ئه‌ڤرۆ نيوز:
ئه‌ڤرۆ نيوز ناڤێ وان قوتابيێن به‌لاڤ دكه‌ت يێن ل كۆليژێن زانكۆيا پوليته‌كنيك دهۆ هاتينه وه‌رگرتن
ڤى لينكێ ل خوارێ ڤه‌كه و ئاگه‌هداريا وان قوتابيان دكه‌ين يێن ناڤێن وان ده‌ركه‌ڤتين 4/9/2016 تاوه‌كو 8/9/2016 سه‌ره‌دانا تومارا زانكۆيێ بده‌ن و ڤان پێدڤيان ل گه‌ل خو ببه‌ن.
ئه‌ڤرۆ نيوز:
ئه‌ڤرۆ ب ئاماده‌بوونا ( عمر علي تاها ) رێڤه‌به‌رێ گشتى يێ په‌روه‌ردا پارێزگه‌ها دهوكێ ب وه‌كاله‌ت و هه‌ردوو هاريكارێن ريڤه‌به‌رێ گشتى و هه‌مى رێڤه‌به‌رێن په‌روه‌ردێن قه‌زا يێن سه‌ر ب په‌روه‌ردا گشتى ڤه ورێڤه‌به‌رێ رێڤه‌به‌ريا سه‌رپه‌رشتيا په‌روه‌رده‌يى ودلنيا جورى ورێڤه‌به‌رێ رێڤه‌به‌ريا خويتى وميلاكى ل په‌روه‌ردا گشتى كومبونه‌كا تايبه‌ت ل دور دانانا رێنمايێن تايبه‌ت بو ڤه‌گوهاستنا ماموستايان بو سالا نوى يا خواندنێ 2016/2017 هاته كرن .
دكومبونێ دا رێڤه‌به‌رێ گشتى ره‌وشا ئه‌ڤرويا كوردستان تێدا ده‌رباز دبيت و ئه‌و كاودانێن هه‌ين به‌حس كر و سوپاسيا مانديبونا ماموستايان وسه‌رپه‌رشتياران وهه‌مى فه‌رمانبه‌ر و ئه‌ندامێن خێزانا مه‌زنا په‌روه‌ردێ كر بو ئه‌و كار وئه‌ركێن هاتينه ئه‌نجام دان ب شوه‌يه‌كێ باش ل سالا بورى يا خواندنێ 2015/2016 و پيروباهى ل هه‌مى قوتابى وماموستايان كر ب هه‌لكه‌فتا سالا نوى يا خواندنێ .
هه‌ر دكومبونێ دا رژدى هاته كرن كو ئه‌ڤ ساله بابه‌تێ ڤه‌گوهاستنا ماموستايان بهێته ئێك لاكرن ورێنما بهێنه ده‌رئێخستن دگه‌ل به‌رچاڤ گرتنا بارودوخێ هه‌ر په‌روه‌رده‌كێ وب مه‌رجه‌كى چێ كارتێكرن ل پروسا خواندنێ نه‌هێته كرن .
دكومبونێ دا وپشتى ده‌ربازبونا پتر ژ سێ ده‌مژمێرێن دان وستاندنێ رێككه‌فتن لسه‌ر ئه‌ڤان رێنمايان هاته كرن .
ئه‌ڤرۆ نيوز:
وه‌زيرێ په‌روه‌ردا حوكمه‌تا هه‌رێما كوردستانێ راگه‌هاند: جه‌ماعه‌تا فه‌تحولا گويله‌ن ئێدى نه‌شێن سه‌رپه‌رشتيا قوتابخانێن خوه بكه‌ن، به‌لكو دێ ژ لايێ وه‌زاره‌تا په‌روه‌ردێ ڤه هێنه سه‌رپه‌رشتيكرن ب هاريكاريا كه‌رتێ تايبه‌ت.
پشتيوان سادق وه‌زيرێ په‌روه‌ردێ د داخۆيانيه‌كا رۆژنامه‌ڤانى دا ل سوران ئه‌ڤرۆ رۆژا پێنجشه‌مبى راگه‌هاند: ل گه‌ل لايه‌نێ توركى د دانوستاندنێ داينه ده‌رباره‌ى كێشێن قوتابخانێن سه‌ر ب فه‌تحولا گويله‌ن كو وه‌لاتێ توركيا داخوازا داخستنا وان دكه‌ت.
