ئهڤرۆ نیوز، نهوزاد هلۆرى
: گوندێ بهرچى یا سهر ب دهڤهرا نهێل ل سنوورێ ناحیا دێرهلووك ئێكه ژ وان گوندێن كوردستانێ كو ناڤداره ب كهلتوور و فولكلورى و ب كانیا فولكلورى دهێته هژمارتن و كومهكا سترانبێژێن مللى تێدا ههنه و پێكدهێن ژ ههردوو رهگهزان. ئهڤا ل خوارێ چهند سترانهكێن فولكلورى نه ب دهنگێ دوو ژ وان سترانبێژێن گوندێ بهرچى كو د كهش و ههوایهكێ ساردا و ل بهر سوپا داران دبێژن.
ئهڤرۆنیوز:
شارهزایهكێ سهقای یێ عیراقی پێشبینیا وێ چهندێ دكهت كو ل رۆژا ئهینی یا بهێت 4/1/2019 لههی ل چهند باژێرێن عیراقی رابیت.
مهحموود عهبدوللهتیف، شارهزایێ سهقای یێ عیراقی دیاركر” پێشبینی دهێته كرن ل رۆژا پێنجشهمبیا بهێت پێلهكا بارانێ یا ب هێز دێ ل رۆژئاڤایێ ئیرانێ بهر ب عیراقێ هێت ودێ بیته ئهگهرێ دروستبوونا لههیان ل باژێرێن كوت وعماره وبهدره”.
دهێته زانین بهری ههیڤ ونیڤان لههی ل چهند باژێر ودهڤهرێن عیراقی دروست ببوون وزیانێن مادی یێن مهزن ل دووڤ خوه هێلابوون وب دههان كهس ژی ببوونه قوربانی.
ئهڤرۆنیوز:
وهزارهتا ساخلهمیا عیراقێ راگههاند، ژ ئهنجامێ یاریێن ئاگری وتهقهكرنێ دچارچۆڤێ پێشوازیكرنێ ل سالا نوو، 104 كهس ل سهرانسهری وهلاتی بریندار بوون.
سهیف بهدر، پهیڤدارێ وهزارهتا ساخلهمیا عیراقێ د بهیاننامهكێ دا راگههاند” 47 كهس ژوێ هژمارێ ل بهغدا هاتینه تۆماركرن كو 10 ژوان ژ ئهگهرێ تهقهكرنێ بریندار بوون”.
دیاركر57 بریندارێن دی ل دهڤهرێن دی هاتینه تۆماركرن وئاماژهكر كو ئهڤه ئامارێن دهستپێكی نه وئهگهر یێ ههی هژمارا برینداران بلندتر ببیت”.
ئەڤرۆ نیوز:
راھێنەرێ یانا یوڤانتوس یا ئیتالی مسیمیلیانو ئەلێگری د دیدارەکێ دا دگەل رۆژنامەیا ریکورد یا پرتوگالی چەند بابەت بەحس کرن کو زێدەتر گرێدای کرستیانو رونالدوی بوون ستێرا یانێ و د ڤێ دیدارێ دا تنێ داخوازیەک ژ رونالدوی خواست.
زێدەتر د ڤێ دیدارێ دا راھێنەرێ ئیتالی دلخوشیا خوە ب ئاستیێ کرستیانو رونالدوی دیارکر کو گۆت: رونالدوی شیایە چەندین یاریان دا یانێ پێشبیخیت و سەرکەفتنان تومار بکەین و شیایە یانێ ب گەھینتە قوناغا شازدێ یا قارەمانیا ئوروپا قارەمانێن خولان و نوکە سەرکێشیا گۆلکارێن خولا ئیتالی دکەت ب ١٤ گۆلان و ئەڤ چەندە یا پێشبینی کری بوو ژ لایێ وی ڤە و نەیێ مەندەھوشم ژبەرکو یاریزانەکێ ستێرە.
ناڤھاتی ئەو چەندە ژی دیارکر یا سەرنجراکێش ئەوە کو رونالدو ھەردەم گیانێ ھەڤرکیێ ل دەف ھەیە د ھەموو کاودانان دا چ ل دەمێ یاریێ بیت یان د راھێنانان دا ببت و وەکریە ھەموو یاریزان د رژدبن ھەموو دەمان.
ل دووماھیێ دیارکر وی تنێ داخوازیەک ژ رونالدوی ھەیە ئەو ژی زێدەتر گۆلان توماربکەت بۆ یانێ ل یاریێن بھێت دا تایبەت د قارەمانیا ئوروپا دا ژ بەرکو رونالدو یێ بەرنیاسە ھەر دەم د قارەمانیا ئوروپا دا ئاستەکێ باش پێشکێش دکەت.
