ۱۷٨ ل 24.8.2016 دەرچوویە،د گرێداینە ب مەرجەعێ کارگێری کو وەزیرێ نافخۆیە،چ ئەو رەزامەندیە پێش وەخت بیت یان ژی پشتی هنگێ بیت.
ئەنجوومەنێ شوورا سپارتنا ئەرکێن پارێزگارێ سلێمانیێ ب وەکالەت بۆ جێگرێ پارێزگارێ سلێمانیێ بۆ کاروبارێن هونەری و لدووڤ فەرمانا گارگێری یا ژمارە 179 و ل رۆژا 24.8.2016 ب بریارەکا نەیی ددانیت.
د دەربارێ نەبوونا پارێزگەری دا دبێژیت:د حالەتێ ئامادەنەبوونا پارێزگاری دا ئێک ژ جێگرێن وی دێ ئەرکێن وی ب سیفەتێ جێگرێ پارێزگەری ب رێڤەبەت.
رۆژا 24.8.2016 د.ئاسۆ فرەیدوون کو ل دانیشتنا رۆژا 25.8.2016 ب زۆرینەیا دەنگا ل ئەنجوومەنێ پارێزگەها سلێمانیێ ژ پۆستێ وی هاتە دوورخستن،ب نڤیسارەکا فەرمی و ب ژمارە 179 دەستهەلاتا خوە یا کارگێری رادەستی سەردار قادرێ جێگرێ خوە ژ پشکا گۆرانێ کر.
لدووڤ نڤیسارەکێ ل رۆژا 24.8.2016 ئاسۆ فەرەیدوونی ب سیفەتێ پارێزگار نڤێسینەک ب ژمارە 178 ئاراستەی وەزارەتا نافخۆ و نڤێسینگەها و وەزیری کریە،داخوازا مۆلەتێ بۆ هەیڤەکێ ژ 25.8.2016 _1.10.2016 کریە و سەردار قادر جێگرێ پارێزگاری بۆ کاروبارێن هونەری ل جهێ خوە دانایە.
کەریم شنگالی وەزیرێ نافخۆ نڤیسارەک بەلاڤکریە و دیارکریە،دەرچوونا فەرمانا بناڤێ پارێزگارێ سلێمانیێ ب وەکالەت بەرۆڤاژی یاسایێ یە و ژلایێ یاسایی ڤە،هەتاکو نوکە ئاسۆ فەرەیدوون پارێزگارێ سلێمانیێ یە و نابیت چ نڤیسار و فەرمان بهێنە ئیمزاکرن ل جهێ پارێزگاری،چونکی دەرچوونە ژ تایبەتمەندیێ و دەسهەلاتان.
دیسا قۆباد تالەبانی گۆتیە،سەردار قادر پارێزگارێ سلێمانیێ نینە ب وەکالەت و حوکمەت مامەلا فەرمی ل گەل ناکەت،وەزیرێ نافخۆ د پرێس کۆنفرانسەکی دا گۆت،ئەنجوومەنێ شوورا یێ هەرێمێ دێ بریارێ ل سەر پرسا پارێزگارێ سلێمانیێ دەت،ل روونشتنا رۆژا 25.8.2016 ب زۆرینەیا دەنگان،هەڤال ئەبۆبەکر وەکو پالێوراوێ پەسەندکریێ پارێزگارێ سلێمانیێ هاتە هەلبژاردن و ئازاد محەمەد بۆ سەرۆکێ ئەنجۆمەنێ سلێمانیێ،لێ هەتاکو نوکە مەرسۆمێ هەرێمێ بۆ دەمەزراندنا پارێزگارێ سلێمانیێ دەرنەکەفتییە،لدووڤ ماددێ 18 ژ برگا سییێ یا یاسایێ ژمارە سێ ل سالا 2009 یێن پارێزگەهێن کوردستانێ،بۆ دەست ب کاربوونا پارێزگاری پێدڤیە مەرسۆمێ هەرێمێ ژلایەن سەرۆکێ هەرێمێ پشتی 15 رۆژا ژ هەلبژارتنا پارێزگاری ژ ئەنجوومەنێ پارێزگەهێ دهر بچیت،
هەتاکو کێشێن سیاسی دناڤبەرا لایەنێن سیاسی ئێکلایی ببیت،سەردار قادر جێگرێ پارێزگارێ سلێمانیێ دەستهەلاتێن کارگێری یێن پارێزگاری برێڤە دبەت،هەتاکو کێشەیا سەرۆکاتیێ دهێتە چارەسەرکرن،یان ژی دەرچەیەکا یاسایی دهێتە دیتن،هەروەکو یاساناسێن بزاڤا گۆران بەحس دکەن
حوكمه‌تا هه‌رێمێ ب دژوارى ئيدانا وه‌زيرێ ژ ده‌رڤه يێ عيراقێ دكه‌ت
ئه‌ڤرۆ نيوز:
ژ ئه‌گه‌رێ پشكدارينه‌كرنا نوونه‌رێ هه‌رێما كوردستانێ د راگه‌هاندنه‌كێ دا حوكمه‌تا هه‌رێما كوردستانێ ب دژوارى ئيدانا ئيبراهيم جه‌عفه‌رى وه‌زيرێ ژ ده‌رڤه يێ عيراقێ دكه‌ت و تۆمه‌تبار دكه‌ت كو ئێكلايانه كار دكه‌ت و گوهـ ناده‌ته قوربانيێن هه‌رێما كوردستانێ.