ئێدى رێ ناده‌ين ئه‌و ژ لايێ جه‌ماعه‌تێ ڤه بهێنه ب رێڤه‌برن كو توركيا ب “تيرۆرست” ب ناڤ دبه‌ت و ب جه‌ماعه‌تا “فه‌تحولا گويله‌ن دهێنه ب رێڤه‌برن.
هه‌يڤا بۆرى مه‌سعود بارزانى سه‌رۆكێ هه‌رێما كوردستانێ سه‌ره‌دانا وه‌لاتێ توركيا كر و د په‌يڤه‌كێ دا كو ل ئه‌نقه‌ره پێشكێشكر راگه‌هاند: ل گه‌ل به‌رپرسێن توركيا رێكه‌فتين ب ره‌نگه‌كى چاره بكه‌ين كو زيان نه‌گه‌هيته قوتابيان.
وه‌زيرێ په‌روه‌ردێ ژى دا زانين كو ب چو ره‌نگه‌كى مافێ قوتابيان و دايكوبابێن وان ناهێنه خوارن و ئێدى دێ ژ لايێ وه‌زاره‌تا په‌روه‌ردێ ڤه هێنه ب رێڤه‌برن ب هاريكاريا كه‌رتێ تايبه‌ت، “دێ بزاڤێ كه‌ين ئاستێ زانستى يێ وان قوتابخانان ژ به‌رى نوكه ژى بلندتر لێ بكه‌ين”.
ئه‌ڤرۆ نيوز:
رێڤه‌به‌ريا كۆمه‌لگه‌ها ده‌رگه‌هێ ئيبراهيم خه‌ليل يێ سنورى راگه‌هاند: ل دووڤ وێ كۆمبوونا د ناڤبه‌را هه‌ردو لايه‌نێن په‌يوه‌نديدارێن حوكمه‌تا هه‌رێما كوردستانێ و حوكمه‌تا توركيا دا هاتينه كرن ل رێكه‌فتى 25ى ته‌باخا 2016ێ به‌رپرسێن حوكمه‌تا توركيا ئه‌م ئاگه‌هداركرينه كو ل رۆژێن داهاتى يێن نێزيك دا ئه‌ڤ ده‌رگه‌هه دێ ب ره‌نگه‌كێ فه‌رمى هێته ڤه‌كرن”.
دايه زانين ژى كو ئه‌ڤه ب گۆره‌ى پرۆتۆكوله‌كێ بوويه ل رێكه‌فتى 4ى گۆلانا 2015ێ و دێ ده‌واما فه‌رمى ل ده‌مژمێر (9:30) سپێدی هه‌تا (3:30)ى پشتی نیڤرۆ بيت ژبلی رۆژێن شه‌مبی و ئێكشه‌مبی بهێن ڤه‌دانه ژ لایێ وه‌لاتێ توركیا.
ئه‌ڤرۆ نيوز:
وه‌زيرێ دارايێ عيراقێ راگه‌هاند ده‌وله‌تا قانوونێ يا ل پشت لێپرسينا ل جڤاتا نوونه‌رێن عيراقێ و ب دوورى نزانيت كو مالكى ل پشت لڤاندنا وێ پرسێ بيت و دبێژيت: “ب وێ چه‌ندێ ژى راناوه‌ستن، چونكو ئارمانجا وان ب تنێ ئه‌و نينه، به‌لكو پشتى وێ دێ روو كه‌نه سه‌ليم جبۆرى و حه‌يده‌ر عه‌بادى و ل دووماهيێ بزاڤا ژ كارخستنا حوكمه‌تێ كه‌ن.
هشيار زێبارى، وه‌زيرێ دارايى يێ عيراقێ د ديداره‌كا رۆژنامه‌ڤانى دا ل گه‌ل ميديا عيراقى ل سه‌ر پرسا وه‌رگرتنا باوه‌ريێ راگه‌هاند: “ئه‌و ئيمزايێن ل سه‌ر وى هاتينه كۆمكرن پتريا وان يێن ئه‌ندامێن ده‌وله‌تا قانوونێ بوون، ب پشت راستى ڤه هه‌كه ل پشت وان پالدانه‌ك نه‌بيت، ئه‌ڤ كاره ناهێته كرن، هه‌لويستێ مالكى ل به‌رامبه‌ر من تشته‌كه و هه‌لويستێ فراكسيۆنا وى ژى تشته‌كێ دى يه”.
