پێنچ لیوایێن لەشکرێ عیراقێ ل سنورێ دھۆکێ ھاتینە بنجھکرن
ئەڤرۆ نیوز:
ئەندامەکێ جڤاتا پارێزگەھا مووسلێ دیارکر، بەردەوام ئامادەکاریێن شەرێ رزگارکرنا مووسلێ دھێنە کرن ل شەڤا 12-10-2016 لەشکرێ عێراقی بەرەڤ بەنداڤا مووسل ھاتن دێ ل بەنداڤا مووسلێ بۆ شەرێ مووسلێ بنەجھبن، و لیوا 16 یا لەشکرێ عیراقێ ل دەڤەرا باشیکی نە و لیوایەکا دی یا لەشکرێ عیراقێ ل دەڤەرا تلسقوف ب ھەماھەنگی ل گەل پێشمەرگەی کوردستانێ ھەموو بەرھەڤیێن کونترولکرنا مووسلێ ھاتنە کرن.
بەرەکات شەمۆ، ئەندامی جڤاتا پارێزگەھا مووسل دیارکر لیوا 76 یا لەشکرێ عیراقێ بەرەڤ بەنداڤا مووسلێ ھاتن دووڤ پلانا لەشکری یا بۆ لەشکرێ عیراقێ ھاتیە دانان، دێ پیشکداریێ د ئوپەراسیۆنا ئازادکرنا مووسلێ دا کەن، ل ڤان نێزیکان ئوپەراسیۆنا ئازادکرنا باژێرێ مووسلێ دێ دەستپێ کەت نوکە رۆژانا فرۆکەیێن ھەڤپەیمەنان ب دژواری بارەگایێن رێکخراوا تیرۆرستێ داعش ل مووسلێ توپباران دکەن، لیوا 16 یا لەشکرێ عیراقێ ل دەڤەرا باشیکی نە و لیوایەک ژی لدەڤەرا تلقسوفە بۆ کونترولکرنا مووسلێ ئەڤ لیوایێن لەشکرێ عیرَاقی ھاتینە دەڤەرا دھۆکێ.
قاسم دەربۆ ، بەرپرسی ئوپەراسیۆنێن فەرماندیا شنگال یا پێشمەرگەی کوردستانێ گۆت: پێشمەرگە دێ ھەموو دەڤەرێن سەر شنگال ڤە کونترول کەت، تنێ ئەم چاڤەری فەرمانا سەرۆک بارزانی دکەین بۆ کونترول کرنا ھەموو دەڤەران.
بەرپرسێ ئوپەراسیۆنێن فەرماندیا شنگال یا پێشمەرگەی کوردستانێ دیارکر، دگەل نێزیکبوونا ئوپەراسیۆنا کونترول کرنا مووسلێ رێکخراوا تیرۆرستێ داعش ھیرشێن خوە زێدەتر کرینە لێ ھەموو جاران دھێنە تێکشکاندن و ھیرشین تیرۆرستان چوو کاریگەری ل سەر پلانا ئازادکرنا مووسلێ نابیت دێ وەختەکێ نێزیکدا مووسل ھێتە کونترول کرن.
قاسم دەربۆی ھەروەسا گۆت:” 8 ھزار و500 پێشمەرگەھیێن فەرماندا شنگال دئامادەباشیی دانە بۆ کونترولکرنا ھەموو دەڤەران، چەکدارێن بیانی یێن ریکخراوا تیرۆرستێ داعش ل دەڤەری نەماینە ئەو چەکدارێن تیرۆرستان یێن ماین ژێ ھەموو عێراقی نە دێ زۆر ھێنە ژناڤبرن دەمێ شەر ئازادکرنا دەڤەری دەست پێ دکەت.
ئەندامێ جڤاتا پارێزگەھا مووسلێ بەرەکات شەمۆی دیارکر، ل مووسلێ ب ئەگەرێ ھەبوونا کلتۆر وئاینی ومەزھەبێن جۆدا رەنگەکێ ھەستیاریێ ھەیە دڤێت ئەو ھەستیاریە بەرچاڤ بھێتە وەرگرتن پشتی مووسل ئازاد دبیت و پێدڤیە میکانیزمەک بھێتە دانان تولڤەکرن نەھێتە کرن.