د راگه‌هاندنه‌كێ دا كو وێنه‌ك بۆ ئه‌ڤرۆ نيوز ره‌وانه كريه، ئاماژه ب وێ چه‌ندێ ژى كريه كو جهێ سه‌رسورمانێ يه د ڤى ده‌مى دا و به‌رامبه‌ر ئه‌و هه‌موو قوربانيێن ل هه‌رێما كوردستانێ دهێنه پێشكێش كرن، حوكمه‌تا فيدرال و وه‌زاره‌تا ده‌رڤه د رژدن ل سه‌ر وێ چه‌ندێ كو نابيت شاندێ هه‌رێما كوردستانێ پشكدارى كونفرانس و كونگرێن نێڤده‌وله‌تى يێن تايبه‌ت ب تيرۆرستێن داعش و ئاواره و په‌نابه‌ران ببيت.
ده‌قێ راگه‌هاندنێ:
ڕاگه‌یه‌نراوێك له ئه‌نجومه‌نى وه‌زیرانى هه‌رێمى كوردستانه‌وه:
ئەمڕۆ پێنج شەممە لە پاریس بە سەرپەرشتتیى فەڕەنسا و عیراق کۆنفرانسى (ئامادەکارى بۆ ئایندەى سیاسیى مووسڵ) بە بەشداریى 20 وڵات بەڕێوە چوو. وەک حکوومەتى هەرێمى کوردستان پێشوازى لە هەر هەوڵێکى نێودەوڵەتى دەکەین بۆ ڕووبەڕووبوونەوەى تیرۆریستانى داعش و سەقامگیریى سیاسیى عیراق و ناوچەکە، بەڵام بە داخەوە ئەمجارەش لایەنى سەرەکیى هاوکێشە سیاسى و سەربازى و مرۆییەکانى ناوچەکە کە هەرێمى کوردستانه، بانگهێشتى کۆنفرانسەکە نەکرا و تەنها شاندى عیراق لەسەر ئاستى وەزیرى دەرەوە بەشدارى کرد.
حکوومەتى هەرێمى کوردستان بە توندى سەرکۆنەى مامەڵەى نابەجێى وەزیرى دەرەوەى عیراق دەکات کە تاکلایەنە کار دەکات و گوێ بە قوربانیەکانى هەرێمى کوردستان نادات، کە لە ماوەى دوو ساڵى ڕابردوودا بووه‌تە گەورەترین ڕێگر لەبەردەم هەڵکشانى پانتاییى ترسناکترین گرووپى تیرۆریستى کە خەلافەتى بەناو ئیسلامى بوو، کاتێک كه جه‌نابى سەرۆکى هەرێمى کوردستان و تەواوى هێزەکانى پێشمەرگە خەریکى شەڕى تیرۆریستانى داعشن و توانییانه زەبرى کوشندەیان لێ بوەشێنن و ناوچەیەکى فراوانیان لێ پاک بکەنەوە، ئەوەیش لەپێناو پاراستنی خاك و كەرامەتی گەلەكەمان و پارێزگاریكردن لە بەها مرۆییەکان.