هشيار زێبارى دبێژيت: “دشێم بێژم ده‌وله‌تا قانوونێ يا ل پشت ئه‌وێ پرسێ، ب ڤێ چه‌ندێ ژى راناوه‌ستن، من چو كێشه نينه، به‌ره‌ڤانيێ ژ خوه دكه‌م، دێ چم دا باوه‌ريێ ژ من وه‌رگرن، ب رێيا ئه‌و رێيێن بۆ من هاتينه ئاماده‌كرن، به‌لێ ئارمانجا وان ب تنێ ئه‌ز نيننم، ئارمانجا وان سه‌ليم جبۆرى و حه‌يده‌ر عه‌بادى يه، دڤێت ب من تاقى بكه‌ن و بزانن بزاڤێن وان دێ چاوان سه‌رگرن دا كو حوكمه‌تێ ژ ناڤ ببه‌ن”.
زێبارى به‌حسێ روونشتنا جڤاتا نوونه‌ران و لێپرسينێ دكه‌ت و دبێژيت: “ده‌مه‌كى بۆ لێپرسينێ گازيكرم و من پشته‌ڤانى لێكر، ب چو ره‌نگه‌كى من داخوازا داخستنا وێ پرۆسێ نه‌كريه، چووينه روونشتنا جڤاتا نوونه‌ران و مه بۆ وان روون كر و مه به‌رسڤا هه‌موو پرسيارن دا، لێپرسين چ بوو، تۆمه‌ت بوو، من ژى ب ره‌نگه‌كێ لوژيكى و ب به‌لگه به‌رسڤ دان”
وه‌زيرێ دارايێ عيراقێ ته‌كست ل سه‌ر وێ چه‌ندێ كر كو ئه‌و پرسيارێن هه‌يسه‌م جبۆرى ژ وى كرين، “ڤيا راستيان ڤه‌شێريت و سه‌رێ خه‌لكى تێك ده‌ت، ئه‌ڤه ژى جهێ قه‌بوولكرنێ نينه، راستى يا چاوايه دڤێت يا وه‌سا بيت و وه‌سان بهێته به‌رچاڤكرن”، گۆتژى: “دێ پرسيار ژ هه‌يسه‌م جبۆرى كه‌م كو ئه‌ندامێ لژنا دارايى يه، ب گۆره‌ى راپۆرته‌كێ كو ل به‌ر ده‌ستێ منه، ژ لايێ خودێ ژێ رازى ئه‌حمه‌د چه‌له‌بى سه‌رۆكێ به‌رێ يێ لژنا دارايى پێشكێشى وى كريه، ب تنێ كه‌سه‌كى 6 مليار و 455 مليۆن دۆلار بۆ سه‌ر ژمارا وى بۆ بانكه‌كێ ڤه‌گوهاستينه ، ئه‌ڤه ب به‌لگه ل به‌ر ده‌ستێ منه، ئه‌و پاره يێ ملله‌تى يه، هه‌يسه‌م جبۆرى ئه‌ندامێ لژنا دارايى يه، ئه‌و راپۆرته گه‌هشتيه ده‌ستێ وى، نه‌شێت دووڤچوونه‌كێ بۆ بكه‌ت؟ بزانيت ئه‌و پاره بۆ كيڤه چوويه، كى ژێ به‌رپرسياره، ئه‌و پارێ خه‌لكى يه، پرسيار ژى ژێ دكه‌م بۆچى چاڤدێريا وێ دوسيێ نه‌كريه، ب به‌لگه ڤه پێشكێشى وى كريه، بۆچى؟”.
ل دووڤ گۆتنێن زێبارى، هه‌يسه‌م جبۆرى زه‌لامه‌كێ به‌عس بوويه، هه‌تا 2003ێ يێ جلكێن زه‌يتونى ل به‌ر كرينه، من چو كێشێن كه‌سى ل گه‌ل وى زه‌لامى نينن، هه‌ڤدژى ڤێ چه‌ندێ رێزێ لێ دگرم”.