ئەڤرۆ نیوز، زنار تۆڤی:
د ددهمێ چەند دەمژمێرێن بۆری دا پێلەکا سەرمایێ دەڤەرا کانی ماسێ ڤەگرتیە و د ئەنجامدا رێژەکا باش یا بەفرێ ل سەنتەرێ ناحیا کانی ماسێ وگوندێن بناڤيێ و سەرزێری باریە و نوکە رێيێن هاتنوچوونێ ب زەحمەت کەفتینە و رێيێن چەندین گوندان ژی هاتینە گرتن.
سەربەست سەبری ئاکرەیی، رێڤەبەرێ ناحیا کانی ماسێ بۆ ئەڤرۆ نیوز دیارکر: ل شەڤا بۆری رێژەکا باش یا بەفرێ ل سنۆرێ ناحیا کانی ماسێ باریە و هەتا نوکە 85 سم بەفرێ ل سەنتەرێ ناحیا کانی ماسێ بارینە و ل دەرگەهێ سنورى يێ سەرزێری ژی مترهك و40 سم بەفرێ بارینە و بلندترین رێژا بارینا بەفرێ ل گوندێ بناڤیێ باریە و هەتا نوکە مترهك و45 سم بەفرێ لێ بارینە.
ئهڤرۆنيوز:
سهرۆك مهسعود بارزانى، ئهڤرۆ دوشهمبى 31/12/2108 پهيامهك ب ههلكهفتا هاتنا سهرێ سالا نوو 2019 بهلاڤكر.
سهرۆك بارزانى دپهياما خوه دا دبێژيت” ب ههلكهفتا سهرێ سالا نوو پيرۆزباهيێ ل خهلكێ كوردستانێ وكهسوكارێن سهربلندێن شههيدان وپێشمهرگێن قههرهمان دكهم، هيڤيدارم سالا نوو دهستپێكا قۆناغهكا نوو بيت بۆ باشتربوونا ژيانا خهلكى وپهيدابوونا سهقامگيريێ وپێشكهفتنا زێدهتر بۆ گهلێ مه”.
سهرۆك بارزانى گۆت ژى”ب پێدڤى دزانم سۆپاسيێن خوه ئاراستهى هێزا پێشمهرگهى وههموو خهلكێ كوردستانێ بكهم كو ل سالێن بۆرى ب قوربانيدان وخوهراگريێ، ل بهرانبهر گهفان وتيرۆرێ ودۆرپێچى راوهستياين ودهنگێ رهوا وئاشتيخوازانه يێ خوه گههانده ههموو جيهانێ و ل سهر پيلان وحهزێن نهياران دا ژى ب سهركهفتن”.
گۆت ژى”نوكه گهلێ مه دقۆناغهكا نوو دايه وپێدڤى ب پاراستنا هستكهفتان وب هيزبوون وڤهژاندنێ يه، ئهوژى بۆ گههشتن ب ئارمانجێن بلند وئهو بهايێن بلند كو گهلێ مه دههان سالان خهبات ژبۆ كريه وقوربانى داين، ل ههيڤا ئهيلوولا بۆرى ژى دا گهلێ كوردستانێ دپرۆسهكا ديموكراتى دا حهزا خوه بۆ گوهۆرينێ وكوردستانهكا ب هێز دووپاتكر وپێدڤيه ئهو حهز وباوهريا گهلى دچارچۆڤێ حوكمهتهكا كارا وب هێز دا بهێته بجهئينان”.
سهرۆك بارزانى دپهياما خوه دا دياركر” ب دهليڤه دزانم كو ل دۆر چارهنڤيسێ گهلێ كورد ل سووريێ دلگرانيا خوه رابگههينم، هيڤيدارم پێشهاتێن سووريێ وئهو گوهۆرينێن ل وێرێ دهێنه ههين نهبنه ئهگهرێ ئازار وئاوارهبوون ونههامهتيا زێدهتر بۆ گهلێ كورد ل سووريێ، ب پشت راستى ڤه ههبوونا توندوتيژيێ وئينكاركرنێ دێ كێشان گهلهك ژ يێن نوكه ههين كوورتر لێ كهت”.
ئەڤرۆ نیوز ، عەلی حاجی
ل دووڤ ئامارەكا پشكا هاتنوچوونا زاخۆ ، دسالا 2018 دا ل سنورێ قەزا زاخۆ 225 روودانێن هاتنوچوونێ پەیدا بوینە دئەنجامێ وان روودانان دا 147 كهس بریندار بوینە و 24 كەسان گيانێ خوه ژدهست دايه.