دواى سەردانەکەى جه‌نابى سەرۆکى هەرێمى کوردستان بۆ بەغدا؛ پەیوەندیى سیاسى و ئەمنیى نێوان هەولێر و بەغدا پێشکەوتنى باشى بەخۆیەوە بینى و ماوەى زیاتر لە دوو ساڵیشە هەرێمى کوردستان بۆتە پەناگەى زیاتر له ملیۆنێك و هه‌شتسه‌د هه‌زار ئاوارە و پانەبەر کە بارێکى قورسیان خستووه‌ته سەر حکوومەتى هەرێم، جێگەى سەرسوڕمانە لەم ئان و ساتەدا و بەرامبەر ئەو هەموو قوربانیەى کە هەرێمى کوردستان پێشکەشى کردووە، حکوومەتى فیدرال و وەزارەتى دەرەوە مکوڕن لەسەر ئەوەى کە نابێت شاندى هەرێمى کوردستان بەشدارى لە کۆنفرانس و کۆنگرە نێودەوڵەتییەکانى پەیوەست بە تیرۆریستانى داعش و ئاوارە و پەنابەران بکات.
بێگومان ئەمە یەکەمجار نییە ئەم جۆرە مامەڵەیە لە هەندێ لە بەرپرسانى عیراق دەبینین، بۆیە داواکارین هاوپەیمانان چیتر خەمسارد نەبن و ڕاستەوخۆ هەرێمى کوردستان کە لایەنى سەرەکیى هاوکێشەکانە، بانگهێشتى کۆنفرانسەکانى پەیوەست بە ڕووبه‌ڕووبوونه‌وه‌ى داعش و پرسى ئاوارە و و په‌نابه‌ران و نەخشەڕێگاى سیاسى و ئایندەى مووسڵ بکەن، داواش له حكوومه‌تى فیدرالى عیراق ده‌كه‌ین كارى جددى بكات بۆ ئه‌وه‌ى چیتر ئه‌م جۆره مامه‌ڵه‌یه دووباره نه‌بێته‌وه كه سوود به هیچ لایه‌نێك ناگه‌یه‌نێت و ته‌نیا زیانى بۆ به‌رژه‌وه‌ندییه‌كانى عیراق هه‌یه.
ئه‌نجومه‌نى وه‌زیرانى هه‌رێمى كوردستان
20/10/2016
داعش ل كه‌ركووك هێرش كره سه‌ر چه‌ند ئاڤاهيه‌كان و سێ ترۆمبێل ژى په‌قاندن
ئه‌ڤرۆ نيوز:
ل ده‌مژمێر 3:30 ده‌قيقه‌ى سپێده‌هيا ئه‌ڤرۆ رۆژا ئه‌ينى 21ى چريا ئێكێ 2016 داعش هێرش كره سه‌ر چه‌ند جهه‌كا و ژ وان ژى ئاڤاهيێ كه‌ڤن يێ پۆليسێن كه‌ركووك و په‌روه‌ردا كوردى – عه‌ره‌بى و مه‌لبه‌ندێ ئێكه‌تيێ و چه‌ند جهێن دى.
ل تاخێ “تسعين خزيران” هێرش كره سه‌ر به‌نگه‌ێ پۆليسان و شه‌ر دروست بوو، دو خوه‌كوژ ژى چوونه ناڤ رێڤه‌به‌ريا پۆليسێن كه‌ركووك، به‌لێ هێرشا وان بۆ سه‌ر پارێزگه‌هێ شكه‌ستن ئينا.
سێ ترۆمبێلێن ل كه‌ركووك په‌قاندينه و عه‌ميد سه‌رحه‌د قادر، رێڤه‌به‌رێ پۆليسێن قه‌زا و نه‌حيێن كه‌ركووك داخواز ژ خه‌لكێ وى باژێرى كر كو ژ مالێن خوه ده‌رنه‌كه‌ڤن هه‌تا ئه‌و ره‌وشا هه‌ى دهێته كونترۆلكرن.
عه‌ميد سه‌رحه‌د قادر گۆتژى: “داعش هێرش كريه سه‌ر بنگه‌هێ ئاسايشێ و رێڤه‌به‌ريا كه‌ڤنا پۆليسێن هه‌وار هاتنێ”، دا زانين ژى كو هنده‌ك كه‌سان ل كه‌ركووك بۆ ڤى كارى هاريكاريا داعش كريه.