وه‌زيرێ دارايێ عيراقێ ئاماژه ب وێ چه‌ندێ ژى دكه‌ت “ئه‌و پرسيارێ ل ده‌مێ روونشتنا جڤاتێ ژ من هاتينه كرن، ژ سه‌رجه‌مێ 11 پرسياران ب تنێ پرسياره‌ك ل سه‌ر كاودانێن دارايى بوو، ئه‌وێن دى هه‌موو د كه‌ساتى بوون و لايه‌نێن سياسى تێد بوون”.
هه‌ر ل دووڤ گۆتنێن زێبارى ئه‌وا نوكه ل جڤاتا نوونه‌ران دهێته كرن، “شه‌ره‌كێ سياسى يه و هه‌موو جۆرێن چه‌كى ب كار دئينن”، وه‌زاره‌تان ب گه‌نده‌ل ب ناڤ دبه‌ن، ل گه‌ل وێ چه‌ندێ “لايه‌نێ به‌رامبه‌ر مافێ وانه به‌ره‌ڤانيێ ژ خوه ب كه‌ن و راستيان ئاشكه‌را بكه‌ن”.
هشيار زێبارى ئه‌وێ چه‌ندێ ژى ئاشكه‌را دكه‌ت كو كاودان ب وى ره‌نگى ژى نينه وه‌كو پێشبينى دكه‌ن، “به‌لكو دزانين هه‌ڤپه‌يمانى يا هه‌يى و را و بۆچوون و هه‌لسه‌نگاندن و پێداچوون يا هه‌ى، هه‌ڤپه‌يمانى يێن هه‌ين و د ناڤ هه‌ڤپه‌يمانيان ژى دا لايه‌نێن شيعى يێن هه‌ين، لايه‌نێن سونى يێن هه‌ين، هه‌تا د ناڤ كوردان ژى جوداهى يێن هه‌ين، مه رێز بۆ چه‌ند نوونه‌ران هه‌يه، ب تايبه‌ت گۆڕان، ئێكه‌تى ژى پتريا وان يێن ل گه‌ل مه، ئيسلامى ژى ئێكه‌دويه‌ك يێ ل گه‌ل مه و ئێكه‌دويه‌ك ژى ل گه‌ل مه نينن، ئه‌ڤه ژى كێشه نينه”.
زێبارى ئه‌و ژى ئاشكه‌را كر كو نوكه سه‌ليم جبۆرى يێ كريه ئارمانجا خوه و 148 ئيمزا يێن ل دژى وى هاتينه كۆمكرن، “هه‌كه ئه‌م بچينه پشا وان دێ بنه 165 ئيمزا و ب وى ره‌نگى ژى هه‌موو وه‌زاره‌ت يێن كرينه ئارمانج و ب وێ رێ ژى دێ وه‌زيرى ل دووڤ وه‌زيرى گازى كه‌ن و لێپرسينێ ل گه‌ل كه‌ن و يان ژ كارئێخن يان ژى ده‌ركه‌ن، ئه‌م دێ گه‌هينه كيرێ؟ جڤاتا نوونه‌ران نه‌شێت كابينه‌كا نوو هه‌لبژێريت، ئه‌ڤ كاودانه خزمه‌تا جڤاتا نوونه‌ران ناكه‌ت، ب ڤى ره‌نگى جڤاتا نوونه‌ران ژى دێ ژ كار كه‌ڤيت”.
ل دووماهيێ ژى هشيار زێبارى وه‌زيرێ دارايێ عيراقێ ئاشكه‌را كر “وه‌لاتێن كاريگه‌ر وه‌كو ئه‌مريكا و ئورۆپا و ئيران و وه‌لاتێن عه‌ره‌بى ب گرنگيه‌كا مه‌زن چاڤدێريا وێ قه‌يرانا به‌رده‌وام دكه‌ن، ئه‌وا ل عيراقێ روو دده‌ت و كارتێكرنا وێ ل سه‌ر وان دبيت، نه‌ڤێت سه‌قامگێرى ل عيراقێ تێكبچيت، ب ڤى ره‌نگى ژى سه‌ره‌ده‌رى ل گه‌ل حوكمه‌تێ بهێته كرن”.
