ئەڤرۆ نيوز:

شرۆڤەکارەکێ لەشکەری ئاشکراکر کو دووماھی یا ڤی حەفتیێ دێ لایێ چەپێ یێ مووسل لەشکریەن ئازاد بیت، لێ ئێمناھی ھێشتا بۆ دڤێت و پێدڤی یە حوکمەتا عیراقێ چەندین پێنگاڤا ب ھاڤێژیت، بەری دەست ب ئوپراسیوونا لەشکەری لایێ راستێ بکەت دا تووشی تشتێ نە چاڤەرێکری نەبیت.
عەمید چیایی حەسەن مەحمود شرۆڤەکارێ لەشکری زێدەتر بۆ رۆژناما ئەڤرۆ گۆت: ھێزێن عیراقێ گەلەک مانە ب شەرێ مووسل ڤە چونکە پت ژ 14 دەمژمێرا شەڤ بوو و رۆژ دکورت وبوون، داعش مفا ژێ، دیسا ھێزێن عیراقی ل ناحیا قەیرەوان و بەعاج بوون و حوکمەتا عیراقێ ھندەک ھێز ژ ئەڤان دەڤەرا کێشان بوو ھاریکاریا ھێزێن دژی تیرۆر و دیسا فرۆکێن ھاریکاریا حەشەدا شەعبی دکرن زڤرین بۆ ھاریکاریا ھێزێن عیراقێ، ھێرشێ ژ سێ محیوەران دەست پێکر و دیسا ھەڤپەیمانا ژی پتر ھاریکاری کر د وەرگرتن و دانا زانیاریان دا و دیسا فرۆکێن وان رۆلەکێ بەرچاڤ دبینن دڤی شەری دا، د ھێرشێن ھەرسێ محیوەران دا کو پلان ھاتە گوھورین بۆ جارا ئێکێ پشتی کەتنا مووسل و دەسپێکرنا شەرێ ئازادکرنا موووسل چەندین جھێن ستراتیجی کەفتنە دەستێن ھێزێن عیراقی و ھاتنە ئازادکرن وەک زانکۆیا مووسل، دیسا ئاڤاھیێ پارێزگەھێ یێ نوو کو لایێ چەپێ یە ھاتە ئازاکرن و چەندین فەرمانگەھێن حوکمەتێ شوقێن حەدبا کو جھێ ئاکنجیبوونا داعشێن بیانی بوویە، پێشبینی دکەم ھەتا دووماھیا ڤێ حەفتیێ لایێ چەپێ یێ مووسل لەشکرین ئازاد بیت، لێ ئێمناھین کار بۆ دڤێت و دڤێت حوکمتا عیراقێ ھندەک پێنگاڤا پاڤێت بەری دەست ب لایێ راستێ لەشکرین بھێتەکرن.
عەمید چیایی حەسەن ئەو ژی گۆت: پێدڤی یە خزمەت گوزاری ب زووترین دەم بگەھەنە لایێ چەپێ و ھەکە پولیس ھاتنە دانان و فەرمانگە ھاتنە ڤەکرن و خەلکی قەستا مال و بازاران کر دێ وێ گاڤێ ئەو ئەو جە ھێتە ھەژمارتن کو ئێمناھی تێدایە و دیسا دێ بڤی رەنگی خەلکێ راستێ ژی ھەست پێ کەت کو لەشکرێ عیراقێ بۆ ئازادکرنا وان ھاتیە و نە لەشکرێ بەری 10/6/2014 و سەردەمێ نوری مالکی و دێ ھاریکاربیت و ئەگەر خەلکێ ھاریکارنەبیت لەشکرێ عیراقێ ملیۆنەک ژی بیت نەشێـ مووسل کونترۆل بکەت، دا کارەسات پەیدا نەبن پێدڤی یە لەز و پەلە ل لەشکری نەھێتەکرن د ئازادکرنا لایێ راستێ دا، چونکە گەلەک ژێ ھاتنە کوشتن ئەڤە دیارە، دیسا گەلەک چوونە لایێ دی و دیسا دبیت ھندەک شانێن خوە بنڤین و ھەکە ھێزێن عیراقێ چوونە لایێ دی ئەو ڤی لایی راکەن و بڤی رەنگی دێ کارەسات پەیدابن، چونکە ھێرشا لایێ راستێ پلانەکا نوو دڤێت و تە پێنچ پر ھەبوون نوکە کار دانین و دیسا ھندەک محیوەران ھێشتا لەشکرێ عیراقێ بەرھەڤی نەکرینە.
ھێشتا گۆت: راستە لایێ دی کولانێن تەنگ ھەنە و دبیت مودرع و دەبابە نەشێن ھاتن و چوونێ بکەن، لێ ئەڤە نا بیتە ئەگەر نەشێن بھێنە ئازادکرن و بەلکو ھندەک ھێزێن تایبەت و رێکێن تایبەت ھەنە دێ شێن ب زووترین دەم گەھنێ، مەزنترین زەرە ل شەرێ داعش ب عەرەبین سونە کەفتیە و باژێرێن مووسل و رومادی و تکریت و فەلوجە ھەر چ تێنەمایە ئەڤجا ڤێت حوکمەت ب ھندەک رێکا بۆ خەلکی دیاربکەت کو ئەڤ لەشکەرە ھاتیە قورتال بکەن و نە لەشکەرێ مالکی یە، دا ئەف خەلکە جارەکا دی ھاریکاریا داعش نەکەتە ڤە.
ناڤبری ھێشتا گۆت: نابینم ئەڤە قوناغا دووێ بەلکو ئەڤە تەمامکرنا قوناغا ئێکێ یە و قوناغا ئێکێ ھەر چ تشتێ ستراتیجی تێدا نەبوون، پلانا نوکە باشتر بوو جھێن بزحمەت پێلە ھەر جعێ ب ساناھی و ھاریکاریا خەلکی بکە و ھەکە تە ھاریکاریا خەلکی کر و تە گرتن وی دەمی دێ ب خوە کەڤیت.