ل دوبز داعش زێده‌تر ژ 10 كه‌سان كوشتن
ئه‌ڤرۆ نيوز:
دو هێرشێن خوه‌كوژيێن داعش ل قه‌زا دوبز سه‌ر ب پارێزگه‌ها كه‌ركووك شه‌هيدبوونا زێده‌تر ژ 10 كه‌سان لێ كه‌فت، هه‌ر وه‌كو قايمقامێ قه‌زايێ راگه‌هاندى.
عه‌بدولا نورى قايمقامێ قه‌زا دوبز بۆ گۆت: “سێ تيرۆرستێن داعش چووينه ناڤ ويستگه‌هێ كاره‌با غازا دوبز كو هێشتا ب ته‌مام نه‌بوويه، ژ لايێ كۆمپانيه‌كا ئيرانێ دهێته دروستكرن، دو ژ وان خوه‌كوژان ته‌قانديه ئه‌ڤێ دى ژ لايێ پۆليسان ڤه هاتيه كوشتن”.
گۆتژى: “ژ ئه‌گه‌رێ ته‌قينێ حه‌فت هه‌تا 9 وه‌لاتيێن كورد شه‌هيد بووينه كو ل وێرێ كار دكر، ديسا دو بۆ چار كه‌سان ژ تيما كۆمپانيا ئيرانى شه‌هيد بووينه”.
قايمقامێ دوبز ئاماژه ب وێ چه‌ندێ كر كو هێز ل ناڤ قه‌زا كه‌ركووك به‌لاڤكريه و كاودان ل ژێر كونترۆلێ دانه.
چه‌كدارێن داعش ديسا هێرش كريه سه‌ر گۆندێ قوتان ل سه‌ر رێيا سه‌ره‌كى يا كه‌ركووك – دوبز.
عه‌بدولا نورى راگه‌هاند ژى چه‌كدارێن داعش ل نێزيك كۆمپانيا په‌ترۆل و غازێ ل ناڤ گۆندى كۆمبووينه و ئاسايش و پێشمه‌رگه‌ى گۆند ئابلۆقه كريه.
ب گۆتنا ژێده‌ره‌كى ژ ئاسايشا دوبز ژى رێڤه‌به‌رێ قه‌زايێ نوكه يێ برينداره و ره‌وانه‌ى هه‌ولێرێ كريه.
ژێده‌ره‌كێ دژى ژ ئاسايشێ راگه‌هانديه كو داعش ل گۆندێ قوتان وه‌لاتى كۆم كرينه و داخواز ژێ كريه كو پشته‌ڤانيا وان بكه‌ن.
ژێده‌ر: خه‌ندان
هه‌ر جهێ پێشمه‌رگه كونترول بكه‌ت مولكێ كوردستانێ یه
ئه‌ڤرۆ نیوز ، نه‌وزاد زاده هلورى
ئه‌ڤرۆ پێنجشه‌مبى رۆژا چوارێ ژ ئوپه‌راسیونا كونترولكرنا موسل ده‌ستپێكره‌ڤه و پێشمه‌رگه ل به‌ره‌یێن ناوه‌ران و باشووك و به‌نداڤا موسل د پێشره‌ویێ دانه و تا نها هه‌شت گوند كونترولكرینه ، و فه‌رمانده‌یه‌كێ پێشمه‌رگه‌ى دیاردكه‌ت كو هه‌ر جهێ پێشمه‌رگه كونترول بكه‌ت مولكێ كوردستانێ یه.