ئەڤرۆ نيوز:
ئەندامەکا پەرلەمانێ عیراقێ ئاشکراکر کو ل دووڤ بۆدجا سالا 2017 مووچێ فەرمانبەرێن حوکمەتا عیراقێ دێ ھێتە کێمکرن و رێژەک بۆ حەشدا شەعبی و رێژەک بۆ پەنابەران ھاتیە تەرخانکرن و ھەتا ڤی ئاستی ژی کورتھێنانەکا مەزن بۆدجێ دا دروست بوویە و ئەڤە بوویە ئەگەر کو ھاتنا بۆدجێ ژ جڤاتا وەزیران بۆ پەرلەمانی گیروبیت.
نەجیبە نەجیب ئەنداما پەرلەمانێ عیراقێ ژ فراکسیۆنا پارتی دیموکراتی کوردستان بۆ رۆژناما ئەڤرۆ ئاشکراکر، کو بۆدجا عیراقێ یا سالا 2017 ھێشتا ل جڤاتا وەزیرانە و ھێشتا نە گەھشیتە جڤاتا نوونەرێن عیراقێ و ھەر تشتەک دبیت بھێتە گوھۆڕین، داھاتێ عیراقێ ل سەر 102 تریلۆنێن دینارێن عیراقی ھاتیە دانان، ژ ئەڤی کوژمی 77 تریلون و 971 ملیار یێن بۆدجا ژ کارخستنێ نە، دیسا یێن ئاڤەدانکرنێ وبەرھێنانێ 24 تریلون331 ملیار دینارن، داھاتێ عیراقێ ل سەر 70 تریلون و 128 ملیار دیناران ھاتیە دانان، بۆ ھەر بەرمیلەکا پەترۆلێ 35 دۆلاران ھاتیە خەملاندن، بابەت ھێشتا ل جڤاتا وەزیرانە و گەنگەشە ل سەر دھێتەکرن.
ھەمان ئەنداما پەرلەمانێ عیراقێ گۆت: پەترۆلا دھێتە فرۆتن ئەڤ سالە رۆژانە ھەرێما کوردستانێ 550 ھزار بەرمیل ژ ھەرێما کوردستانێ دھێنە رەوانەکرن، سێ ملیۆن و 300 ھزار ژی ژ عیراقێ دھێنە رەوانەکرن، رێژا کورتھنانێ 32 تریلون 174 ملیار دینارن، ئەگەرێ گیربوونا بودجێ ھەتا نوکە نە گەھشتیە پەرلەمانی ئەوە کو رێژا کورتێھانێ گەلەک، ژ ئەوی داھاتی کو 70 تریلون 58 داھاتێ پەترۆلێ یە و ئەڤێن مایی داھاتێ نافخو و گرمک و خالێن سنوری و فرۆکخانە نە.
نەجیبایێ ئەو ژی گۆت: کو دەرگەە ھەنە حوکمەتا عیراقێ دشێت ئەڤێ کورتھێنانێ پڕ بکەت و دیسا ل گەل ئەڤێ چەندێ 17% بەھرا ھەرێما کوردستانێ تێدا ھاتیە بنەجھکرن، دیسا یا پێشمەرگە ژی لێ ئەڤە ھەر پێدڤی ب رێکەفتنەکا سیاسی یە دناڤبەرا حوکمەتێن عیراق و ھەرێما کوردستانێ دا کو بھێتە ئەنجامدان.
ھەمان ئەنداما پەرلەمانی خوەیاکر، دبودجێ دا نە ھاتیە دیارکرن کا عیراق ب چو رەنگ پەترۆلا خوە بفرۆشیت، لێ ب رێکا ئیرانێ گەلەک نەیا دوورە ژ حوکمەتا عەبادی، دیسا رێژا 20% مووچێن فەرمانبەرێن عیراقێ بھێتە کێمکرن دێ بیتە نێزیکی دو تریلون دیناران، 20% بۆ حشەشەد شەعیی یە و 40% بۆ پەنابەرانە.
ھەمان ئەنداما پەرلەمانێ عیراقێ ئەو ژی نە ڤەشارت گۆت: ل دووڤ بۆدجا ھاتیە دارێتن ھەموو نەفەقاتین تەشغیلی ھاتینە کێمکرن، دیسا ل دووڤ بۆدجا نوکە ھاتیە خواستن خویک پتر زێدە بیت، دیسا ئەم پێشبینی دکەین ل سالا 2017 بەرمیلا پەترۆلێ بچیتە سەر 50 دولاران دا و ئەڤە پێشبینی نە و دبیت چ نەبیت و شتی مە نە دەرکەڤیت.