كۆمیسەر بەشیر يوسف، ژ راگەهاندنا هاتنوچوونا زاخۆ بۆ ئەڤرو نیۆز گۆت : ژ سەرجەمێ وان روودانان 133 لێكدان بووینە و 12 وەرگەریان و 9 ترومبێل سوتینە و 41 لێدان بووینە كو تێدا 147 كەس ژ رەگەزێ نێر و مێ بوینە و روودانێن ئەڤ سالە گەلەك كێمتر بووينه ژ سالێن بۆری ل سنورێ قەزا زاخۆ .
ناڤبری خویا كر : ل سنورێ رێڤەبەریا مە 1788 دەستویریێن گشتی و 2030 تایبەت ب هاولاتیان هاتینە دان ، هەر دیسان دەستویری ب 464 ئاڤرەتا و 39 بەلگەنامە و 24 ئامیرێن گران و 3 گشتوكال و 23 ماتورسكل ب هاولاتیان هاتینە دان و 3045 دەستویریێن گشتی و 3782 تایبەت و 26 بەلگەنامە و 22 ئامیرێن گران و 13 كشتوكال و 3 ماتورسكل و 1083 بارهەلگر و 369 تەكسی دەستوری ل هوبا توماركرنێ هاتینە نووكرن .
ئهڤرۆ نيوز، نيوار محهمهد سهليم:
زهلامهكێ پير، دهستهكێ جلكێن سۆر يێن ل بهر، ريهـ و سمبێلێن وى د سپى نه، گوونيهك يێ ل سهر ملێ وى و يێ پڕه ژ دياريان، مهزن و بچووك ل درهنگيا دووماهى شهڤ ژ سالێ، دا كو دياريان بۆ وان ببهت و پێكڤه بخێرهاتنا سالا نوو بكهن، ل هندهك وهلاتان ب “بابا نوێل” و ل هندهك جهان ژى ب “سانتا كلۆز” دهێته هژمارتن، بهلێ ناڤێ وى يێ دروست “قهشه نيكولاس”ه. هندهك وهسان باوهر ناكهن كو ئهو راستيه و چيرۆك يا ههى و نه چيرۆكهكه هاتينه چێكرن وهكو سهرهاتى و چيرۆك و فلم.
ل خوارێ مه بۆ ههوهيێن هێژا 8 راستى ل سهر بابا نوێل يێ راستى يێن بهرچاڤ كرين:
ئەڤرۆ نیوز ، عەلی حاجی:
ل دویڤ ئامارەکا رێڤەبەریا پشکا ھاتن و چوونا زاخۆ ، دسالا ٢٠١٨ دا ل سنورێ قەزا زاخۆ ٢٢٥ روودانێن ھاتن و چوونێ پەیدا بوینە دئەنجامێ وان روویدانا دا ١٤٧ بریندار بوینە و ٢٤ کەس گیانێ خوە ژدەست دایە .
کومیسەر بەشیر یوسڤ ژ راگەھاندنا ھاتن و چوونا زاخۆ بۆ ئەڤرو نیۆز گوت : ژ سەرجەمێ وان روویدانان ١٣٣ لێکدان بووینە و ١٢ وەرگەریان و ٩ ترومبێل سوتینە و ٤١ لێدان بوینە کو تێدا ١٤٧ کەس ژ رەگەزێ نێر و مێ بوینە و روویدانێن ئەڤ سالە گەلەک کێمتر بوینە ژ سالێن بوری ل سنورێ قەزا زاخۆ .
ناڤبری ئەڤ چەندە خویا کر ل سنورێ رێڤەبەریا مە ١٧٨٨ دەستویریێن گشتی و ٢٠٣٠ تایبەت ب ھاولاتیان ھاتینە دان ، ھەر دیسان دەستویری ب ٤٦٤ ئافرەتان و ٣٩ بەلگەنامە و ٢٤ ئامیرێن گران و ٣ کشتوکال و ٢٣ ماتورسکل ب ھاولاتیان ھاتینە دان و ٣٠٤٥ دەستویریێن گشتی و ٣٧٨٢ تایبەت و ٢٦ بەلگەنامە و ٢٢ ئامیرێن گران و ١٣ کشتوکال و ٣ ماتورسکل و ١٠٨٣ بارھەلگر و ٣٦٩ دەستووریێن تەکسیا ل ھوبا تومارکرنێ ھاتینە نووکرن.
نيشاندان