لیوا تارق سلێمان هه‌رنى دیاركر كو چوو هێز نینن پێشره‌ویێن پێشمه‌رگه‌ى رابگرن و گۆت : ( مه وه‌ك هێزێن پێشمه‌رگه‌ى ب ته‌مامى به‌رهه‌ڤیێن خوه كرینه‌و هه‌ر جهه‌كێ بومه بهێته دیاركرن وه‌ك هێزێن پێشمه‌رگه‌ى لگوره‌ى پلانێ دچین ، و ئه‌گه‌ر هزار شه‌هیدان ژى بده‌ین بو كوردستانێ ئه‌م پاشڤه نازڤرین و ته‌مه‌ت دیجله‌و فورات مه خوین یارشتى و ئه‌م جاره‌كادى ده‌ست به‌ردارى وان جهان نابینه‌ڤه ئه‌وێن ب خوینا پێشمه‌رگه‌ى هاتینه ئازادكرن ل سنورێ ده‌شتا مووسل سنورێ مادده‌یا 140 ژبه‌ركو مه هندى رێژا ئاكنجیین ده‌وله‌ته‌كێ شه‌هید دانه پێخه‌ت كوردستانێ ڤه‌كێشانا پێشمه‌رگه‌ى ل وان جهێن پێشمه‌رگه‌ى ب خوینا خوه ئازاد كرى هێلا سوره ژ به‌رڤێ ئه‌ڤرۆ مه ئوپه‌راسیوون ده‌ستپێكریه )
زێده‌تر دبێژیت : ( دوماهیا داعشێ دێ لسه‌ر ده‌ستێن پێشمه‌رگه‌ى بیت ، و بو مه وه‌كو هه‌رێما كوردستانێ موسل گرنگه و سنووره‌كێ گه‌له‌ك نزیكه ل هه‌رێمێ پێڤیه و ب زوترین ده‌م بهێته كونترولكرن ژبه‌ركو ئازادكرنا وێ ژلایێ ئه‌من و ئاسایشێ و دارایى ڤه دێ بارێ هه‌رێمێ سڤك كه‌ت و ره‌نگه ئاواره ژى بزڤرن سه‌ر مولك و مالێن خوه )
ناحيا به‌رتلله ب تمامى هاته كونترۆلكرن
پێشمه‌رگه‌ى ل ناوه‌ران و تلسقوف و باشيك و تلكێف ب ڤى ره‌نگى پێشڤه‌چوون يا كرى
ئه‌ڤرۆ نيوز:
هێزێن پێشمه‌رگه‌ى د هێرشا ئه‌ڤرۆ دا د به‌رنامه‌ى دايه 20 بۆ 27 گۆندان كونترۆل بكه‌ن و ب ته‌مامى ژ سه‌نته‌رێ مووسل نێزيك ببن، هه‌ر وه‌كو به‌رپرسێ راگه‌هاندنێ ل وه‌زاره‌تا پێشمه‌رگه‌ى دايه زانين.
سپێده‌هيا ئه‌رڤۆ د رۆژا خوه يا چارێ يا ئۆپه‌راسيۆنا كونترۆبكرنا مووسل دا، هێزێن پێشمه‌رگه‌ى ل هه‌رسێ ميحوه‌رێن ناوه‌ران و تلسقۆف و باشيكێ هێرش بۆ سه‌ر داعش ده‌سپێكريه و هه‌تا نوكه ل سنورێ ميحوه‌رێ ناوه‌ران سێ گۆند رزگاركرينه كو هه‌ر ئێك ژ گۆندێن ناوه‌ران و باریماو خورشیدبادن.
هه‌لگۆرد حكمه‌ت، به‌رپرسێ راگه‌هاندنا وه‌زاره‌تا پێشمه‌رگه‌ى ل ميحوه‌رێ ناوه‌ران بۆ خه‌ندان گۆت: “پێشمه‌رگه‌ى د به‌رنامه‌ى دايه هێرشا ئه‌ڤرۆ 20 هه‌تا 27 گۆندان ل هه‌رسێ ميحوه‌رێن ناوه‌ران و تلسقۆن و باشيكێ كونترۆل بكه‌ن و كونترۆلكرنا ناحيا باشيك ژى د به‌رنامه‌ى دايه”.
نوكه ناوه‌ران نێزيكترين ميحوه‌رێ پێشمه‌رگه‌يه بۆ مووسل و ب تنێ ب دووراتيا 10 كيلۆمه‌تران يا ژ مووسل دووره، به‌رى ڤێ هێرشێ بنگه‌هێن داعش ب دژوارى هاتينه بۆردۆمان كرن.
ژ لايێ ميحوه‌رێ باشيك ژى هێزێن پێشمه‌رگه‌ى گه‌له‌ك نێزيكى باشيك بووينه و نوكه ب تنێ سێ كيلۆمه‌تران ژ باشيكێ د دوورن و ب گۆره‌ى پێزانينێن رووداو به‌لاڤكرين، هه‌تا نوكه ل ڤى ميحوه‌رى چار ترۆمبێلێن مينرێژكرى هاتينه ژناڤبرن.