ئه‌ڤرۆ نيوز:
رێناس جانۆ ئەندامێ پەرلەمانێ عێراقێ لدۆر دروستبوونا ھەڤپەیمانیەکا (کوردی، شیعی ) ل بەغدا ل دژی پارتی دیمۆکراتی کوردستان بۆ رۆژناما ئەڤرۆ راگەھاند، ب رەنگەکێ ئاشکرا چو ھەڤپەیمانی د مەیدانا ساسی یا عێراقێ دا دروست نەبووینە، بەلێ ھەست پێ دھێتەکرن کو نێزیک بوونەک یا ھەی،ل سەر حسابا ئێکگرتنا بەرژەوەندێین ھەرێمی، لەورا ھندەک لایەنێن سیاسی سەرەدانا سلێمانیێ کر، بێی کو سەرەدانا ھەولێرێ بکەن، ھەروەسا ھندەک لایەنێن سیاسی یێن کوردی سەرەدانا بەغدا کر، بێی کو پرسیارا ھەڤپەیمانێن خۆ یێن ستراتیجی و کوردستانی بکەن، دیسا ئەم دبینین کو رێککەفتنەک د ناڤبەرا لایەنەکێ سیاسی و حوکمەتا عێراقێ دا یا دھێتە کرن،ل سەر مەسەلا پەترۆلێ، بێی کو رێککەفتنەکا حکومی دناڤبەرا وان دا ھەبیت، ئەڤە ھەمی ئاماژێ ب ھندێ دکەن کو نێزیکبوونەکا ئاشکرا یا دناڤبەرا وان لایەنان دا ھەی، لەورا ئەڤ رێککەفتنە یا ل سەر حسابا پارتی دھێتە کرن.
ریناس جانوی گۆت ژی: ھەکە ھەماھەنگیا مە دگەل فراکسیۆنێن کوردی ل بەغدا یا خراب بیت، سێ فراکسیۆنێن دی یێن کوردستانی ھەنە، بۆچی یا وان دگەل مە یا باش نابیت، ئەو ژ مە پترن ژی، ھەکە ئەم د خەلەت بین، بۆچی ئەو مە نائیننە سەر رێیا راست، لەورا ئەڤا پارتی بۆ گۆڕانێ کری نە یا کێم بوو،کو ل بەغدا مە باشترین پۆستێن خۆ پێشکێشی گۆرانێ کرین، ھەر چەندە گۆڕانێ چو ھەماھەنگی ل گەل پارتی نەکر، ھەر تشتەکێ مافێ وان نەبیت، پارتی یێ دایە وان، ھەر چەندە گۆڕان ل ھندێ د گەریان کادێ ل کیرێ، پارتی ب لاواز دەنە نیاسین وان ئەو کار یێ کری، ھەر چو کارەکێ باش یێ پارتی کربیت، بەرامبەردا گۆڕانێ ژی باشترین شێوە بۆ دژایەتیکرنا پارتی یێ ب کارئینای، لەورا ئەم وەک پارتی ب ئاشکرایی دبێژین، مە کەمتەر خەمی بەرامبەر ھەردو پارتێن ئیسلامی کرینە بتایبەتی ئێکگرتوویا ئیسلامی د بابەتێ دابەشکرنا کۆمیتێن پەرلەمانی دا، ھەر چەندە مافێ وان ژی نەبوو، لێ پێدڤی بوو ھەڤکاری ل گەل ئێکگرتوو پتر چووبا پێش.