ئەڤرۆ نيوز:
ئەندامێ لژنا ئێمناھی و بەرەڤانیا جڤاتا نوونەرێن عیراقێ گۆت، سەرۆک وەزیرێن عیراقێ داخواز ژ پەکەکێ کریە دەڤەرێن شنگالێ چول بکەن و ئێدی وانا پێدڤی خزمەتێن وانا نەمایە.
دداخویانیەکا تایبەت دا سەبارەت کومبوونا ئەندامێ پەرلەمانێ عیراقێ یێ سەرب پارتی دیموکراتی کوردستان شاخەوان عەبدوللای ل گەل سەرۆک وەزیرێن عیراقێ حەیدەر عەبادی ل رێککفەتی 15ى كانوونا دويێ 2017 راگەھاند، ب ئامادەبوونا ھەر ئێک ژ وەزیرێ بەرەڤانی و ناڤخوەیی و بەرپسێ حەشدا شەعبی کومببونێ ب بوون.
ل گۆڕ گۆتنا شەاخەوان عەبدوللای، حەیدر عەبادی یێ ئاگەھداربوو سەبارەت پرسێن رەخنەگرتنا مە ل وی ل دۆر رەوشا ئێمناھیێ ل دەڤەرێ ، لەورا ئەو ھەرسێ بەرس ئامادەیی کومبوونێ کرن، شاخەوان دیارکر، دکومبوونێ دا بەحسێ کێشا پەکەکێ ژی ھاتە کرن، و کومەکا پرسێن گرنگ ئاراستەی سەرۆک وەزرێن عیراقێ ھاتنە کرن، ژوانا پرسا گیروبوونا پرۆسا رزگارکرنا قەزا حەویجە، سەرۆک وەزیرێن عیراقێ خوەیاکر، کێشا گیروبوونا رزگارکرنا قەزا حەویجە ددەستێن پارێزگارێ کەرکووکێ دایە، ئەو ئەگەرێ وێ گیروبوونێ یە ب بھانەیا ھندێ ھەتا نوکە ھێزەکا لەشکری یا پێدڤی بۆ رزگارکرنا وێ قەزایێ نەھاتیە بەرھەڤکرن.
ژئالیەکێ دیڤە شاخەوان عەبدوللای، پرسیار ژ سەرۆک وەزیرێن عیراقێ حەیدەر عەبادی کریە، ل دۆر بۆچی ھەتا نوکە موچە و مافێن و پێدڤیێن ڕەوایێن پێشمەرگەی نە ھاتینە ھنارتن، زێدەباری دوورخستنا کوردان ژ پۆستێن ئێمناھیێ وەک سەرۆک سوپا سالاری و بریکاری وەزارەتا ناڤخوەیی؟ .
حەیدەر عەبادی دبێژیت، سەبارەت پرسا ئێکێ پارێزگارێ کەرکووکێ بەرپرسە، و لدۆر مووچە و مافێن و پێدڤیێن پێشمەگەری گۆت: ھەوە پەترۆلا خوە یا ھەی بخوە بفرۆشن مووچە و پێدڤیێن پێشمەرگەی پێ دابین بکەن، لەورا ئەو نەیێ بەرھەڤە مووچێ پێشمەرگەی ب ھنێریت، ژبلێ وێ ژی ئەو وەکی منەتەکێ ل کوردان دکەت دەمێ بەھرا دەرمان و پێدڤیێن چارەسەرکرنا نوشداری بۆ ھەرێمێ دھنێریت، پرسا سەبارت دوورخستنا کوردان ژ پۆستێن ئێمناھیێ حەیدەر عەبادی گۆت: ئەز بەرسفێ نادەم و جارێ دەستان ژڤێ بابەتی بەردە !!.
شاخەوان عەبدوللا گۆت: سەبارەت ھەلویستی حوکمەتا عیراقێ ل دۆر پەکەکێ، سەرۆک وزیرێن عیراقێ دیارکر، کو حوکمەتا عیراقێ پەکەکە ئاگەھدار کریە، دڤێت شنگالێ دەرکەڤن و بۆ خەلکێ وێ بھێلن، بەرسڤا پەکەکێ ژی یا ئەرێنی بوویە، ھەر چەندە وانا ھاریکاری و خزمەتکرینە، بەلێ نوکە مە پێدڤی ب خزمەتێن وانا نەمایە، و دڤێت ئەو ژ دەڤەرێ دەرکەڤن.