ل سنورێ ميحوره‌ێ تلكێف ژى هه‌ر وه‌كو كوردستان 24 راگه‌هاندى هێزێن پێشمه‌رگه‌ى شيان بچنه ناڤ سنورێ ناحيا بانتا و پێشره‌ويێن وان د به‌رده‌وامن.
ل سنورێ محيوه‌رێ تلسقۆف ژى هه‌ر وه‌كو هه‌مان ژێده‌ر راگه‌هاندى هێزێن پێشمه‌رگه‌ى هه‌ر ئێك ژ گۆندێ سماقيا ژێرى و ژوورى و دێرێ رزگاركرينه و هێزێن پێشمه‌رگه‌ى د پێشڤه‌چوونا به‌رده‌وام دانه.
دژه تيرۆرا عيراقێ چوونه ناڤ ده‌ڤه‌رێ
وەزارەتا شەھیدان: جھێ ئەردێ زیندانیێن سیاسی ل دھۆکێ ھاتە گوھۆڕین
ئه‌ڤرۆ نيوز:
بەرپرسەکێ وەزارەتا شەھید و ئەنفالکریان دیار کر، ئاریشا ئەردێ زیندانیێن سیاسی ل دھۆکێ ھاتە چارەسەرکرن و دێ جھێ ئەردێ وان بۆ جھەکێ باشتر ھێتە گوھۆڕین و دبێژیت: بڕیار ھاتەدان ھەموو باژێڕڤانیێن ھەرێمێ ئەردی بۆ وێرسێن شەھیدان بەرھەڤ بکەن.
ئەحمەد مام رەسول، سەرۆکێ لیژنا بلندا بەلاڤکرنا ئەردی ل وەزارەتا شەھید و ئەنفالکریان بۆ رۆژناما ئەڤرۆ خویا کر، ئەو ل گەل وەزیرا باژێڕڤانی و گەشت و گۆزارا ھەرێما کوردستانێ گەھشتینە رێکەفتنێ و گۆت: “ل دەمەکێ نێزیک پارچێن ئەردی ل سەر ھەموو کەسوکارێن شەھید و ئەنفالکریان و زیندانیێن سیاسی دێ ھێنە بەلاڤکرن، وەزیرا باژێڕڤانی و گەشت و گۆزارێ ژی ب نڤیسارەکا فەرمی ھەموو باژێڕڤانیێن ھەرێمێ ڕاسپاردینە ئەردی بەرھەڤ بکەن و ل سەر کەسوکارێن شەھیدان بەلاڤ بکەن، مەژی لیستا وێرسێن وان شەھید و ئەنفالکریێن ھێشتا مفادار نەبووین ڕادەستی وەزارەتێ کریە و بڕیارە ل دەمەکێ نێزیک ئەڤ پڕۆسە بھێتە دەستپێکرن و ھەر وێرسەک پارچەیەکا ئەردی وەربگریت”.
مام رەسولی ئاماژە ب وێ چەندێ ژی کر، وان ئاریشا ئەردێ زیندانیێن سیاسی ل دھۆکێ ژی چارەسەرکریە، چونکو بەری نوکە 566 پارچێن ئەردی ل سەر زیندانیێن سیاسی ل پارێزگەھا دھۆکێ ھاتبوونە بەلاڤکرن و ئەرد یێ ب دلێ وان نەبوو و گۆت: “مە ژی گازندا زیندانیێن دھۆکێ گەھاندە وەزارەتا باژێرڤانی و گەشت و گۆزارێ و بڕیار ھاتەدان ل جھەکێ باشتر ئەرد ل سەر زیندانیێن سیاسی بھێتە بەلاڤکرن، ھەروەسا بڕیار ھاتەدان د دەمێ ھەیڤەکێ دا ھەموو زەڤیێن کارت یێن بەری نوکە ل سەر کەسوکارێن شەھیدان ھاتینە بەلاڤکرن بھێنە تاپۆکرن و ئێدی زەڤیێن کارت نامینن”.
نيشاندان
WP Facebook Auto Publish Powered By : XYZScripts.com