رێناسی دەربارەی ئێکەتیێ گۆت: نوکە ئاراستەکێ بتنێ دناڤ ئێکەتیێ دا نینە،کو مرۆڤ بێژیت ئەڤ ئاراستە ھەلویستێ ئێکەتیێ یە و دەربرینێ ژ سیاسەتا وێ دکەت، لەورا وان پتر ژ ئاراستەکێ و ھەلویستەکێ یێن ھەین، دیسا ئاراستەکێ ئێکەتیێ یێ ل بەغدا ھەی،کو خەلکەکێ قۆربانی دەرە و نێزیکی بۆچوونێن پارتییە، لێ لایەنەکێ دی ژی یێ ھەی ب ھەموو ھێزا خۆ دژی ھەر پرۆژەکێ پارتی رادوەستیت، ھەر چەندە کەسێن بێ ھێزن دناڤ ئێکەتیێ دا، لێ ل بەغدا باندۆرێ درۆست دکەن و کاریگەری ژی یا ھەی، ھەروەسا لایەنێن کوردی نە ئێک پارتن کو مرۆڤ بێژیت ئینشیقاق یا کەفتیە تێدا، لەورا ل ھندەک ھەلویستا ئەم ھەمی د ئێکگرتینە و ل ھندەکان ژی لایەنێن کوردی ل گۆرەی بەرژەوەندێن حزبێن خۆ تەماشە دکەن و ئەم د ئێکگرتی نینین.
زێدەباری وێ چەندێ دبێژیت: من باوەری نینە کو ئێکەتی و گۆران ل گەل پارتی رابوەستن ل ھەلویستێ ڤەکێشانا باوەریێ ژ ھشیار زێباری وەزیرێ دارایێ عێراقێ، لێ ئەو ھێرشێن دھێنە سەر پارتی، بۆ ھندێ نە وان دڤێن پارتی دوورپێچ بکەن د قۆلاچەکێ را، مەرەما وان ئەوە پارتی لاواز بکەن، لێ چو جاران پارتی لاواز نابیت، ھەر چەندە مە ل بەغدا ژی دۆستێن خۆ ژ دەست نەداینە.
رێناسی ئەو ژی گۆت: نوری مالکی خۆدانێ پرۆژەیەکێ یە دناڤ عێراقێ دا، وی دڤێت ڤێ پرۆسسا سیاسی ل عێراقێ ژناڤ ببەت، وی ب ھندێ دەستپێکر کو وەزیرێ ناڤخۆ دەست ژ کار بکێشیت و ھەروەسا متمانە ژ وەزیرێ بەرەڤانیێ خالد عۆبێدی ژی ستاند، دیسا د بەرنامێ وی دایە کو وەزیرێ دارایێ عێراقێ ھشیار زێباری متمانە ب رێیا پەرلەمانی ژێ بھێتە وەرگرتن، لدووڤ دا وی ل بەرە متمانێ ژ حەیدەر عەبادی ژی وەرگریت و ڤێ حوکمەتێ ب ھەرفینیت، داکو بشێت ئەجندایێن خۆ یێن تایبەت ب کاربینیت و جارەکادی ڤەگەریتە سەر کورسیێ دەستھەلاتێ ل عێراقێ، لەورا گۆڕان و ئێکەتی ژی بزاڤێ دکەن کو پشکک ژ ئەڤی پرۆژێ نوری مالکی د داھاتی دا بن.
ئەڤرۆ نیوز:
بەرپرسێ پەیوەندیێن دەرڤە یێن پارتیا دیمۆکراتی کوردستانێ بۆ ئاژانسا ئەنادۆل راگەھاند: ل دەمەکێ نێزیک، ئەنجامێن سەرەدانا مەسعوود بارزانی سەرۆکێ ھەرێما کوردستانێ بۆ تورکیا و ئورۆپا دێ دیاربن، ب تایبەتی ژی دیدار و کۆمبوونێن د ناڤبەرا بارزانی و بەرپرسێن بلند یێن تورکیا دا، و پەیوەندیێن د ناڤبەرا ھەردو ئالیان دا دێ بەر ب قوناغەکا باشتر چن.
ل دۆر سەرەدانا نێچیرڤان بارزانی سەرۆک وەزیرێن ھەرێما کوردستانێ بۆ بەغدا، ھێمن ھەورامی دیار کر، کو سەرەدانا سەرۆک وەزیرێن ھەرێمێ بۆ بەغدا، ژ بەر پرسێن پەترۆلا کەرکووکێ و رەوشا مووسلێ ل پشتی داعشێ بوو و دیتنێن ئەرێنی ژی ھەنە کو ل پاشەرۆژەکا نێزیک رەوشا ئابووری و سیاسی یا ھەرێمێ باشتر ببیت.
نيشاندان