ئه‌ڤرۆ نيوز:

ب گۆره‌ى گۆتنێن په‌رله‌مانتاره‌كێ كورد، عه‌بادى ره‌ت كريه‌ كو مووچێ پێشمه‌رگه‌ى بده‌ت و گۆتيه‌ كو ئه‌وان داخواز ژ په‌كه‌كێ كريه‌ كو شنگال چۆل بكه‌ن و ئه‌وان ژى به‌رسڤێن ئه‌رێنى هه‌بووينه‌ و دايه‌ زانين ژى كو هه‌كه‌ هه‌رێمێ هه‌موو په‌ترۆلا خوه‌ ره‌وانه‌ بكه‌ت ژى به‌غدا ب تنێ دێ به‌هرا 650 هزار فه‌رمانبه‌ران مووچه‌ى ره‌وانه‌ كه‌ت.

ئێڤاريا دوهى رۆژا شه‌مبى 14ى كانوونا دويێ 2017 حه‌يده‌ر عه‌بادى سه‌رۆك وه‌زيرێن عيراقێ و ئه‌ندامێن لژنا ئاسايش و به‌ره‌ڤانيێ ل جڤاتا نوونه‌رێن عيراقێ و ژماره‌كا زۆر ژ به‌رپرسێن له‌شكرى و هه‌والگه‌رى و فالح فه‌ياز شيره‌تكارێ ئاسايشا نشتيمانى كۆمبوو.

شاخه‌وان عه‌بدولا ئه‌ندامێ لژنا ئه‌منى ل جڤاتا نوونه‌رێن عيراقێ راگه‌هاند كو كۆمبوون يا ئه‌منى بوو و چه‌ندين بابه‌تێن ئه‌منى هاتنه‌ گه‌نگه‌شه‌كرن و ژ وان ژى شه‌رێ داعش و چاوانيا پاراستنا به‌غدا و “تێدا بڕيار هاته‌ دان كو راپۆرته‌كێ ل سه‌ر ئه‌زموونا هه‌رێما كوردستانێ و پاراستنا هه‌ولێرا پايته‌خت ئاماده‌ بكه‌م”.
دا زانين ژى كو ده‌رباره‌ى كوردستانێ و مووچێ پێشمه‌رگه‌ى ژى داخواز ژ عه‌بادى كريه‌ كو هه‌كه‌ مووچێ هه‌موو پێشمه‌رگه‌ى نه‌ده‌ت ژى بلا مووچێ وى پێشمه‌رگه‌ى بده‌ت ئه‌وێ ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ د پارێزن بده‌ت، به‌لێ ره‌تكر و گۆت هه‌رێم يا په‌ترۆلا خوه‌ دفرۆشيت و بلا ژ وى پاره‌ى مووچێ پێشمه‌رگه‌ى بده‌ت.

عه‌بادى د كۆمبوونێ دا ل دۆر هه‌بوونا په‌كه‌كێ ل چيايێ شنگال ژى گۆت كو ئه‌وان داخواز ژ په‌كه‌كێ كريه‌ كو شنگال چوول بكه‌ن و ئه‌و وه‌لاتيێن توركن و ب تنێ وان مافێ بنه‌جهبوونێ ل سه‌ر ئاخا عيراقێ يێ هه‌ى و په‌كه‌كێ ژى به‌رسڤێن باش داينێ و گۆت: “سۆپايێ توركيا ژى دێ خوه‌ ژ باشيك ڤه‌كێشيت”.

شاخه‌وان عه‌بدولا ئه‌نجامێن ڤێ كۆمبوونێ ب خراب وه‌سفكرن و گۆت: “پشتى شه‌رێ رزگاركرنا مووسل ئه‌و هه‌ماهه‌نگيا د ناڤبه‌را هه‌رێما كوردستانێ و عيراقێ دا نامينيت و ب قه‌ناعه‌تا من مالكى و عه‌بادى ب تنێ ناڤێن وان ژێك د جودانه‌”.