خۆیا ژی کر ئێزدی داخوازن جارەکا دێ ئاشتی و پێکڤە ژیان ل دەڤەری پەێدابیت و رێک نەھێتە دان خیانەتکار ل مووسلێ بمینن و پێدڤیە بەغدا کار بکەت بۆ دارشتنا میکانیزمەکێ بۆ بھێزکرنا پێکڤە ژیانێ ولیبۆرینا ئاینی ل سەرانسەری عیراقێ، ئاکنجیێن مووسلێ ژ گەلەک پێکھاتان د تێکەلن ھەموو ئاین و نەتەوە ومەزھەب ل مووسلێ دژین لەورا دڤێت میکانیزمەکا دروست بھێتە دیتن بۆ پشتی ئازادکرنا باژێرێ مووسلێ ژبەرکو دا ئەو خەلک ل مووسل ژیان ھەست ب ئارامیێ بکەت، پێدڤیە میکانیزمەکا باش بھێتە دانان پشتی رزگارکرنا مووسلێ تۆلڤەکرن نەھێتە کرن دناڤبەرا خەلکێ مووسلێ دا، رەنگە تۆلڤەکرن ددلێ ھندەک وەلاتیان دا ھەبیت ھەر ژ نوکە کار بھێتە کرن بۆ پێکڤەژیانی ولیبۆرینا ئاینی دناڤبەرا ھەموو ئاین و نەتەوە ومەزھەب یێن ل مووسلێ دا دژین.
شەمۆ خۆیا ژی کر کو دەمێ باژێر دھێتە ئازادکرن پێدڤیە پێکھاتێن باژێرێ مووسلێ ھوسا ھەست نەکەن ھیشتا مەترسیی ل ژیانا وان ل مووسلێ ھەیە و پلانەک بھێتە دانان ھەموو پێکھاتێن مووسل تێدا ھەست ب ئارامیی بکەن بۆ وی چەندی ئاوارە ڤەگەرینە سەر دەڤەرێن خوە، نوکە 13 یەکێن ئێداری یێن سەر مووسلێ ڤە رزگارکرینە دبن کونترولا پێشمەرگەی کوردستانێ دانە ھیشتا ل ھندەک دەڤەران وەلاتی نە ڤەگەریاینە سەر مالێن خوە وەکو شنگال ھەبوونا ھیزێن نە قانوونی ئالوزی بۆ ڤەگەراندنا ئاواران دروستکرینە.
حەمید ئەفەندی پەرپرسی میحوەری باشیکی بۆ مالپەری فەرمێ پارتی دیارکریە ل ڤان چەند رۆژان دێ ئوپەراسیۆنا رزگارکرنا مووسلێ دەستپێکەت ھێزێن پێشمەرگەی کوردستانێ یێ خوە بەرھەڤ دکەن، ل مووسلێ تیرۆرستێن داعش شەپرزە بووینە دەست ب دانان بومب و تەقەمەنیان کرینە دووماھیی ھاتنا رێکخراوا تیرۆرستی داعش گەلەک نێزیکە ل نێزیک تیرۆرستێن داعش نامینن.
عەلی عەونی ئەندامی سەرکرداتیا پارتی دیموکراتی کوردستانێ بۆ باسنیوز دیارکریە کو ھاتنا سوپایی عیراقێ ب رێککەڤتن بوویە ل گەل ھەرێما کوردستانێ بۆ دەڤەرێن پێشمەرگەی ئازادکرین وپێشمەرگەی کوردستانێ دێ ل وان دەڤەرێن رزگارکری مینیت .
پلەدارێن پێشمەرگەی کوردستانی و سوپایی عێراقی بەحس نێزیکبوونا ئوپەراسیۆنا کونترولکرنا مووسلێ دکەن ھەموو ھیزا دەست ب ئامادەکاریان کرینە.
ل ھەیڤا حوزیرانا سالا 2014 لەشکرێ عیراقی تووشی شکەستنی بوو وپتریا دەڤەرێن مووسلێ و ئەنبار و سەلاحەددین ودیالە وچەندین دەڤەرێن دێ کەڤتنە دەستێ رێکخراوا تیرۆرستی داعشدا.
پێنچ لیوایێن لەشکرێ عیراقێ ل سنورێ دھۆکێ ھاتینە بنجھکرن
نيشاندان